- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو. شينجياڭ 7 - كەزەكتى حالىقارالىق جاس وسپىرىمدەر كوركەمونەر فەستيۆالى باستالدى
2016.07.28 14:34 كەلۋ قاينارى : شينجياڭ گازەتى
25 - شىلدە تۇستەن كەيىن جۇڭگو. شينجياڭ 7 - كەزەكتى حالىقارالىق جاس وسپىرىمدەر كوركەمونەر فەستيۆالى كورلا قالاسىندا وتكىزىلدى. 8 مەملەكەتتەن كەلگەن 9 وسپىرىمدەر كوركەمونەر ۇيىرمەسى مەن ەل ىشىنەن جانە شينجياڭنان كەلگەن 8 ۋاكىلدەر ۇيىىرمەسىنەن كەلگەن 400دەن استام ءار ۇلت وسپىرىمدەرى اسەم انمەن كوڭىلدەرىن توعىستىرىپ، جالىندى بيمەن دوستاسىپ، كوركەمونەر ارقىلى بەيبىتشىلىككە، دوستىققا دانەكەر بولدى.
اۆتونوميالى رايوندىق شەتەل دوستىق قوعامى بۇل جولى وسى قيمىلدى تۇڭعىش رەت ايماق، وبلىستا وتكىزىپ وتىر. كوركەمونەر فەستيۆالىندا رەسەي، قىرعىزستان، تايلاند، وڭتۇستىك كورەيا، پاكيستان سياقتى ەلدەردىڭ وسپىرىمدەرى ساحنادا بىرگە ويىن قويۋدان تىس، تاعى ەل ىشىنەن جانە رايونىمىزدىڭ ايماق، وبلىس، قالالارىنان كەلگەن كوركەمونەر ۇيىرمەلەرى ويىن قويادى. بۇرىنعىمەن سالىستىرعاندا، وسى جولعى كوركەمونەر فەستيۆالىنداعى نومىرلەردىڭ ءتۇرى كوپ بولدى، توپتىق ءبي، جەكە ءبي، حور سياقتى نومىرلەر ەل ءىشى - سىرتىنان كەلگەن جاس وسپىرىمدەرگە تاماشا ءلاززات باعىشتادى.
رەسەي بەردسكي قالاسىنان كەلگەن ەستەلىك بۇيىمدار كوركەمونەر ۇيىرمەسىنىڭ كىشكەنتاي ارتيسى ماركوۆ كيريل بىلاي دەدى: «جۇڭگونىڭ شينجياڭى وتە كوركەم جەر ەكەن، شينجياڭنىڭ ءان - بيلەرى ماعان تەرەڭ اسەر قالدىردى، وسى جەردەگى دوستار دا وتە مەيماندوس ەكەن، شينجياڭعا تاعى دا كەلۋدى ارماندايمىن».
اۆتونوميالى رايوندىق شەتەل دوستىق قوعامى وتكىزگەن جۇڭگو. شينجياڭ حالىقارالىق جاس وسپىرىمدەر كوركەمونەر فەستيۆالى قازىرگە دەيىن 6 كەزەك وتكىزىلدى.
اۆتونوميالى رايوندىق سىرتقى ىستەر (مۇھاجىرلار) كەڭسەسىنىڭ (شياڭگاڭ، اۋمىن ىستەر كەڭسەسى) پارتيا باسشىلىق گرۋپپاسىنىڭ مۇشەسى، شينجياڭ شەتەل دوستىق قوعامىنىڭ كاسىپتىك ورىنباسار باستىعى مۇباراك مۇقيت بىلاي دەدى: «جاس وسپىرىمدەر دۇنيەنىڭ بولاشاعى، كوركەمونەر دۇنيە جۇزىنە ورتاق ءتىل، ءبىز كوركەمونەردى ارقاۋ ەتىپ، ءار ۇلت جاس وسپىرىمدەرىنىڭ كوركەمونەر فەستيۆالى ورايىنان پايدالانىپ، ءوزارا اۋىس - كۇيىستى كۇشەيتۋىن، ۇمىتىلماس ەستەلىكتەر قالدىرۋىن، جاقىن سەرىك، ىزگى دوس تابۋىنا تىلەكتەسپىن».
بۇل جولعى كوركەمونەر فەستيۆالىندا ەل ءىشى - سىرتىنان كەلگەن كىشكەنتاي دوستار ءبىر جەرگە باس قوسىپ، ساحنادا تەڭ ونەر كورسەتىپ، ءوزارا ءتۇسىنىسىپ دوستاستى، بۇل جۇڭگو مەن شەتەل جاس وسپىرىمدەرىنە ارنالعان مادەنيەت سالتاناتى، بۇل جولعى سالتاناتتى باس قوسۋ جۇڭگو مەن شەتەلدەگى جاس وسپىرىمدەرىنىڭ تالانتتارىن ايگىلەيتىن ساحنا، سونداي - اق جۇڭگو مەن شەتەل جاس وسپىرىمدەرىنىڭ مادەنيەت، كوركەمونەر جاقتاعى اۋىس - كۇيىسىن دامىتاتىن تەكشە، ودان دا ماڭىزدىسى، ول جۇڭگو - شەتەل جاس وسپىرىمدەرىنىڭ ءوزارا ءتۇسىنىسىپ، دوستىعىن تەرەڭدەتەتىن تەكشە. جاس وسپىرىمدەر كوركەمونەر فەستيۆالى كەزىندە ءار ەلدەن كەلگەن جاس وسپىرىمدەر مەن بالالارعا ەكسكۋرسيالاۋ، اۋىس - كۇيىس جاساۋ، كورىنىس رايوندارىن تاماشالاۋ سياقتى قيمىلدار ورنالاستىرىلدى. وسىنداي ءبىر قىدىرۋ قيمىلدار وتكىزۋدەگى نەگىزگى ماقسات ءار ەلدەن كەلگەن وسپىرىمدەردىڭ دوستىعىن تەرەڭدەتۋ، شينجياڭ مەن دۇنيە جۇزىندەگى جەر - جەردىڭ مادەنيەت اۋىس - كۇيىسىن تەرەڭدەتۋ، شينجياڭنىڭ دۇنيەنى تۇسىنۋىنە، دۇنيەنىڭ شينجياڭدى تۇسىنۋىنە مۇمكىندىك جاراتۋ بولماق.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
