- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەت حاۋىپسىزدىگى تاربيەسىن كۇشەيتۋ ءۇشىن ءار ەل قانداي ۇتىمدى ساياسات قولدانىپ وتىر
2016.04.20 16:01
جۇڭگونىڭ ەڭ جوعارى زاڭ شىعارۋ ورگانى بىلتىر شىلدەنىڭ 1 - كۇنى ماقۇلداعان ەڭ جاڭا مەملەكەت حاۋىپسىزدىگى زاڭىنا نەگىزدەلىپ، ەلىمىز ءساۋىردىڭ 15 - كۇنىن تۇڭعىش رەتكى جالپى حالىقتىق مەملەكەت حاۋىپسىزدىگى كۇنى ەتىپ بەلگىلەدى. مەملەكەت حاۋىپسىزدىگىن قورعاۋ، مەملەكەت حاۋىپسىزدىگى تاربيەسىن كۇشەيتۋ - ءارقايسى ەلدىڭ ىستەۋگە ءتيىستى قىزمەتى. مۇندا ءبىر قىدىرۋ مەملەكەتتىڭ قولدانعان شاراسى ۇيرەنۋىمىزگە ابدەن تاتيدى.
ا ق ش: جالپى حالىقتى اتتانىسقا كەلتىرىپ، لاڭكەستىككە ورتاق قارسى تۇردى
جالپى حالىقتى لاڭكەستىككە قارسى تۇرۋعا بەلسەنە جۇمىلدىرۋ - ا ق ش ۇكىمەتىنىڭ مەملەكەت حاۋىپسىزدىگىن قورعاۋداعى ءونىمدى شاراسى.
2010 - جىلى شىلدەدە ا ق ش مەملەكەت تەرريتورياسى حاۋىپسىزدىگى مينيسترلىگى «كۇماندى جاعداي بايقالسا دەرەۋ مالىمدەۋ» اتىنداعى جالپى حالىقتىق حاۋىپسىزدىكتى قورعاۋ قيمىلىن ورىستەتۋدى ورتاعا قويدى. بۇل قيمىل ا ق ش بۇقاراسىنىڭ لاڭكەستىك ارەكەتتەر مەن لاڭكەستىككە قاتىستى قىلمىستىق ارەكەتتەردەن ءونىمدى ساقتانۋ تانىمىن جوعارىلاتىپ قانا قالماستان، بۇقارانىڭ ۇكىمەتكە سەلبەسىپ لاڭكەستىككە قارسى تۇرۋ بەلسەندىلىگىن دە قوزعايدى.
«كۇماندى جاعداي بايقالسا دەرەۋ مالىمدەۋ» تانىمى امەريكاندىقتاردىڭ ساناسىنا تەرەڭ ورناعان. 2011 - جىلى قاڭتاردىڭ 17-كۇنى ۆاشينگتون شتاتىنىڭ سپوكان قالاسىندا وتكىزىلگەن مارتين رۋدىگيندى ەسكە الۋ ەرەۋىل قيمىلى باستالۋدان بۇرىن كوشە تازالىقشىسى ەرەۋىل وتكىزىلەتىن مايداننان ءىس - ارەكەتى كۇدىكتى ارقاسىنا سومكە ارقالاعان ءبىر ادامدى بايقاپ، دەرەۋ ساقشىعا مالىمدەگەن. ايتقانداي - اق ساقشىلار الگى ادامدى ناق مايداندا ۇستاپ، سومكەسىن تەكسەرگەندە قوپارعىش ءدارى بايقالعان. مىنەكي ءبىر تازالىق جۇمىسشىسىنىڭ قىراعىلىعىنان بۇل رەتكى قيمىل ۇلكەن ءبىر تراگەديادان امان قالدى.
