- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءمورالدى، ءبىلىمدى ادام تاربيەلەۋ جولىندا
− بۇكىل رايونىمىزدىڭ اۆتونوميالى رايوندىق پارتكومنىڭ وقۋ - اعارتۋ، وقىتۋشىلار قىزمەتى ءماجىلىسىنىڭ ورنالاستىرۋىن مۇقيات، دايەكتى تياناقتاندىرعاندىعى تۋرالى
جاۋ شييا
2016.06.02 15:16 كەلۋ قاينارى : شينجياڭ گازەتى
رەداكتوردان
2015 - جىلى 3 - ماۋسىمدا اۆتونوميالى رايوندىق پارتكومنىڭ وقۋ - اعارتۋ، وقىتۋشىلار قىزمەتى ءماجىلىسى ۇرىمجىدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءمورالدى، ءبىلىمدى ادام تاربيەلەۋدى ءتۇيىن ەتىپ، وقىتۋشىلار قوسىنى قۇرىلىسىن كورنەكتى تۇردە نىعايتۋدى العا قويىپ، قالىڭ وقىتۋشىلاردى تاريحي جاۋاپكەرشىلىك سەزىمگە يە، ەلگە ونەگە كورسەتەتىن، ءمورالدى ادام تاربيەلەيتىن، كاسىپكە ىسىلعان شينجياڭ ەرەكشەلىگىنە يە «تورتتە جاقسى وقىتۋشى» بولىپ، ءبىلىمدى ادام تاربيەلەۋدەي قاسيەتتى بورىشتى ارقالاپ، شينجياڭنىڭ وقۋ - اعارتۋ ىستەرىنىڭ ءتىپتى جارقىن بولاشاعىن جاساۋعا قۇلشىنۋعا ۇندەدى.
□ءتىلشىمىز جاۋ شييا
ءبىر جىلدان بەرى، اۆتونوميالى رايوندىق پارتكومنىڭ ورنالاستىرۋ تالابىنا ساي، رايونىمىزداعى ءار ۇلت وقۋ - اعارتۋ قىزمەتكەرلەرى «تورتتە جاقسى وقىتۋشى» بولۋعا ۇمتىلۋدى كاسىپتىك ولشەم ەتىپ، قىزمەت ورنىندا تابان تىرەپ، ءبىلىم بەرىپ ادام تاربيەلەدى، ءوز ءىس - ارەكەتتەرىمەن ونەگە كورسەتتى. اۆتونوميالى رايوننىڭ، ءار جەردىڭ وقۋ - اعارتۋ جۇيەسى وقىتۋشىلار قوسىنى قۇرىلىسىن ماڭىزدى نەگىزدىك قىزمەت رەتىندە يگەرىپ، ءار ۇلت وقىتۋشىلارىن «تورتتە جاقسى وقىتۋشى» بولۋعا ۇمتىلۋدى قوزعاۋشى كۇش ەتە وتىرىپ، ىقىلاسپەن ءبىلىم بەرىپ، دەن قويا ادام تاربيەلەپ، وقىتۋشىلارعا جول كورسەتۋشى جانە وركەنيەتتى جالعاستىرۋشى رولىن تولىق ساۋلەلەندىرۋگە جەتەكتەدى.
