- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۋ ىستەرى رەفورماسىن تەرەڭدەتۋ جونىندەگى جالپىلىق اتقارۋ پىكىرى العا قويىلدى
اۆتونوميالى رايونىمىزدىڭ سۋ ىستەرى رەفورماسىنداعى 10 ءىرى نىسانا ايقىندالدى
2015.05.14 13:40 كەلۋ قاينارى : ءتاڭىرتاۋ تورابى
«اۆتونوميالى رايونىمىزدىڭ سۋ ىستەرى رەفورماسىن تەرەڭدەتۋ جونىندەگى جالپىلىق اتقارۋ پىكىرى» اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە قارالىپ - بەكىتىلىپ، جۋىقتا جاريالاندى. «اتقارۋ پىكىرىندە» بازاردىڭ بايلىقتى ۇلەستىرۋدەگى شەشۋشى رولىن تولىق ساۋلەلەندىرىپ، سۋ بايلىعىن باسقاردىڭ مەيلىنشە قاتاڭ ءتۇزىمى سانالاتىن «ءۇش قىزىل سىزىقتى» ارقاۋ ەتىپ، سۋ ىستەرىن دامىتۋدىڭ ءتۇزىلىسى مەن مەحانيزمىن رەفورمالاۋعا، كەمەلدەندىرۋگە كۇش سالىپ، سۋ بايلىعىن باسقارۋدىڭ بىرلىككە كەلۋىن، سۋ قۇرىلىسىنىڭ كوپ نەگىزدەنۋىن، سۋ تاۋارىنىڭ بازارلانۋىن، سۋ ىستەرىن باسقارۋدىڭ ينفورماتسيالانۋىن جانە سۋ ىستەرىنىڭ وسىزاماندانۋىن جەدەل ىلگەرىلەتىپ، سۋ ىستەرىنىڭ حالىققا قىزمەت كورسەتىپ، دامۋدى قامتاماسىز ەتۋ قۋاتى مەن دەڭگەيىن ۇزبەي جوعارىلاتىپ، شينجياڭ قوعامىنىڭ ورنىقتىلىعى مەن باياندى تىنىشتىعىن ىسكە اسىرۋعا ءتىپتى زور ۇلەستەر قوسۋ تالاپ ەتىلدى.
«پىكىردە» اۆتونوميالى رايونىمىزدىڭ سۋ ىستەرى رەفورماسىنداعى 10 ءىرى نىسانا العا قويىلدى.
وڭىرلىك سۋ بايلىعىن باسقارۋ ءتۇزىلىسىن تەرەڭدەتۋ جاعىندا «پىكىردە» بىلاي دەپ العا قويىلدى: سۋ بايلىعىن باسقارۋدىڭ مەيلىنشە قاتاڭ ءتۇزىمىن تياناقتاندىرۋ − ورتالىقتىڭ ايقىن تالابى، سونداي - اق اۆتونوميالى رايونىمىزدىڭ سۋ بايلىعىنان پايدالانۋ رەفورماسىنىڭ ارقاۋى. ءار دارەجەلى ۇكىمەتتەردىڭ سۋ بايلىعىن باسقارۋدىڭ مەيلىنشە قاتاڭ ءتۇزىمىن اتقارۋداعى جاۋاپكەرشىلىك سۋبيەكتىلەرى ەكەنىن ايقىنداۋ، اۆتونوميالى رايوندىق سۋ بايلىعىن باسقارۋ كوميتەتىن جەدەل قۇرۋ كەرەك، بۇل كوميتەت سۋ بايلىعى بويىنشا قاتاڭ جاۋاپقا تارتۋعا جاۋاپتى بولادى. باسشى كادرلارعا مىندەتتەن بوسار الدىندا سۋ بايلىعىنا قاتىستى قازىنالىق باقىلاۋ جۇرگىزۋ ءتۇزىمىن ورناتۋ جونىندە ىزدەنىس جاساپ، سۋ بايلىعى جونىندەگى نەگىزدەۋ جۇمىسىندا «ءبىر داۋىسپەن تەرىسكە شىعارۋ ءتۇزىمىن» تياناقتاندىرۋ كەرەك. سونىمەن بىرگە، سۋ بايلىعى اقىسىنىڭ ولشەمىن تەز رەتتەپ، ەكىنشى رەت كوتەرمەگە بەرىلگەن جەردەن، مالشىلاردى وتىرىقتاندىرۋ تۇيىندەرىندەگى جەم - ءشوپ بازالارىنان تىسقارى جەرلەرگە پايدالانىلاتىن سۋ اقىسىن مولايتۋ كەرەك.
