- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعى گۇلى قۇلپىرعان تارباعاتاي ايماعى
2016.05.04 15:11 كەلۋ قاينارى : ءتاڭىرتاۋ تورابى
«ۇلتتار ىنتىماعى، العاباسارلىعىنىڭ شينجياڭ ۇلگىسى»
مامىر ايى كىرىسىمەن بارلىق تاۋى باۋرايىنداعى شۇعىنىق، ورىك گۇلدەرى شەشەك اتا باستادى. تارباعاتاي ايماعىندا جىل بويى قۇلپىرىپ تۇراتىن تاعى ءبىر گۇل بار، ول − ءار ۇلت حالقى بىرگە ءومىر سۇرگەن، ءبىر - بىرىنە قارايلاسقان، ءوزارا سيلاسقان ۇلتتار ىنتىماعى گۇلى.
20 - مامىردا شاۋەشەك قالاسى قارا ءدوڭ الەۋمەتتىك اۋماعىندا تۇراتىن 80 جاسقا شىققان تۋحان جالەل الەۋمەتتىك اۋماق كادرى مارحابا قۇرباندى ەسىكتەن كىرگەن جەردەن اتىنوشكا بيىنە تارتتى. تۋحان اجەيدىڭ 2 ۇلى بار، ۇلكەن ۇلىنىڭ توسەك تارتىپ جاتىپ قالعانىنا ۇزاق جىل بولعان، ەندى ءبىر ۇلى قاتتى - قايىرىم جۇمىستارعا كەلمەيدى، كاريانىڭ ايلىق كىرىسى نەبارى 800 يۋان، 2 ۇلى اي سايىن 350 يۋاننان ەڭ تومەنگى تۇرمىستى قامسىزداندىرۋ قاراجاتىن الادى، ءبىراق اجەي وسى ماردىمسىز تۇرمىس قاراجاتىنان ءار ايدا 200 يۋان شىعارىپ قيىنشىلىعى بارلارعا كومەكتەسىپ تۇرادى.
«بۇل ەرتەدە قۇرىلعان الەۋمەتتىك اۋماق، مۇندا 14 ۇلت بار، بۇرىن جولى كەدىر - بۇدىر، قۇبىر سۋى دا قالىپسىز بولاتىن. 2012 - جىلدان باستاپ بۇل ارانىڭ قۇبىر سۋى قالپىنا كەلدى، اسفالت جول سالىندى جانە لاس سۋدى ىعىستىرۋ قۇبىرى جاتقىزىلدى»، - دەدى مارحابا تىلشىگە. تۋحان اجەي وزىنە كومەك كورسەتكەن بەيتانىس ادامداردىڭ ءبارىن «قىزمەت اترەتىندەگىلەر» دەپ بىلەدى ەكەن.
تۋحان اجەيگە جاسالعان قامقورلىق − تارباعاتاي ايماعىنداعى ۇلتتار ىنتىماعىنىڭ ىقشام كورىنىسى، ولار ءوزارا سيلاسىپ، ءبىر - بىرىنە كومەكتەسۋمەن بىرگە، پارتيا مەن ۇكىمەتتىڭ حالىق تۇرمىسىن جاقسارتۋ جاعىنداعى قامقورلىقتارىنان يگىلىكتەندى. ۇزاق جىلدان بەرى تارباعاتاي ايماعى ەكونوميكانىڭ دامۋىن جەبەۋدى ۇلتتار ىنتىماعىن نىعايتۋدىڭ ماتەريالدىق نەگىزى سانادى. سوڭعى 2 جىلدان بەرى، تۇتاس ايماقتىڭ حالىق تۇرمىسى نىساندارىنا قازىنادان شىعارعان قارجىسى 10 ميلليارد يۋاننان اسىپ، الەۋمەتتىك قازىنالىق مەجە ەسەپ شىعىسىنىڭ %75تەن استامىن يەلەدى. تۇتاس ايماقتاعى قازاق، حانزۋ، ۇيعۇر، حۇيزۋ، موڭعۇل سياقتى 29 ۇلت جۇدىرىقتاي جۇمىلىپ، قۋانىش - جۇبانىشتا بىرگە بولىپ، ۇلتتاردىڭ بۇگىنگىدەي ىنتىماقتى، جاراسىمدى بولۋ جاعدايىن بىرگە قالىپتاستىردى.
ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىندە، تارباعاتاي ايماعى 2015 - جىلدان بەرى ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن تارتىپپەن ورىستەتىپ، «كلەتكا ينجەنەرياسىن» جەدەل اتقارىپ، ۇلتتار ىنتىماعى، جاي ادام، جارقىن ىستەردى ۇگىتتەۋگە باسا ءمان بەرىپ، بارلىق ادام ات سالىسىپ، بىرگە وركەنيەتتى ورىن قۇراتىن تاماشا جاعداي قالىپتاستىردى. مادەنيەتتىڭ جەتەكتەۋ رولىنا باسا ءمان بەرىپ، ءار ۇلتتىڭ تاڭداۋلى، ءداستۇرلى مادەنيەتىن دامىتۋعا، ساۋلەلەندىرۋگە بارىنشا كۇش سالىپ، ءار ۇلت حالقىنىڭ تارباعاتايعا دەگەن سۇيىسپەنشىلىگىن تەرەڭدەتىپ، ورىس مادەنيەتىن زەرتتەۋ قوعامى، تاتار مادەنيەتىن زەرتتەۋ قوعامى سياقتى بىرنەشە مادەنيەت زەرتتەۋ قوعامىن قۇرىپ، از ۇلتتاردىڭ حالىق اراسىنداعى بايىرعى كىتاپتارىنان 35ىن رەتتەپ، 11 ءتۇرلى بەيزاتتىق مادەني مۇرانى مەملەكەتتىك قورعالاتىن مۇرالار قاتارىنا ەنگىزدى.
«تارباعاتاي ەجەلدەن بەرى كوپ ءتۇرلى مادەنيەت توعىسقان، كوپ ۇلت قونىستانعان ءوڭىر، ءار ۇلت حالقى ءبىر - ءبىرىنىڭ ارتىقشىلىعىن كورە ءبىلىپ، ءوزارا سيىسىمدى بولىپ، ءوزارا ءتۇسىنىسىپ كەلەدى، سونىڭ ارقاسىندا،كوپ نەگىزدى مادەنيەت ءوزارا توعىسقان. مىنە بۇعان ءبىز ۇزاق ۋاقىت مۇراگەرلىك ەتۋگە، ونى ساقتاۋعا، ساۋلەلەندىرۋگە ءتيىسپىز»، - دەدى اۆتونوميالى رايوندىق پارتكومنىڭ تۇراقتى مۇشەسى، تارباعاتاي ايماقتىق پارتكومنىڭ شۋجيى ەركىنجان تۇراحۇن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
