- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
130 ورىننىڭ وركەنيەتتى ورىن مارتەبەسىنىڭ كۇشىنەن قالدىرىلۋى نەنى اڭعارتادى
شين ۋىنميڭ
2016.06.20 09:50 كەلۋ قاينارى : شينجياڭ گازەتى
تاياۋدا اۆتونوميالى رايوندىق وركەنيەت كوميتەتى 2015 - جىلى وركەنيەتتى ورىن بولىپ باعالانعان ورىنداردى يكەمدى باسقارۋ بويىنشا 86 ورىننىڭ اۆتونوميالى رايون دارەجەلى وركەنيەتتى ورىن داڭقتى اتاعى الىپ تاستاۋدى ۇيعاردى، 2014 - جىلى وركەنيەتتى ورىن بولىپ باعالانعان ورىنداردى يكەمدى باسقارۋ بارىسىندا 44 ورىننىڭ اۆتونوميالى رايون دارەجەلى وركەنيەتتى ورىن اتاعى كۇشىنەن قالدىرىلدى، 2 جىل ىشىندە، اۆتونوميالى رايوندىق وركەنيەت كوميتەتى 130 ورىننىڭ اۆتونوميالى رايون دارەجەلى وركەنيەت ورىن اتاعىن كۇشىنەن قالدىردى.
اۆتونوميالى رايون دارەجەلى وركەنيەتتى ورىن بولىپ باعالانعان 130 ورىننىڭ داڭقتى مارتەبەسىنىڭ كۇشىنەن قالدىرىلۋىنا باسشىلىق القاسىنداعى مۇشەلەردىڭ تارتىپكە، زاڭعا قايشىلىق ىستەۋ؛ مەكەمە - ورىنداردىڭ جان - جاقتى جونگە سالۋ جانە ورنىقتىلىقتى قورعاۋ قىزمەتىنىڭ بەلگىلەنگەن ولشەمگە تولماۋ؛ «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىنا» قايشى كەلۋ؛ قىزمەت ناتيجەسىن باعالاۋدا تولىمسىز بولۋ؛ قىزمەتتەگى كادرلار مەن جۇمىسشى - قىزمەتكەرلەردىڭ زاڭعا قايشىلىق جاساپ، قىلمىس وتكىزۋ؛ وركەنيەتتى ورىن قۇرۋ قىزمەتىنىڭ بارىنشا شەگىنۋى سياقتىلار سەبەپ بولدى.
اۆتونوميالى رايون دارەجەلى وركەنيەتتى ورىن اتاعى اۆتونوميالى رايوندىق وركەنيەت كوميتەتىنىڭ ورگان، كاسىپورىن، ءىسورىندارعا بەرەتىن ءتۇرلى داڭق اتاقتارىنىڭ ىشىندەگى جالپىلىق سيپات الاتىن، ەڭ جوعارى دارەجەلى مارتەبە، ونى «التىن ماڭدايشالىق» دەۋگە دە بولادى، وركەنيەتتى ورىنداردىڭ ساپاسىنا قوعامنىڭ ءار سالاسى جاپپاي نازار اۋدارۋى كەرەك. الايدا وركەنيەتتى ورىنداردى باعالاۋ بارىسىندا دا ءىشىنارا ماسەلەلەر بايقالدى: كەيبىر ورىندار وركەنيەتتى ورىن قۇرۋدا بوگدە نيەتتە بولىپ، وركەنيەتتى ورىن قۇرۋ قىزمەتىن باسشىلاردىڭ بەتى، بۇقارانىڭ «داۋىسى» ءۇشىن ىستەگەن؛ كەيبىر ورىنداردىڭ وركەنيەتتى ورىن قۇرۋعا دارمەنى ارەڭ جەتتى، اتاق قولعا تيىسىمەن، ونى ماڭگىلىك دەپ قاراپ، ۇزدىكسىز قۇلشىنۋدى توقتاتقان؛ كەيبىر ورىندار وركەنيەتتى ورىن دەگەن اتاققا قول جەتكىزۋدى عانا ماقسات ەتكەندىكتەن، وركەنيەتتى ورىن قۇرۋ قىزمەتى كاسىپتىك قىزمەتپەن جاناسپاي، ءسوزى باسقا، ءىسى باسقا بولىپ قالعان؛ كەيبىر ورىندار وركەنيەتتى ورىن اتاعىن الۋ ءۇشىن كوز الداعى پايدانى كوزدەپ، كۇندەلىكتى قىزمەتكە ءمان بەرمەي، كوزبوياۋشىلىق ىستەپ، تەكسەرۋگە توتەپ بەرۋ ءۇشىن قانجىلىك بولعان. وسىنداي جاعدايدا، ءىشىنارا جەرلەر مەن ورىنداردا وركەنيەتتى ورىن دەگەن اتاعى بولعانىمەن، وركەنيەتتى ارەكەت از، وركەنيەت ساپاسىنىڭ كوتەرىلەۋى باياۋ سىندى عاجايىپ جاعداي ساقتالدى.