سۋ ۇقىعى رەفورماسى جاعىندا «پىكىردە» بىلاي دەلىندى: دارەجەگە ايىرىلعان سۋ ۇقىعى جۇيەسىن ورناتۋ جونىندە زەرتتەۋ جۇرگىزىپ، قاتىستى باسقارۋ ءادىسىن العا قويىپ، سۋ ۇقىعى، سۋ باعاسى، سۋ بازارى جۇيەسىن ورناتىپ، اۋىل شارۋاشىلىعىندا سۋ ۇنەمدەۋدى ونەركاسىپ سالاسى مەن قالا - قالاشىقتارعا ويىستىرۋدىڭ ءتاسىلى مەن مەحانيزمى ۇستىندە ىزدەنىس جاساۋ كەرەك. بەكىتىلگەن ۇقىقتى تىركەۋگە الىپ، سۋ ۇقىعىن ايىرباستاۋدىڭ تۇعىرىن قۇرىپ، وڭىرلەر ارا، سۋدان پايدالانۋشىلار ارا سۋ ۇقىعىن ايىرباستاۋعا شابىتتاندىرۋ، جەتەكشىلىك ەتۋ كەرەك.
سۋ ەكولوگياسىن قورعاۋ جاعىندا «پىكىردە» جاعدايى جاقسى اۋدانداردا (قالا) سۋ ەكولوگيالىق وركەنيەت قۇرىلىسى جونىندە سىناق قىزمەتىن الدىمەن ورىستەتۋ العا قويىلدى. 2015 - جىلدان باستاپ، باعراش كولى، ەبىنۇر كولى سياقتى اۆتونوميالى رايونداعى ماڭىزدى كولدەر مەن وزەندەردە ەڭ تومەنگى سۋ دەڭگەيىن (سۋ ايدىنى)، ەكولوگيالىق نەگىزگى اعىستى مەڭگەرۋ سىزىعىن بەلگىلەۋ قىزمەتىن ورىستەتىپ، ساقتاندىرۋ، تەكسەرۋ - باقىلاۋ جۇمىسىن بىرتىندەپ اتقارۋ كەرەك.
اۋىل شارۋاشىلىعىندا سۋ ۇنەمدەۋگە جاڭالىق ەنگىزۋدىڭ جاڭا مەحانيزمىن ورناتۋ جاعىندا بىلاي دەپ العا قويىلدى: اۋىل شارۋاشىلىعىندا سۋ ۇنەمدەۋ مەن اۋىستىرۋدى بىرگە جوبالاۋ، بىرگە اتقارۋ، بىرگە وتكىزىپ الۋدى الدىمەن سىناق ەتىپ، ونى سۋ بايلىعىن مەڭگەرۋ كورسەتكىشىمەن جانە جەردى تىنىقتىرىپ، سۋدى ۇنەمدەۋ مىندەتىن تياناقتاندىرۋمەن ماتاستىرىپ، ناتيجەسىن باعالاۋ كەرەك. وڭتۇستىك شينجياڭنىڭ اۋىل شارۋاشىلىعىندا سۋ ۇنەمدەۋ، جەردى تىنىقتىرىپ سۋ ۇنەمدەۋ شارالارىن جەرگىلىكتى ورىننىڭ جاعدايىنا قاراي جۇرگىزىپ، كاسىپ سالالارىنىڭ دامۋىمەن جانە ەگىنشى - مالشىلاردى كاسىپتەندىرىپ، كىرىستەرىن ارتتىرۋمەن بايلانىستىرۋ كەرەك.
سۋ ىستەرىنە ۇسىنىلىمدى ورنىقتى ارتتىرۋدىڭ مەحانيزمىن كەمەلدەندىرۋ جاعىندا، «پىكىردە» مىناداي تالاپتار العا قويىلدى: ورتالىقتىڭ جانە اۆتونوميالى رايوننىڭ سۋ ىستەرىنە قارجى قوسۋ ساياساتىنان ۇتىمدى پايدالانۋ نەگىزىندە، سۋ ىستەرىنە ءتۇرلى ارنالار ارقىلى قارجى توپتاۋدى بەلسەندى تۇردە ىلگەرىلەتىپ، قوعامدىق قارجىنى باۋراۋ كەرەك، سونىمەن بىرگە اۆتونوميالى رايوننىڭ سۋ بايلىعىن ۇلەستىرۋ قۇرىلىستارىنا سۋ ۇقىعى ارقىلى قارجى قۇراۋدى جولعا قويۋ كەرەك.
سۋ ىستەرى قۇرىلىسىن باسقارۋ مەحانيزمىن كەمەلدەندىرۋ جاعىندا، «پىكىردە» حالىق تۇرمىسىنا قاتىستى ورتا، شاعىن كولەمدى سۋ قۇرىلىستارىنا ءبىرتۇتاس باسقارۋ ۇلگىسىن قولدانىپ، ءبىر اۋدانعا بىردەن زاڭدىق ۋاكىل قويۋ نەمەسە نىسان ءتۇرى بويىنشا زاڭدىق ۋاكىل قويۋ ارقىلى مەردىگەرلىككە شاقىرۋدى شوعىرلاندىرا جۇرگىزىپ، سۋ يگىلىگى قۇرىلىسىنا قارجى قوسۋ، مەردىگەرلىككە شاقىرۋ ىستەرىن قاداعالاۋدى كەمەلدەندىرىپ، قۇرىلىس ىستەرىن ارناعا ءتۇسىرۋ ورتاعا قويىلدى.
