- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز ءبىرقاتار شارا قولدانىپ، بۇقارا كۇشتى اڭىس بىلدىرگەن ماسەلەلەردى شەشەدى
2016.03.30 13:53 كەلۋ قاينارى : شينجياڭ گازەتى
اۆتونوميالى رايوننىڭ ۇلتتار ىنتىماعى، العاباسارلىعى جىلىنا اتتانىسقا كەلتىرۋ جينالىسىنان ۇعىسۋىمىزشا، بيىل اۆتونوميالى رايوندىق پارتكوم مەن حالىق ۇكىمەتى تەرەڭ تەكسەرۋ - زەرتتەۋ جۇرگىزۋ نەگىزىندە، ءبىرقاتار پارمەندى شارا قولدانىپ، كوپ جىلدان بەرى ءار ۇلت جۇرتشىلىعى كۇشتى اڭىس ءبىلدىرىپ كەلگەن ماسەلەلەردى شەشەدى. اتاپ ايتار بولساق، از ۇلت بۇقاراسىنىڭ ازاماتتىق كۋالىگىندەگى «.» (نۇكتە) ماسەلەسى، حالىققا قولايلى قىزمەت كورسەتۋ كارتچكاسىن قولدانىستان قالدىرۋ، شينجياڭ بويىنشا اۋىل - قىستاق جەرىن اداقتاۋ، بالالار شيپاگەرلەرىن دايىنداۋدى كۇشەيتۋ، قاشقارداعى كوزەشى جارباسى تۇرعىن ۇيلەرىن قورعاۋ، ت.ب وسىنىڭ بارلىعى جۇرتتىڭ تىنىس - تىرشىلىگىمەن تىعىز قاتىستى، ءبارى دە ءار ۇلت جۇرتشىلىعىنىڭ ءتىپتى جاقسى جۇمىس جۇرگىزۋى مەن تۇرمىس كەشىرۋىنە جاعداي جاساۋدى كوزدەيدى.
باسشى كادرلار باستاماشى بولىپ، جوعارى تومەنگە ونەگە كورسەتەدى
ءار ۇلت باسشى كادرلارى باس بولىپ ءار ۇلت بۇقاراسىمەن دوستىق ورناتادى، حانزۋ باسشى كادرى، از دەگەندە، نەگىزگى ساتىداعى ءبىر از ۇلت وتباسىمەن، از ۇلت باسشى كادرى، از دەگەندە، نەگىزگى ساتىداعى ءبىر حانزۋ وتباسىمەن بايلانىس جاساپ، باستىسى، قيىنشىلىعى بار وتباسىلارمەن، ءدىني قايراتكەرلەرمەن، «ءتورت ءتۇرلى قارتتارمەن»، جىلجىمالى تۇرعىندارمەن دوستىق كومەك قاتىناسىن ورناتادى.
ءار ۇلتتان ءبىر توپ كادر تاربيەلەنەدى جانە وسىرىلەدى
ساياسي مىزعىماستىقتى ماڭداي الدى ورىنعا قويۋعا، ءمورالدى دا قابىلەتتى بولۋ، ءمورالعا الدىمەن ءمان بەرۋ تالابىنا ۇزدىكسىز تۇردە تاباندى بولىپ، ءار ۇلت كادرلارىن تاربيەلەۋ تەبىنى كۇشەيتىلەدى. ءار ۇلت كادرىنىڭ بارلىعى پارتيانىڭ كادرى، ءبارى دە پارتيانىڭ ءتارتىپ، ەرەجە، پرينسيپتەرى بويىنشا ءىس جۇرگىزۋى ءتيىس دەگەن تانىم بەرىك ورناتىلىپ، ىسكە قاراي ادام تاڭداۋعا، ادام مەن جۇمىس ورنىن ۇيلەستىرۋگە تاباندى بولىنادى. ءبىر توپ از ۇلت كادرىن تاربيەلەۋمەن بىرگە، از ۇلتتاردىڭ ءتىلىن بىلەتىن، ۇلت قىزمەتىنە قانىق حانزۋ كادرلار دا تاربيەلەنەدى. جوعارى مەن تومەن، وڭتۇستىك شينجياڭ مەن سولتۇستىك شينجياڭ، بيڭتۋان مەن جەرگىلىكتى ورىندار ورتاسىنداعى كادرلار اۋىس - كۇيىسىنىڭ تەبىنى ونان سايىن كۇشەيتىلەدى. از ۇلت كادرلارىن ورتالىق ورگانداردا، ورتالىق كاسىپورىنداردا جانە ىشكى ولكە، اۆتونوميالى رايون، قالالاردا جۇمىس بابىمەن اۋىستىرىپ مىندەتكە قويۋ ءىسى بەلسەندى تۇردە ىلگەرىلەتىلەدى.
