- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان بۇراتالادا، تارباعاتايدا تەكسەرىپ - زەرتتەۋ جۇرگىزدى
شينجياڭدا تۇراتىن ازاتتىق ارميانىڭ كوماندير - جاۋىنگەرلەرىنە، قارۋلى ساقشى كوماندير - جاۋىنگەرلەرىنە، زاپاس مىندەتتەگى حالىق جاساقتارىنا مەرەكەلىك سالەم جولدادى
2016.08.02 14:24 كەلۋ قاينارى : شينجياڭ گازەتى
ءتىلشىمىز ياۋ تۇڭ 1 - تامىزدا ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 31 - شىلدەدەن 1 - تامىزعا دەيىن بۇراتالا موڭعۇل اۆتونوميالى وبلىسىندا، تارباعاتاي ايماعىندا تەكسەرىپ - زەرتتەۋ جۇرگىزىپ، شينجياڭدا تۇراتىن اسكەري ءبولىمنىڭ، قارۋلى ساقشى ءبولىمىنىڭ كوماندير - جاۋىنگەرلەرىنە امانداسا بارىپ، ولاردان حال سۇرادى، شينجياڭدا تۇراتىن ازاتتىق ارميانىڭ كوماندير - جاۋىنگەرلەرىنە، قارۋلى ساقشى بولىمدەرىنىڭ كوماندير - جاۋىنگەرلەرىنە، زاپاس مىندەتتەگى حالىق جاساقتارىنا مەرەكەلىك سالەم جولدادى ءارى شەكارانى بەكەمدەۋ، شەكارانى گۇلدەندىرۋ، شەكارا وڭىرلەردەگى كەدەيلەردى سۇيەمەلدەۋ، كەدەيلىكتەن قۇتىلدىرۋ جانە دامۋ، ورنىقتىلىق قىزمەتىن ىلگەرىلەتۋ سياقتىلاردى ارقاۋ ەتە وتىرىپ تەكسەرۋ - زەرتتەۋ جۇرگىزدى.
كوماندير - جاۋىنگەرلەردىڭ مەرەكەسى قۇتتى بولسىن
بيىل جۇڭگو حالىق ازاتتىق ارمياسى قۇرىلعاندىعىنىڭ 89 جىلدىعى. «1 - تامىز» ارميا مەرەكەسى قارساڭىندا، جاڭ چۇنشيان جانە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، شينجياڭ اسكەري رايونىنىڭ سىليڭيۋانى پىڭ يۇڭ قاتارلى باسشىلار شارلاۋ جولدارىن بويلاي ءجۇرىپ، باقىلاۋ قاراۋىلىنا شىعىپ، روتا - اترەت، وددەلەنيا، ۆزۆودتارعا بارىپ، شەكارا قورعانىسىنىڭ الدىڭعى شەبىن كۇزەتىپ جاتقان ءار ۇلت كوماندير - جاۋىنگەرلەرىنە امانداسىپ، ولاردان حال سۇراپ، كوپشىلىكتىڭ شەكارانى كۇزەتۋ، شەكارانى قورعاۋ، ۇيرەنۋ، تۇرمىس احۋالىن ۇعىسىپ، ولاردىڭ مەرەكەلەرىنە قۇتتى بولسىن ايتتى.
جاڭ چۇنشيان مەن ساپارلاستارى 31 - شىلدە كۇنى جىل بويى بوران ازىناپ تۇراتىن الاتاۋ شەكارا قورعانىسى روتاسىنا ارناۋلى كەلدى. ناشار جاراتىلىستىق شارت - جاعداي سىندى ءتۇرلى كۇردەلى فاكتورلار سەبەپتى بۇل ارا تۇتاس شينجياڭداعى شەكارا قورعانىسى الدىڭعى شەبىندەگى قورعانۋ - مەڭگەرۋ ەڭ ماشاقاتتى وڭىرلەردىڭ ءبىرى ەسەپتەلەدى. جاڭ چۇنشيان روتا - اترەتتىڭ نەگىزدىك قۇرىلعى قۇرىلىسىن كوزدەن كەشىرىپ، داڭق ءۇيى سياقتىلاردى ەكسكۋرسيالاپ، كوماندير - جاۋىنگەرلەردىڭ وتاننىڭ شەكارا قورعانىس ىستەرىنە قوسقان ۇلەسىن تولىق تۇراقتاندىردى.
