- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اسەرلەنۋ
2014.12.24 14:13 كەلۋ قاينارى : شينجياڭ حالىق راديو ستانسياسى تورابى
16-قاراشا كۇنى تۇستەن بۇرىن ساعات 11 دە، D8602 رەتكى پويەز ءۇرىمجى وڭتۇستىك پويەز ۆاگزالىنان، قۇمىلدى بەتكە الىپ جولعا شىقتى، لانجۋ-شينجياڭ جوعارى قارقىندى تەمىر جولىنىڭ 2-قوس لەنياسىنىڭ ءۇرىمجىنىڭ وڭتۇستىگىنەن قۇمىلعا دەيىنگى بولەگىنە پويەز قاتىنادى، ءسۇيتىپ كوپشىلىكتىڭ «جەر باۋىرلاپ ۇشۋعا» تەڭەگەن جوعارى قارقىندى تەمىر جولدىڭ اينالىم ۋاقىتى بۇرىنعى 5 ساعاتتان 3 جارىم ساعاتقا قىسقارىپ، شينجياڭ جوعارى قارقىندى تەمىر جول ءداۋىرىن قارسى الدى. وتكەن عاسىردىڭ 50 جىلدارىندا، قۇربان اتايدىڭ ەسەككە ءمىنىپ بەيجيڭگە بارعانىن ءبارى بىلەتىن، ال بۇگىنگى كۇنى كاريانىڭ نەمەرەسى ياسىن مامەتتىڭ ارمانى جۇردەك پويەزگە وتىرىپ بەيجيڭگە بارۋ بولدى. تۇڭعىش رەت جۇردەك پويەزگە وتىرعان كەزىن ەسكە العاندا ياسىن مامەت ەرەكشە اسەرلەنىپ بىلاي دەدى: جوعارى قارقىندى پويەز بەيجيڭگە قاتىناعان كۇنى مەن اتامنىڭ سۋرەتىن الىپ بەيجيڭگە بارامىن.
اسەرلەنگەن تەك ياسىن مامەت قانا ەمەس ەدى، لانجۋ-شينجياڭ جوعارى قارقىندى تەمىر جولىنىڭ ۇرىمجىدەن قۇمىلعا دەيىنگى بولەگىنە پويەز قاتىناعانىنا ءبىر اي بولدى، ساناققا قاراعاندا، 15-جەلتوقسانعا دەيىن، جوعارى قارقىندى پويەز 167 مىڭ ادامدى حاۋىپسىز تاسىمالداپ، ورتا ەسەپپەن كۇنىنە تاسىمالداعان جولاۋشى مولشەرى 5 مىڭ 600 ادام رەتتەن اسىپ، دەرلىك ءار كەزەك پويەز جولاۋشىعا لىق تولعان، وسى باقىت پويەزى قالالاردىڭ ارالىعىن قىسقارتىپ، ادامداردىڭ جۇرەگىن توعىستىردى. ءۇيى قۇمىلدا بولعانىمەن، قىزمەتى ۇرىمجىدەگى ساۋ في بىلاي دەدى: مەن ۇرىمجىدە 4 كۇن قىزمەت ىستەپ، جۇما كۇنى تۇندە پويەزگە وتىرىپ، سەنبى قۇمىلعا جەتەمىن، جەكسەنبى تۇندە قايتا پويەزگە وتىرىپ، ۇرىمجىگە قىزمەتكە ۇلگىرىپ بارامىن، سوندا ۇيدە ەكى كۇن، ءبىر ءتۇن تۇرامىن، وتە جاپالى. جۇردەك پويەز قاتىناعاننان كەيىن، ۇيدە تۇراتىن ۋاقىتىم ۇزاردى، ۇيدەگى كاريالارعا قارايلاسىپ، جۇبايىما كومەكتەسە الاتىن بولدىم.
ادامداردىڭ ساپارى قولايلى، جۇك تاسىمالى ىركىلىسسىز بولىپ، تەمىر جولدى جاعالاعان ءوڭىردىڭ جولاۋشى تاسىمالى، زات، ينفورماتسيا اينالىمى، كاپيتال اۋىس-كۇيىسى دە جەدەل ارناعا ءتۇستى. ءپىشان اۋدانى دۇنيە جۇزىندەگى سيرەك كەزدەسەتىن «ءپىشان قىزىل تاسى» شىعاتىن جەر، فۋجيان، حۋبي سياقتى جەرلەردىڭ جۇزگە تاياۋ كاسىپورىنى وسى جەرگە قارجى قوسىپ، كاسىبىن كوركەيتتى. بۇگىنگى كۇنى، شەتەلگە ەكسپورت ەتۋدەن سىرت، ەلىمىزدەگى 2 مىڭنان ارتىق ساتۋ ءتۇيىنى وسى جەردەگى كاسىپورىننىڭ قوجايىندارى مەن قىزمەتكەرلەرىن سارساڭ كۇيگە ءتۇسىردى، جوعارى قارقىندى تەمىر جول جونىندە، ءپىشان جيا-ي تاس ماتەريالدارى زاۆوتىنىڭ باستىعى ساي فۋچىڭ قۋانا قۇپتاپ بىلاي دەدى: ۇرىمجىگە قوناقتاردى قابىلداۋ، بازاردى تەكسەرۋ ءۇشىن اپتا سايىن ءبىر رەت بارىپ تۇرامىز، نەگىزىنەن ءوز كولىگىمىزبەن بارامىز، ەگەر كولىگىمىز جول ورتادا بۇزىلسا كومەك ىزدەۋدىڭ ءوزى قيىن، اۆتوبوزعا وتىرۋ اۋرە بولاتىن، قازىر جوعارى قارقىندى پويەزبەن بارىپ كەلۋگە 7 ساعاتتان ارتىق ۋاقىت كەتەدى، تۇرمىسىمىزدىڭ ءار جاعىنا تيىمدىلىك اكەلدى.2 مىڭ نەشە جىلدىڭ الدىندا، كەرۋەن كوشىمەن بىرگە شينجياڭ شىعىس پەن باتىستىڭ ساۋدا، مادەنيەت اۋىس-كۇيىسىن كۇشەيتۋ اۋىر مىندەتىن ارقالاپ، جىبەك جولىنىڭ شۇعىلالى مادەنيەتىن جاراتقان بولاتىن. بۇگىنگى كۇنى، مىڭ جىلدىق جىبەك جولىندا تىرشىلىك تىنىسى قايتا بايقالدى، مەملەكەتتىڭ «ءبىر بەلدەۋ، ءبىر جول» ستراتەگياسىنىڭ العا قويىلۋىنا ساي، شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون ابزالدىلىعى كورنەكتىلەنىپ، جوعارى قارقىندى تەمىر جولمەن بىرگە، شينجياڭ قارقىنى دا ايگىلەنە ءتۇستى. قازىرگى جۇردەك پويەزگە دەيىنگى وزگەرىسكە كۋا بولعان 74 جاستاعى شينجياڭنىڭ 1-ۇرپاق ۇيعۇر پويەز شوفەرى زايىر مۇسا تاڭدانا بىلاي دەدى: جۇردەك پويەزدىڭ باسقا پويەزبەن جەر مەن كوكتەي پارقى بار ەكەن، قارقىنى دا تەز، ءجايلى، شينجياڭنىڭ قۇرىلىسىنىڭ ءار قايسى جاقتارى بۇدان كەيىن تەز قارقىمەن داميدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