جىلجىمالى تۇرعىنداردى باسقارۋ كەمەلدەنەدى، حالىققا قولايلى قىزمەت كورسەتۋ كارتچكاسى 1 - مامىردان كەيىن قولدانىلمايدى
2 - بۋىن ازاماتتىق كۋالىكتىڭ جالپىلاسۋى مەن ينفورماتسيالانعان تاسىلدەردىڭ قولدانىسقا ەنۋىنە بايلانىستى، حالىققا قولايلى قىزمەت كورسەتۋ كارتچكاسىنىڭ فۋنكتسياسى نەگىزىنەن اياقتادى. اۆتونوميالى رايون حالىققا قولايلى قىزمەت كورسەتۋ كارتچكاسىن 1 - مامىردان كەيىن قولدانباۋدى ۇيعاردى.
ەسىك اشۋدىڭ قاجەتىنە وراي، پاسپورت بەرۋ - باسقارۋ رەفورماسى تەرەڭدەتىلەدى
وتكەن جىلى شينجياڭ كادىمگى پاسپورت بەرۋ - باسقارۋ ىسىنە رەفورما جۇرگىزىپ، ءوتىنىش بەرۋ شارتى مەن راسىمدەۋ تارتىپتەرىن ءبىر ىزگە سالىپ، ىقشامداعان ەدى. بيىل تاعى دا حالىققا قولايلى، ءتيىمدى شارالار اتقارىلىپ، ءار ۇلت جۇرتشىلىعىنىڭ شەكارادان زاڭدى تۇردە كىرىپ - شىعۋ تالابىن ءتىپتى جاقسى قاناعاتتاندىرىپ، اشىق دامۋدىڭ جاعدايىنا ونان سايىن بەيىمدەلە تۇسەدى.
از ۇلت جۇرتشىلىعىنا بەرىلەتىن كۋالىكتەردىڭ ءبىر ءىزدى، ءبىر تۇتاس بولماۋ ماسەلەسى ويداعىداي شەشىلەدى
ۇندەس بۋىنداردى اركەلكى ارىپتەرمەن تاڭبالاۋ، تاڭبالاردى ارتىق ءيا كەم قولدانۋ، ات پەن تەگىنىڭ ورنى الماسىپ ءتۇسۋ، ورتاداعى نۇكتەنىڭ جوعارى - تومەندىگى بىركەلكى بولماۋ، ت.ب. از ۇلتتاردىڭ پاسپورت، ازاماتتىق كۋالىك سياقتى كۋالىكتەرىن پايدالانۋدا ۇزاقتان بەرى ورىن تەپكەن ماسەلە سانالادى، بۇل از ۇلت جۇرتشىلىعىنىڭ جۇمىسى مەن تۇرمىسىنا كوپتەگەن قولايسىزدىق اكەلىپ، كۇشتى پىكىر تۋدىرعان ەدى.
