- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولى ەكونوميكالىق بەلدەۋى وزەكتى رايونى مەديتسينالىق قىزمەت ورتالىعىنىڭ قۇرىلىسى الدىمەن جۇرگىزىلەدى
2015.05.14 13:41 كەلۋ قاينارى : ءتاڭىرتاۋ تورابى
اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنەن رايونىمىزدىڭ جىبەك جولى ەكونوميكالىق بەلدەۋىندەگى وڭىرلىك باسىمدىققا سۇيەنە وتىرىپ، قازىرگى ەمدەۋ، دەنساۋلىق ساقتاۋ بايلىعىنان پايدالانىپ، ەمدەۋ، دەنساۋلىق ساقتاۋ سالاسىنىڭ شەتەلدەرمەن بارىس - كەلىس سەلبەستىگىنىڭ قۇرىلىس جوباسىن جوعارى دەڭگەيدە جوبالاپ، جىبەك جولى ەكونوميكالىق بەلدەۋى وزەكتى رايونىنداعى «بەس ورتالىقتىڭ» ءبىرى سانالاتىن مەديتسينالىق قىزمەت ورتالىعى قۇرىلىسى جونىندەگى قىزمەت ورنالاستىرۋىن الدىمەن باستاپ، ەمدەۋ، دەنساۋلىق ساقتاۋ سالاسىنىڭ شار تاراپقا ەسىك اشۋ جاعدايىن قالىپتاستىرۋعا قۇلشىنىپ وتىرعانىن ۇعىستىق.
تانىستىرۋعا قاراعاندا، جىبەك جولى ەكونوميكالىق بەلدەۋى وزەكتى رايونىنىڭ مەديتسينالىق قىزمەت ورتالىعى قۇرىلىسىنىڭ 1 - 2 جىل ىشىندە نەگىزى بەكەمدەلىپ، جاڭا جاعداي جارىققا شىعادى ەكەن. «جىبەك جولى دەنساۋلىق مىنبەرىنە» سۇيەنىپ، ەمدەۋ، دەنساۋلىق ساقتاۋ سالاسىنىڭ شەتەلدەرمەن بارىس - كەلىس، سەلبەستىگىندە تىڭ جەتىستىككە قول جەتكىزىلەدى؛ ءۇرىمجى رايونىنىڭ مەديتسينالىق قىزمەت جاعىنداعى باسىم بايلىعىنا سۇيەنە وتىرىپ، ەڭ الدىمەن، اۆتونوميالى رايوندىق حالىق شيپاحاناسىندا، شينجياڭ مەديتسينا ۋنيۆەرسيتەتىنىڭ 1 - شيپاحاناسىندا، اۆتونوميالى رايوندىق وسپە اۋرۋلارى شيپاحاناسىندا، اۆتونوميالى رايوندىق جۇڭگو شيپاگەرلىگى شيپاحاناسىندا، اۆتونوميالى رايوندىق ۇيعۇر شيپاگەرلىگى شيپاحاناسىندا مەديتسينالىق قىزمەت جولعا قويىلىپ، حالىقارالىق دەڭگەيدەگى مەديتسينالىق قىزمەت كورسەتۋ توسەگىنەن، ەڭ از بولعاندا، 500ى ورنالاستىرىلادى ءارى باسقا ايماق، وبلىس، قالالاردا حالىقارالىق دەڭگەيدەگى مەديتسينالىق قىزمەت بىرتىندەپ جولعا قويىلادى ەكەن. سونىمەن قاتار، شينجياڭنىڭ جۇڭگوشا شيپاگەرلىك، از ۇلت شيپاگەرلىگى، دارىگەرلىگى جاعىنداعى باسىمدىعىن ساۋلەلەندىرىپ، ساياحاتتىق مەديتسينانى نەگىز ەتكەن كۇتىمدەۋ، ينەمەن ەمدەۋ، ماسساج، دارىلىك تاعام سياقتى دەنساۋلىق قىزمەتىن بارىنشا ورىستەتەدى. توڭىرەكتەگى ەلدەرگە باعىتتالعان جوعارى دەڭگەيدەگى دەنساۋلىق قىزمەتىن دامىتۋعا باسا ءمان بەرەدى. جىبەك جولى ەكونوميكالىق بەلدەۋى وزەكتى رايونىنىڭ مەديتسينالىق قىزمەت ورتالىعى قۇرىلىسى جوباسىن جاساپ بولادى.
