- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعى گۇلى ماڭگى شەشەك اتا بەرسىن
2014.05.05 13:18 كەلۋ قاينارى : ءتاڭىرتاۋ تورابى
مامىر ايى كوكتەم لەبىن اكەلدى. بيىلعى مامىر − اۆتونوميالى رايوننىڭ 32 - رەتكى ۇلتتار ىنتىماعى تاربيە ايى. 30 - ساۋىردە ءۇرىمجى وڭتۇستىك پويەز ۆوكزالىندا زورلىقتى كۇش لاڭكەستىك سيپاتىنا يە جارىلىس دەلوسى تۋىلدى. وقيعادان كەيىن باس شۋجي شي جينپيڭ «ءسوز جوق، پارمەندى شارالار قولدانىپ، زورلىقتى كۇش لاڭكەستەرىنىڭ ساعىن سىندىرىپ، اپتىعىن باسۋ كەرەك» دەپ نۇسقاۋ بەردى. وسى جولعى قاندى وقيعا بىزگە «ءۇش ءتۇرلى كۇش» ۇلتتار ىنتىماعىن بۇلدىرۋگە قانشالىق سۇقتانعان سايىن، ءبىز ۇلتتاردىڭ ۇلى ىنتىماعى ۇلى تۋىن سونشالىق بيىك كوتەرىپ، وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋدىڭ قۇرىش قورعانىن قۇرىپ شىعۋىمىز كەرەكتىگىن ۇعىندىردى.
«56 ۇلت 56 شوق گۇل سەكىلدى، تىلەگىمىز ماڭگىگە ءبىر سەكىلدى» دەگەن بەلگىلى ءان سوزىندە ايتىلعانداي، بۇگىنگى تاڭدا «حانزۋلار از ۇلتتاردان، از ۇلتتار حانزۋلاردان ايرىلا المايدى، از ۇلتتار دا ءبىر - بىرىنەن ايرىلا المايدى» دەگەن تانىم شينجياڭداعى ءار ۇلت حالقىنىڭ جۇرەگىنە تەرەڭ ۇيالادى، ۇلتتار ىنتىماعى شينجياڭنىڭ دامىپ العا باسۋىنىڭ، ۇزدىكسىز كوركەيىپ - گۇلدەنە بەرۋىنىڭ ارقاۋىنا اينالدى.
ۇلتتار ىنتىماعىنىڭ شينجياڭدا تەرەڭ تاريحي قاينارى جانە كەڭ كولەمدى رەال نەگىزى بار. سان عاسىردان بەرى شينجياڭداعى ءار ۇلت حالقى بەرەكە - بىرلىكتە بولىپ، شينجياڭدى بىرگە كوركەيتىپ، گۇلدەندىرىپ، جۇڭحۋا ۇلتىنىڭ العا باسۋىن بىرگە جەبەپ، ءبىر انادان تۋعانداي باۋىرلاسىپ، قاۋىمداسىپ، تىرشىلىك وتىن مازداتىپ كەلەدى، بۇل ۇلتتار ىنتىماعىنىڭ، دوستىعىنىڭ ارقاسى. تىنىستاس، تاعدىرلاس، جۇرەكتەس بولۋىمىز دا ۇلتتار ىنتىماعىنىڭ، دوستىعىنىڭ ناتيجەسى؛ قايىسپاي كۇرەس جۇرگىزىپ، جارقىن مەكەن قۇرۋىمىز دا ءار ۇلت حالقىنىڭ ىنتىماعى مەن تاتۋلىعىن تىرەك ەتكەن. رەفورما جاساپ، ەسىك اشقاننان، اسىرەسە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، ورتالىقتىڭ جانە بۇكىل مەملەكەتتەگى جەر - جەردىڭ شينجياڭعا باعىتتامالى كومەكتەسۋىنىڭ بارىنشا دەمەۋىندە، شينجياڭ بارلىق ۇلت بارىنشا ىنتىماقتاسىپ، قاتار وركەندەۋدىڭ قۇدىرەتتى كۇشىن توعىستىردى، سونىمەن شينجياڭنىڭ تۇستىگى مەن تەرىستىگىندە جارقىن وزگەرىستەر جارىققا