اۆتونوميالى رايون جۋىق ارادا بانكە، قوعامدىق قامتاماسىزداندىرۋ، ەمدەۋ سياقتى سالالار بويىنشا ءبىر تۇتاس ولشەم بەلگىلەپ، پاسپورت پەن 2 - بۋىن ازاماتتىق كۋالىكتى تەگىن اۋىستىرىپ بەرەدى، بيىل شينجياڭ كولەمىندە الدىمەن وسى ماسەلە شەشىلەدى. تۇتاس شينجياڭ بويىنشا اۋىل - قىستاق جەرى اداقتالادى
وتكەن جىلى اۆتونوميالى رايون قاشقاردا جەر اداقتاۋ جانە بۇقارالىق قىزمەت تۋرالى جۇمىس باسى ءماجىلىسىن اشىپ، تۇتاس شينجياڭدا اۋىل - قىستاق جەرىن اداقتاۋ جۇمىسىنا ورنالاستىرۋ جاساعان بولاتىن. بيىل جەر - جەر ءماجىلىستىڭ ورنالاستىرۋى بويىنشا ويداعىداي تياناقتاندىرىپ، سىناق جۇمىستارىن شىن مانىندە جولعا قويىپ، جاقسى ناتيجەگە قول جەتكىزەدى.
كىرىكتىرمەلى قونىستاندىرۋدا ايتارلىقتاي ىلگەرىلەۋشىلىكتەرگە قول جەتكىزىلەدى
وتكەن 2 جىلدا ايماق، وبلىس، قالالار كىرىكتىرمەلى دامۋ، كىرىكتىرمەلى قونىستاندىرۋ جاعىندا كوپتەگەن ىزدەنىس جاساپ، ءبىر توپ ۇلتتار ىنتىماعى جاڭا قىستاقتارى مەن ۇلتتار ىنتىماعىنان ۇلگى كورسەتۋ رايوندارىن قۇرىپ، ايتارلىقتاي ناتيجەگە جەتتى. تاجىريبەلەردى قورىتىندىلاۋ، كەمەلدەندىرۋ نەگىزىندە، وسى جاعىنداعى قىزمەتتەردى ۇزبەي جاقسى ىستەۋ كەرەك. ءۇرىمجى قالاسى ءار ۇلتتىڭ تارالۋ، قونىستانۋ، ۇيرەنۋ، كاسىپتەنۋ سياقتى جاعدايلارىن ءبىر تۇتاس وي ەلەگىنەن وتكىزىپ، جوبانىڭ جەتەكشىلىك رولىن ساۋلەلەندىرىپ، الەۋمەتتىك قىزمەت كورسەتۋ قۇرىلعىلارى قۇرىلىسى مەن لايىقتى ورنالاستىرۋدى جەدەلدەتىپ، ءار ۇلت جۇرتشىلىعى كىرىكتىرمەلى قونىستانعان تاماشا ورتا ازىرلەيدى، ءسويتىپ، ءۇرىمجى قالاسىنىڭ وڭتۇستىك بولىگى مەن وڭتۇستىك شينجياڭداعى 3 ايماق، ءبىر وبلىستا كىرىكتىرمەلى قونىستانۋدىڭ قالپىنا كەلۋى مەن بۇرىنعى دەڭگەيىنەن كوتەرىلۋىنە مۇمكىندىك تۋدىرىلادى.
«قوس ءتىل» وقىتۋى جەرگىلىكتى جاعدايعا قاراي ىلگەرىلەتىلەدى
كوپ جىلدان بەرگى اماليات «قوس ءتىلدى» اعارتۋدىڭ ەكى ءتۇرلى وقىتۋ فورماسىنىڭ يكەمدى ءارى ءونىمدى ەكەندىگىن دالەلدەدى. ونى تاباندى تۇردە ىلگەرىلەتۋمەن بىرگە، ءار جەردىڭ ءىس جۇزىندىك احۋالىن ەسكەرىپ، جەرگىلىكتى جاعدايعا قاراي ءىس كورۋ، ءبىر شىبىقپەن ايداۋدان ساقتانۋ، ءىس جۇزىندىك جاعدايعا ۇيلەسەتىن وقىتۋ ءتاسىلىن تاڭداپ، ناقتىلى جاعدايعا، دامۋ كەزەڭىنە قۇرمەت ەتىپ، شىنايى ونىمگە ءمان بەرىپ، ساپانى كوتەرۋگە نازار اۋدارۋ كەرەك.
