- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىق ۋاكىلدەر ۇيىرمەسىنىڭ 5-گرۋپپاسى قۇمىل مەن تۇرپاندا حال سۇرادى
2015.09.29 13:27
شينجياڭ گازەتىنىڭ ءتىلشىسى سۇي يۇنيان 28-قىركۇيەكتە تۇرپاننان حابارلايدى. ورتالىق اسكەري ىستەر كوميتەتىنىڭ مۇشەسى، باس ارتقى شەپ ءبولىمىنىڭ باستىعى، ورتالىق ۋاكىلدەر ۇيىرمەسىنىڭ ورىنباسار باستىعى جاۋ كىشى باستاعان ورتالىق ۋاكىلدەر ۇيىرمەسىنىڭ 5-گرۋپپاسى 28-قىركۇيەكتە قۇمىل مەن تۇرپانداعى ءار ۇلت كادر-جۇرتشىلىعىنان حال سۇرادى.
تۇستەن بۇرىن، جاۋ كىشى مەن 5-گرۋپپانىڭ مۇشەلەرى مەملەكەتتىك ەلەكتر جەلىسى سەرىكتەستىگىنىڭ قۇمىلدان جىڭجوۋعا دەيىنگى ەرەكشە جوعارى كەرنەۋلى تۇراقتى توك جەتكىزۋ، كەرنەۋ اۋىستىرۋ ينجەنەرياسىن تەكسەرىپ، جۇمىس باسىنداعى جۇمىسشى-قىزمەتكەرلەرمەن اڭگىمەلەستى، قۇمىل قالاسى راقاتباق اۋىلى كارتال قىستاعىنىڭ تۇرعىنى ابدىراحمان نامەتتىڭ ۇيىنە بارىپ، ەگىنشىلەردىڭ ۋاكىلدەرىمەن اۆتونوميالى رايون قۇرىلعان 60 جىلدان بەرى قول جەتكەن زور وزگەرىستەردى تىلگە تيەك ەتىستى، قۇمىل قالالىق ارنايى ءبىلىم مەكتەبىنىڭ جاعدايىمەن تانىسىپ، وقىتۋشىلاردى وقۋشىلارعا جاقسىراق قاراۋعا شابىتتاندىردى.
ابدىراحمان نامەتتىڭ اۋلاسىنان شاتتىق ءۇنى ۇزاققا دەيىن ۇزىلمەدى. جەرگىلىكتى سۋرەتشى شارۋالار ۋاكىلدەر ۇيىرمەسىنە ارناپ 6 مەترلىك سۋرەت سىزعان ەكەن، سياسى كەپپەگەن سىزبادا، ولار قاراپايىم تاسىلمەن شينجياڭداعى ءار ۇلت جۇرتشىلىعىنىڭ جۇدىرىقتاي جۇمىلىپ، تاتۋ-ءتاتتى تىرلىك ەتكەن باقىتتى ءومىرىن بەينەلەپتى. حالىق ونەرپازدارى كۇي شالىپ، ءبي بيلەپ، ءار ۇلت جۇرتشىلىعى اتىنان پارتيا ورتالىق كوميتەتىنە، بۇكىل ەل حالقىنا جانە شينجياڭعا باعىتتامالى كومەكتەسكەن ولكە-قالالارعا العىس-ريزاشىلىعىن ءبىلدىردى، اۋلا دۋماندى مەرەيگە بولەندى.
تۇستەن كەيىن، تۇرپان قالاسى گاۋچاڭ رايونىنىڭ جاسىل جەلەك جامىلىپ، ءتۇستى جالاۋلار جەلبىرەگەن كوشەلەرىنىڭ بويىندا، ءار ۇلت جۇرتشىلىعى مەملەكەت تۋىن بۇلعاپ، ۋاكىلدەر ۇيىرمەسىن شات مەرەيمەن قارسى الدى.
جاۋ كىشى مەن 5-گرۋپپانىڭ مۇشەلەرى ازاتتىق ارميانىڭ شينجياڭداعى بەلگىلى ءبولىمىنىڭ كوماندير-جاۋىنگەرلەرىنەن حال سۇرادى. داڭقتى تاريحي داستۇرگە يە وسى اسكەري ءبولىم ۋاكىلدەر ۇيىرمەسىنە جالىندى دا ارىندى جاۋىنگەرلىك كەلبەتىمەن تەرەڭ اسەر قالدىردى. جاۋ كىشى شي جينپيڭ ءتوراعا ورتاعا قويعان سوعىس جۇرگىزە ءبىلۋ، جەڭىستى سوعىس جۇرگىزۋ نىساناسىن ەسكە بەرىك ساقتاپ، قاتاڭ جاتتىعۋ جاساپ، ۇرىس قابىلەتىن ۇزدىكسىز كوتەرىپ، شينجياڭنىڭ ورنىقتىلىعىن، وتاننىڭ توپىراعىن قورعاپ، شينجياڭداعى ءار ۇلت حالقىمەن تىنىستاس، تاعدىرلاس، تىلەكتەس بولىپ، شينجياڭدى كوركەيتۋدى باسا دارىپتەدى.
اۆتونوميالى رايون مەن شينجياڭ اسكەري رايونىنىڭ باسشىلارىنان چى جۇن، پىڭ يۇڭ ۋاكىلدەر ۇيىرمەسىنە سەرىك بولدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
