- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۋاكىلدەر ۇيىرمەسى ماجىلىسكە جيىنى 6 كەڭەس جوبا تاپسىرىپ، 168 ۇسىنىس بەردى
2015.03.16 17:51 كەلۋ قاينارى : شينجياڭ حالىق راديو ستانسياسى تورابى
12-ناۋرىز مەملەكەتتىك 12-كەزەكتى حالىق قۇرىلتايى 3-ءماجىلىسىنىڭ كەڭەس جوبا تاپسىراتىن سوڭعى كۇنى، تۇسكى ساعات 12 گە دەيىن، ءماجىلىس ۋاكىلدەردىڭ جيىنى 522 كەڭەس جوباسىن قابىلدادى. مۇنىڭ ىشىندە، ماجىلىسكە قاتىناسقان شينجياڭ ۋاكىلدەر ۇيىرمەسى جيىنى 6 كەڭەس جوبا تاپسىرىپ، 168 ۇسىنىس بەردى.بۇرىنعى جىلدارمەن سالىستىرعاندا، بيىل شينجياڭ ۋاكىلدەر ۇيىرمەسى تاپسىرعان كەڭەس جوبالار حالىق تۇرمىسىنا اناعۇرلىم جاناسىمدى بولىپ، دامۋعا ءمان بەرىلدى. جىبەك جولى ەكونوميكالىق بەلدەۋى مەن 21-عاسىرداعى تەڭىز ءۇستى جىبەك جولى، ورتانى قورعاۋ، وقۋ-اعارتۋ، بايلىق باجىسى سياقتى مازمۇندار كەڭەس جوبا مەن ۇسىنىستىڭ ءتۇيىنى بولدى.
سۋ يگىلىگى قۇرىلىسى مەن دامۋدى زەرتتەپ جانە وعان نازار اۋدارىپ كەلگەن مەملەكەتتىك حالىق قۇرىلتايى ۋاكىلى دۇڭ شينگۋاڭ بىلاي دەدى: جەر استى سۋ بايلىعىنىڭ جۇيەسى كۇردەلى سياقتى ەرەكشەلىكتەرى بولعاندىقتان جەر استى سۋىنان پايدالانۋدان تۋىلعان بايلىق پەن ورتا وزگەرىسىنە تۇجىرىم جاساۋ قيىنعا سوعادى، ادامداردىڭ جەر استى سۋ بايلىعىن اشىپ پايدالانۋىنا سىڭار جاقتىلى تانىم ورناتىپ، بەتالدى اشىپ، بەتالدى ىعىستىرۋىنا اپارىپ سوقتى. ەلىمىزدە %90 قالا اۋىز سۋ جاعىندا جەر استى سۋىن نەگىز ەتەدى، جەر استى سۋى بىلعانىشىنىڭ، جەر استى سۋىن اشۋدىڭ حالىق تۇرمىسى مەن وندىرىسكە اسەرى توتەنشە زور.
دۇڭ شينگۋاڭ بىلاي دەدى: ەلىمىز قازىر اتقارىپ وتىرعان «سۋ زاڭى»، «سۋدىڭ لاستانۋىنىڭ الدىن الۋ جانە ونى وڭاۋ زاڭى»، «سۋ مەن توپىراقتى قورعاۋ زاڭى»، «قالانىڭ جەر استى سۋىن اشىپ پايدالانۋ قورعاۋ باسقارۋ بەلگىلەمەسى» سياقتىلاردىڭ بارىندە جەر استى سۋ بايلىعىن قورعاۋ مازمۇندارى بار، الايدا وسى زاڭ-ەرەجەلەردە تەك ءىشىنارا پرينسىپتىك ەرەجەلەر عانا بەلگىلەنگەن، ونىڭ ۇستىنە زاڭ-ەرەجەلەردىڭ اراسىنداعى ۇتىمدى قاتىناس كەمشىل، ناقتىلى ونىمدىلىككە يە زاڭ ونىمدىلىگى قالىپتاسا الماعان. جەر استى سۋ بايلىعى جاعىندا، قازىرگە دەيىن زاڭ شىعارۋ اياق الىسى باياۋ، قارىزگى اتقارىلىپ وتىرعان زاڭ-ەرەجەلەردە ۇقىق-مۇددەسى ءبىر كەلكى بولماۋ، مەڭگەرىمدىلىگى كەمشىل، زاڭ-ءتۇزىم جۇيەسى كەمەلسىز بولۋ سياقتى ماسەلەلەر قازىرگە دەيىن ورىن تەۋىپ وتىر.
