- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ماحاببات − قارتايعانشا اينىمايتىن تاباندىلىق
2016.08.11 13:39 كەلۋ قاينارى : شينجياڭ گازەتى
تىنىشتىق ىشىندە مۇلگىگەن ساحارا، اينالا قۇلاققا ۇرعان تاناداي جىم - جىرت، سونادايدا بيشىگىن ءۇيىرىپ قوي قايىرعان بىرەۋدىڭ سۇلباسى ەلبەڭدەيدى، الدىنا سالعان 100 نەشە تۇياق قويى بار ول سونشا جىلداردان بەرى مەملەكەت شەكاراسىنىڭ بويىنان تاپجىلعان ەمەس. جۋىردا ءبىر H5 تۋىندى ينتەرنەتتە كەڭ تارالىپ، كورىلىمى 15 ميلليوننان اسىپ، ءبىر ميلليون 200 مىڭ رەتتەن استام قولداۋ تاپتى. وسى ءبىر اڭىزعا بەرگىسىز حيكاياتتىڭ باس كەيىپكەرى ۋي دى - يوۋ بىردەن ينتەرنەتتەگى وڭ ەنەرگيانىڭ «ەلشىسىنە» اينالدى. 76 جاسقا كەلگەن، 32 جىلدىق پارتيالىق ستاجى بار بۇل قاريا شاندۇڭنىڭ تۋماسى ەكەن. جۇڭگو - قازاقستان شەكاراسىنداعى كەڭ ساحاراداعى ەلسىز مەكەندە شەكارا قورعانىسى كوماندير - جاۋىنگەرلەرىمەن بىرگە تابانى كۇرەكتەي 25 جىل شەكارا كۇزەتكەن قاريادان قاتتى اسەرلەنگەن سان ميلليونداعان توراپتاستار ونى «ءتىرى شەكارا بەلگىسى» دەپ اتاستى.
لاۋۋيگە كەيبىرەۋلەر ءتانتى بولسا، كەيبىرەۋلەر ەشتەڭە تۇسىنبەي اڭكى - تاڭكى بولدى. لاۋۋي پەرزەنتتەرى كەلىپ - كەتكەندە قيماستىقپەن جىلاپ قالۋشى ەدى. ءبىراق ول شەكارادان اۋىسۋدىڭ، وتباسىنداعىلارمەن قاۋىشۋدىڭ تالاي ورايلى ساتىندە تاباندىلىقپەن تۇرا بەرۋدى تاڭدادى. بۇل تۋرالى لاۋۋي بىلاي دەيدى: «وسى ءبىر سايىن ساحارادا تۇرمىس كەشكەن سايىن جانىم جاي تاۋىپ، كوڭىلىم ورنىعا تۇسەدى». مىنە بۇل قالتقىسىز ماحابباتتىڭ ايگىسى، سەلكەۋسىز سۇيىسپەنشىلىكتىڭ بەينەسى ەدى.
ماحاببات − تىرەك، تۇرمىستا ىشكى جان دۇنيەگە ادال بولىپ، قايراتتانا العا ۇمتىلۋدىڭ وزەگى. كەيبىرەۋلەر جاس كۇنىندە سەزىمى سەلدەي ەسىپ، اسقاق مۇرات، اسىل ارماننىڭ جەتەگىندە ۇلكەن قالالاردا وزىندىك ءىز قالدىرىپ، ماڭىزدى قىزمەت ورىندارىندا يگىلىكتى ىستەر ىستەۋدى ماقسات تۇتقانىمەن، ۋاقىت ۇزارا كەلە تۇرمىستا زات، اتاق - ابىروي جانە قىم - قۋىت دۇنيەنىڭ اسەرىندە اۋەلگى ماقساتىنىڭ «ءتۇسىن وزگەرتەدى»، اۋەلى، تاسقا تامعان تامشىداي تاس - تالقانى شىعادى. ۇزىن ءسوزدىڭ قىسقاسى، ونداي ادامداردىڭ كوكەيىندە ىستىق ىقىلاس، شىنايى سۇيىسپەنشىلىك كەمشىن بولادى. ال لاۋۋيدىڭ جان دۇنيەسى سۇيىسپەنشىلىكتەن قۇرالعان، ول شەكارا وڭىردەن ءوزىنىڭ كوكەيىندەگى كيەلى جەردى تاۋىپ، ارقالاعان بورىشىن سەزىنىپ، اۋەلگى ماقساتتى ەسىنەن شىعارماي، قاسيەتىن وزگەرتپەي، ءار كۇنى دەرلىك شەكارانى تالىقپاي شارلاپ، ودان سارقىلماس كۇش - قۋات تاپتى.
