- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مايلى، بارلىق قىستاۋلارىندا قىس قاتتى
2014.12.24 14:38 كەلۋ قاينارى : شينجياڭ حالىق راديو ستانسياسى تورابى
مايلى، بارلىق قىستاۋلارىنداعى مالشىلاردىڭ قال-جايىن ءبىلۋ ءۇشىن، مال شارۋاشىلىق سالاسىنىڭ قاتىستى باسشىلارمەن بىرگە 12-جەلتوقسان تاڭ بوزىنان اۋدان قالاشىعىنان اتتاندىق. ەكى ساعاتتاي جۇرگەن سوڭ جول باستاپ كەلە جاتقان اۋداندىق جايىلىم پۋنكتىنىڭ باستعى ەساي ساتان ۇلى: «تۇگىن تارتسا تۇبىنەن مايى ۇرلەپ، قازىق قاقساڭ تالى بۇرلەپ شىعاتىن» مىناۋ مايلى جايىرعا باراتىن تاس جولعا شىقتىق، ءار جىلى وسى كەزدە قار جۇقا، كۇن جىلى ساي-سالانىڭ اقتىعى بۇرقىراپ جاتاتىن، ال بيىل قار قالىڭ جاۋىپ، ءار تۇلىك مال قولعا قارادى،-دەدى.
شاقىلداعان ايازبەن بىرگە بورانداتا قار جاۋىپ، قارىس جولدى كورسەتپەيدى، ءار جەردەن قوي، سيىر باسقان اۆتوموبەلدەر ءوتىپ جاتتى، كوك اشى وڭىرىنە تاياعاندا الدىمىزدان ءبىر توپ ءىرى قارا ايداعان مالشىنى كورىپ، ات باسىن تارتىپ، كەزدەستىك. بۇل جاڭاجەر اۋىلى اقتوبە مال شارۋاشىلىق قستاعىنىڭ مالشسى تالداۋ دەگەن ازامات ەكەن: ءار تۇلىك مال جايىلستان قالىپ قولعا قارادى، سونىمەن 30 ءىرى قارامدى قۇلستاي وڭىرىندەگى وتىرىقتاسۋ تۇيىنىنە جەتكىزۋگە قستاۋدان بەرى 15 شاقىرىمداي جولعا 3 ساعاتتاي ءجۇردىم، بوران قاتتى، ونىڭ ۇستىنە قار قالىڭ، ەندى ءبىر جارىم ساعات ءجۇرىپ، تولى اۋدانىنا جۇرەتىن اسفاليت جولعا جەتسەم سول جەردەن اۆتوموبيلگە باسامىن، ونىڭ كىرەسى دە وڭاي ەمەس، پارتيانىڭ مالشىلارعا وتىرىقتاسىڭدار دەگەن ساياساتى دا تۋرا ەكەن، كوشىپ، قونىپ توزىپ كەتتىك،-دەدى.
ءبىز توقتاۋسىز ءجۇرىپ، سيىردىڭ بۇيرەگىندەي قىراتتاردى قۋىپ قىرقالاپ، تاۋ اراسىنا ىلىندىك، اۆتوموبيلدىڭ تەرەزەسىن اياز اتا ورنەكتەپ، ەش نارسەنى كورسەتبەيدى، شوفەر اۆتوموبيلدىڭ باسىن تارتىپ، اعالار مىنا جازىقتا قالىڭ جىلقى جاتىر ءتۇسىپ كورەسىزدەر مە دەگەن سوڭ، تاياڭقىراپ بارايىق دەسەك جىلقىنىڭ تەۋىپ جايىلعانداعى ۇيىلگەن قاسات قارى توڭ بولىپ، اۆتوموبيىلدىڭ كەۋدەسىن تىرەپ ءبىر ادىم ىلگەرلەتبەي قويدى. سونىمەن كۇن باتا كوك اشى پۋنكتىىنەن اينالىپ، قارادىر قولباسشىلىق ورنىنا جەتتىك. بۇل جەردە دە جەم، ءشوپ الىپ جاتقان مالشىلار بارشىلىق ەكەن. ءبىر مالشى: وسى وڭىردە 30 جىلداي قىستاعاندا بيىلعداي قار اپاتىن كورگەن جوقپىن، سيىردى قۇلستايداعى وتىرىقتاسقان وتاۋلارعا جەتكىزىپ، قولداعى بار جەم، ءشوپپەن 200 داي ۇساقتى قستان وتكىزۋدىڭ ابگەرىندە ءجۇرمىز، جەم، ءشوبىمىز تاۋىسىلسا، قارايلاساتىن پارتيا، وكمەت بار، دەن ساۋ، باس امان بولسىن، مالشىلاردىڭ بارلعى ازعانتاي مالىن قستان انام شىعارۋدىڭ قامىندا،-دەدى.