باستاۋىش جانە ورتالاۋ مەكتەپتەردىڭ «قوس ءتىلدى» وقۋلىقتار قۇرىلىسى كۇشەيتىلەدى
«قوس ءتىلدى» وقۋلىقتاردىڭ ۇلتتار ىنتىماعى جانە «بەس تانىم» تاربيەسى جاعىنداعى فۋنكتسياسى بەلسەندى تۇردە ساۋلەلەندىرىلىپ، ۇلتتار ىنتىماعى جانە «بەس تانىم» يدەياسى وقۋشىلاردى تاربيەلەۋدىڭ تۇتاس بارىسىمەن جانە بارلىق بۋىنىمەن ساباقتاستىرىلادى. قازىر اۆتونوميالى رايوننىڭ باستاۋىش جانە ورتالاۋ مەكتەپتەرگە ارنالعان جاڭا نۇسقاداعى ۇيعۇرشا انا ءتىلى وقۋلىعى جاڭا وقۋ ماۋسىمى باستالۋدان ىلگەرى وقۋشىلاردىڭ قولىنا تابىس ەتىلىپ، قوعامنىڭ ءار سالاسىنىڭ جاقسى باعاسىن الدى.
از ۇلت ءتىل - جازۋىنداعى اۋدارما قىزمەتى كۇشەيتىلەدى
اۋدارما دارىندىلارىنىڭ تاپشىلىعىن تولىقتاۋعا بەل بايلاپ، اۋدارما قىزمەتىنىڭ دەڭگەيىن ۇزدىكسىز تۇردە كوتەرۋ كەرەك. نەگىزگى ساتىعا جەتكىزىلۋگە ءتيىستى حۇجات - ماتەريالداردىڭ بارلىعى از ۇلت تىلىنە اۋدارىلۋى كەرەك. قوعامدىق باسقارۋ، قىزمەت كورسەتۋ تاراۋلارى، اسىرەسە، شيپاحانا، بانكە، كولىك ۆوكزالى سياقتى تەرەزەلىك ورىندار بۇقاراعا از ۇلت تىلىندە ءتىپتى ويداعىداي قىزمەت كورسەتۋى ءتيىس. جوعارى مەكتەپتەر حانزۋ وقۋشىلارىن از ۇلت تىلدەرى ماماندىعى بويىنشا وقۋعا قابىلداۋدىڭ ۇلەسىن ارتتىرىپ، از ۇلت تىلىنە قانىق ءبىر توپ حانزۋ دارىندىلارىن تاربيەلەۋى قاجەت. شينجياڭداعى كاسىپورىنداردىڭ جەرگىلىكتى از ۇلت بۇقاراسىن جۇمىسقا قابىلداۋى بەلسەندى تۇردە ىلگەرىلەتىلەدى
شينجياڭدا تۇراتىن كاسىپورىندار، شينجياڭعا باعىتتامالى كومەكتەسۋ نىساندارى جانە ۇكىمەت قارجى سالعان نىساندار بويىنشا جاڭادان كوبەيگەن جۇمىس ورىندارىنىڭ %70تەن استامىنا جەرگىلىكتى از ۇلت ەڭبەككۇشتەرىن تارتۋ تالابىن ويداعىداي تياناقتاندىرۋ ءارى مۇمكىندىكتىڭ بارىنشا جەرگىلىكتى از ۇلت بۇقاراسىن جۇمىسقا كوبىرەك قابىلداۋ كەرەك. كاسىپورىنداردىڭ جۇمىسشى قابىلداۋ ەمتيحاندارىندا از ۇلت بۇقاراسىنا بەلگىلى دەڭگەيدە قامقورلىق جاسالۋى قاجەت.