«1 - تامىز» ارميا مەرەكەسى كۇنى جاڭ چۇنشيان مەن ساپارلاستارى تارباعاتاي قورعانىس ءوڭىرىنىڭ شەكارا قورعانىسى شەبىن اۆتوكولىكپەن بويلاي ءجۇرىپ، ىلگەرىندى - كەيىندى باقتى شەكاراسىنىڭ كەڭەسۋ، كەزدەسۋ پۋنكتىندە، جامانشي شەكارا قورعانىسى روتاسىنىڭ 151 - مىندەت وتەۋ تۇيىنىندە، قامىستى شەكارا قورعانىسى روتاسىندا مىندەت وتەپ جاتقان الدىڭعى شەپتەگى كوماندير - جاۋىنگەرلەردەن حال سۇرادى، كەڭەسۋ پۋنكتى ارقالاپ وتىرعان شەكارالىق كەڭەسۋ، سىرتقى ۇگىت جانە شەكارا قورعانىسىن تەكسەرۋ - زەرتتەۋ قىزمەت احۋالى، مىندەت وتەۋ ءتۇيىنىنىڭ جابدىقتالۋى، قىزمەتكەرلەردىڭ سەپتەلۋى، كۇندەلىكتى شارلاۋ جانە قورعانىس رايونىنىڭ نەگىزگى احۋالى سياقتىلاردى تاپتەشتەي ۇعىستى.
تۇسكە تاياعاندا جاڭ چۇنشيان قامىستى شەكارا قورعانىسى روتاسىنا قاراستى قورعانىس وڭىرىندەگى شەكارانى كۇزەتۋ، شەكارانى قورعاۋ جاعدايىن كوزدەن كەشىرگەننەن كەيىن، روتا - اترەتتىڭ اسحاناسىنا كەلىپ، شىرەتكە تۇرىپ تاماق الىپ، جاۋىنگەرلەرمەن بىرگە تاماقتاندى. جاۋىنگەرلەردە اسكەري بولىمگە كەلگەننەن كەيىن زور ىلگەرىلەۋشىلىك بولعاندىعىن ەستىگىندە جاڭ چۇنشيان قاباعات قۋاندى. ول كوماندير - جاۋىنگەرلەرگە مەرەكەلىك ىزگى تىلەك ءبىلدىرىپ، كوپشىلىكتى قۇلشىنا ۇيرەنىپ، قاجىرلىلىقپەن جاتتىعىپ، قابىلەتىن ءوسىرىپ، وتاننىڭ شەكارا لەنياسىن جاقسى قورعاۋعا شابىتتاندىردى.
ءاربىر روتا - اترەتكە، مىندەت وتەۋ تۇيىندەرىنە بارعاندا، جاڭ چۇنشيان كوپشىلىكپەن ىقىلاستى تۇردە ءبىر - بىرلەپ قول الىسىپ، سۋرەتكە ءتۇسىپ، ەستەلىك قالدىردى.
