- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ «ۇلتتار ىنتىماعى، العاباسارلىعى جىلى» قيمىلى بويىنشا ۇلگى لەكسيا جاساۋ ۇيىرمەسى 6 اۋداندا لەكسيا جاسادى
2016.04.21 14:59 كەلۋ قاينارى : ءتاڭىرتاۋ تورابى
19 - ءساۋىر كۇنى اۆتونوميالى رايوننىڭ «ۇلتتار ىنتىماعى، العاباسارلىعى جىلى» قيمىلى بويىنشا ۇلگى لەكسيا جاساۋ ۇيىرمەسىنىڭ 6 مۇشەسى جەكە - جەكە قورعاس اۋدانىندا، كۇنەس، قۇلجا، ءدوربىلجىن، تولى، باي اۋداندارىندا لەكسيا جاسادى. اۋدانعا توتە قاراستى ورىندارداعى كادرلاردان، اۋىل، قالاشىق، فەرمالارداعى كادرلاردان، تىرەكتى لەكسياشىلاردان 3000نان استام ادام لەكسيا تىڭدادى.
اۆتونوميالى رايوندىق پارتيا مەكتەبى ۇلت، ءدىن نازارياسى كافەدراسىنىڭ مەڭگەرۋشىسى، دوتسەنت ليۋ شىگو قورعاس اۋدانىندا حانزۋ تىلىندە؛ اۆتونوميالى رايوندىق پارتيا مەكتەبى ۇلت، ءدىن نازارياسى كافەدراسىنىڭ دوتسەنتى گۇلميرا الىمبەك قىزى كۇنەس اۋدانىندا قازاق تىلىندە؛ شينجياڭ ايەل كادرلار مەكتەبىنىڭ باستىعى، دوتسەنت بيلىققىز ءيمىن قۇلجا اۋدانىندا ۇيعۇر تىلىندە؛ شينجياڭ قوعامدىق عىلىم اكادەمياسى ۇلت ىستەرىن زەرتتەۋ ينستيتۋتىنىڭ ورىنباسار باستىعى، تەتە اعا زەرتتەۋشى زىڭ حىپيڭ ءدوربىلجىن اۋدانىندا حانزۋ تىلىندە؛ شينجياڭ قوعامدىق عىلىمدار اكادەمياسى «شينجياڭ قوعامدىق عىلىمى» جۋرنالى قازاق رەداكسياسىنىڭ اعا رەداكتورى ياسىن قۇمار ۇلى تولى اۋدانىندا قازاق تىلىندە؛ اۆتونوميالى رايوندىق پارتيا مەكتەبى ۇلت، ءدىن نازارياسى كافەدراسىنىڭ ورىنباسار مەڭگەرۋشىسى، دوتسەنت ارشيدەن ءامدوللا باي اۋدانىندا ۇيعۇر تىلىندە لەكسيا جاسادى.
لەكسيا جاساۋ اۆتونوميالى رايوننىڭ «ۇلتتار ىنتىماعى، العاباسارلىعى جىلى» قيمىلىنا اتتانىسقا كەلتىرۋ جينالىسىنىڭ رۋحىن ىشكەرىلەي ءتۇسىندىرىپ، ءدال، جاندى، ۇعىنىقتى جەتكىزۋگە، ءار ۇلت كادر - بۇقاراسىنىڭ اناعۇرلىم دۇرىس يگەرىپ، ورتالىق پەن اۆتونوميالى رايوندىق پارتكومنىڭ ۇلتتار ىنتىماعى قىزمەتى جونىندەگى جاڭا وي جەلىلەرىن، جاڭا كوزقاراستارىن، جاڭا شارالارىن ىشكەرىلەي دايەكتى تياناقتاندىرۋعا شابىت بەرۋ جانە جەتەكشىلىك ەتۋ جونىنەن ماڭىز الادى. لەكسيا جاساۋ بارىسىندا اۋىق - اۋىق شاپالاق ءۇنى كوتەرىلدى.
