- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۇيىسپەنشىلىك ءومىر تىرەگى اتتى قيمىل وتكىزىلدى
2014.11.13 14:10 كەلۋ قاينارى : شينجياڭ حالىق راديو ستانسياسى تورابى
قان راگىنا شالدىققان بيڭتۋان 3-شىسىنىڭ تۇرمە ساقشىسى ليۋ ۋيگە قول ۇشىن بەرۋ ءۇشىن، كەشە تۇستەن كەيىن 961 حابار راديوسىنىڭ «كوپشىلىك كومەكتەسەيىك باعدارلاماسىنىڭ» اۆتونوميالى رايوندىق وداق كوميتەتى جانە ءۇرىمجى قالالىق قان ورتالىعىمەن بىرلەسىپ وتكىزگەن «سۇيىسپەنشىلىك ءومىر تىرەگى» اتتى قيمىلى شينجياڭ ۋنيۆەرسيتەتىندە وتكىزىلدى.
كەشە تۇستەن كەيىن، مەكتەپ زالىنداعى 300 ورىنعا كورەرمەن لىق تولدى، 961 حابار راديوسىنىڭ جۇرگىزۋشىسى دا گاڭ شينجياڭ مەديتسينا ۋنيۆەرسيتەتىنە قاراستى 1-شيپاحاناسىنىڭ قان اۋرۋ ماماندارى مەن ءۇرىمجى قالالىق قان ورتالىعىنىڭ قىزمەتكەرلەرىن باستاپ سول ارادا ساباقتاستارعا قان راگىنىڭ قاتىستى بىلىمدەرىن جالپىلاستىرىپ، اناعۇرلىم كوپ مەيىرىمدى جاستاردى قان راگىن ءتۇسىنىپ، قان راگىنا شالدىققاندارعا كومەك قولىن سوزۋدى ۇندەدى.جۇرگىزۋشى ليۋ ۋيدىڭ كەزىندە تۇڭعىش توپتاعى باتىس بولەك جوسپارىنداعى ەرىكتى سالاۋاتىمەن شاندۇڭنان شينجياڭعا كەلگەن اڭگىمەسىن بايانداعان ساتتە دۋ-دۋ ەتكەن زالدىڭ ءىشى تىنىشتالا قالدى، ۇلكەن ەكراندا ليۋ ۋيدىڭ ەكى سۇيكىمدى بالاسىنىڭ ءسابي ءجۇزى، سونداي-اق ليۋ ۋيدىڭ جۇبايى ليۋ روناننىڭ قان پۋنكتىنىڭ سىرتىندا تۇرعان جۇدەڭ بەينەسى كورىنگەندە كوپتەگەن ساباقتاستار كوزىنە جاس الدى. ىلە-شالا وقۋشىلاردىڭ ەكى ۋاكىلى مىنبەگە شىعىپ جىگەردى تاسقىنداتاتىن ءان ورىنداپ، ساباقتاستارىن شابىتتاندىردى. ءان اۋەنىندە ساباقتاستار ارت-ارتىنان مىنبە الدىنا بارىپ حابارلاسۋ تاسىلدەرى مەن قان ءتيبىن جازىپ قالدىردى. ولار تىلشىگە، «وزگەنى ءسۇيۋ ءوزىن سۇيگەندىك» دەستى، ءبىر وقۋشى: «ءجاي كۇندەرى قان بەرگىم كەلەدى، الايدا ونىڭ جولىن تابا الماعان ەدىم، وسىدان ءبىز سياقتى قان بەرۋ تىلەگى بار ادامدار قان بەرۋ ءتاسىلىن ءبىلىپ، وزگەلەرگە كومەكتەسە الادى»،-دەدى. تاعى ءبىر وقۋشى: «وسىدان كوپ ىستەردى ۇعىندىم، بۇل قيمىل جۇرتتى سىرقاتتانعان ناۋقاستارعا قول ۇشىن بەرۋگە ۇندەدى. بارلىق مەيىرىمدى جاندار ىنتىماقتاسىپ ناۋقاستارعا كوڭىل بولگەنى ءجون»،-دەدى.90-جىلدان كەيىن دۇنيەگە كەلگەن جاستاردىڭ ءارى-ءسارى بولماستان ەرىكتىلەر قاتارىنا قوسىلعانىنا وسى رەتكى قيمىلداعى ۇگىت لەكسياسىن جاساۋشىلاردىڭ ءبىرى جۇڭحۋا جىلىك مايى قويماسى شينجياڭ بولىمشەسىنىڭ ەرىكتىلەر وتباسىن قۇرۋشى جاڭ جيە ەرەسەن تەبىرەندى. ول: «وسى قامقورشى جانداردى ماقتانىش تۇتامىن، 90-جىلداردان كەيىن جانە 2000-جىلداردان كەيىن دۇنيەگە كەلگەن بالالاردى ءوزىمشىل دەپ قارايتىندار كوپ، شىنىن قۋعاندا الەۋمەتتىك يگىلىك ىستەرىمەن شۇعىلدانعان تالاي جىلدان بەرى وسى سياقتى بالالار يگىلىك ىستەرىنە قىزعىندىلىقپەن قاتىناسىپ كەلەدى، ولار ەرىكتىلەردىڭ ناعىز تىرەكتى كۇشى»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