2013 - جىلى اۆتونوميالى رايوندىق وركەنيەت كەڭسەسى وركەنيەتتى ورىنداردى باعالاۋ، تاڭداۋدا 30 جىلعا تاياۋ جالعاسقان مەرزىمدى ۋاقىتتا باعالاۋ ءتۇزىمىن كۇشىنەن قالدىرىپ، بۇرىنعى ناتيجەسىن ەسەپكە الماۋدى، يكەمدى باسقارۋدى نەگىزگى مازمۇن ەتكەن «تۋ باستان باستاۋ» ءتۇزىمىن اتقاردى. جاڭا ءتۇزىم اتقارىلعاننان كەيىن، اۆتونوميالى رايون دارەجەلى وركەنيەتتى ورىنداردىڭ سانى ازايىپ، ساپاسى جوعارىلاعان تاماشا اۋقىم قالىپتاسا باستادى.
«وركەنيەتتى ورىن دەگەن اتاق ەشكىمگە بەرگەن ەنشى ەمەس». باعالانبايتىن جىلداعى يكەمدى باسقارۋدى كۇشەيتۋ ءۇشىن، اۆتونوميالى رايوندىق وركەنيەت كەڭسەسى 2014 - جىلى قازاننان 2015 - جىلى قاراشاعا دەيىن ارناۋلى حابارلاندىرۋ جاريالاپ، جەر - جەردەگى وركەنيەت كەڭسەلەرىنەن جانە اۆتونوميالى رايوندىق ورگان قىزمەت كوميتەتىنەن، اۆتونوميالى رايوندىق مەملەكەت مەنشىگىندەگى مال - مۇلىكتى باسقارۋ كوميتەتىنىڭ وركەنيەت كەڭسەسىنەن «اۆتونوميالى رايوننىڭ وركەنيەتتى ورىنداردى باسقارۋ ءادىسىنىڭ» قاتىستى بەلگىلەمەلەرى، باعالانبايتىن جىلداعى «اۆتونوميالى رايوننىڭ وركەنيەتتى ورىنداردى تەكسەرۋ، باعالاۋ جۇيەسى» بويىنشا وركەنيەتتى ورىنداردى يكەمدى باسقارۋدى كۇشەيتۋدى تالاپ ەتتى. جەر - جەردەگى، تاراۋلارداعى وركەنيەت كەڭسەلەرى باعالانبايتىن جىلى ماسەلە بايقالعان مەكەمەلەردى «اۆتونوميالى رايوننىڭ وركەنيەتتى ورىن قۇرۋدى باسقارۋ ءادىسى» بويىنشا ءبىر جايلى ەتۋ پىكىرىن العا قويىپ، اۆتونوميالى رايوندىق وركەنيەت كەڭسەسىنە مالىمدەۋ كەرەك. 2014 - جىلعى، 2015 - جىلعى يكەمدى باسقارۋدا، تۇتاس شينجياڭداعى ايماق، وبلىس، قالالاردىڭ وركەنيەت كەڭسەلەرى، اۆتونوميالى رايوندىق ورگان قىزمەت كوميتەتى، اۆتونوميالى رايوندىق مەملەكەت مەنشىگىندەگى مال - مۇلىكتى باسقارۋ كوميتەتىنىڭ وركەنيەت كەڭسەسى وركەنيەتتى ورىن اتاعىن الىپ تاستاۋعا ءتيىستى 130 مەكەمە - ورىننىڭ ءتىزىمىن مالىمدەگەن.
