- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قورعاستا «شەكارادان كىرىپ - شىعۋ جولحاتىن الۋدىڭ اقىلدىق جۇيەسى» ورناتىلادى
ءساۋىردىڭ 18 - كۇنىنەن باستاپ شينجياڭدىقتار ازاماتتىق كۋالىگى ارقىلى جۇڭگو - قازاقستان سەلبەستىگىندەگى قورعاس حالىقارالىق شەكارالىق ىستەستىك ورتالىعىنا كىرۋ جولحاتىن الادى
2015.04.17 14:20
ءساۋىردىڭ 18-كۇنىنەن باستاپ شينجياڭ نوپوسىنداعى ازاماتتاردىڭ جۇڭگو-قازاقستان سەلبەستىگىندەگى قورعاس حالىقارالىق شەكارا ىستەستىك ورتالىعىنا كىرۋ جولحاتىن ءبىتىرۋ ءتارتىبى قاراپايىمداندىرىلىپ، تەك ازاماتتىق كۋالىك ارقىلى 3 مينۋتتا-اق شەكارادان كىرىپ-شىعۋ جولحاتىن الۋعا بولاتىن بولدى. بيىل بۇل ورتالىق ءراسىميات وتەۋ ءتارتىبىن قاراپايىمداندىرىپ، حاۋىپسىز ءارى جەدەل «شەكارادان كىرىپ-شىعۋداعى جۇرتقا قولايلى قىزمەت وتەۋدىڭ اقىلدىق جۇيەسىن» ورناتىپ، بۇرىن ەكى ساعاتتا ازەر بىتىرۋگە بولاتىن جولحات ءبىتىرۋ ۋاقىتىن جۋىردا 3 مينۋتقا قىسقارتادى ەكەن. بۇل ەلىمىزدىڭ جەر-جەرىنەن كەلگەن ساياحاتشى جانە جەرگىلىكتى ورىنداعى تۇرعىنداردىڭ ىستەستىك رايونىنا بارىپ زات ساتىپ الۋىنا، ساۋدا قارىم-قاتىناسىن ورناتۋىنا، ءتۇرلى تيىمدىلىكتەن يگىلىكتەنۋىنە قولايلىلىق جاراتىپ قانا قالماي، بولاشاقتا قورعاستىڭ اتاق-ابىرويىن شار تاراپقا ايگىلەۋگە بەرىك نەگىز قالايدى.
قورعاس ەكونوميكالىق اشۋ رايونى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى گو جيانبين بىلاي دەدى: «شەكارادان كىرىپ-شىعۋداعى جۇرتقا قولايلى قىزمەت وتەۋدىڭ اقىلدىق جۇيەسى»- «رەت-ءنومىرى بويىنشا شاقىرۋ جۇيەسى» مەن «جولحات ءبىتىرۋ جۇيەسىن» قامىتىپ، قازىر بۇل جۇيە جاسالىپ ءبىتىپ، اۆتونوميالى رايوندىق قوعام حاۋىپسىزدىگى مەڭگەرمەسى شەكارادان كىرىپ-شىعۋدى باسقارۋ مەكەمەسىنىڭ بەكىتۋىنە جولداندى. بەكىتىلگەن سوڭ جۇڭگو-قازاقستان سەلبەستىگىندەگى قورعاس حالىقارالىق شەكارا ىستەستىك ورتالىعىنا كىرۋ جولحاتى وسى ورتالىقتىڭ كۋالىك ءبىتىرۋ زالىندا جۇرگىزىلىپ، ءوتىنىش ەتۋشىلەر وسى ورتالىقتىڭ ۇلكەن زالىنداعى ءنومىر الۋ جابدىعىندا 2-ۇرپاق ازاماتتىق كۋالىگىن سۋرەتكە تارتقىزسا نەمەسە ازاماتتىق كۋالىگىنىڭ ءنومىرىن ەنگىزىپ، رەتكە تۇرعىزۋ تەتىگىن باسسا بولعانى جولحات الۋ ءوتىنىشى قابىلدانادى. ودان سوڭ « جولحات الۋ جۇيەسىنىڭ» تەكسەرۋىنەن ءوتىپ، ءوتىنىش ەتۋشىنىڭ ەكىنشى ءداۋىر ازاماتتىق كۋالىگىندەگى بارلىق يفورماتسيا تەكسەرىپ-تۇراقتاندىرىلعان سوڭ جولحات الۋ شارتىن تولىق ازىرلەپ، سوڭىندا قىزمەت وتەۋ تەكشەسىندەگى ساقشى ارقىلى رەت ءنومىرى شاقىرىلىپ، بەلگىلەنگەن قىزمەت وتەۋ تەكشەسىنەن قول قويىپ جولحاتتى الادى.
قازىر بۇل ورتالىقتا ءوتىنىش ەتۋشىلەردى سۋرەتكە تارتۋ جانە ازاماتتىق كۋالىكتىڭ كوبەيتىلگەن نۇسقاسىن تاپسىرۋ ءراسىمياتى كۇشىنەن قالدىرىلىپ، تەك ازاماتتىق كۋالىك، ۋاقىتتىق ازاماتتىق كۋالىك جانە نوپوس كۋالىگى بولسا بولعانى جولحات ءبىتىرىپ بەرۋ بەلگىلەندى. جولحات الۋشىلار جۇڭگو-قازاقستان سەلبەستىگىندەگى قورعاس حالىقارالىق شەكارا ىستەستىك ورتالىعىنىڭ كۋالىك ءبىتىرۋ زالىندا نەمەسە قورعاس اكىمشىلىك قىزمەت وتەۋ ورتالىعىنا بارىپ جولحاتقا قاتىستى جۇمىستاردى بىتىرسە بولادى. بۇدان تىس پاسپورتى، شياڭگاڭ، اۋميىنعا باراتىن جولحاتى بارلار، شياڭگاڭ، اۋمين تۇرعىندارىنىڭ ۇلى قۇرلىققا كەلۋ جولحاتى بارلار مەن جۇڭگودا زاڭدى تۇراتىن ءارى زاڭدى حالىقارالىق ساياحات پاسپورتى بار شەتەلدىكتەردىڭ ىستەستىك ورتالىعىنا كىرۋىنە بولادى ەكەن.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