سالىستىرا ۇيرەنىپ، «تورتتە جاقسى وقىتۋشى» بولۋعا ۇمتىلۋ يدەياسىن جۇرت جۇرەگىنە ۇيالاتتى
«ءادىل، سەنىڭ ەندىگى اناڭ مەنمىن»، «مۇعالىم، ءسىزدى انا دەپ شاقىرسام بولا ما؟»... 28 - مامىردا جىڭ اۋدانى تولى قالاشىعى يۇڭجيحۋ باستاۋىش مەكتەبىنىڭ مۇعالىمى ءسانيا ءوزىنىڭ اناسىنان ايرىلعان ءادىل ەسىمدى وقۋشىمەن اراداعى جان تەبىرەنتەرلىك اڭگىمەنى شىنايى دا قاراپايىم تىلمەن بايانداعاندا، الاڭداعى تىڭدارماندار قايتا - قايتا دۇركىرەتە شاپالاق سوقتى. بۇل وسى اۋداننىڭ وقۋ - اعارتۋ جۇيەسىنىڭ «<تورتتە جاقسى وقىتۋشى> بولۋعا ۇمتىلۋدى امالياتتا كورسەتۋ، ەڭ سۇيىكتى ۇستاز بولۋعا ۇمتىلۋ» تاقىرىبىندا وتكىزگەن دەكلاماتسيا جارىسى ەدى. جىڭ اۋداندىق وقۋ - اعارتۋ مەكەمەسىنىڭ باستىعى ۋ شيننيان بىلاي دەدى: بۇل جىڭ اۋدانى ورىستەتكەن شينجياڭ ەرەكشەلىگىنە يە «تورتتە جاقسى وقىتۋشى» بولۋعا ۇمتىلۋ تاقىرىبىنداعى قيمىلدىڭ ءبىر ءبولىمى، دەكلاماتسيا جارىسىنىڭ ماقساتى جانىمىزداعى وقۋ - اعارتۋ ءىسىن سۇيەتىن، مىنبەردە ۇزاق ۋاقىت ءبىلىم بەرگەن، شوگەلدىلىكپەن قالتقىسىز ۇلەس قوسقان وزات تيپتەردى جاپپاي ۇگىتتەپ، «تورتتە جاقسى وقىتۋشى» بولۋعا ۇمتىلۋ قيمىلىن ىشكەرىلەي ىلگەرىلەتۋ.
جىڭ اۋدانى سياقتى، بىلتىردان بەرى، رايونىمىزدىڭ ءار جەرىنىڭ وقۋ - اعارتۋ جۇيەسى اۆتونوميالى رايوندىق پارتكومنىڭ وقۋ - اعارتۋ، وقىتۋشىلار قىزمەتى ءماجىلىسىنىڭ ورنالاستىرۋىن ىشكەرىلەي دايەكتى تياناقتاندىرىپ، وقىتۋشى قوسىنى قۇرىلىسىن كورنەكتى تۇردە نىعايتىپ، ۇستازدىق اسىل ءمورالدى بارىنشا ساۋلەلەندىرىپ، «تورتتە جاقسى وقىتۋشى» بولۋعا ۇمتىلۋدىڭ تاماشا جاعدايىن قالىپتاستىردى.
اۆتونوميالى رايوندىق پارتكومنىڭ وقۋ - اعارتۋ، وقىتۋشىلار ءماجىلىسى بۇكىل رايونىمىزداعى قالىڭ وقىتۋشى، وقۋشىلاردى جۇمىلدىرىپ، وقۋ - اعارتۋ ءىسىنىڭ دامۋىن ىلگەرىلەتۋدە كەلەلى ماڭىزعا يە. ءماجىلىس اشىلعاننان كەيىن كوپ وتپەي اۆتونوميالى رايون ءماجىلىس ءسوزىن بولەك كىتاپشا ەتىپ باسىپ شىعارىپ، ونى بۇكىل رايونىمىزداعى وقىتۋشىلاردىڭ قولىنا