رەسەي: مەملەكەت حاۋىپسىزدىگى تاربيەسى جەتكىنشەكتەردەن باستاپ مىقتى يگەرىلگەن
مەملەكەت حاۋىپسىزدىگىن قورعاۋ - ادال دا وتانشىل ازاماتتى قاجەت ەتەدى. رەسەيدىڭ زۇڭتۇڭى پۋتين ازاماتتاردىڭ مەملەكەتتىڭ ساياساتى مەن مادەنيەتىنە بولعان تانىمىن ارتتىرۋعا ايرىقشا ءمان بەرگەن. ول ازاماتتارعا «وتانشىل بولۋ - مەملەكەت حاۋىپسىزدىگىنىڭ ەڭ زور كەپىلى» دەگەن كوزقاراستى ۇنەمى دارىپتەپ كەلەدى.
مەملەكەت حاۋىپسىزدىگى تاربيەسى - رەسەي مەكتەپتەرىنىڭ وقۋ پروگرامماسىنىڭ قاجەتتى مازمۇنى ەسەپتەلەدى. وتكەن عاسىردىڭ 90 - جىلدارىندا رەسەي مەكتەپتەرىندە «باس اماندىقتى قورعاۋ نەگىزدەرى» دەگەن ساباق وقىتىلا باستادى. كەيىن كەلە بۇل وقۋشىلاردىڭ، ءسوزسىز، وقيتىن ساباعىنا اينالدى. بۇل ساباق ءتۇرى وقۋشىلارعا شۇعىل جاعدايعا تاپ بولعاندا قالاي توتەپ بەرۋ مەن ءوزىن قالاي قورعاۋدى ۇيرەتىپ قانا قالماستان، مەملەكەت قورعانىسى مەن اسكەري ىستەر ءبىلىمىن دە ۇيرەتەدى. سونىمەن بىرگە، مەكتەپتەردە وقۋشىلار تاعى دا اسكەري جاتتىعۋ، مانەۆەر سياقتى ەلىكتەمەلى قيمىلدارعا قاتىناسادى.رەسەي مەكتەپتەرى ۇنەمى تاريح ساباعىنان زەيىن سىناۋ جارىسىن وتكىزىپ جانە وقۋشىلاردى كورمە سارايى مەن ەسكەرتكىش سارايىن ەكسكۋرسيالاۋعا ۇيىمداستىرادى. سونىمەن بىرگە، وقۋشىلاردى ۇلى وتان قورعاۋ سوعىسىنىڭ جەڭىسىن ەسكە الۋ قيمىلدارىنا قاتىناسۋعا شابىتتاندىرادى.
ءۇندىستان: اسكەري قوسىن ءتۇزىمى ۇيرەتىلەدى
ءۇندىستاندا ۇكىمەت ەل حالقىنىڭ اسكەري ءتۇزىمدى ۇيرەنۋ ۇيىرمەسىن قۇرىپ، جاسوسپىرىمدەرگە اسكەري دايىندىق، مەملەكەت قورعانىسى جانە حاۋىپسىزدىك تاربيەسى بەرىلەدى.
ءۇندىستاننىڭ حالىقتىق اسكەري قوسىنى 2 – شەپ اسكەري مىندەت وتەۋگە دايىندىق جاساۋ قوسىنى قاتارىنا ەنگىزىلىپ، قورعانىس مينيسترلىگى جاعىنان باسقارىلادى، ورتا مەكتەپ وقۋشىلارى، جوعارى مەكتەپ وقىپ جاتقان ستۋدەنتتەرگە باعىتتالادى، وقۋشىلار ءوزىنىڭ قىزىعۋ اۋەسى بويىنشا قۇرلىق، تەڭىز، اۋە ارميالارىنىڭ ۇيرەنۋ قوسىنىنا ەرىكتى تۇردە وتىنىشپەن كىرىپ، 2 نەمەسە 3 جىلدىق ماشىقتى قابىلدايدى. كۋرسانتتاردى اسكەري مىندەت وتەۋگە دايىن تولىمدى اسكەر ەتىپ تاربيەلەۋ ءۇشىن، ءۇندىستان ۇكىمەتى ۇيرەنۋ قوسىنىنىڭ جاتتىعۋىن قاتاڭداستىرىپ، ءاربىر پانگە ساباق ۋاقىتىن بەلگىلەگەن.
