- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وسى زامانعى مادەنيەتتى جەتەكشى ەتىپ، ۇدەرە العا تارتايىق
2014.12.24 14:37 كەلۋ قاينارى : شينجياڭ حالىق راديو ستانسياسى تورابى
مادەنيەت ــ ۇلتتىڭ جان تامىرى، حالىقتىڭ رۋحاني باۋ-باقشاسى. ج ك پ اۆتونوميالى رايوندىق 8-كەزەكتى كوميتەتى سەگىزىنشى جالپى ءماجىلىسىنىڭ رۋحىن دايەكتى تياناقتاندىرۋ، ءدىني ۇشقارىلىقتى الاستاۋدى ىشكەرىلەي ىلگەرىلەتۋ بارىسىندا ءبىز مادەنيەت كىلتىنەن، ءسوز جوق، ويداعىداي پايدالانۋىمىز كەرەك. مادەنيەتتەگى ماسەلەنى مادەنيەتتىك تاسىلمەن شەشىپ، ءار ۇلت حالقىنىڭ اقىل-پاراساتى مەن كۇش-قۋاتىن شوعىرلاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى پارمەندى رۋحاني تىرەكپەن قامداۋىمىز كەرەك.
شينجياڭ ەجەلدەن بەرى شىعىس پەن باتىس مادەنيەتى شوعىرلانعان، توعىسقان ءوڭىر ەسەپتەلەدى. تارلان تاريحتىڭ 2000 نەشە جىلدىق سالقار كوشىندە ءار ۇلت جۇرتشىلىعى ءبىر-بىرىمەن قارىم-قاتىناس جاساسىپ، توعىسىپ، ءبىر تۇلعالى، كوپ نەگىزدى مادەنيەت ەرەكشەلىگىن سومداعان. كوپ نەگىزدى مادەنيەتتىڭ ءبىرىن-ءبىرى تولىقتاۋى مەن بىرگە ءومىر ءسۇرۋى شينجياڭنىڭ بوگەنايى بولەك ابزالدىلىعى سانالادى. بۇل ۇلتتار اراسىنداعى مادەنيەتتىك اۋىس-كۇيىس، تۇرلىشە مازمۇنداعى نارسەلەردى قابىلداۋ، ءوزارا جەبەۋ جونىنەن بەلسەندى مانگە يە، سونداي-اق ول ەكونوميكالىق، قوعامدىق دامۋعا تىنباي قۇدىرەتتى رۋحاني قوزعاۋشى كۇش باعىشتاپ كەلەدى. الايدا، كوپ نەگىزدى مادەنيەتتىڭ ءومىر ءسۇرۋى ۇلتتار اراسىنداعى تۇرمىس فورماسى، ادەت-عۇرىپ، سالت-سانا، ءدىني سەنىم سياقتى جاقتارداعى ۇقساماستىقتاردىڭ ءومىر سۇرۋىنە مۇرىندىق بولادى، اۋەلى، قۇن كوزقاراسى، ارەكەت ولشەمى سياقتى جاقتاردا سۇركەلىس تۋدىرۋى ابدەن ىقتيمال. ونىڭ ۇستىنە قازىر ەكونوميكالىق تۇزىلىستە تەرەڭ وزگەرىس بولىپ، قوعامدىق قۇرىلىم تىنباي جاڭارىپ، رەفورما تەرەڭ قاتپارلى وڭىرگە قادام تاستاپ، ءار ۇلت جۇرتشىلىعى وزىق وركەنيەت تابىستارىنان قايتكەندە كورەگەندىكپەن ۇيرەنىپ، لايىقتى سارالاۋ مەن ءوزىن وسىزامانداندىرۋدى جۇزەگە اسىرا الادى دەگەن ماسەلەگە ءدوپ كەلىپ وتىر. وتە-موتە، ۇزاق ۋاقىتتان بەرى «ءۇش ءتۇرلى كۇشتىڭ» ىلعي دا ءتۇرلى ءتۇستى ۇلتتىق مادەنيەت پارىقتارىن تۋدىرۋعا جانە ونى زورايتۋعا قارمانىپ، قولدان جاساپ، جاماپ-جاسقاعان ۇلتتىق «پارىقتارمەن» ۇلت مادەنيەتىنىڭ اسىلگى بەت-بەينەسىن وزگەرتۋگە سۇقتانىپ، سول ارقىلى ۇلتتار اراسىنداعى اۋىس-كۇيىس پەن توعىسۋعا توسقىندىق جاساپ وتىرعانىنا ايرىقشا نازار اۋدارۋىمىز ءتيىس. مۇنداي ماسەلەلەر، وزگەرىستەر ءبىزدىڭ ادامداردىڭ جان جۇيەسىنە جول الاتىن مادەنيەت كىلتىنەن يكەمدىلىكپەن پايدالانىپ، بولشەكتەۋشى