شىعىپ، حالىق تۇرمىسى تاريحتاعى ەڭ جاقسى كەزەڭگە ءوتتى. الايدا «ءۇش ءتۇرلى كۇش» جەڭىلىسىنە مويىنسال بولماي، ۇشقارى ءدىني يدەيالاردى ۋاعىزداپ، ورايدى قۇر جىبەرمەي، قانقۇيلى لاڭكەستىك ارەكەتتەر تۋدىرىپ، ارازدىق پەن بىلىقپالىققا جەل بەرىپ، ۇلتتاردىڭ اراسىنا قاعىپ، بەرەكە - بىرلىگىن ءبۇلدىرىپ، وتاندى بولشەكتەۋ نيەتىنە جەتپەك بولىپ وتىر، ءبىز ولاردى استە ىرقىنا جىبەرە المايمىز. «ءۇش ءتۇرلى كۇش» ۇلتتار ىنتىماعىن بۇلدىرۋگە سۇقتانعان سايىن، ءبىز قوعام ورنىقتىلىعى مەن باياندى تىنىشتىقتى باستى نىسانا ەتىپ، پارتيانىڭ ۇلت ساياساتىنا، ۇلتتىق تەرريتوريالى اۆتونوميا تۇزىمىنە، ۇلتتاردىڭ بىرگە كۇرەس جۇرگىزۋ، ورتاق كوركەيىپ - گۇلدەنۋ بەتالىسىنا باستان - اياق تاباندى بولۋىمىز كەرەك.
ۇلتتار ىنتىماعى − شينجياڭداعى ءار ۇلت حالقىنىڭ تاتۋ - ءتاتتى، بەرەكەلى ءومىر ءسۇرۋىنىڭ كۇرە تامىرى، شينجياڭدا ورنىقتىلىقتى قورعاۋدىڭ ءتۇبىرلى تالابى جانە ۇزاق ۋاقىتتىق باياندى تىنىشتىقتىڭ تۇبەسەلى كەپىلى. سوندىقتان ۇلتتار ىنتىماعىن كوز قاراشىعىنداي قورعاۋ ءاربىر ازاماتتىڭ سانالى تۇردە ارقالاۋعا ءتيىستى قاسيەتتى بورىشى. جاڭا جاعدايدا، «ءۇش ءتۇرلى كۇشتىڭ» سۇرقيا دامەسىن جەر قاپتىرۋ ءۇشىن، ۇلتتاردىڭ ىنتىماعى جونىندەگى تاربيەنى كۇشەيتۋدىڭ ءمانى مەن قاجەتتىلىگى ءارقانداي كەزدەگىدەن دە ماڭىزدى بولىپ وتىر.
باس شۋجي شي جينپيڭنىڭ «شينجياڭ ماسەلەسىندە، ەڭ قيىن، ەڭ تۇبەگەيلى ماسەلە ۇلتتار ىنتىماعى ماسەلەسى»، «شينجياڭداعى ەڭ كەلەلى بۇقارالىق قىزمەت − ۇلتتار ىنتىماعى مەن ءدىن جاراسىمدىلىعى» دەگەن سياقتى ماڭىزدى بايىمداۋلارىن تەرەڭ ءتۇسىنىپ، شينجياڭنىڭ ءىس جۇزىندىك جاعدايىنا ۇشتاستىرىپ، بۇقارالىق قىزمەتتى باسشىلىققا الۋدان جازباي، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى ارقىلى پارتيانىڭ ۇلت، ءدىن نازارياسى مەن ءدىن ساياساتى جونىندەگى تاربيەنى ىشكەرىلەي ورىستەتىپ، «جيھاد اشىپ، ءدىن جولىندا شەيت بولعاندار جانناتقا كىرەدى» دەگەن سياقتى ساندىراقتاردىڭ كۇلمەتىن اشىپ، ءار ۇلت جۇرتشىلىعىن ءتۇرلى تار ءورىستى ۇلتتىق تانىمعا سانالى تۇردە قارسى تۇرۋعا جەتەكتەپ، ۇلتتىق بولشەكتەۋشىلىككە باتىل قارسى تۇرىپ، مەملەكەت تانىمىن، زاڭ تانىمىن، ازاماتتىق تانىمدى جانە ءداۋىر تانىمىن ۇزدىكسىز كۇشەيتىپ، ۇشقارىلىققا بار كۇشپەن قارسى تۇرىپ، دىندەر جاراسىمدىلىعىن ىلگەرىلەتۋ كەرەك.