بۇل جولعى لەكسيا ءار ۇلت كادرلارى مەن بۇقاراسىن «ۇلتتار ىنتىماعى، العاباسارلىعى جىلى» قيمىلىن ورىستەتۋدىڭ ماڭىزدى ءمانىن جەتە ءتۇسىنىپ، ۇلتتار ىنتىماعىن قورعاۋ، كورىكتى شينجياڭ قۇرۋ بەلسەندىلىگى مەن جاۋاپكەرشىلىك سەزىمىن كۇشەيتۋگە جۇمىلدىردى. لەكسيا تىڭداعان كادرلار مەن بۇقارا وزدەرىنەن، ماڭىنداعى ۇساق ىستەردەن باستاپ، ۇلتتار ىنتىماعىنىڭ ۇلگىسى بولۋعا قۇلشىناتىندىقتارىن ءبىلدىرىستى.
قۇلجا اۋداندىق پارتكوم ۇگىت ءبولىمىنىڭ كادرى ءراميلا يارمامەت: بيىل «ۇلتتار ىنتىماعى، العاباسارلىعى جىلى» قيمىلى باستالدى، بۇل سوڭعى 2 جىلدان بەرى ورتاعا قويىلعان شينجياڭنىڭ ەڭ ۇلكەن بۇقارالىق قىزمەتى بولعان ۇلتتار ىنتىماعى مەن ءدىن جاراسىمدىلىعى قىزمەتىن جاقسى ىستەۋ بولىپ تابىلادى. مەن مادەنيەت، ۇگىت قىزمەتكەرى بولۋ سالاۋاتىممەن الداعى جەردە ۇلتتار ىنتىماعى تاربيەسى قىزمەتىن كاسىپتىك قىزمەتىمنىڭ بارلىق بارىسىنا ءسىڭىرىپ، ۇلتتار ىنتىماعىنىڭ ءاربىر بۋىندارىنداعى قىزمەتتەردى جاقسى ىستەۋگە قۇلشىنامىن، - دەدى.
كۇنەس اۋداندىق مادەنيەت، دەنە تاربيە، راديو - كينو - تەلەۆيزيا مەكەمەسىنىڭ كادرى الداش: لەكسيانى تىڭداپ، ماڭايىمىزدا كوپتەگەن جەتەرسىزدىكتەردىڭ بار ەكەنىن ءبىلدىم، الدا ۇيرەنۋدى كۇشەيتىپ، العا باسۋ قادامىمدى تەزدەتەمىن ءارى ۇلتتار ىنتىماعىنىڭ ماڭىزى مەن وسى جولعى لەكسيانىڭ ماڭىزدى رۋحىن نەگىزگى ساتىداعى ەگىنشى - مالشىلارعا جەتكىزۋگە كۇش سالامىن، - دەدى.
تولى اۋدانى مورگوۋ قالاشىعى دىڭگەك قىستاعىنداعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسىنىڭ مۇشەسى تالانىت: قىستاققا تۇسكەن كادر بولۋ سالاۋاتىممەن لەكسيانىڭ رۋحىن مۇقيات ۇيرەنىپ، بۇقارا اراسىندا ۇلتتار ىنتىماعىن بار كۇشپەن ۇگىتتەۋمەن بىرگە، ءتۇرلى ءتۇستى مادەنيەت، دەنە تاربيە قيمىلدارىن اناعۇرلىم جاقسى ورىستەتىپ، ءار ۇلت بۇقاراسىنىڭ ءبىر ءۇيلى جانداي تاتۋ - ءتاتتى وتۋىنە مۇمكىندىك جاراتامىن، - دەدى.
باي اۋدانى كانچى اۋىلىنىڭ نەگىزگى ساتى لەكسياشىسى ماليكەم توقتى: لەكسيا ۇيىرمەسىنىڭ مۇشەلەرى تۋىس - تۋعانداردى، كورشى - قولاڭداردى، كاسىپتەستەردى قۇرمەتتەۋ، ايالاۋداي ۇساق ىستەردى تىلگە تيەك ەتىپ، ۇگىت جۇرگىزدى، مۇنان ءبىز تەرەڭ شابىت الدىق. الداعى جەردە بۇقارا تەز قابىلدايتىن فورمامەن ۇلتتار ىنتىماعىن كۇشىمنىڭ بارىنشا جاقسى ۇگىتتەيمىن، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