كۇشتەردىڭ ءومىر ءسۇرۋ مۇمكىندىگىن تۇبەگەيلى الاستاپ، كوپ نەگىزدى مادەنيەتتىڭ جاراسىمدى قاتار تۇرۋىن شىنايى جۇزەگە اسىرۋىمىزعا ەرەكشە مۇقتاج. پارىقتارعا قۇرمەت ەتۋ، كوپ نەگىزدىلىكتى تەگىس قامتۋ، ءبىر-بىرىنەن ءلاززات الۋعا تاباندى بولۋ كەرەك. تاريحي دامۋ مەن ءومىر ءسۇرۋ ورتاسىنداعى پارىقتار سەبەبىنەن ۇلتتاردىڭ دامۋىندا مادەنيەتتىڭ كوپ نەگىزدىلىگى جارىققا شىعىپ وتىر. ءبىراق ءارقانداي ۇلتتىڭ مادەنيەتى تۇگەلدەي وزىندىك قۇنعا يە. ءبىز مۇنداي پارىقتارعا بەلسەندى پوزيتسيا ۇستانۋىمىز، كوپ نەگىزدىلىكتى قامتۋ بارىسىندا جەتەكشىنى تۇراقتاندىرۋىمىز، پارىقتارعا قۇرمەت ەتۋ بارىسىندا جاراسىمدىلىققا تالپىنۋىمىز، اۋىس-كۇيىس، بارىس-كەلىس بارىسىندا وڭىرلىك مادەنيەت ەرەكشەلىگىنە مۇراگەرلىك ەتۋىمىز جانە ونىڭ دەڭگەيىن ءوسىرۋىمىز، سول ارقىلى مادەنيەتتىڭ باۋراۋ كۇشى مەن جەتەلەۋ رولىن تىنباي كۇشەيتۋىمىز كەرەك. ءبىز مۇندا از ۇلتتاردىڭ مادەنيەت ءداستۇرىن ديالەكتيكالىق تۇرعىدان تانۋىمىز، بەلسەنە جەتەلەۋىمىز جانە دامىتۋىمىز، ونى قوعامدىق دامۋدىڭ قاجەتىنە ۇيلەستىرۋىمىز قاجەت. ءار ۇلت جۇرتشىلىعىنا ۇلتتار مادەنيەتىنىڭ اۋىس-كۇيىسى مەن توعىسۋىن كۇشەيتۋدىڭ ۇلتتىڭ تاڭداۋلى، ءداستۇرلى مادەنيەتىنە مۇراگەرلىك ەتۋ جانە ونى ساۋلەلەندىرۋدىڭ دۇرىس جولى ەكەنىن؛ ۇلتتىق سالت-سانا، ادەت-عۇرىپتى دىنمەن بايلانىستىراتىن، ءدىني قيمىلدى ۇشقارىلاندىراتىن ارەكەتتىڭ ۇلتتىڭ ءداستۇرلى مادەنيەتىن بۇرىس جولعا تۇسىرەتىندىگىن، ونى، ءسوز جوق، باتىل تەجەۋ كەرەكتىگىن جەتە ۇعىندىرۋىمىز كەرەك. كوپ نەگىزدى مادەنيەتتى وسى زامانعى مادەنيەتپەن جەتەلەپ، ءار ۇلت جۇرتشىلىعىن تىعىز ىنتىماقتاستىرۋ كەرەك. ءارقانداي ءبىر مەملەكەت پەن وڭىردە جەتەكشى ورىنداعى مادەنيەت قۇن جۇيەسى بولماسا، جۇرت سەنىمى سەتىنەپ، باعداردان جازادى، ادامدار دا نە ىستەرىن بىلمەي داعدارادى. سوندىقتان ءبىز پارىقتارعا قۇرمەت ەتۋ، كوپ نەگىزدىلىكتى قامتۋ، ءبىر-بىرىنەن ءلاززات الۋ نەگىزىندە جەتەكشى مادەنيەتتى تۇراقتاندىرىپ، ورتاق تانىمعا تالپىنۋىمىز، ءار ۇلت حالقىنىڭ ۇلت، قانداستىق قاتىناس، ءتىل، ءوڭىر، سالت-سانا سياقتى جاقتارداعى پارىقتاردان القىپ، بۇكىل قوعامدا ورتاق قۇن مۇراتتاستىعىن قالىپتاستىرىپ، تاڭداۋلى، ءداستۇرلى مادەنيەت پەن ءداۋىر دامۋىنىڭ تالابىن ورگانيكالى ۇشتاستىرىپ، ۇلت مادەنيەتى مەن وسى زامانعى وركەنيەتتىڭ توعىسىپ شۇعىلا شاشۋىن جۇزەگە اسىرۋىنا مۇمكىندىك تۋدىرۋىمىز كەرەك. بۇل مادەنيەت كىلتىنەن يكەمدىلىكپەن پايدالانۋدىڭ تەتىگى، سونداي-اق شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ ءتۇبىرلى كەپىلى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
