- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2016 - جىلعى تيانشان قورشاعان ورتانى قورعاۋ ساپارى
بيڭتۋان مەن جەرگىلىكتى ورىن قۇلىستايدىڭ ەكولوگياسىن بىرلەسە وتىرىپ قورعادى
جاۋ جىيۇن
2016.06.02 15:17 كەلۋ قاينارى : شينجياڭ گازەتى
ءتىلشىمىز جاۋ جىيۇن 1 - ماۋسىمدا ۇرىمجىدەن حابارلايدى. 29 - مامىردان 1 - ماۋسىمعا دەيىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن گرۋپپا باستىعى بولعان 2016 - جىلعى تيانشان قورشاعان ورتانى قورعاۋ بويىنشا زاڭنىڭ اتقارىلۋىن تەكسەرۋ گرۋپپاسىنىڭ 1 - گرۋپپاسى ىلگەرىندى - كەيىندى تارباعاتاي ايماعىنىڭ ساۋان اۋدانىندا، شيحۋ قالاسىندا، ءدوربىلجىن اۋدانىندا جانە بيڭتۋان 9 - ديۆيزياسىندا تەكسەرۋ جۇرگىزدى.
اۆتونوميالى رايوندىق پارتكومنىڭ تۇراقتى مۇشەسى، تارباعاتاي ايماقتىق پارتكومنىڭ شۋجيى ەركىنجان تۇراحۇن 1 - ماۋسىمدا وتكىزىلگەن تارباعاتاي ايماعى مەن بيڭتۋان 9 - ديۆيزياسىنىڭ قورشاعان ورتانى قورعاۋ جاعدايىنان مالىمەت بەرۋ جينالىسىنا قاتىناستى.
«9 - ديۆيزيانىڭ ديۆيزيا شتابى تۇرعان ءدوربىلجىن اۋدانى چاۋياڭ جاڭا رايونى مەن ءدوربىلجىن اۋدان قالاشىعى رايونىنان شىعارىلاتىن لاس سۋدىڭ قۇلىستاي دالاسىنىڭ ەكولوگيالىق ورتاسىنا بەلگىلى ىقپالى بار. بىلتىر 9 - ديۆيزياسىنىڭ چاۋياڭ رايونى مەن ءدوربىلجىن اۋدانى بىرلەسىپ لاس سۋدى ءبىر جايلى ەتۋ زاۆودىن سالدى، بۇعان جالپى 170 ميلليون يۋان قارجى سالىندى، كۇنىنە 30 مىڭ تەكشەمەتر لاس سۋدى ءبىر جايلى ەتە الادى»، - دەدى بيڭتۋان 9 - ديۆيزياسى پارتكومىنىڭ تۇراقتى مۇشەسى، ديۆيزيانىڭ ورىنباسار باستىعى جاڭ جيانشيۇڭ 9 - ديۆيزيانىڭ قورشاعان ورتانى قورعاۋ قىزمەتىنەن بەرگەن مالىمەتىندە.
ۇعىسۋىمىزشا، بۇل تارباعاتاي ايماعى مەن بيڭتۋان 9 - ديۆيزياسىنىڭ قۇلىستاي دالاسىنىڭ قورشاعان ورتاسىن قورعاۋ سەرپىنىن بىرلەسە وتىرىپ ارتتىرۋ قىزمەتىنىڭ بىرەۋى عانا ەكەن. قۇلىستاي دالاسى − ءۇش قۇلىستاي ويپاتىنىڭ ماڭىزدى ەكولوگيالىق قالتقىسى، الدىڭعى عاسىردىڭ 80 - جىلدارىنان بەرى، بەتالدى تىڭ جەر اشۋ جانە شەكتەن تىس مال باعۋ سياقتىلاردىڭ سەبەبىنەن قۇلىستايدىڭ ەكولوگيالىق جۇيەسىنىڭ فۋنكتسياسى بۇزىلعان بولاتىن.
