- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون تەز ءونىم بەرەتىن نىساندار ارقىلى جۇمىسپەن قامتۋدى جەبەۋ ءماجىلىسىن اشتى
جۇمىسپەن قامتۋدى جەبەيتىن، حالىققا ءتيىمدى ينجەنەريالار قۇلشىنا ىسكە اسىرىلادى
2015.02.28 13:13 كەلۋ قاينارى : ءتاڭىرتاۋ تورابى
27 - اقپاندا اۆتونوميالى رايون تەز ءونىم بەرەتىن نىساندار ارقىلى جۇمىسپەن قامتۋدى جەبەۋ ءماجىلىسىن اشىپ، 2014 - جىلعى تەز ءونىم بەرەتىن نىساندار قىزمەتىن قورىتىندىلاپ، بيىلعى قىزمەت مىندەتتەرىن ورنالاستىردى. تەز ءونىم بەرەتىن نىساندار ارقىلى جۇمىسپەن قامتۋ اۆتونوميالى رايوندىق پارتكومنىڭ «دامۋ مەن ورنىقتىلىقتىڭ جاڭا قالىبىنا ۇيلەسىپ، باياندى تىنىشتىققا بەرىك نەگىز قالاۋ» اتىنداعى جەلىلەس قيمىلدارىنىڭ ماڭىزدى مازمۇندارىنىڭ ءبىرى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مىنالاردى تالاپ ەتتى: جۇمىسپەن قامتۋدى جەتەكشى، نىساندى تياناق ەتىپ، حالىق تۇرمىسىن الدىمەن ويلاستىرۋدى، ونەركاسىپتە حالىققا تيىمدىلىك جاساۋدى كورنەكتىلەندىرىپ، قارجى مەن بايلىقتى ۇتىمدى توپتاستىرىپ، جەرگىلىكتى ارتىقشىلىقتاردى تولىق ايگىلەپ، بەلگىلى نەگىزى بار، از - كەم سۇيەمەلدەسە جۇمىس ورنىن كوبەيتە الاتىن، تەز ءونىم بەرەتىن نىسانداردان ءبىر توبىنا قولداۋ كورسەتىپ، جۇمىسپەن قامتۋدى جەبەپ، حالىقتى ۇيىتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن بەكەمدەۋ كەرەك.
شوكىرات زاكىر بىلاي دەپ اتاپ كورسەتتى: اۆتونوميالى رايوندىق پارتكوم بيىل بۇكىل شينجياڭ بويىنشا تەز ءونىم بەرەتىن نىسانداردى جالپىلاستىرۋدى، تەز ءونىم بەرەتىن نىسانداردىڭ جۇمىسپەن قامتۋدى جەبەيتىن كۇشتى اسەرىن ونان ارى ۇلعايتۋدى ۇيعاردى. ءبىز مۇنى مۇقيات زەردەلەپ، اۆتونوميالى رايوندىق پارتكومنىڭ كەلەلى ۇيعارىمىن تەرەڭ ءتۇسىنىپ، بۇكىل شينجياڭدا تەز ءونىم بەرەتىن نىسانداردى جالپىلاستىرۋدىڭ ەكونوميكالىق دامۋدىڭ جاڭا قالىبىنا، جاڭا جاعدايىنا، جاڭا مىندەتىنە ۇيلەسۋدىڭ ءىس جۇزىندىك قاجەتى ەكەنىن، ونىڭ شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدە اسا ماڭىزدى رەال ءمان جانە ۇزاق بولاشاقتىق ساياسي ءمان الاتىنىن جەتە تانۋىمىز كەرەك.