130 وركەنيەتتى ورىننىڭ وركەنيەتتى ورىن مارتەبەسىنەن ايرىلۋى نەنى تۇسىندىرەدى، بىزگە قانداي وي سالادى؟
وركەنيەتتى ورىننىڭ «اقاۋى» بولسا بولمايدى. اۆتونوميالى رايون دارەجەلى وركەنيەتتى ورىن اۆتونوميالى رايوندىق وركەنيەت كوميتەتىنىڭ مەكەمە - ورىندارعا بەرگەن امبەباپ ەڭ جوعارى اتاعى، ءتۇرلى جاقتاردا ونەگەلىك، جەتەكشىلىك رول اتقارۋى كەرەك. ناقتاپ ايتقاندا، وركەنيەتتى ورىننىڭ باسشىلىق القاسىنداعىلار تارتىپكە، زاڭعا قايشى ارەكەت ىستەمەۋ؛ جان - جاقتىلى جونگە سالۋ، ورنىقتىلىقتى قورعاۋ قىزمەتى تولىمدى بولۋ؛ كادرلار مەن قىزمەتكەرلەر زاڭسىز ءدىني قيمىلدارعا قاتىناسۋ، زاڭسىز ءدىني ۇگىت بۇيىمدارىن، زاڭسىز ءدىني سايتتاردى تاراتۋ سياقتى قوعام ورنىقتىلىعىنا جانە ۇلتتار ىنتىماعىنا ىقپال جاسايتىن دەلولاردان اۋلاق بولۋ؛ مەكەمەدە ەلەۋلى حاۋىپسىزدىك شىرعالاڭى، ءوندىرىس، تيجارات شىرعالاڭى، ازىق - تۇلىك حاۋىپسىزدىگى شىرعالاڭى، قورشاعان ورتانى لاستاۋ جانە قوعامدىق الەۋمەتتىك حاۋىپسىزدىك ۋاقيعاسى سياقتىلار تۋىلماۋ؛ مەكەمەدەگى كادرلار مەن قىزمەتكەرلەر «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىنا» قايشىلىق جاساماۋ؛ مەكەمەنىڭ قىزمەت ناتيجەسى ادەتتەگىدەي نەمەسە ناشار بولماۋ؛ مەكەمەدە ىستەپ جاتقان كادرلار مەن قىزمەتكەرلەر زاڭعا قايشى قىلمىستىق ارەكەتتەردەن اۋلاق بولۋ كەرەك.
وركەنيەتتى ورىننىڭ ءتۇرلى قىزمەتتەرى قاشاندا اعالاپ الدا تۇرۋ كەرەك. وركەنيەتتى ورىن قۇرۋدىڭ ماقساتى «ساپانى ءوسىرىپ، كۇشتى ۇيىستىرىپ، قىزمەتتى ىلگەرىلەتىپ، دامۋدى جەبەۋ». وركەنيەتتى ورىندا قاتاڭ ولشەم بار، سوتسياليستىك وزەكتى قۇن كوزقاراسىن باستاماشىلدىقپەن بەلسەنە جەتىلدىرۋ جانە امالياتتان وتكىزۋ، شينجياڭ رۋحىن ساۋلەلەندىرۋ، كاسىپتىك قىزمەتتە ءوز جۇيەسىندە الدىڭعى لەكتە بولۋ، قىزمەتتىڭ ناقتى ناتيجەسى جانە قوعامعا قوسقان ۇلەسى كورنەكتى بولۋ، وركەنيەتتى ورىن قۇرۋ قىزمەتى سۇبەلى تابىستارعا قول جەتكىزۋ، كادرلار مەن قىزمەتكەرلەردىڭ وركەنيەت ساپاسى جوعارى بولۋ، ءتۇرلى ىستەرىنىڭ بارلىعى جاپپاي سايكەستى دامىعان جاقسى ورىن بولۋ كەرەك.
وركەنيەتتى ورىن قۇرۋدا ءمورال قۇرىلىسىنا ءمان بەرۋ كەرەك. وركەنيەتتى ورىن، ءسوز جوق، ءمورالدى دارىپتەيتىن، ءمورالعا قۇرمەت ەتەتىن، ءمورالدى ساقتايتىن ورىن بولۋى كەرەك. وركەنيەتتى ورىن قۇرۋدا يدەيالىق ىشكى مانگە ءمان بەرۋ، ءمورال قۇرىلىسىن كورنەكتىلەندىرىپ، ءمورال ساباقحاناسى، ەرىكتىلەر قىزمەت اترەتى، وركەنيەتتى اس ۇستەلى، ءمورالعا قۇرمەت ەتىپ، ءجون - جوسىقتى ساقتاۋ ۇگىت تاقتاسى، وركەنيەت ستيلىن تاراتۋ سىندى ءمورال قۇرىلىسى قيمىلدارىن ۇزدىكسىز، ءونىمدى تۇردە ورىستەتۋ؛ ۇلتتار ىنتىماعى، العاباسارلىعى جىلىنىڭ ءتۇرلى قيمىلدارىن تىڭعىلىقتى ورىستەتىپ، كادر - قىزمەتشىلەردىڭ جۇڭحۋا ۇلتى قاۋىمداستىعى تانىمىن كۇشەيتىپ، كادر - قىزمەتشىلەردىڭ «5 ورتاق تانىم» جانە «ءۇشتىڭ ءبىر - بىرىنەن ايرىلا الماۋى» يدەياسىن مىقتاپ ورناتۋىنا مۇمكىندىك جاساۋ كەرەك.