ءۇندىستاننىڭ جەر – جەرىندەگى جوعارى مەكتەپ، ورتا مەكتەپتەردەگى حالىقتىق اسكەري قوسىن وقۋشىلادىڭ قىزۋ قارسى الۋىنا بولەنىپ، كۋرسانتتاردىڭ جالپى سانى ءبىر ميلليون 300 مىڭ ادامعا جەتكەن. ءۇندىستان حالىقتىق اسكەري قوسىن سىندى ۇكىمەت قاراجات بوساتاتىن، ارناۋلى قۇرىلىم كۇش شىعاراتىن، جاسوسپىرىمدەر كەڭ كولەمدى قاتىناساتىن مەملەكەت قورعانىسى تاربيە فورماسىنان پايدالانۋ ارقىلى حالىقتىڭ مەملەكەت قورعانىسى جانە مەملەكەت حاۋىپسىزدىگى تانىمىن ۇزدىكسىز جوعارىلاتتى.
نورۆەگيا: مەملەكەت حاۋىپسىزدىگىندە توراپقا نازار اۋدارىلعان
توراپ حاۋىپسىز بولمايىنشا، مەملەكەت حاۋىپسىز بولمايدى، مىنە بۇل دۇنيە جۇزىندەگى كوپتەگەن مەملەكەت مويىنداعان ورتاق تانىم. 2011 – جىلدان بەرى، نورۆەگيا ءار جىلى مەملەكەت حاۋىپسىزدىگى ايى قيمىلىن وتكىزىپ، توراپ حاۋىپسىزدىگىنە باسا نازار اۋدارىپ، حالىقتىڭ، كاسىپورىنداردىڭ توراپ حاۋىپسىزدىگى قاتەرى تانىمىن كۇشەيتىپ، قاتىستى قورعانۋ شارالارىن ۇيرەتەدى.
مەملەكەت حاۋىپسىزدىگى ايى قيمىلىن نورۆەگيا ينفورماتسيا حاۋىپسىزدىگى ورتالىعى باسقارىپ وتكىزەدى ءارى كوپتەگەن ۇكىمەت تاراۋى، ينفورماتسيا تەحنيكاسى كاسىپورىندارى مەن بەي ۇكىمەت ۇيىمدارى سەلبەسەدى. «كىدىرە تۇرۋ، وي ەلەگىنەن وتكىزۋ، قايتارما سوققى بەرۋدى» ۇران ەتەدى، باسقارىپ وتكىزۋشى جاق نەگىزگى تاقىرىپتاعى ءماجىلىس، تالقى ءماجىلىس، كورمە جانە ەكسكۋرسيا سياقتى قيمىلداردى وتكىزۋ ارقىلى حالىق بۇقاراسىنا توراپ حاۋىپسىزدىگى بىلىمدەرىن ۇگىتتەپ، توراپ حاۋىپسىزدىگى قۇرىلعىلارىن كورسەتەدى.
توراپ حاۋىپسىزدىگى ينفورماتسيا تەحنيكاسى قۇرىلعىلارىنىڭ ينفورماتسيا پايدالانۋىمەن قاتىستى. سوندىقتان ورگاندار مەن كاسىپورىن قىزمەتكەرلەرى حاۋىپسىزدىك قورعانىسىنىڭ 1 – شەبىندە تۇرادى. مەملەكەت حاۋىپسىزدىگى ايى قيمىلىن باسقارىپ وتكىزۋشى جاق تاعى قۇرىلىمدار مەن كاسىپورىنداردىڭ ىشكى ۇگىت – تاربيە قيمىلىن ءوز الدىنا وتكىزۋىنە بەلسەنە شابىتتاندىرادى ءارى مۇمكىندىكتىڭ بارىنشا ولارعا قولداۋ كورسەتىپ، كومەك بەرەدى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
