«شىنايى سۇيسپەنشىلىك» اتتى كينو 13 - كەزەكتى دۇنيە جۇزىلىك ۇلتتار كينو فەستيۆالىندا «ەڭ ۇزدىك» كينو سيلىعىن الدى

2016.04.28 14:29   كەلۋ قاينارى : حالىق تورابى

　　حالىق تورابى، 28 - ءساۋىر، بەيجيڭ. 1 - ساۋىردەن 3 - ساۋىرگە دەيىن ا ق ش - تىڭ لوس - انجەلەس قالاسىندا وتكىزىلگەن 13 - كەزەكتى دۇنيە جۇزىلىك ۇلتتار كينو فەستيۆالىندا ءتاڭىرتاۋ كينو ستۋدياسى جاساپ، تۇسىرگەن «شىنايى سۇيسپەنشىلىك» اتتى كينو كينو فەستيۆالىنداعى ەڭ جوعارى سيىلىق ءتۇرى بولعان __ «باعالاۋشىلار القاسىنىڭ ەڭ ۇزدىك كينو سيلىعىن» الدى. اتالعان كينونىڭ رەجيسسەرى شەيرزات ياحۇپ كينودى ءتۇسىرۋ گرۋپپاسىنداعىلار اتىنان بۇل رەتكى كينو فەستيۆالىنا قاتىناستى.

　　13 - كەزەكتى دۇنيە جۇزىلىك ۇلتتار كينو فەستيۆالىنا حولليۆدتىڭ كينو شولپاندارى مەن ا ق ش كينو سالاسىنىڭ ادامدارىنان سىرت، جۇڭگو، انگليا، فرانسيا، يتاليا، كانادا، رەسەي قاتارلى مەملەكەتتەردىڭ ۋاكىلدەر ۇيىرمەسى قاتىناستى. باعالاۋعا 20 نەشە مەملەكەتتەن 31 كينو، 37 مەكرو كينو قاتىناسىپ، ءتورت مايدانعا ءبولىنىپ قويىلدى. كەزەكتى كينو فەستيۆالىنىڭ باعالاۋى توتەنشە قاتاڭ بولعان، شارتقا تولىمدى كينولار بولماعاندىقتان، «ەڭ ۇزدىك رەجيسسەر سيلىعى»، «ەڭ ۇزدىك سەناريست سيلىعى» ەشكىمگە بەرىلمەگەن. «شىنايى سۇيسپەنشىلىك» اتتى كينو وسى جولعى كينو فەستيۆالىنداعى بىردەن - ءبىر ەڭ جوعارى مارتەبە سيلىعى __ «باعالاۋشىلار القاسىنىڭ ەڭ ۇزدىك كينو سيلىعىن» الدى. كينوداعى اسەرلى اڭگىمەلەر، تارتىمدى كورىنىستەر باعالاۋشىلار القاسىنىڭ ءبىر اۋىزدى جاقسى باعاسىنا يە بولدى.

　　«شىنايى سۇيسپەنشىلىك» اتتى كينو انيپانىڭ ناق ىستەگەن ىزگى ىستەرى نەگىزىندە جاسالعان بولىپ، انيپا انانىڭ نەشە ونداعان جىلدان بەرى 6 ۇلتتىڭ 19 بالاسىن اسىراپ باققان اسەرلى اڭگىمەسى كينوعا ارقاۋ بولعان.

　　كەلۋ قاينارى: حالىق تورابى