«ۇلى وتاندى ءسۇيىپ، مەكەندى كوركەيتۋ» تاقىرىبىنداعى تاربيە قيمىلىنىڭ جەتىستىگىن ۇزدىكسىز بەكەمدەپ، سوتسياليستىك وزەكتى قۇن كوزقاراسى جانە شينجياڭ رۋحى جونىندە تىڭعىلىقتى، ءونىمدى ۇگىت - تاربيە جۇرگىزىپ، ماركستىك «بەس كوزقاراس»، «ءتورت تانىم»، شينجياڭنىڭ «ءۇش تاريحى»، «ءۇشتىڭ ءبىر - بىرىنەن ايرىلا الماۋى» جانە قاتىستى زاڭ - ەرەجەلەر جونىندەگى ورتاق يدەيانى كۇشەيتىپ، وسى زامانعى مادەنيەت ارقىلى جەتەكتەۋگە كۇش سالىپ، ۇلتتاردىڭ بارىس - كەلىس، اۋىس - كۇيىس جاساسۋىن، توعىسۋىن جانە ءبىر - بىرىنە سەنىم ارتۋىن، ءبىرىن - ءبىرى ءتۇسىنۋىن، ءبىر - بىرىنە باۋىرمال بولۋىن، ءبىرىن - ءبىرى قادىر تۇتۋىن ىلگەرىلەتىپ، ءار ۇلت كادر - جۇرتشىلىعىن پارتيا مەن ۇكىمەتتىڭ قامقورلىعىن شينجياڭدى گۇلدەندىرىپ، وتان ءۇمىتىن اقتاۋدىڭ ءىس جۇزىندىك ارەكەتىنە اينالدىرۋعا جەتەكتەپ، «مەنىڭ دە قولىمنان كەلەدى» جانە «قۇلشىنعاندا عانا وزگەرتۋگە بولادى، قۇلشىنساق بولعانى وزگەرتە الامىز» دەگەن سۋبيەكتتىك تانىمدى ءداۋىردىڭ پارمەندى ۇنىنە اينالدىرىپ، ىنتىماقتاسا ۇلەس قوسىپ، جارقىن تۇرمىسقا جول اشۋ كەرەك.
ىرىس الدى ىنتىماق، ىنتىماق − كۇش، ىنتىماق − ءۇمىت، ىنتىماق − جەڭىس. بۇگىنگى تاڭدا جۇڭحۋا ۇلتى جالىندى جىگەرمەن ۇلى گۇلدەنۋدىڭ جارقىن بولاشاعىنا ارشىندى قادام تاستادى، شينجياڭنىڭ دامۋى دا ىلۋدە ءبىر كەزدەسەتىن ورايعا ءدوپ كەلدى. ۇلتتى كوركەيتۋدىڭ قاسيەتتى بورىشى ءار ۇلتتى جۇدىرىقتاي جۇمىلدىرىپ، ءار ادامنىڭ تاعدىرىن مەملەكەتتىڭ تاعدىرىمەن تىعىز بىرلەستىرىپ وتىر. بارلىعىمىز بىردەي بەرەكە - بىرلىكتى دارىپتەپ، جاراسىمدىلىقتى جەبەپ، ءبىر جەڭنەن قول، ءبىر جاعادان باس شىعارىپ، جاپادا دا، راقاتتا دا بىرگە بولساق، ءسوز جوق، ءتۇرلى قيىنشىلىق پەن سايىستى جەڭىپ، جۇڭگو ارمانىنىڭ شينجياڭ تاراۋىن التىن ارىپتەرمەن جازىپ شىعامىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