جاڭ چۇنشيان بىلاي دەدى: شەكارا قورعانىسى مەملەكەتتى باسقارىپ، تىنىشتىعىن ساقتاۋداعى ءىرى ءىس. ول مەملەكەتتىڭ حاۋىپسىزدىگى مەن دامۋ مۇددەسىنە سايادى. شينجياڭدا تۇراتىن ازاتتىق ارميانىڭ كوماندير - جاۋىنگەرلەرىنەن، قارۋلى ساقشى بولىمدەرىنىڭ كوماندير - جاۋىنگەرلەرىنەن، زاپاس مىندەتتەگى حالىق جاساقتارىنان جاڭا جاعدايدا ارميانى قۇدىرەتتەندىرۋ نىساناسىن جەتەكشى ەتىپ، ءتوراعا شي جينپيڭنىڭ «پارتيانىڭ قولباسشىلىعىنا قۇلاق اسۋ، جەڭىستى شايقاس جۇرگىزۋ، ستيلى تاماشا بولۋ» تالابىن باتىل دايەكتىلەندىرىپ، شەكارا قورعانىسىنا تامىر تارتۋعا، شەكارانى كۇزەتۋگە، شەكارا قورعانىسىنا ۇلەس قوسۋعا بەلدى بەكەم بۋىپ، شەكارانى قورعاۋ مىندەتىن ويداعىداي ورىنداۋدى ءۇمىت ەتەمىن. «قوس قولداۋ» قىزمەتىن تىڭعىلىقتى ىستەپ، شەكارا قورعانىسى روتا - اترەتىنىڭ، ساقشى بولىمشەسىنىڭ، قاراۋىل ورىندارىنىڭ تۇرمىس قۇرىلعىلارى مەن زاتتىق ماتەريالمەن قامداۋىن جاقسارتۋعا شارت - جاعداي جاساپ، ءىس جۇزىندىك قيىنشىلىقتى شىنايى شەشىپ، ولاردىڭ شەكارانى قورعاۋ، شەكارانى بەكەمدەۋ ىستەرىنە بۇكىل ىنتا - پەيىلدەرىمەن ات سالىسۋىنا مۇمكىندىك جاساۋ كەرەك.
جاڭا ءداۋىردىڭ شەكارا كۇزەتشىسى بولايىق
كەدەيلىكتەن قۇتىلدىرۋدان قامال الۋ، شەكارانى بەكەمدەۋ، شەكارانى كوركەيتۋ جاپپاي دوڭگەلەك داۋلەتتى قوعام قۇرۋدىڭ باستى مىندەتى، سونداي - اق جاڭ چۇنشياننىڭ وسى رەتكى تەكسەرۋ - زەرتتەۋ ساپارىنداعى ماڭىزدى تۇيىندەردىڭ ءبىرى. 2 كۇندە ول مال فەرمالارىنا، شارۋا وتباسىلارىنا بارىپ، شەكارا حالقىنىڭ ءوندىرىسى مەن تۇرمىسىنىڭ جاقسارعاندىعىن ءوز كوزىمەن كوردى، شەكارا كۇزەتشىلەرىنە امانداستى.
جاڭ چۇنشيان بۇراتالا قالاسىنىڭ شەكارادان قاشىقتىعى 9 كيلومەترگە جەتپەيتىن شويىڭپان قالاشىعى مىڭكىتولعا قىستاعىنداعى شەكارا حالقىن وتىرىقتاندىرۋ تۇيىنىنە كەلدى، 38 جاستاعى شەكارا كۇزەتشى موڭعۇل ازامات بۇرىندالانىڭ ۇيىنە بارىپ حال سۇرادى. بۇرىندالا مەن ايەلى ەكەۋى دە شەكارا كۇزەتشىسى بولاتىن، ولار اۋلاسىنداعى 4 مۋ جەردەن تولىق پايدالانىپ، ۇكىمەتتىڭ جاردەمگە بەرگەن 80 مىڭ يۋانعا جۋىق اقشامەن 120 شارشى مەترلىك بەيقۇت ءۇي، 200 شارشى مەترلىك جىلى قورا سالىپ، ءىرىلى - ۇساقتى 370 مال باعىپ وتىر ەكەن، باعىمشىلىق كووپەراتيۆىنە دە مۇشە بولىپتى. «پارتيا مەن ۇكىمەت شەكارا تۇرعىندارىنا كوڭىل ءبولىپ كەلەدى، حالىققا ءتيىمدى ساياساتتاردىڭ كومەگىندە وتباسىمنىڭ جىلدىق كىرىسى قازىر 120 مىڭ يۋانعا جەتىپ، بۇرىن ويعا دا، تۇسكە دە كىرمەيتىن جاقسى تۇرمىسقا كەنەلدىك. پارتيا مەن ۇكىمەت شەكارا كۇزەتشىلەرىنە بەرىلەتىن جاردەم اقشانى 2 رەت ءوسىردى، ءاربىرىمىزدىڭ ايىنا الاتىن جاردەم اقشامىز 800 يۋانعا ءوسىپ، بۇرىنعىدان 3 ەسە ارتتى. سول سەبەپتى مەنىڭ شەكارا كۇزەتەتىن قىزمەتىمنىڭ سالماعى دا ەسەلەنۋى ءتيىس، ايتپەسە پارتيا مەن ۇكىمەتتىڭ قامقورلىعى مەن كومەگىنە نە دەپ قارىمجى قايتارا الام»، - دەيدى بۇرىندالا.
