- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لانجوۋ-شينجياڭ جوعارى قارقىندى تەمىر جولىنىڭ ءۇرىمجى وڭتۇستىك پويەز بەكەتىنەن قۇمىلعا دەينگى بولەگىندەگى قاتىناس اينالىمىنىڭ باستالۋى ءجايلى اقپارات جاريالاۋ ءماجىلىسى اشىلدى
2014.11.08 11:05 كەلۋ قاينارى : شينجياڭ حالىق راديو ستانسياسى تورابى
5-قاراشا تۇستەن بۇرىن، لانجوۋ-شينجياڭ جوعارى قارقىندى تەمىر جولىنىڭ ءۇرىمجى وڭتۇستىك پويەز بەكەتىنەن قۇمىلعا دەينگى بولەگىندەگى قاتىناس اينالىمىنىڭ باستالۋى ءجايلى اقپارات جاريالاۋ ءماجىلىسى اشىلىپ، شينجياڭنىڭ جوعارى قارقىندى تەمىر جول داۋىرىنە قادام تاستاعاندىعى رەسىمي جاريالاندى. 16-قاراشادا، ۇرىمجىدەن قۇمىلعا دەيىن ەرەكشە جوعارى قارقىندى پويەز قاتىناپ، قاتىناۋ ۋاقىتى 3 ساعاتتاي بولادى.
لانجوۋ-شينجياڭ جوعارى قارقىندى تەمىر جولىنىڭ ءۇرىمجى وڭتۇستىك پويەز بەكەتىنەن قۇمىلعا دەيىنگى بولەگىنىڭ جالپى ۇزىندىعى 530 كيلومەتر، ەرەكشە جوعارى قارقىندى پويەزدىڭ ساعاتتىق جىلدامدىعى 200 كيلومەترگە جەتىپ، ءۇرىمجى وڭتۇستىك پويەز بەكەتى، تۇرپان باتىس پويەز بەكەتى، ءپىشان سولتۇستىك پويەز بەكەتى، تۇرپان-قۇمىل ويپاتى بەكەتى، قۇمىل بەكەتى سياقتى بەس پويەز بەكەتىن باسىپ وتەدى. ەكى ارادا قاتىنايتىن ەرەكشە جوعارى قارقىندى پويەزدەن ءار كۇنى 4 جۇپ قاتىناپ، تاڭەرتەڭ، ءتۇس، كەش سىندى ءۇش مەزگىلگە ءبولىنىپ، جولاۋشىلاردىڭ تۇرلىشە قاجەتىن قاناعاتتاندىرادى. مۇندا D8804/3 رەتكى ەرەكشە جوعارى قارقىندى پويەز جول بويىنداعى بەكەتتەرگە توقتاماي نىسانالى بەكەتكە جەتىپ، قاتىناۋ ۋاقىتى نەبارى 3 ساعات 7 مينۋت بولادى. ەرەكشە جوعارى قارقىندى پويەز بەلەتى بۇگىننەن باستاپ ساتىلدى، ءۇرىمجى تەمىر جول مەكەمەسى جولاۋشى تاسىمال باسقارماسىنىڭ باستىعى حۋاڭ شين: «ەرەكشە جوعارى قارقىندى پويەزدىڭ الدىنالا ساتىلۋ ۋاقىتى جاي پويەز بەلەتىنىڭ الدىنالا ساتىلۋ ۋاقىتىمەن بىردەي، عالامتور، تەلەفون ارقىلى 20 كۇن بۇرىن بەلەت الۋعا بولادى، ساتىلۋ ۋاقىتى ەلىمىز بويىنشا بىردەي، ساعات 11 دەن باستاپ 20 كۇننەن كەيىنگى بەلەتتى الۋعا بولادى، تاڭەرتەڭ ساعات 7 دەن كەشكى ساعات 23 كە دەيىنگى ارالىقتا بەلەت ساتىلادى»،-دەدى.