بىلتىردان بەرى، تارباعاتاي ايماعى مەن بيڭتۋان 9 - ديۆيزياسى بەلسەنە سايكەسىپ، قارىم - قاتىناس ورناتىپ، بيڭتۋان مەن جەرگىلىكتى ورىننىڭ بىرلەسىپ قيمىلداۋ مەحانيزمىن قۇرىپ، قۇلىستايدىڭ ەكولوگيالىق ورتاسىن بىرگە قورعادى. تارباعاتاي ايماعى مەن بيڭتۋان 9 - ديۆيزياسى باسشىلىق گرۋپپاسىن قۇرىپ، 9 - ديۆيزيانىڭ، اۋدان، قالالاردىڭ جانە قاتىستى تاراۋلاردىڭ جاۋاپكەرشىلىگىن ايقىنداپ، تالاي رەت ءماجىلىس اشىپ، قۇلىستاي دالاسىنىڭ ەكولوگياسىن تۇزەۋ قىزمەتىن جوسپارعا الدى.
تارباعاتاي ايماعى قۇلىستاي دالاسىنىڭ ەكولوگياسىن تۇزەۋ ينجەنەرياسىنىڭ جالپى جوباسىن جاساپ، جىل ىشىندە ەگىستىك جەرلەردى ازايتۋ، «ماشينالى قۇدىقتاردى تىزگىندەۋ»، سۋ باستاۋ توعانىن سالۋ، وزەن ارناسىنداعى قۇم - شاعىل الاڭدارىن اداقتاۋ، لاس سۋدى تىزگىندەۋ، ەكولوگيالىق كوشۋ سياقتى 10 ءتۇرلى ءتۇيىندى مىندەتتى جوسپارعا الدى. بۇگىندە تارباعاتاي ايماعى 146 مىڭ مۋ ەگىستىك جەردى ازايتىپ، 206 ماشينالى قۇدىقتى، 12 قۇم - شاعىل الاڭىن جاپتى؛ بۇكىل شينجياڭدا «ماشينالى قۇدىقتاردى تىزگىندەۋ» جۇمىسىن الدىمەن باستاپ، سۋ باعاسى رەفورماسى سياقتى كەشەندى شارالاردى قولدانىپ، ماشينالى قۇدىق تورىنىڭ ينفورماتسيا ساندى مالىمەت قويماسىن قۇرىپ، قۇلىستاي دالاسىنداعى جەر استى سۋىن شەكتەن تىس اشۋدى ءونىمدى تۇردە تەجەپ، ەگىستىك جەردى ازايتۋ، سۋ كوزدەرىن اشۋدى ازايتۋ، ەكولوگيانى تۇزەۋ جۇمىستارىن جەبەدى.
9 - ديۆيزيا «قۇلىستاي دالاسىنىڭ ەكولوگياسىن تۇزەۋدىڭ تاياۋ، ورتا مەزگىلدىك قىزمەت جوباسىن»، «قۇلىستاي دالاسىنىڭ 2016 - جىلعى ەكولوگياسىن تۇزەۋ قىزمەتى جوباسىن» جاساپ، «قۇلىستاي دالاسىنىڭ ەكولوگيالىق ورتاسىن قورعاۋعا جانە تىزگىندەۋگە باسشىلىق ەتۋ گرۋپپاسىن» قۇردى، بۇگىندە 5059 ەگىستىك جەردى قايتاردى؛ «قۇدىق قازۋدى قاتاڭ تىزگىندەۋ جونىندەگى حابارلاندىرۋدى» باسىپ تاراتىپ، جاڭادان قۇدىق قازۋ، قۇدىق جاڭالاۋ جونىندە ايقىن بەلگىلەمە شىعارىپ، 15 ماشينالى قۇدىقتى جاپتى.
مۇنىڭ سىرتىندا، تارباعاتاي ايماعى ەكولوگيالىق ورتانى قورعاۋ جاعىنداعى زاڭ شىعارۋ قىزمەتىن جەدەل ىستەدى، «قۇلىستاي دالاسىنىڭ ەكولوگياسىن قورعاۋ ەرەجەسىن (جوبا)»، «شاۋەشەك قالاسىنىڭ 5 وزەن ەكولوگياسىن قورعاۋ ەرەجەسىن (جوبا)» تاياۋدا ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ قاراۋىنا ۇسىنباق.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
