- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قاشقار امبەباپ قورعامالى باجى رايونى كەدەندى جاۋىپ تيجارات باستادى
2015.04.27 16:25 كەلۋ قاينارى : شينجياڭ حالىق راديو ستانسياسى تورابى
20-ٴساۋىر، قاشقار امبەباپ قورعامالى باجى رايونى رەسمي كەدەندى جاۋىپ تيجارات باستاپ، رايونىمىزدا الاتاۋ ساعاسى امبەباپ قورعامالى باجى رايونىنان كەيىنگى ەكىنشى امبەباپ قورعامالى باجى رايونىنا اينالدى.اناعۇرلىم يكەمدى ءتيىمدى ساياساتتارعا سۇيەنگەن قاشقار امبەباپ قورعامالى باجى رايونىنىڭ جىبەك جولى ەكونوميكالىق بەلدەۋىندەگى ەكونوميكا ارتۋىنىڭ تىڭ قوزعاۋشى كۇشىنە اينالۋ ىقتيمالدىعى زورايدى.
تۇستەن بۇرىن سىرتقى ساۋدامەن شۇعىلدانعانىنا 15 جىل بولعان يۋان يوۋجۇن قاشقار امبەباپ قورعامالى باجى رايونىنىڭ تيجارات باستاعاننان كەيىنگى تۇڭعىش ساۋداسىن ءساتتى ءوتىنىش ەتتى.ول تىلشىگە، بۇرىنعىدان وزگەشەلىگى يمپورت ەتىلەتىن تاۋارلاردى باجىسىز قاشقار امبەباپ قورعامالى باجى رايونىنا ەنگىزىپ ساقتاۋعا، ونان سوڭ كەدەن باجىسىن تاپسىرۋعا بولاتىندىعىن ايتىپ:«ەنگەننەن كەيىن باجىنى قورعاۋعا، تاۋاردى الدىمەن ساتىپ تۇرۋعا بولادى.زاتتاردىڭ شوعىرلى مالىمدەۋى اياقتاعاننان كەيىن، كەدەنگە باجى تاپسىرۋعا بولادى.ەكسپورت تاۋارلارى امبەباپ رايونىنا ەنگەننەن كەيىن، الدىمەن ءوتىنىش ەتىپ كەدەنگە مالىمدەۋگە بولادى، كاسىپورىندار ۋاعىندا باجىنى قايتارا الادى، تاۋارلاردى ءبىر ايدان، اۋەلى 6 ايدان كەيىن شىعارىپ، كاسىپورىننىڭ قارجى اينالىم اۋىرتپالىعىن جەڭىلدەتۋگە بولادى»،-دەدى.قاشقار امبەباپ قورعامالى باجى رايونى«ەل ىشىندە كەدەن سىرتىنداعى»تيجارات ءتاسىلىن قولدانىپ، يمپورت تاۋارلارى رايونعا ەنگىزىلگەننەن كەيىن باجىسى قورعالادى، ەكسپورت تاۋارلارى رايونعا ەنگىزىلگەننەن كەيىن ەكسپورت تاۋارى سانالىپ باجىسى قايتارىلادى.قاشقار كەدەنىنىڭ ورىنباسار باستىعى قايسار بىلاي دەپ تانىستىردى:«امبەباپ قورعامالى باجى رايونى باستىسى الدىڭعى شەپتە اشىق ۇستاپ، ەكىنشى شەپتە مىقتى يگەرەدى.الدىڭعى شەپتە اشىق ۇستاۋ دەگەنىمىز تاۋار رايونعا ەنگەن كەزدە ەسەپ مالىمدەلەدى، بۇل كاسىپورىن جونىنەن توتەنشە قولايلى، ەكىنشى شەپتە مىقتى يگەرۋ دەگەنىمىز ەكسپورت بارىسىندا تاراۋلاردىڭ دايىن كۇيىن دۇرىس مالىمدەۋ، تۋىلۋ ىقتيمالدىعى بار قارسى جاق تيىم سالعان باجى ۇرلاۋ، باجىنى تولىق تاپسىرماۋ جايتتەرىنىڭ تۋىلۋىنىڭ الدىن الۋ سانالادى ۇزاق ۋاقىتتان بەرى، قاشقار ايماعى وڭىرلىك ابزالدىلىعىنا سۇيەنىپ، جىبەك جولى ەكونوميكالىق بەلدەۋىندەگى ماڭىزدى زات جونەلتۋ سەنتىرىنە اينالعانىمەن، مۇنداي «وتكەل شارۋاشىلىعىنىڭ» سول جەردىڭ كاسىبىن جەبەۋ رولى ونشا كورنەكتى بولمادى.سول سەبەپتى، قاشقار امبەباپ قورعامالى باجى رايونى جاساۋ كاسىبىنە بەيىمدەلىپ،وسى وڭىرگە كىرگەن كاسىپورىنداردىڭ يمپورت ەتىلگەن جابدىقتارى مەن ونىڭ بولشەك زاپشاستارىنان كەدەن باجىسىن جانە يمپورت وتكەلەگى باجىسىن المادى، زات ايىرباس ساۋداسىندا دا ارتقان قۇن باجىسى مەن تۇتىنۋ باجىسى الىنبادى، مىنە بۇلار مانەرلەۋ كاسىپورىندارىنىڭ قارجىسىنىڭ پايدالانۋ ونىمدىلىگىن جوعارىلاتتى.قاشقار ەكونوميكالىق تەحنيكالىق اشۋ رايونى پارتيا قىزمەتى كوميتەتىنىڭ شۋجيى، قاشقار قالالىق پارتكومنىڭ شۋجيى چىن شۇيگۋاڭ بىلاي دەدى :رەسمي تيجارات جۇرگىزگەننەن كەيىن، قاشقار قورعامالى باجى رايونى ەلىمىزدىڭ باتىسقا ەسىك اشۋداعى ماڭىزدى دانەكەرىنە جانە وڭتۇستىك شينجياڭنىڭ ەكونوميكاسى مەن ساۋداسىنىڭ دامۋىنداعى ماڭىزدى تەكشەگە اينالادى.قاشقاردىڭ ورىن ابزالدىلىعىنىڭ ەكونوميكالىق ابزالدىلىققا اينالماۋىنداعى باستى سەبەپ نە ؟ مۇنداعى باستى سەبەپ ــــــ ساياسات جاعىنداعى ابزالدىلىعى شوعىرلانبادى، قورعامالى باجى رايونى سياقتى تەكشەلەر قۇرىلمادى.ەندى وسى تەكشە قۇرىلعان سوڭ، ول ساۋدا قارىم -قاتىناسىن بارىنشا كۇشەيتەدى.امبەباپ قورعامالى باجى رايونىن قۇرۋدا باستىسى ونى اۆياتسيا ىستەرىمەن تىعىز بىرلەستىرۋ كەرەك.قورعامالى باجىعا جاتاتىن زاتتاردىڭ دامۋى مانەرلەۋ كاسىبىنىڭ دامۋىن جەبەيدى، سوڭىندا ول ەڭبەك شوعىرلىلىعى كۇشتى مانەرلەۋ كاسىبىنىڭ دامۋىن ىلگەرىلەتەدى.قورعامالى باجى رايونى اۋىل شارۋاشىلىق قوسىمشا ونىمدەرىنىڭ جانە كەن ونىمدەرى بايلىعىنىڭ ابزالدىلىعىن ساۋلەلەندىرىپ، مادەنيەت، ساياحات سياقتى كاسىپتەردىڭ كومەسكى كۇشىن اشادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
