- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەگىنشى-مالشىلاردىڭ كىسى باسىندىق ورتاشا كىرىسىنىڭ ارتۋ مولشەرى ەلىمىز بويىنشا الدىڭعى قاتارعا ءوتتى
2013.12.19 08:14 كەلۋ قاينارى : شينجياڭ حالىق راديو ستانسياسى تورابى
جىل سوڭىنا تاياپ قالدى، بۇراتالا قالاسىنىڭ ديحانى ۋاڭ حايجۇننىڭ كىرىسى ونى ايرىقشا قۋانتتى، بيىل ول وزگەلەرمەن سەرىكتەسىپ 4 ميلليون 700 مىڭ يۋاندىق يمپورت ەتىلگەن بۇكىلدەي اۆتوماتتى ماقتا تەرۋ ماشيناسىن ساتىپ الىپ، تازا كىرىسى 2 ميلليون يۋانعا تاياۋىنان ءۇمىت زور بولدى. ول: «ماقتا تەرۋ ماشيناسى ءبىر تاۋلىكتە 600 مۋدان استام جەردەگى ماقتانى تەرە الادى، وسىلايشا ەسەپتەگەندە ماقتا تەرۋ ماشيناسى 12 مىڭ مۋ جەردەگى ماقتانى تەرەدى، ءبىز 3 جىلدا ماشينا اقىسىن شىعارىپ الماقشىمىز» دەدى.
بيىل ۋاڭ حايجۇن سياقتى ءونىمى مەن كىرىسى ارتقان ەگىنشى-مالشىلاردىڭ سانى از بولمادى، 2012-جىلى شينجياڭداعى اۋىل-قىستاق تۇرعىندارىنىڭ كىسى باسىندىق تازا كىرىسىنىڭ ارتۋ قارقىنى ەلىمىز بويىنشا ەڭ الدىڭعى ورىنعا شىققاننان كەيىن، بيىل الدىڭعى ءۇش توقساندا، رايونىمىزدىڭ ەگىنشى-مالشىلارىنىڭ كىسى باسىندىق ناق اقشا كىرىسى 5 مىڭ 893 يۋان بولىپ، %14.4 ارتىپ، ارتۋ مولشەرى ەلىمىز بويىنشا الدىڭعى قاتاردا بولدى.
سانجى وبلىسىندا وتىرىقتانعاننان كەيىنگى مالشىلار وسىزامان مال شارۋاشىلىعىن دامىتۋ ارقىلى كىرىستەرىن ارتتىردى.
بىرنەشە كۇننەن بەرى، قۇتىبي اۋدانى تاسباسبالداق اۋىلى قوستوبە جاڭا قىستاعىنداعى مالشىلاردىڭ وتىرىقتانۋ ورنىندا، قوڭىر ءدوڭ جەم-ءشوپ زاپاس ساقتاۋ بىرىگىپ باسقارۋ سەلبەستىك كوپەراتيۆىنىڭ باس القاسى قۇسمان سارىباي ۇلى اسىل تۇقىمدى مال ەنگىزىپ، وسى قىستا سەلبەستىك كوپەراتيۆىندەگى مالدى اسىلداندىرۋعا كىرىسكەن ەكەن. ول تىلشىگە: «بيىل سەلبەستىك كوپەراتيۆى جۇمىس ءبولىسىپ سەلبەسۋ، سىرتقا شىعىپ جۇمىس ىستەۋ ارقىلى كىسى باسىندىق ورتاشا كىرىستى 11 مىڭ يۋاننان اسىردى. بيىل جايلىمگە، مالعا جارنا قوسىلدى. سەلبەستىك كوپەراتيۆىندە 15 وتباسى، 78 ادام بار، قازىر 7، 8 ادام سەلبەستىك كوپەراتيۆىنىڭ جۇمىسىن بىتىرە الادى، قالعان ارتىق ەڭبەككۇشتەر سىرتقا شىعىپ جۇمىس ىستەپ كىرىس كىرگىزەدى» دەدى.
مۇنان تىس، سوڭعى جىلدارى تيانشاننىڭ وڭتۇستىگى مەن سولتۇستىگىندەگى 20 ميلليون مۋدان استام جەرگە ەگىلگەن ەرەكشە جەمىس اعاشى قازىر جەمىس بەرۋ مەزگىلىنە ءوتىپ، ءار ۇلت ەگىنشى-مالشىلارىنىڭ كىرىسىن مولايتا ءتۇستى.
كۇنەس اۋدانى قارابۋرا قالاشىعىنان ونەتىن شاپتول ۇلكەن ءارى قابىعى جۇقا، سۋ قۇرامى مول، ءدامدى بولۋمەن تانىلدى، بيىل ساۋىردە قارابۋرا شاپتولى مەملەكەتتىڭ «اۋىل شارۋاشىلىق ونىمدەرىنىڭ جاعىراپيالىق بەلگىسىن تىزىمدەۋ كۋالىگىنە» يە بولىپ، كۇنەس اۋدانى بويىنشا وسى بەلگىگە يە بولعان تۇڭعىش ونىمگە اينالدى. ماركا ىقپالىنىڭ كۇشەيۋىندە، جەمىس ەگەتىن ديحانداردىڭ تۇرمىسى بارعان سايىن جاقساردى. ليۋ ايچيڭ قارابۋرا قالاشىعى كەمەاۋزى قىستاعىنىڭ ديحانى، 2002-جىلدان باستاپ جەمىس اعاشىن ەگۋدى باستاعاننان قازىرگە دەيىن ونىڭ جەمىس باقشاسى 150 مۋعا كەڭەيىپ، جىلدىق تازا كىرىسى 80 مىڭ يۋانعا جەتتى. قازىر ول جاڭا ءۇي سالىپ، جەڭىل اۆتوموبيل ساتىپ الدى. ول: «جەمىس اعاشى كاسىبىنىڭ باۋراۋىندا ءار جىلى وسى اراعا كەلەتىن ساۋداگەرلەر بارعان سايىن مولايۋدا، جىلدىق كىرىس بىرتىندەپ ارتۋدا، بۇل بۇقارا جونىنەن اسا زور شابىت، كەلەر جىلى سىرت اۋداننان تاعى دا جەردى كوتەرمەگە الىپ وسى كاسىپتى دامىتپاقشىمىن»،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