شوكىرات زاكىر مىنالاردى تالاپ ەتتى: اۆتونوميالى رايوندىق پارتكومنىڭ «دامۋ مەن ورنىقتىلىقتىڭ جاڭا قالىبىنا ۇيلەسىپ، باياندى تىنىشتىققا بەرىك نەگىز قالاۋ» جەلىلەس قيمىلدارى تۋرالى ورنالاستىرۋلارىنا ساي، تەز ءونىم بەرەتىن نىسانداردى عىلمي تۇردە جوسپارلاۋ كەرەك. نىسان ورنالاستىرۋدا ماڭىزدى ءتۇيىندى كورنەكتىلەندىرىپ، كۇشتى شوعىرلاندىرۋ كەرەك. قالىڭ ەگىنشى - مالشى بۇقاراعا اناعۇرلىم كوپ جۇمىس ورايىن دايىنداۋمەن بىرگە، وڭتۇستىك، سولتۇستىك شينجياڭداعى وڭىرلىك ونەركاسىپتىك قۇرىلىمدى ونان ارى ساپالىلاندىرۋ، ونەركاسىپتە ءبىرىن - ءبىرى تولىقتاي دامىتۋ جونىندەگى قيىن ماسەلەنى شەشۋگە نازار اۋدارۋ كەرەك. اۋىل - قىستاقتاعى ارتىق ەڭبەككۇشتەردى جۇمىسقا ورنالاسۋعا، شارۋاشىلىق قۇرۋعا جەتەكتەۋمەن بىرگە، بۇكىل شينجياڭداعى ەگىنشى - مالشىلاردىڭ يدەياسىنا بۇرىلىس جاساۋدى ىلگەرىلەتۋ كەرەك. قۋزاۋ - تەكسەرۋدى كۇشەيتىپ، ساتىلار بويىنشا ىلگەرىلەتىپ، تەز ءونىم بەرەتىن نىسانداردى دەر كەزىندە تياناقتاندىرۋ كەرەك. اۆتونوميالى رايون نىسانداردى قۋزاۋ - تەكسەرۋ گرۋپپاسىن قۇرىپ، «قارجىنىڭ جۇمسالعان جەرىن قاداعالاپ، جۇمىسپەن قامتۋدىڭ شەشۋشى ءتۇيىنىن مىقتى ۇستاپ، ماسەلەلەر مەن قاتەرلەردى انىقتاپ، جاۋاپكەرشىلىكتى تياناقتاندىرۋدى كۇشەيتۋ» قىزمەت وي جەلىسى بويىنشا، تەز ءونىم بەرەتىن نىساندار قۇرىلىسىنىڭ جۇرگىزىلۋ بارىسىنا جالپى بەتتىك، ساڭلاۋسىز، كوزبە - كوز قۋزاۋ - تەكسەرۋ جۇرگىزىپ، نىسانداردىڭ ءوز ۋاقىتىندا ءجۇرىلىپ، ناقتى ناتيجەگە جەتۋىن قامتاماسىز ەتەدى. قولداۋ سەرپىنىن كۇشەيتىپ، قارجىمەن قامتاماسىز ەتۋ قىزمەتىن شىنايى جاقسى ىستەيدى. اۆتونوميالى رايوندىق قازىنا مەڭگەرمەسى تەز ءونىم بەرەتىن نىساندارعا اۆتونوميالى رايوندىق قازىنادان قارجى قاراستىرۋ قىزمەتىن تىڭعىلىقتى ىستەۋى قاجەت، جەر - جەر، قاتىستى تاراۋلار كۇشتى جاۋاپكەرشىلىكپەن، جۇمىسپەن قامتۋدى جەتەكشى ەتە وتىرىپ، جۇمىسپەن قامتۋدى تىڭنان قوسىلعان ادام سانىنا بايلانىستىرىپ، قارجىنى شىنايى تۇردە جاقسى باسقارىپ، ۇتىمدى جۇمساپ، قارجىنى ناقتى، ءتيىمدى يگەرىپ، ەڭ ۇلكەن ونىمدىلىككە جەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي ءماجىلىستى باسقاردى، اۆتونوميالى رايوننىڭ باسشىلارىنان عانيبات سابىكەي ۇلى، ماعاۋ سەيىتقامزا ۇلى، ليۋ جيانشين، ۋان حايچۋان ماجىلىسكە قاتىناستى؛ اۆتونوميالى رايوندىق ەكونوميكا جانە ينفورماتسيالاندىرۋ كوميتەتى بۇكىل شينجياڭداعى ورتا، شاعىن، ۇساق كاسىپورىنداردىڭ دامۋ جاعدايىنان مالىمەت بەردى، سونداي - اق شاعىن، ۇساق كاسىپورىنداردى ىنتالاندىرۋ جونىندەگى اتقارۋ پىكىرىنە تۇسىنىك جاسادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