ول جەر استى سۋ بايلىعىن زاڭ بويىنشا قورعاپ پايدالانۋ جانە ونى ەرتەرەك كۇن تارتىپكە ەنگىزۋ كەرەكتىگىن اتاپ كورسەتە كەلىپ، بىلاي دەدى: جەر استى سۋى تۇلعالىق سۋ بايلىعىنىڭ ماڭىزدى قۇرامداس بولەگى، وعان قاتىستى دەربەس زاڭ جوق، مۇندا ءبىرى، باسقارۋ ءتۇزىلىس رەفورماسىن جاپپاي تەرەڭدەتىپ، فۋنكتسيالىق رول مەن باسقارۋ ۇقىعىن ءبىر تۇلعالاندىرىپ، جاۋاپكەرلىك پەن ۇقىقتى ءبولۋ كەرەك. ەندى ءبىرى، زاڭ تۇزىلىسىندە ونى بارىنشا كەمەلدەندىرىپ، جەر استى سۋىن زاڭ بويىنشا ويداعىداي باسقارۋ قاجەت. شينجياڭ ەكونوميكاسىن دامىتۋ، حالىق تۇرمىسىن جاقسارتۋ، قوعام ورنىقتىلىعى مەن باياندى تىنىشتىقتى جۇزەگە اسىرۋ نەگىزىن ارقاۋ ەتىپ، ءار ۇلت حالىق قۇرىلتاي ۋاكىلدەرى بەلسەنە ۇسىنىس-پىكىر بەردى، مەملەكەتتىك ەكى ءماجىلىس كەزىندە، تاپسىرىلعان التى كەڭەس جوبا جەكە-جەكە مىنالار: مەملەكەتتىك جەر استى سۋ بايلىعىن قورعاۋ زاڭىن بەلگىلەۋ جونىندەگى كەڭەس جوبا، امبەباب قاتىناس تاسىمال جۇيە قۇرىلىسى زاڭىن شىعارۋ جونىندەگى كەڭەس جوبا، «قىلمىستىق ىستەر زاڭىنا» وزگەرىس ەنگىزۋ جونىندەگى كەڭەس جوبا، ءماجبۇري اتقارۋ زاڭىن بەلگىلەۋ جونىندەگى كەڭەس جوبا، جۇڭحۋا حالىق رەسپۋبليكاسىنىڭ ساپانى جاقسارتۋ زاڭىن بەلگىلەۋ جونىندەگى كەڭەس جوبا، مۇناي-ءتابيعي گاز زاڭىن جەدەل شىعارۋ جونىندەگى كەڭەس جوبا. اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ مۇشەسى، باس حاتشى اسقار تۇرسىن: ۋاكىلدەر كەلۋدەن بۇرىن تولىق دايىندىق كوردى، تەكسەرىپ-زەرتتەۋ، ەكسكۋرتسيالاۋ، ارالاۋ سياقتى فورمالار ارقىلى تاپسىرعان كەڭەس جوبا مەن ۇسىنىستار، سونداي-اق اۆتونوميالى رايوننىڭ ءتۇيىندى ينجەنەريالار، دامۋ ستراتەگياسىن مەملەكەتتىڭ دامۋ ستراتەگياسىمەن تىعىز ۇشتاستىرىپ، شينجياڭنىڭ دامۋىن ويداعىداي جوسپارلادى،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
