- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2 وزەن قاينارى جاراتىلىستىق قورىعىنداعى كەرەكسىز كەن اۋماقتارىن قالپىنا كەلتىرۋ ناتيجەلى بولدى
2016.05.04 15:13 كەلۋ قاينارى : ءتاڭىرتاۋ تورابى
كەرەكسىز كەن اۋماقتارى جاسىل جەلەك جامىلىپ، كەشەگى لاس سۋلار تۇنىدى
26 - ساۋىردە التاي تاۋىنداعى 2 وزەن قاينارى جاراتىلىستىق قورىعى قۇرىمتى وڭىرىندەگى باتىس قونىس ورمان اۋماعىن جاسىل شوپتەر كومكەردى، سيىردىڭ تەزەگى مەن قويدىڭ قۇمالاعى اندىزداپ كوزگە شالىنادى. مۇنداي كوركەم كورىنىستى كورگەن جان بۇل جەردىڭ كەزىندە كەرەكسىز كەن ەكەنىن ەلەستەتۋى قيىن.
« ويلى - شۇڭقىردان اياق باسىپ ءجۇرۋ مۇڭ بولاتىن بۇل جەردە بۇرىن تاس قالدىقتارى تاۋ - توبە ءۇيىلىپ - شاشىلىپ جاتاتىن»، - دەيدى قورىق باسقارۋ مەكەمەسى كاسىپتىك ءبولىمىنىڭ قىزمەتكەرى چىڭ چۋانفي.
قۇرىمتى ءوڭىرى بۇرىن زاڭسىز التىن قازۋدان اۋىر زارداپ شەككەن، بۇل جەردىڭ التىن قازۋ تاريحىنا 100 جىلدان اسقان. ويدىم - ويدىم، ايقىش - ۇيقىش جىرا - جىقپىتقا اينالعان بۇل ماڭدا تاس - قيىرشىقتار ءۇيىلىپ جاتاتىن. «كورگەن جاننىڭ ءىشى اشيتىن» دەيدى قورىق اۋماعى اقسالا باسقارۋ پۋنكتىنىڭ باستىعى تولەۋبەك.
«2010 - جىلدان بۇرىن، قۇرىمتى وزەنىنىڭ سۋى ساپ - سارى بولاتىن، 2011 - جىلى وزەن سۋى اجەپتاۋىر تۇنىدى. سوڭعى جىلدارداعى وڭاۋدىڭ ناتيجەسىندە، قازىر وزەن سۋى ءتىپتى دە تۇنىدى»، - دەيدى تولەۋبەك رازى بولا كۇلىمسىرەپ.
«وسىمدىك جامىلعىسى قالپىنا كەلدى، وزەن سۋى دا تۇنىدى، اڭدار دا مەكەندەرىنە قايتا ورالدى. بۇرىن كەن اشۋ مۇراسىمىنداعى قۇلاق تۇندىراتىن تورسىلداق داۋىسى كىم - كىمدى دە مەزى قىلىپ جىبەرەتىن. ءسويتىپ، قوڭىر ايۋ دا بۇل جەردەن تايىپ تۇرعان. قازىر بۇل جەر تىنىشتالدى، قوڭىر ايۋ قايتىپ كەلدى. ءبىز قوڭىر ايۋدى ءوز كوزىمىزبەن كوردىك»، - دەيدى قورىق ءوڭىرىن باسقارۋشى لي جياشي. بۇگىنگى تاڭدا، اۆتوكولىكپەن قۇرىمتىنىڭ سايلارىن ارالاساڭىز، تاۋ ەشكى، سۋىر، قارشىعا سياقتى ءتۇز اڭدارى مەن قۇستاردى كەز كەلگەن جەردەن كەزدەسەدى.
«بۇل جەردىڭ وزگەرىسىنە 2 وزەن قاينارى جاراتىلىستىق قورىعىندا جۇرگىزىلگەن زاڭسىز التىن قازۋدى توقتاتۋ ارەكەتى مەن كەرەكسىز كەن اۋماقتارىن شوعىرلى تۇردە وڭاۋ، قالپىنا كەلتىرۋ ينجەنەرياسى سەبەپ بولدى»، - دەيدى التاي تاۋى 2 وزەن قاينارى جاراتىلىستىق قورىعىن باسقارۋ مەكەمەسى پارتيا ياچەيكاسىنىڭ شۋجيى شۇي فۋجۇن. 2011 - جىلى 2 وزەن قاينارى جاراتىلىستىق قورىعىندا زاڭسىز التىن قازۋدى توقتاتۋ ارەكەتى جۇرگىزىلدى. سول جىلى 40تان استام ەكسكۆاتور قايتارىلدى، كەلەسى جىلى ادام كۇشىمەن التىن قازۋشىلارعا دا تۇبەگەيلى تيىم سالىندى.
بىرنەشە جىلدان بەرى كەن ورىندارىن جاۋىپ - تەگىستەۋ، لاي - باتپاق قۇيۋ، قوي ورگىزۋ، قورشاۋ جانە وزەن ارناسىن ارشۋ سياقتى شارالار ارقىلى 2 وزەن قاينارى جاراتىلىستىق قورىعى قۇرىمتى رايونىنىڭ 5200 مۋدان استام جەرىندەگى كەرەكسىز كەن اۋماعى مەن شاعىل تاس ۇيىندىلەرى تەگىستەلىپ، 1100 مۋدان استام جەرگە قاراقات ەگىلدى.
شۇي فۋجۇن بىلاي دەيدى: بەرتىنگى جىلدارى قورىق ەكولوگيانى قالپىنا كەلتىرۋدەن ۇلگى كورسەتۋ، الەۋمەتتىك اۋماق بىرگە باسقارۋ، ورنىن باساتىن كاسىپتەردى جەتىلدىرۋ سياقتى شارالار ارقىلى ەكولوگيالىق ورتانى ايتارلىقتاي جاقسارتتى. قازىر 2 وزەن جاراتىلىستىق قورىعى بيولوگيالىق الۋان تۇرلىلىككە باي گەن قويماسىنا اينالدى، مۇندا شوق وزەكشەلى وسىمدىكتەردىڭ 967 ءتۇرى، قىنا، مۇك تەكتەستەردىڭ 200دەن ارتىق ءتۇرى، اڭنىڭ 54 ءتۇرى، قۇستىڭ 22 ءتۇرى، بالىقتىڭ 8 ءتۇرى بار. مۇنداعى كوپتەگەن جانۋارلار مەن وسىمدىك تۇرلەرى تەك ەلىمىزدە نەمەسە شينجياڭدا عانا كەزدەسەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