تيگىزدى. سونىمەن قاتار اۆتونوميالى رايون قالىڭ وقىتۋشىلار مەن جۇمىسشى - قىزمەتكەرلەر قاۋىمىنا باعىتتاي ۇگىت - لەكسيا قيمىلىن باستادى، اۆتونوميالى رايوندىق وقۋ - اعارتۋ مەڭگەرمەسى «اۆتونوميالى رايوندىق پارتكومنىڭ وقۋ - اعارتۋ، وقىتۋشىلار قىزمەتى ءماجىلىسى رۋحىن ۇگىتتەۋ ۇيىرمەسىن» ۇيىمداستىرىپ تيانشاننىڭ وڭتۇستىگى مەن سولتۇستىگىنە جىبەرىپ ۇگىت - لەكسيا جاسادى، پىسىقتاۋ جۇرگىزدى، ءتۇسىندىردى، جەر - جەردىڭ، جوعارى مەكتەپتەردىڭ ۇگىت - لەكسيا جاساۋشىلارىن تاربيەلەدى. ۇگىت - لەكسيا ۇيىرمەسىنىڭ مۇشەلەرى نەگىزگى ساتىعا بارىپ، ءار ۇلت وقىتۋشى، وقۋشىلارىمەن بىرگە وتىرىپ ۇيرەنىپ، تالقى جۇرگىزىپ، جاڭ چۇنشيان شۋجيدىڭ ماڭىزدى ءسوزىنىڭ رۋحىن يگەرىپ، ءتۇسىنىپ، اۆتونوميالى رايوندىق پارتكومنىڭ تالابى مەن ورنالاستىرۋىن جانە قامقورلىعى مەن مەيىر - شاپاعاتىن وقىتۋشىلاردىڭ جۇرەگىنە ۇيالاتىپ، ءار ۇلت وقىتۋشىلارىن شينجياڭ ەرەكشەلىگىنە يە «تورتتە جاقسى وقىتۋشى» بولۋعا ۇمتىلۋعا جەبەدى، جەتەكتەدى.
اڭگىمەلەسۋ، تاقىرىپتىق ۇگىت - لەكسيا جاساۋ، شوعىرلى تاربيە، ۇيرەنۋ قيمىلدارى ارقىلى ءبىر جىلدان بەرى قالىڭ وقۋ - اعارتۋ قىزمەتكەرى ۇيرەنۋ، اماليات بارىسىندا سالىستىرا ۇيرەنۋ، «تورتتە جاقسى وقىتۋشى» بولۋعا ۇمتىلۋ يدەياسىن جۇرت جۇرەگىنە تەرەڭ ۇيالاتتى.
جاڭالىق اشىپ، رەفورما جۇرگىزىپ، وقىتۋشىلار قوسىنى قۇرىلىسىن نىعايتتى
بيىلدان باستاپ رايونىمىزدىڭ «اۋىل - قىستاقتارداعى مەكتەپتەرىندە 30 جىل ۇستازدىق ەتكەن وقىتۋشىلارعا داڭق كۋالىگىن» بەرۋ قىزمەتىن ورىستەتەتىندىگى تۋرالى حابار باي اۋدانى قىزىل اۋىلى تەتىر قىستاعى مەكتەبىنىڭ وقىتۋشىسى تۇراپ ياسىنعا وقىتۋشىلىقتىڭ داڭقتى كاسىپ ەكەنىن تەرەڭ سەزىندىردى. «ەڭبەكاقى يگىلىگى ءوسىرىلدى، ءۇيى الىستاعى وقىتۋشىلار بۇرىنعىداي ماشاقاتپەن قاتىناپ جۇرمەي جاتاقتا جاتاتىن بولدى، مەملەكەت پەن اۆتونوميالى رايون ءبىز وقىتۋشىلارعا بارعان سايىن ءمان بەرۋدە»، - دەدى 38 جىل وقىتۋشىلىقپەن شۇعىلدانعان تۇراپ ياسىن ءسۇيىنىشتى كوڭىل كۇيىن جاسىرا الماي.
