- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەگيپەتتىڭ الدىنداعى ءۇش وتكەل
2013.12.20 16:13 كەلۋ قاينارى : ءتاڭىرتاۋ تورابى
16 - جەلتوقسان كۇنى ەگيپەت وتپەلى ۇكىمەتىنىڭ زۇڭليى بەبوراۆي ولكە باستىقتارىنىڭ باسىن قوسىپ ءماجىلىس اشىپ، نەگىزگى زاڭدى جالپى حالىقتىق داۋىسقا سالۋدىڭ ءتۇرلى دايىندىق قىزمەتتەرىن تالقىلادى جانە ورنالاستىردى. 14 - جەلتوقسان كۇنى ۋاقىتشا زۇڭتۇڭ ءمانسۇر جاڭا نەگىزگى زاڭ جوباسىنىڭ كەلەر جىلى 14 - ، 15 - قاڭتار كۇندەرى جالپى حالىقتىق داۋىسقا سالىناتىنىن جاريالاعاننان كەيىن، ەگيپەت جالپى حالىقتىق داۋىسقا سالۋعا اتتانىسقا كەلتىرۋدىڭ دابىلىن قاقتى.
قازىرگى جاعدايدان قاراعاندا، ەگيپەتتىڭ ساياسي وتپەلى كەزەڭى نەگىزگى زاڭدى جالپى حالىقتىق داۋىسقا سالۋ، پارلامەنت سايلاۋى جانە زۇڭتۇڭ سايلاۋى سىندى 3 ۇلكەن وتكەلدەن ءوتۋ كەرەك. نەگىزگى زاڭدى جالپى حالىقتىق داۋىسقا سالۋ ءبىرىنشى ۇلكەن وتكەل، سونداي - اق ەگيپەت بيلىك باسىنداعىلارىنىڭ بيلىك جۇرگىزۋ قابىلەتىن تەكسەرەتىن ەڭ ۇلكەن سىن. ەگەر بۇل وتكەلدەن ءساتتى وتە السا، الداعى ەكى وتكەلدەن ءساتتى وتۋگە تاماشا نەگىز قالايدى.
بيىل 3 - شىلدەدە، ەگيپەت ارمياسى شەكتى مەرزىمدە بۇكىل ەل بويىنشا راقايلاسۋدىڭ ىسكە اسپاعانىن سىلتاۋراتىپ، سول كەزدەگى زۇڭتۇڭ مورسيدى مىندەتىنەن قالدىرعان ءارى 2012 - جىلدىڭ اياعىندا ماقۇلدانعان نەگىزگى زاڭدى اتقارۋدى ۋاقىتشا توقتاتقان بولاتىن. ارميا جاريالاعان «وتپەلى كەزەڭ باعدارلاماسى» بويىنشا، ەگيپەت «50 ادامدىق كوميسسيا» ۇيىمداستىرىپ، 2012 - جىلعى نەگىزگى زاڭعا وزگەرىس ەنگىزدى ءارى جاڭا نەگىزگى زاڭ جوباسىن جاسادى. جاڭا نەگىزگى زاڭ جالپى حالىقتىق داۋىسقا سالىنعاننان كەيىن عانا، جاڭا پارلامەنت سايلاۋى مەن زۇڭتۇڭ سايلاۋى وتكىزىلەدى.
نەگىزىنەن مۇسىلمان باۋىرلاستار قوعامىنىڭ جەتەكشىلىگىندە دايىندالعان ەگيپەتتىىڭ 2012 - جىلعى نەگىزگى زاڭى العا قويىلعاننان باستاپ - اق «ىسلامدىك ءتۇسى تىم قويۋ»، «زۇڭتۇڭنىڭ ۇقىعىن شەكتەن تىس قورعاعان» دەگەن سياقتى جازعىرۋلارعا ۇشىراپ، زايىرلى توپ پەن ەركىنشىلدەردىڭ كۇشتى قارسىلىعىنا ۇشىراعان. وسى ايدىڭ باس شەنىندە ماقۇلدانعان جاڭا نەگىزگى زاڭ جوباسىندا تالاس - تارتىس تۋدىرعان ءىشىنارا تارماقتارعا وزگەرىس ەنگىزىلىپ، زايىرلى توپ پەن ەركىنشىلدەر مۇنى قارسى الدى.
جاڭا نەگىزگى زاڭدى تانىستىرۋ، جالپى حالىقتىق داۋىسقا سالۋعا جاعداي جاراتۋ ءۇشىن، «50 ادامدىق كوميسسيانىڭ» ءتوراعاسى، اراب ەلدەرى وداعىنىڭ بۇرىنعى باس حاتشىسى مۇسا مەملەكەتتىك ينفورماتسيالىق قىزمەت كورسەتۋ مەكەمەسىندە كولەمدى تىلشىلەردى قابىلداۋ ءماجىلىسىن وتكىزىپ، قاتىستى مازمۇندار جونىندە ءار ەل اقپارات قۇرالدارىنىڭ سۇراۋىنا جاۋاپ بەردى. جاڭا نەگىزگى زاڭ جوباسىندا ەگيپەتتىڭ زايىرلى ەل ەكەنى، بيلىك باسىنداعىلار بولسىن، الدە ۇكىمەت بولسىن، بارلىعى زايىرلى قۇندىلىقتاردى ۇستاناتىنى بەلگىلەنگەن.