ونان سوڭ تاعى دا 2 - 5 جىل ۋاقىتپەن ماڭىزدى تۇيىندەردە قامال الىنىپ، كولەم قالىپتاستىرىلادى. ينفورماتسيا ارناسى سانالاتىن ينتەرنەتتىك بايلانىستى قامال الۋ ءتۇيىنى ەتىپ، حالىقارالىق مەديتسينالىق قىزمەت سەلبەستىگىنىڭ قولايلى، ءونىمدى بولۋىن جۇزەگە اسىرادى. حالىقارالىق مەديتسينالىق قىزمەت سەلبەستىگى مەحانيزمىنە جاڭالىق ەنگىزىپ، توڭىرەكتەگى ەلدەردىڭ ەمدەۋ بازارىمەن الىستان مەديتسينالىق قىزمەت كورسەتۋ تورى جۇلگەسىن قالىپتاستىرىپ، مەديتسينالىق ينفورماتسيالاردى بىرگە بولىسۋگە، ساپالى مەديتسينالىق بايلىقتى بايلانىستىرۋعا قۇلشىنادى. ءۇرىمجى رايونىن كوشباسشى ەتكەن جىبەك جولى ەكونوميكالىق بەلدەۋى وزەكتى رايونى مەديتسينالىق قىزمەت ورتالىعىنىڭ جىبەك جولى ەكونوميكالىق بەلدەۋىندەگى ورنى مەن رولىن بارىنشا ىلگەرىلەتەدى. ەڭ سوڭىندا جىبەك جولى ەكونوميكالىق بەلدەۋى وزەكتى رايونىنىڭ مەديتسينالىق قىزمەت ورتالىعى قۇرىلىپ، ەمدەۋ، دەنساۋلىق ساقتاۋ سالاسىنىڭ شار تاراپقا ەسىك اشۋ جاڭا جاعدايى نەگىزىنەن قالىپتاسادى.
اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ليۋ چىڭيۋان بىلاي دەدى: «قازىرگى مەديتسينالىق بايلىقتان پايدالانىپ، الدىمەن باستاۋ، الدىمەن سىناۋ، الدىمەن وڭايىن، سوڭىنان قيىنىن ىستەۋ، قىزمەت كورسەتە ءجۇرىپ قۇرىلىس جۇرگىزۋ، حالىقارالىق جانە ەل ءىشى بازارىن ءبىر تۇتاس ىلگەرىلەتۋ سىندى وي جەلىسىنە ساي، ەسىك اشۋ، باۋىرمالدىق، بازار، زاڭمەن جونگە سالۋ كوزقاراسىن ۇستانىپ، شەتەلدەرمەن بارىس - كەلىستى، سەلبەستىكتى جان - جاقتى كۇشەيتۋدى نەگىزگى تاقىرىپ، ءوزارا بايلانىس، ءوزارا قارىم - قاتىناستى جەبەۋدى، مەديتسينالىق، دەنساۋلىق قىزمەتىنىڭ ورەسىن جاپپاي ءوسىرۋدى نەگىزگى جەلى، ناقتى سەلبەستىكتى، ءوزارا پايدا جەتكىزىپ تەڭ ۇتۋدى العى شارت ەتە وتىرىپ، ەمدەۋ، دەنساۋلىق ساقتاۋ سالاسىنىڭ شار تاراپقا ەسىك اشۋ جاعدايىن قالىپتاستىرامىز». «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