ءبىز كەلەسى كۇنى بارلىق تاۋىنىڭ تۇيەباس، تەرەكتى، جالاۋلى، ءۇش بۇلاق، كەڭ بۇلاق، ۇزىنبۇلاق وڭىرلەرىن ارالاپ، ات باسىن قاراسايعا قاراي بۇرىپ، جەم، ءشوپ باسقان اۆتو كولىكتەرىن قاردان جۇرگىزە الماي جاتقان ءبىر نەشە مالشعا كەزدەستىك، ولار: كەشە اۋداندىق پارتكومنىڭ ورىنباسار شۋجيى، اۋدان اكمى ماينۇر جاقان قىزى، اۋىل، فەرما، قالاشىقتاردىڭ قاتىستى باسشىلارىن باستاپ، قستاۋلاردى ارالاپ، مال جاعدايىن ۇعسىپ، ەرەكشە قيىنشىلعى بار مالشىلاردان حال سۇرادى، قالىڭ قار، شاقىلداعان ايازدا قىلىشىن سۇيرەتكەن قىتىمىر قستان مالىن قالاي وتكىزەمىز دەپ جارعاق قۇلاقتارى جاستىققا تيمەي جۇرگەن شوپاندارعا پارتيا، وكمەت باسشىلارىنىڭ حال جاعدايلارىن ۇعىسۋ ۇلكەن دەمەۋ بولدى، كوپتەگەن جۇمستاردى دەركەزىندە شەشىپ، الداعى جۇمستارعا ورنالاستىرۋلار جاسادى دەپ،-ريزالىقتارىن ءبىلدىردى.
ءبىزدى باستاپ جۇرگەن ەساي باۋىردان، بارلىق، مايلىدا قانشا جەم، ءشوپ بار دەگەنىمدە: اۋدانىمىزدا ايماق دارەجەلى جەم، ءشوپ قامباسى ءبىر، اۋدان دارەجەلى ەكى، بۇدان سىرت، اۋىل، فەرما، قالاشىقتاردا تۇگەل ورتا دارەجەلى جەم، ءشوپ قامباسى سالىنىپ بولدى. مايلى قىستاۋىنىڭ قارادىر جەم، ءشوپ قامباسىندا 300 توننا ماقتا كۇنجاراسى، 30 توننا جۇگەرى، 15 مىڭ تاي ءشوپ؛ بارلىق تاۋىنىڭ تۇيەباس جەم، ءشوپ قامباسىندا 280 توننا ماقتا كۇنجاراسى، 35 توننا جۇگەرى، 45 مىڭ تاي ءشوپ، ال اۋدان قالاشعىنىڭ ماڭىنداعى مالدى اپاتتان قۇتقارۋ قامباسىندا 30 توننا جۇگەرى،180 توننا ماقتا كۇنجاراسى،60 مىڭ تاي ءشوپ ساقتالىپ،ءبىر قىسقا جەتەرلىك جەم، ءشوپ دايىندادىق. ال اۋداننىڭ ورنالاستىرۋى بويىنشا قازىر مالشىلار قولىنداعى جەم، ءشوپتى مالعا بەرۋ، ونان كەيىن اۋىل، فەرما، قالاشىق قامباداعى جەم، ءشوپتى مالشىلارعا تاراتۋ، ەگەر قىستىڭ سوڭى قىسىپ جاتسا، مالشىلار جەم، ءشوپتەن تارعاتىنداي بولسا، اۋداننىڭ ءۇش جەم، ءشوپ قامباسىنداعى جەم، ءشوپتى تاراتىپ مالدى اپاتتان امان الىپ قالۋدى ورنالاستىرىپ وتىر. ونىڭ ۇستىنە اۋداننىڭ پارتيا، وكىمەت باسشىلارى اۋىل، فەرما، قالاشىقتىڭ نەگىزگى باسشىلارىن باستاپ قىس تۇسكەننەن بەرى قستاۋ وڭىرگە 10 نەشە رەت كەلىپ، مالشىلار مەن مالدىڭ جاعدايىن ۇعسىپ، مال شارۋاشىلعىنا بەلسەنە ات سالسىپ جاتىر،-دەدى.
قايتار جولىمىزدا جاڭاجەر اۋىلىنىڭ اقتوبە مالشىلار وتىرىقتاسقان قىستاعىنا ات باسىپ بۇرىپ، قستاقتىڭ ورىنباسار باستعى ەركىن تىلەۋعازى ۇلىنا كەزدەستىك، ول : مايلىدان كەشە كەلدىم، وسى وتىرىقتاسۋ ورنىمىزعا 10 مىڭ باستىڭ ۇستىندە سيىر اكەلدىك. كۇن سۋىق، قار قالىڭ، تيىن-تەبەندەرى بار مالشىلار اۆتوموبيلمەن، دايىن اقشاسى جوقتار ايداپ كەلىپ جاتىر، كورشىلەس التىن ەمىل اۋىلدا 4 مىڭ باس ءىرى قاراسىن وتىرىقتاسۋ تۇيىنىنە اكەلپتى، بيىلعى قس مالشىلاردى قاتتى الاڭداتتى، بار جەم، ءشوپتى مايلى قستاۋىنا جەتكىزىپ، مالشىلاردىڭ قاجەتىنە قاراي تاراتىپ جاتىرمىز،-دەدى.ءسويتىپ، شاعانتوعايلىقتار قالىڭ قار اپاتىمەن ايقاسىپ، مالدى قستان امان شعارىپ، كەلەر جىلى مال شارۋاشىلعىنان تاعى دا مول ءونىم الۋعا بەلسەنە ات سالىسۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