ءۇرىمجى وڭتۇستىك پويەز بەكەتىنەن قۇمىلعا دەيىنگى ەرەكشە جوعارى قارقىندى پويەزدىڭ 1-دارەجەلى بەلەتىنىڭ باعاسى 196 يۋان، 2-دارەجەلى بەلەتىنىڭ باعاسى 163.5 يۋان بولىپ، بويىنىڭ بيىكتىگى 1.2 مەتردەن 1.5 مەترگە دەيىنگى بالالاردان، مۇگەدەك اسكەرلەردەن جارىم بەلەت اقىسى الىنادى، وقۋشىلار كۋالىگى جانە وقۋشىلار بەلەتى تيىمدىلىك كارتىشكاسى بارلار 2-دارەجەلىنىڭ وقۋشىلار بەلەتىن العاندا %25 ارزانداتىلعان بەلەت الادى. لانجوۋ-شينجياڭ جوعارى قارقىندى تەمىر جولىنىڭ بويىنداعى بەس بەكەت تۇگەلدەي جاڭادان سالىنىپ، قالا رايونىنا جاقىن، پويەز كۇتۋ اۋماعى كەڭ، جولاۋشىلاردىڭ بەكەتكە كىرىپ-شىعۋى اسا قولايلى بولعان.
ەندەشە جوعارى قارقىندى تەمىر جول پويەزىنە وتىرعاندا قانداي ماسەلەلەرگە كوڭىل بولگەن ءجون؟ ءۇرىمجى تەمىر جول مەكەمەسى جولاۋشى تاسىمال باسقارماسىنىڭ باستىعى حۋاڭ شين بىلاي دەدى:« جولاۋشىلاردىڭ الىپ جۇرگەن بۇيىمىنىڭ ۇزىندىعى، كەڭدىگى، بيىكتىگى 130 سانتيمەتردەن، سالماعى 20 كيلومەتردەن اسپاۋى قاجەت. جوعارى قارقىندى پويەزدىڭ ىشىندە تەمەكى تارتۋعا تيىم سالىنىپ، قايشىلىق جاساعاندارعا 500 يۋاننان 2 مىڭ يۋانعا دەيىن ايىپ سالىنادى. جوعارى قارقىندى پويەزدىڭ قارقىنى تەز، بەكەت ارالىعىندا قاتىناۋ ۋاقىتى قىسقا، وتە-موتە ارالىق بەكەتتەرگە توقتاۋ ۋاقىتى قىسقا، سوندىقتان جولاۋشىلاردان پويەزدەن تۇسەردە الدىنالا دايىندالۋ، ەسىك الدىندا دايىندالىپ تۇرىپ رەتىمەن پويەزدەن ءتۇسۋ تالاپ ەتىلەدى، جول بويىنان پويەزگە شىعاتىندار الدىن الا ورنالاستىرىلادى». لانجوۋ-شينجياڭ جوعارى قارقىندى تەمىر جولىنىڭ قۇمىلدان لانجوۋعا دەيىنگى بولەگى مەجەمەن 2014-جىلدىڭ سوڭىندا اشىلىپ اينالىمعا ءتۇسىپ، شينجياڭ مەن ىشكى ولكەنىڭ ارالىعى بارىنشا جاقىندايدى. شينجياڭ دامۋ-رەفورما كوميتەتى قاتىناس باسقارماسىنىڭ ورىنباسار باستىعى ما لياڭيۋان: « ۇرىمجىدەن تۇرپانعا دەيىنگى قاتىناۋ ۋاقىتى 40 مينۋتقا جەتپەيدى، قۇمىلدان ۇرىمجىگە كۇنبە-كۇن بارىپ جۇمىس بىتىرۋگە كەلەدى، ۇرىمجىدەن لانجوۋعا دەيىن قازىر 20 ساعات ۋاقىت كەتەدى. لانجوۋ-شينجياڭ جوعارى قارقىندى تەمىر جولى اشىلعاننان كەيىن لانجوۋعا مەجەمەن 8 ساعاتتا جەتۋگە بولادى. باۋجيدان لانجوۋعا دەيىنگى جوعارى قارقىندى تەمىر جول، سونداي-اق سوڭعى ارنا قۇرىلىسىنىڭ سالىنۋىنا بايلانىستى، شينجياڭنان بەيجيڭگە دەيىنگى اينالىم ۋاقىتى 41 ساعاتتان 16 ساعاتقا قىسقارادى»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
