- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدىق 4 جىگىتتىڭ ادام قۇتقارعان ىزگى ءىسى دوستار اۋماعىندا تاعى ءبىر رەت ءدۇمپۋ قوزعادى
جاي ادامنىڭ جارقىن ىستەرى قاشاندا اسەرلى
ياڭ يىڭچۇن
2016.04.12 16:52 كەلۋ قاينارى : شينجياڭ گازەتى
ءتىلشىمىز ياڭ يىڭچۇن 10 - ساۋىردە ۇرىمجىدەن حابارلايدى. «شينجياڭدىق 4 ازامات جارايدى ەكەن، ولاردىڭ جارقىن ءىسى ءبىزدى قاتتى اسەرلەندىردى!»، - دەدى 8 - ءساۋىر كۇنى تۇستەن كەيىن ءۇرىمجى قالاسىنىڭ تۇرعىنى گاۋ سۇيليڭ حالىق گازەتىنىڭ كليەنتى جاساعان «شينجياڭدىق ىزگى نيەتتى 4 جىگىتتى ىزدەيمىن» اتتى H5 ديناميكالىق سۋرەتتى جازبانى ءۇنحاتتىڭ دوستار اۋماعىنان كورگەندە، ءارى - ءسارى بولماستان ماداق ايتىپ، سونىمەن قاتار وسى حاباردى دوستار اۋماعىنا جولداپ قويدى.
شىنىن ايتقاندا، ولاردىڭ ىزگى ىستەرىنەن تەبىرەنگەن گاۋ سۇيليڭ عانا ەمەس، حالىق گازەتى جاڭا اقپارات قۇرالى ورتالىعىنىڭ ورىنباسار مەڭگەرۋشىسى تەلەفوندا تىلشىمىزگە: 8 - ءساۋىر كۇنى تۇستەن كەيىن حالىق گازەتىنىڭ كليەنتى «شينجياڭدىق ىزگى نيەتتى 4 جىگىتتى ىزدەيمىن» اتتى H5 ديناميكالىق سۋرەتتى جازبانى جاريالاعاننان بەرى، دوستار اۋماعىندا كەڭىنەن تارالىپ، 10 - ءساۋىر ساعات 16دەن 50 مينۋت وتكەنگە دەيىنگى قىسقا عانا 2 كۇندە 287 مىڭ 725 ادامنىڭ ماداقتاعانىن ايتتى.
بيىل 23 - اقپاندا ابدۇبىلال وسىمان، ءىليار وسىمان، ءىلياز وسىمان، يىلشات اسەنجان اتتى ۇيعۇر جىگىتتەر كولىكپەن كەتىپ بارا جاتىپ، جولدا قاتىناس شىرعالاڭى تۋىلعانىن، جارالانعانداردىڭ ەس - ءتۇسسىز جاتقانىن، جاعدايدىڭ توتەنشە شۇعىل ەكەنىن كورەدى. ولار جارالانعانداردى قۇتقارۋعا بەلسەنە كىرىسەدى. ولاردىڭ قاتىناس شىرعالاڭى تۋىلعان جەردە ادام قۇتقارعان بەينە - كەسكىنى ءۇنحاتتىڭ دوستار اۋماعىنا تارالادى، سوڭىنان ءىرى سايتتارعا دا جولدانادى، ورتالىق تەلەۆيزياسىنىڭ «مەملەكەتتىك، حالىقارالىق حابارلارى» دا وسى جونىندە حابار بەرەدى. قالىڭ توراپكەرلەردىڭ ۇزبەي قۇلشىنۋىندا 4 اعايىندى جىگىت اقىرى تابىلىپ، ولاردىڭ اتى مەن ىزگى ىستەرى جاريالانىپ، ءاپ - ساتتە بۇكىل ەل حالقىنىڭ القاۋىنا بولەنەدى.
«ولار ءبىزدى قۇتقاردى، امال قانشا، ول كەزدە ولاردىڭ اتىن سۇراۋعا دا ۇلگىرمەدىك، ولاردى تاۋىپ الساق دەيمىن»، «اكە، اعايلار كىم بولدى؟ مەنىڭ ەسىمدە ولاردىڭ شينجياڭ اكسەنتىندە سويلەگەنى عانا قالىپتى». 8 - ءساۋىر كۇنى تۇستەن كەيىن حالىق گازەتىنىڭ كليەنتى «شينجياڭدىق ىزگى نيەتتى 4 جىگىتتى ىزدەيمىن» اتتى H5 ديناميكالىق سۋرەتتى جازبانى جاريالاپ، شينجياڭدىق 4 جىگىتتىڭ ادام قۇتقارۋ بارىسىن تولىعىمەن كوز الدىمىزعا اكەلدى، وسى ءبىر ينفورماتسيا تارالىسىمەن كوپشىلىكتىڭ نازارىن تاعى اۋدارىپ، شينجياڭدىق 4 جىگىتتىڭ ادام قۇتقارۋ ىزگى ءىسىن القايدى.
«قىسقا عانا 2 كۇندە 280 مىڭنان استام ادام ماداق ايتتى، ويلاعانىمىزدان الدەقايدا اسىپ كەتتى»، - دەدى ليۋ شياۋپىڭ بىزگە، − شينجياڭدىق 4 جىگىتتىڭ ادام قۇتقارۋ ىزگى ءىسى 23 - اقپاندا تۋىلعان، ولاردىڭ ىزگى ءىسى سول كەزدىڭ وزىندە - اق كوپ ادامدى اسەرلەندىرگەن بولاتىن. بۇل ءىس ءوتىپ كەتكەنىنە ءبىر ايدان اسسادا، ولاردىڭ ىزگى ءىسى توتەنشە اسەرلى ەكەنىن، وڭ ەنەرگياعا تولى ەكەنىن ويلاپ، وسى حيكايانى H5 ديناميكالىق سۋرەتتى جازبا ەتىپ قۇراستىرىپ، جاڭا اقپارات قۇرالى ارقىلى ايگىلەگەن ەدىك، الايدا، دوستار اۋماعىندا تاعى دا كەڭىنەن تارالاتىنىن ويلاماعان بولاتىنبىز.
توراپكەر جىنشۇي ۋشياڭ بىلاي دەدى: ءداۋىردىڭ وزگەرىسى تەز، ءار كۇنى كوپتەگەن ينفورماتسيا قابىلدايمىز، الايدا، شينجياڭدىق 4 جىگىتتىڭ مەيىرىمى مەن اسەرى قاشاندا ادام تەبىرەنتەرلىك كۇشكە يە.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