بالالار شيپاگەرلەرىن دايىنداۋ ءىسى كۇشەيتىلەدى
بالالار شيپاگەرلەرىنىڭ تاپشىلىعى، بالالار ءبولىمىنىڭ ەمدەۋ، قىزمەت كورسەتۋ قابىلەتىنىڭ جەتىمسىزدىگى − ءار ۇلت جۇرتشىلىعىنان كوپ پىكىر تۋدىرعان كورنەۋ ماسەلەلەردىڭ ءبىرى.
ساياساتتىق قولداۋ تەبىنى شىنايى ارتتىرىلىپ، بالالار شيپاحاناسى مەن امبەباپ شيپاحانالاردىڭ بالالار ءبولىمىنىڭ قۇرىلىسى كۇشەيتىلەدى، وڭتۇستىك شينجياڭداعى نەگىزگى ساتى ورىندارىنا ءتىپتى باسا ءمان بەرىلىپ، بالالار اۋرۋىنا دياگنوز قويۋ، ەم - دوم جاساۋ دەڭگەيى جوعارىلاتىلادى. قازىرگى بالالار شيپاحانالارى ويداعىداي باسقارىلىپ، دەڭگەيى مەن ساپاسى كوتەرىلەدى. شينجياڭ مەديتسينا ۋنيۆەرسيتەتىنىڭ بالالار اۋرۋى ماماندىعى قالپىنا كەلتىرىلىپ، بالالار شيپاگەرلەرى ءتۇرلى ارنالارمەن تاربيەلەنىپ، بالالار شيپاگەرلەرىنىڭ يگىلىگى تومەن، قاتەرى كوپ بولۋ ماسەلەسى ءتۇرلى ادىستەرمەن ويداعىداي شەشىلىپ، دارىندىلاردى تارتۋ جانە الىپ قالۋ شىنايى تۇردە ىسكە اسىرىلادى.
قاشقارداعى كوزەشى جارباسى تۇرعىن ۇيلەرى ويداعىداي قورعالادى
قاشقارداعى كوزەشى جارباسى تۇرعىن ۇيلەرى − تاريح، ۇلت، ونەر، مادەنيەتتىڭ كۋاگەرى، ونى، ءسوز جوق، ويداعىداي قورعاۋ جانە تولىقتاي قورعاپ قالۋ كەرەك. قاشقار قالاسىنىڭ كونە قالانى وزگەرتۋ تاجىريبەسىن ۇلگى ەتىپ، ەسكىنى ەسكىشە جوندەۋ، بۇرىنعى كەلبەتىن ساقتاۋ، تاريحقا، مادەنيەتكە قۇرمەت ەتۋگە تاباندى بولىپ، اتاۋلى قۇرىلىستى ىزگى ساياسات، حالىق قالاۋى جانە مادەنيەت مۇراگەرلىگى ينجەنەرياسىنا اينالدىرۋ كەرەك. كوزەشى جارباسى تۇرعىن ۇيلەرى ساياباعىن قورعاۋ مەن مادەنيەت ساياحاتىن دامىتۋ ۇشتاستىرىلىپ، كونە قالا تۇرعىندارىنىڭ تۇرمىسىنىڭ ءتىپتى توعايىپ، ونان سايىن اشىق، باۋىرمال بولا تۇسۋىنە مۇمكىندىك جاسالادى.
ءار ۇلت ونەر دارىندىلارى تاربيەلەنەدى
ءار ۇلتتىڭ تاڭداۋلى ادەبيەت - كوركەمونەر تۋىندىلارى مەن ادەبيەت، ونەر دارىندىلارىن قولداۋ، سيلاۋ، ماراپاتتاۋ تەبىنى ارتتىرىلادى. ءتۇرلى ءادىس قولدانىلىپ، از ۇلت سەناريستەرى، رەجيسسەرلەرى جانە ءبي رەجيسسەرلەرى سياقتى شەشۋشى دارىندىلاردى تاربيەلەۋ جەدەلدەتىلەدى. شينجياڭداعى كوركەمونەر ينستيتۋت مەكتەپتەرى مەن جوعارى مەكتەپتەردىڭ كوركەمونەر فاكۋلتەتتەرىنىڭ وقۋشى قابىلداۋ كولەمى ارتتىرىلادى. نەگىزگى ساتىداعى مادەنيەت تىرەكتىلەرىن، مادەنيەت مايتالماندارىن، حالىق ونەرپازدارىن بايقاۋ، باۋلۋعا ءمان بەرىلەدى.