جاڭ چۇنشيان بىلاي دەدى: «شەكارا ءوڭىردىڭ شارت - جاعدايىن ۇزدىكسىز جاقسارتىپ، شەكارانى ۇزاق ۋاقىت كۇزەتۋگە جاقسى شارت - جاعداي ازىرلەۋىمىز، شەكارا حالقىنىڭ الاڭسىز ءوندىرىس جۇرگىزىپ، تىرشىلىك ەتۋىنە، الاڭسىز شەكارانى كۇزەتۋىنە، شەكارانى بەكەمدەۋىنە مۇمكىندىك جاساپ، شەكارا قورعانىسىنىڭ ماڭگىلىك بەرىك بولۋىن، شەكارانىڭ باياندى تىنىشتىعىن جۇزەگە اسىرىپ، شەكارا قورعانىس شەبى ءۇشىن قۇرىش قامال سوعۋىمىز كەرەك».
جاڭ چۇنشياننىڭ امانداسا كەلەتىنىن ەستىگەن قىستاق تۇرعىندارى بۇرىندالانىڭ اۋلاسىنا جينالىپ، جاڭ چۇنشيانعا سوڭعى جىلدارى شەكارا حالقىنىڭ ومىرىندەگى وزگەرىستەردى باياندادى.
جول ءتۇسىپ، ساياحاتشىلار مولايدى، مەنىڭ شارۋالار ساياجايىمنىڭ ساۋداسى كۇسەت؛ مالشىلاردى وتىرىقتاندىرىپ، مال شارۋاشىلىعىن گۇلدەندىرۋ بويىنشا سالىنعان شاعىن سۋ قويماسى سۋعا جارىتىپ، جايلىمدى تۇلەتتى، مال باعىمشىلىعىن كەڭەيتۋدە جەم - شوپتەن تارىقپايتىن بولدىق؛ ءتۇرلى جاردەم اقشالار مەن حالىققا ءتيىمدى ساياساتتار بارىنشا تيىمدىلىك اكەلدى، جۇرتتىڭ كىرىستى مولايتىپ، بايۋ جولدارى كەڭەيە ءتۇستى...
«مەن اكەمنەن قالعان قامشىعا، دۇربىگە مۇراگەر بولىپ، شەكارا كۇزەتشىسى بولدىم. مەن قايتىپ كەلىپ، جايلىمدى جاقسى قورعاۋدى، شەكارا لەنياسىن جاقسى كۇزەتۋدى، اتا - اناما قارايلاسىپ، بۇل ءوڭىردى اناعۇرلىم كوركەيتۋدى قالادىم»، - دەدى شينجياڭ قاتىناس كاسىپتىك تەحنيكالىق ينستيتۋتىنان ەندى وقۋ تاۋىسىپ اۋىلىنا ورالعان ستۋدەنت ماقسات ماقتانىشپەن.
