- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قوي باعاسى نەلىكتەن ارزاندادى؟
2014.10.23 16:08 كەلۋ قاينارى : شينجياڭ حالىق راديو ستانسياسى تورابى
دۇنيدەگى ىستەر شىنىندا عاجايىپ، بيىل، رايونىمىزدا قوي باعاسى ارزانداپ، قالىڭ تۇتىنۋشىلار ءۇشىن ۇلكەن قۋانىش بولسا، ول كەرىسىنشە شوپانداردى قايعى-مۇڭعا باتىردى. تەكسەرۋگە قاراعاندا، بيىل شىلدە ايىنان بەرى قوي باعاسى بىلتىرعى سول تۇستاعىدان جاپپاي ارزانداعان. مۇنداعى سەبەپ نە؟
باعدەل ايتقانداي بەس ءتۇرلى سەبەپتىڭ سالدارىنان رايونىمىزدا قوي باعاسى كۇرت ارزانداعان. قازىر، ساۋداگەرلەردىڭ مالشىلاردى زارىقتىرا كۇتتىرۋدىڭ ءوزى ويلانۋعا تاتيتىن جاعداي. بۇل ارادا مىناداي ءىستى كورە بىلۋىمىز كەرەك.
بىرنەشە جىلدان بەرى، شەتەلدىڭ ءارى ىشكى ولكەنىڭ ارزان باعالى قوي ەتى رايونىمىز بازارىنا اعىلدى. بۇنىڭ ءوزى مالشىلاردىڭ باعىپ وتىرعان مالىنىڭ بازارىنا سايىس جاريالاپ، قيانكەسكى باسەكە قالىپتاستىردى ءارى ارزان باعالى قوي ەتى رايونىمىز بازارىنىڭ قاجەتسىنۋىن باسەيتۋ رولىن اتقاردى. تاعى ءبىر جاقتان رايونىمىز مال بازارى ەل ءىشى-سىرتى بازارىمەن ءبىر تۇلعالانا باستاعاندىعىن اڭعارتادى. بۇرىنعىداي ءبىر كيلوگرام قوي ەتى 60 يۋاننان اساتىن سالىستىرمالى تۇراقتىلىق ەندى تولقۋ كەزەڭىنە ءوتىپ، بازار جەتەكشى رول اتقارا باستادى. قاي جەردىڭ ەت ونىمدەرى تۇتىنۋشىلار قابىلداي قويارلىقتاي ۇيلەسىمدى، ارزان بولسا، سول بازاردى يەلەيتىن بولدى. قاي جەردە مال باعاسى قىمبات بولسا، سول جەردە ساتىلماي جينالىپ قالىپ، بازارى شىقپاي ەكونوميكالىق داعدارىس قۇبىلىسىن تۋدىرا باستادى.
دەمەك، بيىلعى قۋاڭشىلىقتان تۋىلعان قاراجۇت پەن مال باعاسىنىڭ ارزانداۋى مالشىلار ارقاسىنا ايازداي باتقان ەكى ماسەلە بولدى. قازىر، جەر-جەردە قوي باعاسىنىڭ ارزانداۋىنان قوراسىنداعى مالىن ساتىپ، قىستان وتكىزەتىن مالىن رەتتەگەن شوپاندارىمىز وتە از. توقتى-تورپاعىن ساتا الماي ساۋداگەر كەلەدى دەپ جولعا قاراپ كوزى تالعان مالشىلاردان ءمان-جاي ۇعىسقانىمىزدا، ولار مال ساتىلماسا قاران قالاتىن شارۋاشىلىعىمىزدى قالاي وڭايمىز؟ دەسەدى. مالشىلاردىڭ ايتۋىنا قاراعاندا، بۇل كۇندەرى مال باعۋعا ءتيىمسىز ىستەر كوپ ەكەن. جايىلىمنىڭ تارايۋى، جىل اينالىپ قايتالاناتىن قۋاڭشىلىقتىڭ زاردابى شاش ەتەكتەن كورىنەدى. دەمەك ءبىر باس مالدى ءوسىرىپ قاتارعا قوسىپ يگىلىگىن كورگەنگە دەيىن مالشى بالاسىنىڭ باسىنان نە ءبىر حيكىمەتتى ىستەر ءوتىپ جاتادى.