عاسىرلىق ۇلى ءىس وقۋ - اعارتۋدى نەگىز ەتەدى؛ وقۋ - اعارتۋدا وقىتۋشى نەگىز بولادى. وقىتۋشىلار قوسىنى قۇرىلىسىن نىعايتۋ جاعىندا، اۆتونوميالى رايوندىق پارتكومنىڭ وقۋ - اعارتۋ، وقىتۋشىلار قىزمەتى ماجىلىسىندە ساياسات جاعىندا بەيىمدەلىپ، وقىتۋشىلىق كاسىپتىڭ باۋراۋ قۋاتىن كۇشەيتۋ كەرەكتىگى العا قويىلدى. ءبىر جىلدان بەرى، اۆتونوميالى رايوننىڭ قاتىستى تاراۋلارى بەلسەندى تۇردە سايكەستىرىپ، تياناقتاندىرىپ، مىندەتتى وقۋ - اعارتۋ ساتىسىنداعى مەكتەپتەردەگى كلاس جەتەكشىلەرىنە قوسىمشا قاراجات بەرۋ، كومەك قاراجاتىن كوبەيتۋ قىزمەتىن تياناقتاندىرىپ، وڭتۇستىك شينجياڭداعى ەكى ايماق، ءبىر وبلىستا جانە اقسۋ ايماعىنىڭ كەلپىن، ءۇشتۇرپان، اۋات اۋداندارىندا كومەك قاراجاتتى تولىق بەردى، قالعان ايماق، وبلىس، قالالاردا كومەك قاراجاتتىڭ %70ىن بەردى، بۇعان جالپى 96 ميلليون يۋاننىڭ ۇستىندە قوسىمشا، كومەك قاراجات كەتتى.
سونىمەن قاتار بىلتىر اۆتونوميالى رايون اقسۋ ايماعىن اۋىل - قىستاق وقىتۋشىلارىنا تۇرمىستىق كومەك قاراجات بەرۋ ساياساتى كولەمىنە ەنگىزدى ءارى اۋىل - قىستاقتاعى وقىتۋشىلاردىڭ جاتاق ءۇيى قۇرىلىسىنىڭ سەرپىنىن ۇزدىكسىز ىلگەرىلەتتى، جوبا بويىنشا، جاقىنعى 5 جىلدا ورتالىققا ءبىر ميلليارد 300 ميلليون يۋان قارجى ءبولۋ جونىندە ءوتىنىش بەرىپ، اۋىل - قىستاق وقىتۋشىلارىنا ارناپ 600 مىڭ شارشى مەترلىك جاتاق سالىپ، اۋىل - قىستاق وقىتۋشىلارىنىڭ جاتاق ماسەلەسىن تۇبەگەيلى شەشۋدى جوسپارعا الدى.
اۋىل - قىستاق وقىتۋشىلارى مەن «قوس ءتىل» وقىتۋشىلارىنىڭ جەتكىلىكسىزدىگى اۆتونوميالى رايونىمىز وقۋ - اعارتۋىنىڭ دامۋىنا تۇساۋ بولىپ وتىرعان ولقىلىق سانالادى. بىلتىر اۆتونوميالى رايون «مەكتەپكە كىرۋ الدىنداعى «قوس ءتىل» وقىتۋشىلارى ءۇشىن ەرەكشە قىزمەت ورنىن بەلگىلەۋ جوسپارىن» تۇڭعىش رەت اتقارىپ، 10 مىڭعا جۋىق وقىتۋشىنى قىزمەتكە قابىلدادى. پەداگوكيكالىق مەكتەپتەردە وقۋشىلاردى باعىتتامالى، اقىسىز تاربيەلەۋ جوسپارىن ۇزدىكسىز اتقارۋ، جوعارى مەكتەپ وقۋشىلارىنىڭ پراكتيكا ارقىلى باستاۋىش ورىنداردىڭ وقۋ - اعارتۋ ىسىنە قولداۋ كورسەتۋ قىزمەتىن كۇشەيتۋ نەگىزىندە، قازىر اۆتونوميالى رايوندىق وقۋ - اعارتۋ مەڭگەرمەسى پەنسياعا شىققان تاڭداۋلى وقىتۋشىلاردىڭ باستاۋىش ورىنداردىڭ وقۋ - اعارتۋ ىسىنە قولداۋ كورسەتۋ، ساباق بەرۋ جوسپارىن زەرتتەپ جاسادى. بۇدان بىلاي اۆتونوميالى رايون مەن شينجياڭعا باعىتتامالى كومەكتەسىپ جاتقان 19 ولكە، قالاداعى پەنسياعا شىققان وقىتۋشىلاردى اۆتونوميالى رايونىمىزدىڭ اۋىل - قىستاقتارىنداعى مەكتەپتەردە ءبىر جىلدىق مەرزىممەن وقۋ - اعارتۋعا قولداۋ كورسەتۋگە جىل سايىن ۇيىمداستىرىپ وتىردى. سونىمەن بىرگە، اۆتونوميالى رايونىمىزدىڭ وقىتۋشى تاربيەلەۋ قىزمەتى رەفورماسىنا دا ءداپ باسىپ دالمە - ءدال كۇش سالىندى. بىلتىر «ورتا، باستاۋىش مەكتەپ وقىتۋشىلارىن مەملەكەت دارەجەلى تاربيەلەۋ جوسپارى» نىسانىنا سايكەس بۇكىل رايون بويىنشا 27 اۋدان، قالانى سىناق ءتۇيىنى رەتىندە سارالاپ، وقىتۋشىلاردى تاربيەلەيتىن اۋدان دارەجەلى ۇجىم مەن وقىتۋشىلاردى تاربيەلەيتىن اۋدان دارەجەلى بازا قۇرۋدى ءتۇيىن ەتىپ، اۋىل - قىستاق وقىتۋشىلارىن باستى تاربيەلەۋ باعىتى ەتىپ، نىسان كولەمىندەگى اۋدان، قالالارداعى وقىتۋشىلاردى ارنايى تاربيەلەپ، اۋدان دارەجەلى تۇلعالىق رولدى ساۋلەلەندىرىپ، اۋدان كولەمىندەگى وقىتۋشىلار تاربيەسىن تۇلعالىق جاقتان اتقارۋدى جەبەدى. تاربيە رەفورماسى جەر - جەردىڭ بۇرىنعى وزىندىك تاربيەلەۋ قابىلەتى ءالسىز بولۋ، وزىندىك قان جاساۋ يقۋاتى كەمشىل بولۋ، وقىتۋشىلاردى تاربيەلەۋدەگى «قىزمەت پەن ۇيرەنۋگە بىردەي ءمان بەرە الماۋ» سياقتى جايتتەردى وزگەرتتى. اۆتونوميالى رايوندىق وقۋ - اعارتۋ مەڭگەرمەسى وقىتۋشىلار قىزمەتى باسقارماسىنىڭ باستىعى داي شياڭنىڭ تانىستىرۋىنا قاراعاندا، تاربيەلەۋ نىسانى اتقارىلعاننان بەرى، 27 اۋدان، قالادا وقىتۋشىلاردى تاربيەلەيتىن اۋدان دارەجەلى ۇجىم قۇرىلىپ، ورتا، باستاۋىش مەكتەپ وقىتۋشىلارىن تاربيەلەۋ بازاسى رەتىندە 27 مەكتەپ تۇراقتاندىرىلىپ، 70 مىڭنان استام وقىتۋشى تاربيەلەنگەن. سونىمەن بىرگە، اۆتونوميالى رايون 66 مىڭ وقىتۋشىعا ينفورماتسيا تەحنيكاسىنان پايدالانۋ قابىلەتى تاربيەسىن جۇرگىزگەن.
ۇعىسۋعا قاراعاندا، بيىل اۆتونوميالى رايون «اۆتونوميالى رايوننىڭ نەگىزگى ساتى 1 - شەبىندەگى تاڭداۋلى وقىتۋشىلار ۋاكىلىن ىشكى وڭىرلەرگە ۇيرەنۋگە، زەرتتەۋ جۇرگىزۋگە اتتاندىرۋ» قىزمەتىن باستاپ، نەگىزگى ساتىداعى ءتىپتى دە كوپ وقىتۋشىلاردىڭ سىرت جەرلەرگە بارىپ، ءبىلىمىن ارتتىرىپ، كوز اياسىن كەڭەيتىپ، قابىلەتىن جوعارىلاتۋىنا تەكشە ازىرلەپ بەرگەن.