جاڭا نەگىزگى زاڭ جوباسى جاريالاعاننان كەيىن، ەگيپەتتەگى كوپتەگەن ادام مەن ءىشىنارا ىقپالدى تۇلعالار مۇنى جاپا - تارماعاي قولدادى. مۇنىڭ 4 ءتۇرلى سەبەبى بار: ءبىرىنشى، جاڭا نەگىزگى زاڭنىڭ شىعارىلۋى جانە ماقۇلدانۋى ەگيپەتتىڭ اۋمالى - توكپەلى جاعدايدان تەزىرەك قۇتىلۋىنا، قوعام ورنىقتىلىعىن قالپىنا كەلتىرۋىنە، ەكونوميكانى قايتا سەرپىلتۋگە قاجەتتى جاعداي ازىرلەۋگە پايدالى. ەكىنشى، كوپتەگەن ادام جاڭا نەگىزگى زاڭنىڭ باۋىرمالدىعى كۇشتى، حريستيان دىنىنە سەنەتىن كوپتيكتەر مەن كەدەيلەردىڭ دە تالاپ - تىلەكتەرى بەلسەندى تۇردە ەسكەرىلگەن، كىسىنى رازى ەتەرلىك نەگىزگى زاڭ دەۋگە بولادى دەپ ەسەپتەدى. ءۇشىنشى، ءبىر ءبولىم ادامدار جاڭا نەگىزگى زاڭنىڭ كەي جەرلەرىنە كوڭىل تولماعانىمەن، جالپى جاقتان العاندا ەگيپەتتەگى باسىم كوپ ساندى ادامنىڭ ۇقىعىن بەينەلەگەنىن اشىق ايتتى. جاڭا نەگىزگى زاڭنىڭ مۇلتىكسىز بولا قويۋى ناعايبىل، كەيبىر تارماقتارىنا الدا تاعى دا وزگەرىس ەنگىزۋگە بولادى. ءتورتىنشى، زايىرلى توپتى قولدايتىن ادامدار جاڭا نەگىزگى زاڭ 2102 - جىلعى نەگىزگى زاڭنىڭ وزگەرىس ەنگىزىلگەن نۇسقاسى ەكەنىن، الدەقايدا تەڭ، ءادىل جانە وبيەكتيۆ بولعانىن ايتتى.
دەگەنمەن، ەگيپەتتەگى ءار سالا جاڭا نەگىزگى زاڭ جوباسىن تەگىس قۇپتاي قويمادى، قوعامدىق ساياسي توپتاردىڭ اراسىنداعى الاۋىزدىقتاردى دا ءبىر نەگىزگى زاڭنان پايدالانىپ جويۋ مۇمكىن ەمەس. ماسەلەن، جاڭا نەگىزگى زاڭداعى قورعانىس مينيسترىنىڭ كانديداتىن ەڭ جوعارى اسكەري كوميتەت ماقۇلداۋ، اسكەري سوتتىڭ بۇقارانى تەرگەۋىنە رۇقسات ەتۋ سياقتى تارماقتارعا بايلانىستى، كوپتەگەن ادام ارميانىڭ «ۇقىق كولەمىن كەڭەيتپەك» بولعانىن سىندادى. بۇدان سىرت، مۇسىلمان باۋىرلاستار قوعامى سياقتى ءىسلام كۇشتەرى جاڭا نەگىزگى زاڭدى جالپى حالىقتىق داۋىسقا سالۋعا قارسى تۇرۋعا ۇندەدى، كەي ۇشقارىلار جاڭا نەگىزگى زاڭنىڭ ماقۇلدانۋىنا كەدەرگىلىك جاساۋ ءۇشىن، ءبۇلدىرۋ ارەكەتتەرىن ۇدەتە ءتۇستى.
ەگيپەتتەگى داۋىس بەرۋ ۇقىعى بار ازاماتتاردىڭ اراسىندا جاستار %65تى يەلەيدى. ولاردى جالپى حالىقتىق داۋىسقا سالۋعا بەلسەندىلىكپەن قاتىناسۋعا جانە جاڭا نەگىزگى زاڭدى قولداۋعا تارتۋ ماقساتىندا، مۇسا 71 - جەلتوقسان كۇنى جاستاردىڭ ۋاكىلدەرىمەن اڭگىمەلەستى. جالپى حالىقتىق داۋىسقا سالۋدىڭ حاۋىپسىزدىگىنە كەپىلدىك ەتۋ ءۇشىن، ەگيپەتتىڭ ىشكى ىستەر مينيسترلىگى 200 مىڭ ساقشى شىعارىپ اماندىقتى قورعايدى، باقىلاۋ جۇمىستارىنا 14 مىڭ سۋديا قاتىناسادى. 20 - جەلتوقساننان باستاپ، بارلىق ساقشى دەمالىستى دوعارا تۇرىپ، اماندىقتى قورعاۋ قىزمەتىنە بار كۇشپەن كىرىسەدى. شينجياڭ گازەتى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