ءار ۇلتتىڭ ءداستۇرلى مادەنيەتى قورعالادى
ۇيعۇردىڭ «مۇقامى» مەن «ءماشىرابى»، قىرعىزدىڭ «ماناسى»، قازاقتىڭ «اقىندار ايتىسى»، موڭعۇلدىڭ «جاڭگىرى» سياقتى مادەنيەت مۇرالارىن قورعاۋ تەبىنى ارتتىرىلادى. از ۇلتتاردىڭ جويىلۋعا تاياعان مادەنيەت مۇرالارىن جەدەل تۇردە قورعالىپ، باستىسى، اۋىز ادەبيەتى، ەتنوگرافيالىق مادەنيەت، ءان، كۇي، ءبي، ۇلت مەديتسيناسى سياقتى ماتەريالدىق ەمەس مادەني مۇرالار شۇعىل جينالادى جانە قورعالادى. تاڭداۋلى ءداستۇرلى مادەنيەتتەردى قورعاۋ، جالعاستىرۋ جاڭالىق اشا دامۋمەن ۇشتاستىرىلىپ، از ۇلت مادەنيەتى بويىنشا سارا تۋىندىلار جاراتىلادى. از ۇلتتاردىڭ جۇڭحۋا مادەنيەتىن ۇلىقتاعان ۇزدىك ادەبيەت - كوركەمونەر تۋىندىلارىنىڭ جارىق كورۋىنە قولداۋ كورسەتىلەدى. جۇڭگوشا شيپاگەرلىك پەن از ۇلت شيپاگەرلىگى جالعاستىرىلادى جانە جاڭالانادى
«جۇڭگوشا جانە از ۇلت شيپاگەرلىك، ءدارى - دارمەك ىستەرىنىڭ دامۋىن قولداۋ جانە جەبەۋ جونىندەگى پىكىر» ويداعىداي تياناقتاندىرىلىپ، جۇڭگوشا جانە از ۇلت شيپاگەرلىگى مەن دارىگەرلىگى بويىنشا ءداستۇرلى نازاريالاردى، بايىرعى شىعارمالاردى، شيپاشاقتاردى، ت.ب رەتتەۋ، زەرتتەۋ ءىسى كۇشەيتىلىپ، ەل ىشىندەگى شيپاشاقتار مەن تەحنيكالاردى جيناۋ، دالەلدەۋ قىزمەتى جۇرگىزىلەدى. ارنايى ماماندىقتار بويىنشا ءپان جەتەكشىلەرى مەن تەحنيكالىق تىرەكتىلەردى تاربيەلەۋ كۇشەيتىلىپ، ءبىر توپ كوشباسشى دارىندىلار مەن ورتا جاس جانە جاس ماماندار دايىندالادى. جۇڭگوشا جانە از ۇلت شيپاگەرلىگى بويىنشا تاجىريبە كلاستارى سىناق رەتىندە اشىلىپ، جۇڭگوشا جانە از ۇلت شيپاگەرلىگىن جالعاستىراتىن، دامىتاتىن دارىندىلاردى قارشادايىنان تاربيەلەۋ جولعا قويىلادى.
كادرلاردىڭ ستيلى قۇرىلىسى مىقتاپ يگەرىلەدى
كادرلار ستيلى − ۇلتتار ىنتىماعىنا ىقپال ەتەتىن ماڭىزدى فاكتور.
