- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۋ يگىلىگىنە ۇلەس قوسقان قۇرمان مالىكتىڭ ىزگى ىستەرى
2015.04.27 16:24 كەلۋ قاينارى : شينجياڭ حالىق راديو ستانسياسى تورابى
جازدا تاسقىن جۇرگەندە، وزەن اعارىنداعى سۋ كوبەيەدى، وزەن اعارىنىڭ ماڭىنداعى ەگىنشى-مالشىلاردىڭ باس اماندىعى مەن مال-مۇلكىنىڭ حاۋىپسىزدىگىنە كەپىلدىك ەتۋ ءۇشىن، قوربان مالىك ساپتاستارىمەن بىرگە تىنباي جۇمىس ىستەپ، توسپانى اعىتىپ سۋ دەڭگەيىن باقىلايدى. 1996-جىلدان بەرى، ىلگەرىندى-كەيىندى ابايسىزدا سۋعا ءتۇسىپ كەتكەن ءتورت ادامدى قۇتقاردى. قۇربان مالىك: ۇنەمى وسىنداي جاعدايعا جولىعىپ قالام، سول كەزدە تاسقىن جۇرگەن مەزگىل ەدى، ەسىمە ەشتەمە كەلمەدى، تەك ادامدى قۇتقارۋدى عانا ويلادىم. پارتيا مۇشەسىمىن، ونىڭ ۇستىنە مەملەكەت كادرىمىن، بۇل مەنىڭ ىستەۋگە ءتيىستى ءىسىم، مۇمكىندىكتىڭ بارىنشا باسقالاردى قۇتقارۋىمىز كەرەك،-دەدى.
قۇربان مالىك تۇرمىستا باسقالارعا كومەكتەسۋدى ماقتانىش سانايتىن، ىستەگەن ىسىنە قارىمجى تىلەمەيتىن جاناشىر جان. 2008-جىلى تارلاڭ وزەن اعارىن باسقارۋ پونكيتىنىڭ قىزمەتكەرى زۇنۇن مامەتتىڭ جۇرەگىنە شۇعىل وپەراتسيا جاساتۋ قاجەت بولادى، وپەراتسيا جاساتۋعا مول قارجى كەتەتىندىكتەن، العاشقى ەمدەۋدە تۋىس-تۋعان، دوس-جاراندارىنان قارىزعا العان ازعانتاي اقشاسى تاقا تاۋسىلادى، قۇربان مالىك قولىنداعىنىڭ ءبارىن جىلۋعا اتاپ، شيپاحاناعا جاتىپ ەمدەلۋگە 4 مىڭ يۋان اقشا تاۋىپ بەرەدى، ءارى وسى سالاداعى كادرلاردى بەلسەنە جىلۋ اتاۋعا ۇيىمداستىرىپ، زۇنۇن مامەتتىڭ قينشلىعىن شەشەدى. اۋىل باستاۋىش مەكتەبىندەگى وتباسى ەكونوميكالىق قينشىلىعى سەبەبىنەن وقۋ ماتەريالدارىن ساتىپ الا الماعان بالالارعا، ول ۇنەمى كومەك قولىن سوزىپ، وقۋ ماتەريالدارىن ساتىپ الىپ بەردى، ءارى وسى بالالاردىڭ ۇيلەرىنە ۇن، ازىقتىق ماي سياقتىلاردى جەتكىزدى. ونىڭ حانزۋ كورشىسى قىزمەت قاربالاستىعىنان ءبىر جاستاعى بالاسىن قارايتىن ادام تابا الماي قينالادى، مۇنى كورگەن ول جۇبايىمەن اقىلداسىپ، ىرىقتىلىقپەن كورشىسىنە كومەكتەسىپ، ونىڭ بالاسىن ءۇش جاسقا كەلتىرىپ، بالالار باقشاسىنا كىرگەنگە دەيىن قاراپ بەردى. قۇربان مالىك: قاي جەردە بولسىن، ۇلتتار ىنتىماعى بارىنەن ماڭىزدى، كورشىلەرىممەن تاتۋ ءتاتتى وتەم، ولاردا بىزگە وتە جاقسى مامىلە جاسايدى، قازىر ءبىز تۋىستارداي بولىپ كەتتىك،-دەدى.سۋ يگىلىگىنىڭ الدىڭعى شەبىندە ۇزاق ۋاقىت قاربالاس جۇمىس ىستەپ، ۋاعىندا دەمالىپ، ازىقتانباعاندىقتان، قۇربان مالىك قازىر سالماقتى جوعارى قان قىسىم، قانتتى نەسەپ اۋىرۋىنا شالدىقتى. ءبىراق ول ءالى قىزمەتىن وتە سۇيەدى. قۇربان مالىك: قىزمەت ىستەگەن 30 نەشە جىلدان بەرى، سۋ يگىلىگى قىزمەتىنە تەرەڭ سۇيسپەنشىلىك ورناتتىم. قىزمەتىمدى قىزۋ سۇيەمىن، سۋ يگىلىگى جاعىنداعى قىزمەتتى ويداعىداي ىستەسەم كوڭىلىم جاي تابادى. بالامنىڭ جوعارى مەكتەپتى تاۋىسقان سوڭ، سۋ يگىلىگى سالاسىندا قىزمەت ىستەۋىن، وسى كاسىپتى جالعاستىرۋدى ءۇمىت ەتەمىن،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