تاربيە جانە امالياتتىق قيمىلىندا ناقتى ونىمدىلىكتى جوعارىلاتتى
وقۋ - اعارتۋ حالىق تۇرمىسىنىڭ نەگىزى، سونداي - اق دامۋدىڭ ىرگە تاسى، ال شينجياڭدا وقۋ - اعارتۋ قوعامنىڭ ورنىقتىلىعى مەن باياندى تىنىشتىعىن جۇزەگە اسىرۋداعى تۇبىرىنەن وڭاۋ سيپاتتى شارا. ءبىر جىلدان بەرى اۆتونوميالى رايونىمىزدىڭ وقۋ - اعارتۋ جۇيەسى «تورتتە جاقسى وقىتۋشى» تانىمىن وقۋ - اعارتۋ وقىتۋ امالياتىنا تولىق ءسىڭىرىپ، ارەكەتتەرمەن تەرەڭ توعىستىردى.
شينجياڭ پەداگوكيكا ۋنيۆەرسيتەتى «پارتيا ۋستاۆىن، پارتيا قاعيداسىن، جەلىلەس ماڭىزدى سوزدەردى ۇيرەنۋ، تولىمدى پارتيا مۇشەسى بولۋ» جانە «تورتتە جاقسى وقىتۋشى» بولۋعا تالپىنۋ تاربيە جانە امالياتتىق قيمىلىنا اتتانىسقا كەلتىرۋ جينالىسىندا وقىتۋشىلار قوسىنىن مۇراتتى، ءمورالدى، ءبىلىمدى، باۋىرمال، ونەگەلى، تاڭداۋلى وقىتۋشىلار قوسىنى ەتىپ قۇرىپ شىعىپ، شينجياڭنىڭ دامۋىنا اقىل - پاراسات جاعىنا قولداۋ كورسەتۋ، دارىندىلار جاعىنان كەپىلدەندىرۋ كەرەك دەگەن ءتۇيىن العا قويىلدى؛ شينجياڭ قاتىناس كاسىپتىك تەحنيكالىق ينستيتۋتى «تورتتە جاقسى وقىتۋشىنىڭ» ولشەمىن ونان ارى ايقىنداپ، كاسىپتىك قابىلەتى ءالسىز ءىشىنارا وقىتۋشىلاردى مىنبەدەن ءتۇسىرىپ، ءوزىن - ءوزى تاربيەلەۋ جانە سىرتقا جىبەرىپ تاربيەلەۋ سياقتى فورمالار ارقىلى جالپى وقىتۋشىلاردىڭ كاسىپتىك قابىلەت ورەسىن جوعارىلاتتى؛ شينجياڭ ۋنيۆەرسيتەتى «تورتتە جاقسى وقىتۋشىنىڭ» ولشەمىن ۇلتتار ىنتىماعى، العاباسارلىعى جىلى قيمىلىمەن توعىستىرىپ، وقىتۋشىلاردى ساپ تۇزەۋگە نازار اۋدارىپ، قاتاڭ تالاپ قويۋعا ۇندەپ، ءتۇسىنۋ، اتقارۋ، تياناقتاندىرۋ قابىلەتىن كۇشەيتىپ، ىسكە يكەمدىلىكپەن كىرىسىپ، وقىتۋشىلاردىڭ اق پەن قارانى ايقىن اجىراتۋ قابىلەتىن جوعارىلاتۋىنا بەلسەنە جەتەكشىلىك ەتتى.