كەيىنگى جىلدارى اۆتونوميالى رايون بۇقارا كۇشتى اڭىس بىلدىرگەن كورنەۋ ماسەلەلەرگە نازار اۋدارىپ، «ءتورت ءتۇرلى بۇرىس ستيل» ماسەلەسىن قاتاڭ تۇزەتىپ، اۋىل شارۋاشىلىعىنا جەڭىلدىك جاساۋ جانە اۋىل شارۋاشىلىق ماتەريالدارىن ساتىپ الۋ قاراجاتتارىن ۇستاپ قالۋ، باسقاعا پايدالانۋ، قىمقىرۋ، جۇمىستى ءادىل جۇرگىزبەۋ، تۋىس - تۋعان، دوس - جاراندارىنا جان باسۋ، اۋىز سالۋ، اران اشۋ، القىمعا الۋ، الاقان جايۋ، حالىقپەن مۇددە تالاسۋ سياقتى بۇقارانىڭ مۇددەسىنە زياندى ماسەلەلەردى بەلسەندى تۇردە تەكسەرىپ جانە ءبىر جاقتى ەتىپ، بۇقارانىڭ قۇپتاۋى مەن قولداۋىنا يە بولدى.
بيىل جۇمىس تەبىنى تاعى دا ارتتىرىلىپ، ءتارتىپ تاربيەسى جىلى قيمىلدارىن قانات جايدىرۋ ارقاۋ ەتىلىپ، «ءتورت ءتۇرلى بۇرىس ستيل» جانە تاساداعى، ءتۇرى وزگەرگەن «ءتورت ءتۇرلى بۇرىس ستيل» ماسەلەسى، پارتيا، ۇكىمەت ورگاندارىنداعى كادرلاردىڭ «جۇمىسقا قىرسىزدىعى» ماسەلەسى، نەگىزگى ساتىداعى پارتيالى كادرلاردىڭ بۇقارا مۇددەسىنە زيان سالۋ ماسەلەسى بويىنشا ارناۋلى وڭاۋ جۇرگىزىپ، اۋىلداردى يگەرۋ ارقىلى قىستاقتارعا جەتەكشىلىك جاسالىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قانات جازۋى ىلگەرىلەتىلىپ، ۇلتتار ىنتىماعىنا تاماشا ساياسي ەكولوگيا قالىپتاستىرىلادى.
بيڭتۋاننىڭ ۇلتتار ىنتىماعىن جەبەۋ رولى ويداعىداي ساۋلەلەندىرىلەدى
بيڭتۋان مەن جەرگىلىكتى ورىنداردىڭ توعىسپالى دامۋى بار كۇشپەن ىلگەرىلەتىلىپ، جەرگىلىكتى ورىنداعى ءار ۇلت جۇرتشىلىعىمەن ارالاسۋ، ىشتەسۋ، توعىسۋ كۇشەيتىلەدى، مەكتەپ، شيپاحانا، ت.ب مۇمكىندىكتىڭ بارىنشا جەرگىلىكتى ورىندارعا اشىق ۇستالىپ، ۇلتتاردىڭ ۇلى ىنتىماعى ءتىپتى جاقسى نىعايتىلادى.
شينجياڭعا باعىتتامالى كومەكتەسۋدىڭ ۇلتتار ىنتىماعىن جەبەۋدەگى رولى ويداعىداي ساۋلەلەندىرىلەدى
جۇرت تىلەگىن جۇمىلدىرۋ جانە ارالاسۋ، بايلانىسۋ، ىشتەسۋدى جەبەۋ شينجياڭعا باعىتتامالى كومەكتەسۋدىڭ كورنەكتى مىندەتى ەتىلەدى، جەرگىلىكتى بۇقارا شينجياڭعا باعىتتامالى كومەكتەسۋ بويىنشا ءتۇرلى قيمىلدارعا ات سالىسۋعا تارتىلىپ، شينجياڭ مەن ىشكى ولكەدەگى ءار ۇلت بۇقاراسىنىڭ بايلانىس جانە بارىس - كەلىس جاساۋىنا مۇمكىندىك جاسالىپ، شينجياڭعا باعىتتامالى كومەكتەسۋ قىزمەتى شىن مانىندە ۇلتتار ىنتىماعى ينجەنەرياسىنا اينالدىرىلادى.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