وركەنيەتتى ورىن قۇرۋدا جايشىلىقتاعى كەزدەرگە ءمان بەرۋ كەرەك. وركەنيەتتى ورىن قۇرۋ جايشىلىقتا ىسكە اسۋمەن قىمبات، ونى ۇنەمى قاتاڭ ۇستاۋ كەرەك. باعالايتىن جىلى ءمان بەرىپ، جاي جىلدارى ەسكەرۋسىز قالدىرۋعا نەمەسە وركەنيەتتى ورىن بولۋ ءۇشىن اياق استىنان جانتالاسۋعا، تەكسەرۋگە توتەپ بەرۋ ءۇشىن قانجىلىك بولۋعا جانە فورماشىلدىقتا سالىنۋعا بولمايدى. نەگىزگى باسشى ءوزى ۇستايتىن، جاۋاپتى باسشى ناقتى جۇمىستاردى يگەرەتىن، ءار تاراۋ ءوز جاۋاپكەرشىلىگىن وتەيتىن، بارلىق كادر - قىزمەتشىلەر بىرگە جۇمىلاتىن باسشىلىق ءتۇزىلىس پەن قىزمەت ءتۇزىلىسىن قۇرىپ جانە كەمەلدەندىرىپ، وركەنيەتتى ورىن قۇرۋدىڭ داعدىعا اينالۋىنا، ۇزاق ۋاقىت ءونىمدى جۇرگىزىلۋىنە كەپىلدىك ەتىپ، «داعدىعا اينالدىرۋ» مەن «ۇزاق ۋاقىت جۇرگىزۋگە» كۇش سالىپ، وركەنيەتتى ورىن قۇرۋ قىزمەتىنىڭ ۇزدىكسىز جوعارىلاۋىن ىلگەرىلەتۋ كەرەك.
2016 - جىل − اۆتونوميالى رايوننىڭ جاڭا كەزەكتى وركەنيەتتى ورىنداردى باعالاۋ جىلى. اۆتونوميالى رايوننىڭ وركەنيەت كەڭسەسى «تۋ باستان باستاپ» باعالاۋدى ۇزدىكسىز جۇرگىزەدى، سونىمەن بىرگە، رۋحاني كۇشكە ونان ارى ءمان بەرىپ، وڭتۇستىك شينجياڭداعى جاپالى وڭىرلەرگە، نەگىزگى ساتى 1 - شەبىندەگى ورىندارعا، ءار ۇلت بۇقاراسىنىڭ ومىرىمەن تىعىز بايلانىستى تەرەزەلىك سالالارعا ءتۇيىندى تۇردە بەيىمدەلىپ، بۇكىل شينجياڭدا وركەنيەتتى ورىن باعالاۋدىڭ سانى دا، ساپاسى دا بار، قۇرىلىمى لايىقتى، دارەجە بويىنشا جوعارىلاپ وتىراتىن، ساتى بويىنشا ىلگەرىلەيتىن جۇلگەسىن بىرتىندەپ قالىپتاستىرۋ كەرەك.
130 ورىننىڭ وركەنيەتتى ورىن مارتەبەسىن الىپ تاستاۋ − ءارقانداي ءبىر باعالاۋ، سيلاۋ قيمىلى ساپاعا، ونىمدىلىككە، ۇلگى كورسەتىپ جەتەكتەۋ رولىنا ءمان بەرۋ كەرەكتىگىن تۇسىندىرەدى. وركەنيەتتى ورىن باعالاۋدىڭ عىلمي جانە ولشەمدى دەڭگەيىن جوعارىلاتۋ ءۇشىن، اۆتونوميالى رايوننىڭ وركەنيەت كەڭسەسى 2016 - جىلعى «اۆتونوميالى رايوننىڭ وركەنيەتتى ورىنداردى باعالاۋ جۇيەسىن» جاريالادى. اۆتونوميالى رايوننىڭ جاڭا كەزەكتى وركەنيەتتى ورىنداردى «تۋ باستان باستاپ» باعالاۋدا باعالاۋ جۇيەسى قاتاڭ ساقتالا وتىرىپ، باعالاۋ، ءنومىر قويۋ جۇرگىزىلىپ، وركەنيەتتى ورىن قۇرۋ قيمىلىن شىن مانىندەگى ءار ورىننىڭ «ساپانى جوعارىلاتىپ، كۇشتەردى جۇمىلدىرىپ، قىزمەتتەردى ىلگەرىلەتىپ، دامۋدى جەبەيتىن» ءونىمدى جولىنا جانە پارمەندى تۇتقاسىنا، كادر - قىزمەتشىلەر قاتىسۋدى قالايتىن، قولايلى، كادر - قىزمەتشىلەر يگىلىگىن كورەتىن «حالىق تىلەگى» ينجەنەرياسىنا اينالدىرۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