جاڭ چۇنشيان بىلاي دەدى: «ماقساتتىڭ ارەكەتى شەكارا حالقىنىڭ شەكارانى ادالدىقپەن كۇزەتەتىن قاسيەتتەرىنىڭ وزگەرمەگەنىنىڭ تولىق دالەلى، كوپشىلىكتىڭ شەكارانى كۇزەتۋى، قورعاۋى مەملەكەتكە دەگەن سۇيىسپەنشىلىكتەن، مال باعا ءجۇرىپ شەكارا كۇزەتۋگە دەن قويعان ىستىق ىقىلاستان تۋعان. مەن سىزدەردىڭ وسى جاقسى ءداستۇردى جالعاستىرىپ، شەكارانى جاقسى كۇزەتىپ، جاقسى تۇرمىس كەشىرۋلەرىڭىزدى ءۇمىت ەتەمىن».
شاۋەشەك قالاسىنىڭ ويجايلاۋ مال فەرماسى شەكاراعا جاناي ورنالاسقان. جاڭ چۇنشيان اۆتوكولىكپەن ءيىر - قيىر تاۋ جولىمەن فەرماعا كەلىپ، وسىندا ۇزاق ۋاقىت تۇرمىس كەشىرىپ، شارلاۋ جۇرگىزىپ كەلە جاتقان شەكارا كۇزەتشىسى ورال مەن ايدىنبەككە امانداستى. ورال اكەسىنىڭ اماناتىنا قۇلاق اسىپ، شەكارا كۇزەتشىلەر قوسىنىنىڭ جاڭا مۇشەسى بولعان. 3 جىلدان بەرى ول شەكارا قورعانىسى اترەتىنە كومەكتەسىپ جارالانعان جىلقىلاردى ەمدەپ، اساۋ ۇيرەتىپ، شەكاراداعى جاعدايلاردى مەرزىمدى تۇردە جوعارىعا مالىمدەپ، شەكارا قورعايتىن وفيتسەر - جاۋىنگەرلەردىڭ ەلگەزەك قولعاناتىنا اينالدى. ايدىنبەك شەكارا كۇزەتشىسى بولعان 8 جىلدان بەرى شەكاراداعى تاۋ اڭعارىن جاقسى كۇزەتۋ ءۇشىن، جىل بويى تاۋدا مال باعىپ، شەكارانى شارلاپ كەلەدى، ۋاقىتىنىڭ كوبىن تۇزدە وتكىزەدى، وتباسىنداعىلار دا ونىڭ شەكارا كۇزەتۋىن مەملەكەت تاپسىرعان داڭقتى بورىش دەپ ءبىلىپ، بارىنشا قولداۋ كورسەتىپ وتىر.
جاڭ چۇنشيان بىلاي دەدى: شەكارانى قورعاۋدا، شەكارانى بەكەمدەۋدە ارناۋلى كۇشكە سۇيەنۋمەن بىرگە، ودان دا ماڭىزدىسى، ءار ۇلت حالىق بۇقاراسىنا مىقتاپ سۇيەنۋ ءتيىس. ءار دارەجەلى پارتكومدار مەن ۇكىمەتتەر شەكارا بويىنداعى حالىقتىڭ ءوندىرىس، تۇرمىس شارت - جاعدايىن تەزىرەك جاقسارتىپ، شەكارا بويىنداعى حالىقتىڭ ازايماۋىنا، شەكارانى قورعاۋدى تيتتەي دە بوساڭسىتپاۋعا كەپىلدىك ەتۋلەرى كەرەك. شەكارا بويىنداعى حالىق پەن شەكارا كۇزەتشىلەرى شەكارا قورعاۋ مادەنيەتىن ۇرپاقتان - ۇرپاققا جالعاستىرىپ، مەملەكەتتىڭ حاۋىپسىزدىگىن قورعاۋدى ءوز بورىشىم دەپ ساناۋى، اناعۇرلىم كوپ ادامدى شەكارانى قورعاۋ ىسىنە ات سالىسۋعا باستاۋى، قىزمەت بورىشىن، جاۋاپكەرشىلىگىن ويداعىداي وتەپ، جاڭا داۋىردەگى شەكارا كۇزەتشىلەرىنەن بولۋعا قۇلشىنۋلارى كەرەك.
