- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«اۋىلىمدا ءماشىراپ» بەيجيڭ حالىق سارايىندا قويىلدى
2015.04.20 14:32 كەلۋ قاينارى : ءتاڭىرتاۋ تورابى
مەملەكەتتىڭ «ءبىر بەلدەۋ، ءبىر جول» ستراتەگياسىنا دەم بەرۋگە، اۆتونوميالى رايونىمىز قۇرىلعاندىعىنىڭ 60 جىلدىعىن قۇتتىقتاۋعا ارنالعان شينجياڭ ءان - ءبي تەاترى « <جىبەك جولىنداعى جۇڭگو ارمانى. ماڭگىلىك ءماشىراپ> − <اۋىلىمدا ءماشىراپ> » اتتى ءان - ءبي تەاترى 18 - ءساۋىر كۇنى كەشتە بەيجيڭ حالىق سارايىندا سالتاناتپەن قويىلدى.
ۇلتتىق ەرەكشەلىگى قويۋ، مادەنيەت استارى تەرەڭ، حالىقتىق اۋەن، تەاتر، ولەڭ وقۋ سياقتى كوركەمونەرلىك بەينەلەۋ تاسىلدەرى ءبىر تۇلعالانعان وسى ءان - ءبي تەاترى ەلىمىزدىڭ تاڭداۋلىءداستۇرلى مادەنيەتىن، ۇلت مادەنيەتىن ساۋلەلەندىرىپ، شينجياڭ ەكونوميكاسىنىڭ دامۋىن، ۇلتتار ىنتىماعىن، تولىقسىعان تاماشا جاعدايدى بەينەلەدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەر كوميتەتىنىڭ مەڭگەرۋشىسى ۋاڭ جىڭۋي، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى، سىمايىل امەت، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى، جۇڭگو ادەبيەت - كوركەمونەرشىلەر بىرلەستىگىنىڭ ءتوراعاسى سۇن جياجىڭ، اۆتونوميالى رايوننىڭ ورىنباسار ءتوراعاسى تيان ۋىن قاتارلىلار كونسەرتتى بىرگە تاماشالادى.
«اۋىلىمدا ءماشىراپ» تەاترىندا باس رولدى دۇنيە جۇزىنە اتى ايگىلى ليريكالىق - كولوراتۋرالىق شىعان داۋىستى ايەل ءانشى ءدىلبار يۇنۇس جانە ايگىلى ءبيشى ءدىلنار ابدۇللا ورىندادى. شينجياڭ كوركەمونەر تەاترحاناسى ءان - ءبي ۇيىرمەسىنىڭ 150دەن استام ارتيستەرى بىرگە ويىن كورسەتتى. تۇتاس كونسەرت بارىسىنا قازىرگى ساقتالعان 30 نەشە ءتۇرلى ءماشىراپ جاۋھارى شوعىرلانىپ، مەلودرامالىق ءتاسىل ارقىلى قوس ادامدىق ءبي، توپتىق ءبي، جەكە ءبي سياقتى بيلەر توعىستىرىلعان، ون ەكى مۇقامنىڭ ءتىرى داۋىستا ورىندالۋى مەن شينجياڭنىڭ دارا ەرەكشەلىگىنە يە ۇلتتىق مۋزيكاسى، كۇلدىرگى، يۋمورلى تەاتر ۇزىندىلەرى، ءساندى كيىمدەر، تارتىمدى ورىنداۋ شەبەرلىگى ءماشىراپتىڭ ۇيعۇر حالقىنىڭ تۇرمىسىنداعى تەرەڭ ىقپالى مەن جان تامىرىن تولىق بەينەلەپ، كورەرمەندەردىڭ قىزۋ قارسى الۋىنا يە بولدى.
بەيجيڭدىك كورەرمەن ۋىن نا بىلاي دەدى: اسىلگى قالپىن بۇزباعان بۇل ءماشىراپ شينجياڭنىڭ ءداستۇرلى ۇيعۇر ءان - ءبيىن، ۇلتتىق عۇرىپ - ادەتىن جانە كيىم - كەشەك مادەنيەتىن، سونداي - اق ءماشىراپتىڭ تەرەڭ مادەنيەتتىك قۇنىن، ۇيعۇر حالىقىنىڭ تۇرمىسقا دەگەن قىزۋ ىنتاسىن جانە شينجياڭنىڭ حالىقتىق سالت - ساناسىن، تاماشا عۇرىپ - ادەتىن پاش ەتتى، وتە تارتىمدى ورىندالدى.
استانامىزداعى 6000نان استام كورەرمەن كونسەرتتى تاماشالادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