گۇما اۋدانىنان كەلگەن اۋىل - قىستاق وقىتۋشىسى رىسالەت ساداقىمەت مەملەكەتتىك تاڭداۋلى وقىتۋشى، سونداي - اق شينجياڭداعى تۇڭعىش كەزەكتى «تورتتە جاقسى وقىتۋشى» اتاعى يەگەرلەرىنىڭ ءبىرى، ول تاياۋدا ۇيرەنۋ اسەرىن بايانداعاندا: «شينجياڭ ەرەكشەلىگىنە يە جاقسى وقىتۋشى بولۋعا تالپىنۋ وقىتۋشىنىڭ بورىشى جانە جاۋاپكەرشىلىگى، ءوزىمىزدىڭ <قاراپايىم ارەكەتىمىز> ارقىلى ءاربىر وقۋشىعا اسەر ەتىپ، وقىتۋشىلار جاقسى كورەتىن وقىتۋشى، پارتيا مەن حالىق ءدان ريزا بولاتىن جاقسى وقىتۋشى بولۋىمىز ءتيىس. <تورتتە جاقسى وقىتۋشى> بولۋدى امالياتتا ايگىلەۋ ماڭگى جالعاسادى...»، - دەدى سالتاناتتى تۇردە.
ۇعىسۋعا قاراعاندا، اۆتونوميالى رايوندىق پارتكومنىڭ وقۋ - اعارتۋ، وقىتۋشىلار قىزمەتى ماجىلىسىندە العا قويىلعان بۇكىل اۆتونوميالى رايوننىڭ وقىتۋشىلار قوسىنى قۇرىلىسىن دامىتۋ باعىتىنا، نىسانالىق مىندەت پەن وي جەلىسىنە، شارالارىنا مەڭزەس اۆتونوميالى رايون «وقىتۋشىلار قوسىنى قۇرىلىسىن كۇشەيتۋ جونىندەگى پىكىردى» العا قويعان. بيىل وسى پىكىر ءتۇيىندى تۇردە دايەكتى تياناقتاندىرىلىپ، جەر - جەردىڭ ناقتى شارالاردى جاساۋىنا جەتەكشىلىك ەتىپ، وقىتۋشىلار قوسىنى قۇرىلىسىن مىقتى يگەرۋدە جاڭالىق جاسالادى ەكەن.
رىسالەت ساداقىمەت ايتقانداي، «تورتتە جاقسى وقىتۋشى» بولۋدى امالياتتا ايگىلەۋ ماڭگى جالعاسادى. بيىل ساۋىردە اۆتونوميالى رايوندىق وقۋ - اعارتۋ قىزمەت كوميتەتى، وقۋ - اعارتۋ مەڭگەرمەسى «ساياسيدى دارىپتەۋدى، وبرازدى سومداۋدى، ۇستازدىق ءمورالدى جەتىلدىرۋدى، ناتيجە جاراتۋدى» تاقىرىپ ەتكەن شينجياڭ ەرەكشەلىگىنە يە «تورتتە جاقسى وقىتۋشى» بولۋ تاربيە جانە امالياتتىق قيمىلىن اتقارىپ، ۇيرەنۋگە جۇمىلدىرۋ، سايكەستى تۇراقتاندىرۋ، تاقىرىپتىق امالياتتا ايگىلەۋ، كەمەلدەندىرۋ، دەڭگەيىن جوعارىلاتۋ سىندى ءتورت ساتىدا شينجياڭ ەرەكشەلىگىنە يە «تورتتە جاقسى وقىتۋشى» بولۋعا تالپىنۋ ۇگىت - تاربيەسى قيمىلىنىڭ تابىستارىن بەكەمدەپ، ىشكەرىلەي جۇرگىزەدى ەكەن.
2015 - جىلى 9 - قىركۇيەكتە تۇڭعىش كەزەكتى شينجياڭ ەرەكشەلىگىنە يە «تورتتە جاقسى وقىتۋشىلارعا» سيلىق تاپسىرۋ جينالىسى ۇرىمجىدە وتكىزىلدى. سۋرەتتە: سيلىق العان وقىتۋشىلار ءوزارا اڭگىمەلەسۋدە. (ماتەريال سۋرەت)
ءتىلشىمىز حان لياڭ تۇسىرگەن
كەلۋ قاينارى: شيجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