ونداي بولسا، قوي باعاسىنىڭ ارزانداۋى ەگىنشى-مالشىلاردىڭ قوي ءوسىرۋ بەلسەندىلىگىنە ىقپال جەتكىزە مە؟ تەكسەرۋ ارقىلى، بيىلعى قوي باعاسىنىڭ ارزانداۋىنان ەگىنشى-مالشىلاردىڭ قوي باعۋدان تاباتىن پايداسىنا بەلگىلى دارەجەدە ىقپال جەتكىزگەنىمەن، ۇساق مالدىڭ ورنىنا ءىرى قارا باعۋ سىندى وندىرىس فورماسىن وزگەرتۋىنە جەبەۋشى بولۋى ناعايبىل. سول ءۇشىن مالشىلار مال تۇلىگىنە رەتتەۋ جۇرگىزگەندە، قويدىڭ سالىستىرماسىن ۇيلەسىمدى ساقتاۋعا كوڭىل ءبولۋ ءتيىس، بۇل ارادا ەكى ءتۇرلى جاعدايعا ەرەكشە كوڭىل ءبولۋ كەرەك. ءبىرى: ادەتتە، حالىقتىڭ ۇساق مال ەتىنە سۇرانىسى ايرىقشا كۇشتى كەلەدى. ونان تىس، ۇساق مالدىڭ ەتىنە بولعان ساياحات ورىندارىنىڭ قاجەتسىنۋى بارعان سايىن كۇشەيىپ وتىر. كەلەشەككە كوز سالعانىمىزدا قوي شارۋاشىلىعى ءالى دە رايونىمىز مال شارۋاشىلىعىنىڭ تۇلعالىق ورنىندا. ەندى ءبىرى: تۇتىنۋشىلار قابىلدامايتىن ەت باعاسىنىڭ ەرەكشە قىمبات بولۋ جاعدايىن تۋدىرماۋ كەرەك. بارشاعا ايان، 2008-جىلدان بەرى، بازاردا مال باعاسى ايرىقشا قىمباتتادى. كەزىندەگى كيلوگرامى 10نەشە يۋاندىق ەت 5 تە 6 ەسەلەنىپ، حالىق بۇقاراسى قابىلداي المايتىن دارەجەگە جەتتى. مىنە وسىنداي تۇستا شەتەلدىڭ، ىشكى ولكەنىڭ ارزان باعالى قوي ەتى شينجياڭ بازارىن يەلەدى، تۇتىنۋشىلاردىڭ قولداۋىن الدى. قويدىڭ قىمباتتاعان جاعدايىنا ۇيرەنىسە قالعان مالشىلار ساۋداگەرلەرىنەن ءبىر سات ءۇمىت كۇتتى.شىنىندا، قوي ەتىمەن قامداۋ-قاجەتسىنۋ قاتىناسىنداعى جانە باعا وزگەرىسىندەگى سالىستىرمالى ورنىقتىلىقتى ساقتاۋ تۇگەلدەي بازاردىڭ ىشكى زاڭدىلىعىمەن قاتىستى. قازىر، ەلىمىزدە بازار ءبىر تۇلعالانا باستاعاندىقتان، حالىق قابىلداي الاتىن ءونىم قۇنى مەن وعان سايكەستى باعا تۇتىنۋشىلاردىڭ قارسى الۋىنا بولەنەدى. بيىلعى شەتەلدىڭ جانە ىشكى ولكەنىڭ قوي ەتىن رايونىمىز تۇتىنۋشىلاردىڭ جىلى قابىلداۋىنداعى باستى سەبەپ حالىق قابىلداي الاتىن باعا بولعاندىعىندا ءارى شينجياڭنىڭ قوي ەتىنەن كوپ ارزان بولعاندىقتان، بۇل ساۋداگەرىمىزدى وزىنە باۋراپ كەتكەن. سوندىقتان، قوي باعاسىنىڭ قىمباتتاۋى اينالىپ كەلىپ وندىرىسىمىزگە اسەرىن تيگىزەدى، زيانعا وتىرعىزادى. سوندىقتان، مالشىلارىمىز تۇتىنۋشى تۇرعىسىندا تۇرىپ ماسەلەگە وي جۇگىرتۋدى ۇيرەنگەنىمىز تاۋىر ىسپەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