بارلىعىمىز ۇلتتار ىنتىماعىن كوزىمىزدىڭ قاراشىعىنداي قورعايىق
شاۋەشەك قالاسى قارا ءدوڭ الەۋمەتتىك اۋماعى مەملەكەت بويىنشا ۇلتتار ىنتىماعى، العاباسارلىعىنداعى ۇلگىلى كوللەكتيۆ بولىپ باعالانعان. الەۋمەتتىك اۋماق پارتيا ياچەيكاسىنىڭ ورىنباسار شۋجيى باھارگۇل جاڭ چۇنشيانعا الەۋمەتتىك اۋماقتىڭ جاقىنعى بىرنەشە جىلدان بەرى ىستەگەن نەگىزگى ساتىنى نىعايتۋ، نەگىز قالاۋ قۇرىلىسى بولعان «جەتى پۋنكت، ءبىر كەڭسە» ۇلگىسىندەگى قىزمەت وتەۋ تەكشەسىن، ۇلتتار ىنتىماعى قىزمەتىن ارقاۋ ەتە وتىرىپ قۇرعان ساياسات جونىندە تۇسىنىك بەرۋ ساباقحاناسى، ورتاق تانىمدى ايگىلەيتىن كورمە جانە زامانا اۋقىمىن بەينەلەيتىن ساحىنا سىندى 3 تەكشەنى، جانە ۇلتتار ىنتىماعى مادەنيەت اۋلاسى، وتباسىلاردى، كوشە، مالىلەردى ءتۇيىن ەتكەن ۇلتتار ىنتىماعى تاربيە جۇيەسى سياقتىلاردى ەگجەي - تەگجەيلى تانىستىردى.
قارا ءدوڭ الەۋمەتتىك اۋماعىنىڭ تۇرعىنى 70 جاستاعى ساقا ەڭبەك ەرى سالىقجان 10 نەشە جىل بويى ماڭايىنداعى قيىنشىلىعى بارلارعا قولىنان كەلگەنشە كومەكتەسىپ، ۇلتتار ىنتىماعىن قورعاپ، ءوز ءۇيىنىڭ اۋلاسىندا مەملەكەت تۋىن شىعارۋدى ءۇرتىس 7 جىل جالعاستىردى. تۋ شىعارۋ سالتىنا قاتىناساتىن جۇرتشىلىققا تاڭەرتەڭگى شايدى اقىسىز بەردى، سونداي - اق حالىق تۇرمىسىنا تيىمدىلىك جاساۋعا قاتىستى ساياسات، ۇلتتار ىنتىماعى، «ۇشقارىلىقتى الاستاۋ» سياقتى مازمۇنداردا لەكسيا سويلەدى. سالىقجان ءوزىنىڭ ءىس جۇزىندىك ارەكەتى ارقىلى وتباسىنداعىلارعا ۇلگى بولىپ، ۇل - قىزدارىن، نەمەلەرى مەن جيەندەرىن ءوز كاسىبىنىڭ الدى، مەكتەپتە، قوعامدا باسقالارعا ۇلگى ەتىپ تاربيەلەپ، وتباسىنىڭ جاقسى تاربيەسىن، تاماشا ءداستۇرىن ۇرپاقتان - ۇرپاققا جالعاستىردى.
