- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان سۇڭ جاۋپۋمەن جانە ونىڭ ساپارلاستارىمەن كەزدەستى
ياۋ تۇڭ
2016.05.18 16:06 كەلۋ قاينارى : شينجياڭ گازەتى
ءتىلشىمىز ياۋ تۇڭ 16 - مامىردا ۇرىمجىدەن حابارلايدى. 16 - مامىر تۇستەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇرىمجىدە حىنان ولكەسى رۋجوۋ قالاسى جينگىڭ قالپىنا كەلتىرۋ شيپاحاناسىنىڭ باستىعى سۇڭ جاۋپۋمەن جانە ونىڭ ساپارلاستارىمەن كەزدەستى.
حىناننىڭ رۋجوۋ قالاسىنداعى جينگىڭ قالپىنا كەلتىرۋ شيپاحاناسى كەمتارلارعا قىزمەت وتەۋدى باستى تۇلعا، كەمتارلىقتان ساقتانۋدى، قالپىنا كەلتىرۋ - ەمدەۋدى جانە مەديتسينالىق زەرتتەۋدى ءبىر تۇلعالاندىرعان، يگىلىك سيپاتىندىق شيپاحانا، ول حالىق ىستەر مينيسترلىگى ميى سالدانعان بالالاردى قالپىنا كەلتىرۋ - ەمدەۋدىڭ «كەلەشەك جوسپارى» اياسىندا مەملەكەت بويىنشا بەلگىلەگەن شيپاحانا، جۇڭگو شيپاگەرلىگىمەن بالالاردىڭ ميى سالدانۋىن ەمدەۋ سالاسىندا ەل ىشىندە ماڭداي الدى دەڭگەيگە جەتكەن.
2015 - جىلى شيپاحانا «ۇيعۇر مەن حانزۋ باۋىرلاس − شينجياڭعا كومەك بەرۋ بويىنشا ميى سالدانعان بالالاردى ەمدەۋ» قيمىلىن ورىستەتىپ، شينجياڭنىڭ حوتان ايماعىنان ميى سالدانعان 23 ۇيعۇر بالانى تەگىن ەمدەدى. بىلتىر قازان ايىندا جينگىڭ شيپاحاناسى مەن حوتان لوحمان شيپاحاناسى سەلبەسىپ، قاراقاش اۋدانىنان ميى سالدانعان بالالاردى قالپىنا كەلتىرۋ ورتالىعىن قۇرعان بولاتىن، قازىر بۇل ورتالىق جەرگىلىكتى 180 بالانى ەمدەپ وتىر.
سۇڭ جاۋپۋ بۇل ساپارىندا شينجياڭداعى ميى سالدانعان بالالاردى قۇتقارۋ ىستەرىن كۇشەيتە ءتۇسۋ ماقساتىندا ناقتى جاعدايمەن تانىسىپ، جاڭادان 25 بالانى ەمدەۋگە قابىلداپ، ميى سالدانعان 300 بالانى سارالاپ تەكسەردى، سونداي - اق حوتان جينگىڭ - لوحمان ميى سالدانعان بالالاردى قالپىنا كەلتىرۋ شيپاحاناسىنىڭ اشىلۋ سالتىنا قاتىناستى.
جاڭ چۇنشيان بىلاي دەدى: حىناننىڭ رۋجوۋ قالاسىنداعى جينگىڭ قالپىنا كەلتىرۋ شيپاحاناسى شينجياڭداعى ءار ۇلت حالقىنا قالتقىسىز كومەك كورسەتتى، ول حىنان ولكەسىنىڭ شينجياڭعا باعىتتامالى كومەك بەرۋ ءىسىنىڭ ماڭىزدى قۇرامداس بولىگى، سونداي - اق شينجياڭعا كومەك بەرۋدىڭ ماڭىزدى ءتاسىلى سانالادى. شينجياڭدا جۇڭگو شيپاگەرلىگى مەن ۇيعۇر شيپاگەرلىگىن دامىتۋدىڭ باسىمدىعى جانە ءداستۇرى بار، مۇنداعى مەديتسينالىق قىزمەتتەر ورتا ازيانى، ءتىپتى، ونان دا كەڭ ءوڭىردى قامتي الادى. بيىل اۆتونوميالى رايون ورتاعا قويعان «ۇلتتار ىنتىماعى، العاباسارلىعى جىلىنداعى» 27 ءتۇرلى كەلەلى شارادا جۇڭگو شيپاگەرلىگى مەن از ۇلت شيپاگەرلىگىن، ءدارى - دارمەكتەرىن جالعاستىرۋ مەن وعان جاڭالىق ەنگىزۋ جانە دارىندىلاردى دايىنداۋدى كۇشەيتۋ دە قامتىلعان. مەن رۋجوۋ قالاسىنىڭ جينگىڭ قالپىنا كەلتىرۋ شيپاحاناسىنىڭ جۇڭگو شيپاگەرلىگىمەن ەمدەۋدەگى جانە دارىندىلاردى ەنگىزۋ، تاربيەلەۋ سياقتى جاقتارداعى وزگەشە باسىمدىقتارىن ىسكە قوسىپ، ءار ۇلت اۋرۋ بالالارىن ەمدەۋىن، قۇتقارۋىن، سونىمەن بىرگە، شينجياڭنىڭ «ۇلتتار ىنتىماعى، العاباسارلىعى جىلى» جانە مەديتسينالىق قىزمەت كورسەتۋ ورتالىعى قۇرىلىسى ءۇشىن كۇش قوسۋىن ءۇمىت ەتەمىن.
سۇڭ جاۋپۋ بىلاي دەدى: اۆتونوميالى رايوندىق پارتكوم، ۇكىمەت كەمتار بالالاردى قۇتقارۋ، ولارعا كومەكتەسۋ قىزمەتىنە دايەكتى ءمان بەرىپ كەلەدى. سوڭعى جىلدارى «كوكتەم بالاۋساسى ينجەنەرياسى» بويىنشا تۋما جۇرەك اۋرۋ بالالاردى تەگىن ەمدەۋ سياقتى ءبىرسىپىرا شارالار ارقىلى قيىنشىلىعى بار بۇقارانى، كوزى ءالسىز بالالاردى قۇتقارۋ جانە ولارعا كومەك بەرۋ سەرپىنىن كۇشەيتتى، كەي اۋرۋلاردى ەمدەۋ دەڭگەيى مەملەكەتتىڭ بىرەگەي دەڭگەيىنە جەتتى. جينگىڭ شيپاحاناسى ءداستۇرلى جۇڭگو شيپاگەرلىگى، ءدارى - دارمەكتەرى باسىمدىعىن ۇزدىكسىز ساۋلەلەندىرىپ، جۇڭگوشا شيپاگەرلىكپەن ميى سالدانعان بالالاردى ەمدەۋدىڭ كلينيكالىق تاجىريبەلەرىنەن پايدالانىپ، شينجياڭداعى ميى سالدانعان بالالاردى ەمدەۋدى كۇشەيتىپ، شينجياڭعا كومەك بەرۋ ارقىلى سۇيىسپەنشىلىگىن ۇزدىكسىز تاراتىپ، ۇلتتاردىڭ تاتۋ شاڭىراعى جىرىن ۇزبەي جازا بەرەدى.
اۆتونوميالى رايوننىڭ باسشىلارىنان عانيبات سابىكەي ۇلى، پىڭ جيارۇي كەزدەسۋدە بىرگە بولادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