سۋ باعاسىن بەلگىلەۋ مەحانيزمىن ورناتۋ جانە كەمەلدەندىرۋ جاعىندا، «پىكىردە» مىناداي تالاپتاردى العا قويىلدى: «ءبىر جولدا باعا بەلگىلەپ، ساتىلار بويىنشا تياناقتاندىرۋ» پرينسيپى بويىنشا، 2010 - جىلعى سۋمەن قامداۋ وزىندىك قۇنى نەگىزىندە، اۆتونوميالى رايون العا قويعان «12 - بەسجىلدىقتىڭ» سوڭىندا سۋ باعاسىن وزىندىك قۇن سۋ باعاسىنىڭ %70ىنە جەتكىزۋ، «13 - بەسجىلدىقتىڭ» سوڭىندا وزىندىك قۇن سۋ باعاسىنا نەگىزىنەن جەتكىزۋ سىندى رەفورما نىساناسىن ىسكە اسىرۋعا قۇلشىنۋ كەرەك. اۋىل شارۋاشىلىعىن سۋمەن قامداۋدا «ستەرەولىق» سۋ باعاسى ءتۇزىمىن اتقارۋ كەرەك.
جوعارىداعى 8 ءتۇرلى شارادان تىس، «پىكىردە» سۋ ىستەرىن باسقارۋ ءتۇزىلىسىن رەفورمالاۋ جانە سۋ ىستەرىن اكىمشىلىك جاقتان باسقارۋ رەفورماسىن تەرەڭدەتۋ قىزمەتىنە انىق باعدار كورسەتىلدى.
اۆتونوميالى رايوندىق سۋ ىستەرى مەڭگەرمەسى رەفورما كەڭسەسىنىڭ ورىنباسار مەڭگەرۋشىسى نيان زىلي بىلاي دەدى: رەفورما نىساناسىن ىسكە اسىرۋ ءۇشىن، «پىكىردە» ەرەكشە ناقتىلى تالاپتار العا قويىلدى. ايتالىق: جەر - جەر اۆتونوميالى رايوننىڭ اتقارۋ پىكىرىنە ساي، جەرگىلىكتى جاعدايعا ۇشتاستىرىپ، جىل سوڭىنان بۇرىن «اتقارۋ جوباسىن» شىعارۋى، سونداي - اق رەفورمانى جالپى بەتتىك جولعا قويۋى كەرەك. مۇمكىندىكتىڭ بارىنشا جىل سوڭىنان بۇرىن بيڭتۋان مەن جەرگىلىكتى ورىننىڭ سۋ بايلىعىن سايكەستىرۋ، باسقارۋ كوميتەتىن قۇرىپ، بىرىككەن كەڭەس، مەرزىمدىك كەڭەس جۇيەسىن ورناتۋ كەرەك. سۋ بايلىعىن باسقارۋدىڭ «3 قىزىل سىزىقپەن» مەڭگەرۋ كورسەتكىشىن رايون، اۋدان، اۋىل - قالاشىقتاردىڭ جوباسىنا جانە پايدالاناتىن سۋدىڭ جالپى مولشەرىن مەڭگەرۋ جوباسىنا تياناقتاندىرۋ، شينجياڭنىڭ «سۋ بايلىعىن باسقارۋدىڭ مەيلىنشە قاتاڭ ءتۇزىمىن اتقارۋدىڭ ناتيجەسىن باعالاۋ ءادىسىن» جىل سوڭىنا دەيىن شىعارۋ كەرەك. سونىمەن بىرگە، تۇتاس شينجياڭ بويىنشا سۋ باعاسىن وزىندىك قۇن سۋ باعاسىنىڭ %70ىنە جەتكىزۋ سىندى رەفورما نىساناسىن جىل سوڭىنا دەيىن ىسكە اسىرۋعا كۇش سالۋ كەرەك. اۋىل شارۋاشىلىعىن سۋمەن قامداۋدا تەرمينالدى باعا، سارالانعان باعاسى، نورمادان ارتىق سۋدىڭ ۇستەمە باعاسى سياقتى ساياساتتاردى ىلگەرىلەتۋ كەرەك. تۇرپان، قۇمىل، ءۇرىمجى، سانجى، بۇراتالا موڭعۇل اۆتونوميالى وبلىسى، بايىنعولىن موڭعۇل اۆتونوميالى وبلىسى قاتارلى جەرلەر بايلىق سيپاتتى سۋ باعاسىن جىل سوڭىنا دەيىن بەلگىلەۋى كەرەك. سۋ ۇقىعىنا جاپپاي رەفورما جاساۋ، سونىمەن بىرگە، ۇلگى كورسەتەتىن رايونداردا اۋىل شارۋاشىلىعىنا پايدالاناتىن سۋدىڭ ۇقىعىن انىقتاپ، تىركەۋگە الۋ قىزمەتىن ورىستەتۋ، سونداي - اق سۋ ۇقىعى ايىرباسىن سىناق رەتىندە جۇرگىزۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