ماحاببات − مەزەتتىك البىرتتىق، ۋاقىتتىق قارىسۋ ەمەس، قايتا ومىرلىك تاباندىلىق. تۇرمىستا ءبىز بىرەر ءىستى ىستەۋدىڭ ءوزىن قيىن سەزىنەمىز، ومىرلىك دەگەن ءسوزدى ايتۋعا اۋىز بارمايدى. جايشىلىقتا «ماحاببات» دەگەندى اۋزىمىزدان تاستامايمىز، وتباسىنا، جۇمىسقا، پارتياعا، وتانعا، حالىققا دەگەن ماحاببات، ءبىراق ءبىز وزىمىزگە ومىرلىك تاباندىلىق ىستەۋ قولىمىزدان كەلە مە - جوق پا؟ دەگەن سۇراۋ قويىپ كورسەك يگى ەدى. جۋىردا ءبىر جوعارى مەكتەپتىڭ جەتەكشىسى مىناداي ءبىر قىزىقتى ءىستى اڭگىمەلەپ بەرگەن ەدى. - ادەتتە، مەكتەپتە بەلگىلى ءبىر ۇل وقۋشى 99 شوق راۋشان گۇلىن الىپ بەلگىلى ءبىر قىز وقۋشىعا ىڭكارلىعىن بىلدىرگەندە ونى كورگەن وزگە قىز وقۋشىلار ءسوز بايلاسقان جىگىتتەرىنە «ەلگە قاراشى، سەن ماعان نە سيلادىڭ؟» دەپ كەيىپتى دەگەن اڭگىمەلەردى ەستىپ جاتامىز. ەگەر، شىن ماحاببات بولسا، مەن ول ۇل وقۋشىعا «بيىل ءبىر شوق، كەلەر جىلى 2 شوقتان، جىل وتكەن سايىن گۇل شوعىن سايكەستى كوبەيتىپ سيلاپ تۇر. ۋاقىتتىڭ وتۋىمەن سامايلارىڭدى قىراۋ شالعاندا، عۇمىر اقشامىندا تاباندىلىقتان ءنار العان ماحابباتتان كوكتەمنىڭ حوش ءيىسى اڭقىپ تۇرادى» دەر ەدىم. ساياسي جەتەكشىنىڭ وسى بالاما مىسالىن ماحاببات، وتباسى، جۇمىس سياقتىلاردىڭ قاي - قايسىسىندا دا سىناپ كورۋىمىزگە نەگە بولماسقا؟
ماحاببات − كەي كەزدەرى جالعىزدىقتان تۇرادى، كەيدە ءتىپتى تۇسىنۋگە كەلمەيدى، ءبىراق تاباندىلىق بولسا، كىرشىكسىزدىكپەن سۇيە بىلسە ونداي ماحاببات توڭىرەگىنە نۇر - شۇعىلاسىن شاشپاي قويمايدى. قوڭىرالا قاز تۇستىككە قايتىپ، كۇزگى جاپىراق جەردى جاپقاندا، سۇيەكتەن وتەر سۋىق بوران نەگە تۇرماق؟ سۋ ۋ قۇلا تۇزدەگى قارلى القاپتا ۇزاق جىل تۇرسا دا وتانىن ەشقاشان ۇمىتپاي، اقىرى اياعىندا ادالدىقتى ارداق تۇتىپ، ۇلى حان پاتشالىعىمەن قاۋىشتى. جوعارى ەڭبەكاقىمەن ۇسىنىس ەتىپ، جانعا جايلى تۇرمىس ورتاسىن ازىرلەپ بەرسە دە، ءىشىپ - جەۋ، ويناپ - كۇلۋ قاي قيسىنعا سيادى؟ ياڭ شانجوۋ پەنسياعا شىققاننان كەيىن كورپە - جاستىعىن ارقالاپ، دالياڭشان تاۋىندا ورنىعىپ تۇرىپ، تابانى كۇرەكتەي 22 جىل مىندەتتى اعاش ەگىپ، ورمان وتىرعىزدى. ول «مەن پەنسياعا شىققانىممەن كوممۋنيستىك پارتيا مۇشەسىندىك سالاۋاتىم ماڭگى وزگەرمەيدى» دەيدى. ا ق ش جازۋشىسى ەدگار سنو يان - اندا ماۋ زىدۇڭنىڭ جاماۋلى كيىم كيگەنىن جاماپ، جۋ ىنلايدىڭ سۇپىدا ۇيىقتاعانىن، پىڭ دىحۋايدىڭ پاراشوتتان تىگىلگەن مايكى كيگەنىن كورىپ، سەنىمنىڭ قۇدىرەتى شەكسىز بولاتىندىعىن، كوممۋنيستىك پارتيانىڭ جەڭىلمەيتىندىگىن بولجاعان ەكەن.
ماحاببات − قارتايعانشا اينىمايتىن تاباندىلىق. لاۋۋيدىڭ شەكارانى كۇزەتۋى تۋرالى حيكايادا قاريانىڭ جۇبايى ەرەكشە القاۋعا بولەنگەن. ول العاشىندا جاپالى شارت - جاعدايدان جۇرەگى شايلىعىپ، تايىپ تۇرۋدى ويلاعان بولسا دا، اقىر - اياعىندا تابان تىرەپ تۇرىپ قالىپتى. سان جىلدى ءبىر كۇنگىدەي وتكىزىپ، جولداسىمەن بىرگە قارتايعان ول بۇگىن دە «ەشقايدا بارمايمىن» دەگەن ءسوزدى اۋزىنان تاستامايدى ەكەن. لاۋۋي مەن ونىڭ جۇبايىنىڭ وزدەرىنە دەگەن سەنىمى بەرىك ەدى. ءبىز مىنە وسىنداي بولۋىمىز، كوڭىل تۇكپىرىمىزدەگى سول ءبىر سۇيىسپەنشىلىكتى ءداپ باسىپ تاۋىپ، مەيلى وتباسىندا بولسىن، الدە جۇمىستا بولسىن، وسىنداي قاسيەت پەن سەنىمدى ۇلىقتاۋىمىز ءتيىس. وسىنداي قاسيەت پەن سەنىمدى ءداپ باسىپ ءدال تابا الساق بولعانى، سونان كەيىن ءومىر بويى سول جولدا تالىقپاي تالپىنۋىمىز، ءوزىمىزدى سول جولدا ارناۋىمىز كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