جاڭ چۇنشيان سالىقجاننىڭ ۇيىنە ادەيى ات باسىن بۇرىپ، وعان سۋداي جاڭا مەملەكەت تۋىن تارتۋ ەتىپ، ونىڭ وسىنداي ءماندى، يگى ءىستى تاباندىلىقپەن جالعاستىرا بەرۋىن، وسى ءبىر يگى ءىستىڭ ىقپالىن كۇشەيتىپ، بارىنشا كوپ ادامدى اتتانىسقا كەلتىرۋىن قولداپ - قۋاتتادى. سالىقجان جاڭ چۇنشياننىڭ قولىن قاتتى قىسىپ تەبىرەنگەن سەزىممەن: مەن مەملەكەت تۋىن انامدى ارداقتاعانداي ارداقتاپ، وتاندى قىزۋ سۇيەمىن، بەس جۇلدىزدى قىزىل تۋدى وسى شاعىن اۋلامدا، شينجياڭنىڭ كەڭ ساحاراسىندا ماڭگى جەلبىرەتەمىن، - دەدى.
جاڭ چۇنشيان قاۋمالاپ كەلگەن ءار ۇلت كورشى - قولاڭدارعا بىلاي دەدى: جاقىنعى ءبىرقانشا جىلدان بەرى قالانىڭ بەت - بەينەسىندە، حالىقتىڭ تۇرمىسىندا، سونداي - اق كوپشىلىكتىڭ يدەياسىندا كوپتەگەن وزگەرىستەر تۋىلدى. وسىنىڭ بارىنە ۇلتتار ىنتىماعى تاماشا نەگىز بولدى. مەن كوپشىلىكتىڭ وسىنداي ىنتىماقتى، تاتۋ - ءتاتتى قاتىناستى ۇزدىكسىز ساقتاۋىن، اركىمنىڭ ءارقاشان، كەز كەلگەن جەردە ۇلتتار ىنتىماعىن قورعاپ، قوعامنىڭ دامۋىن ىلگەرىلەتىپ، كورىكتى شينجياڭ قۇرۋعا بىرگە ات سالىسۋىن ءۇمىت ەتەمىن.
تەكسەرۋ - زەرتتەۋ كەزىندە جاڭ چۇنشيان بۇراتالا قالاسىنىڭ جول قۇرىلىسىن، جاڭادان سالىنعان بۇراتالا پويەز ستانسياسىنىڭ قۇرىلىسىن، الاتاۋ ساعاسى ۋنيۆەرسال باجىسىز اۋماعىن، سونداي - اق باجىسىز اۋماقتىڭ ارقاسىندا جاڭادان دامىپ - كوركەيىپ كەلە جاتقان حۋاماۋ توقىماشىلىق شەكتى جارنا سەرىكتەستىگى سياقتىلاردى كوزدەن كەشىرىپ، بۇراتالا وبلىسنىڭ جاڭاشا قالا، قالاشىقتاندىرۋ قۇرىلىسىنىڭ اياق الىسىن جەدەلدەتۋدى، «جولدارى ىركىلىسسىز، كوشەسى تازا، شىرايلى، اۋاسى تۇنىق» بولۋدى نىسانا ەتىپ، بۇراتالانى حالقى باي، ءار ۇلت حالقى بەرەكەلى تۇرمىس كەشىرەتىن قۇت مەكەن ەتىپ قۇرىپ شىعۋدى تالاپ ەتتى.
اۆتونوميالى رايوننىڭ باسشىلارىنان شاۋكەت يمىن، ەركىنجان تۇراحۇن، شيۇڭ شۋانگو، پىڭ جيارۇي، ۋان حايچۋان قاتارلىلار تەكسەرۋ - زەرتتەۋدە بىرگە بولدى.
«1 - تامىز» ارميا مەرەكەسى قارساڭىندا، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 31 - شىلدەدە الاتاۋ ساعاسى شەكارا قورعانىس روتاسىنا كەلىپ كوماندير - جاۋىنگەرلەردەن حال سۇراپ، ولارعا مەرەكەلىك ىزگى تىلەك ءبىلدىردى.
سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
