- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۋاندا توبى ۇرىمجىدە حالىقارالىق دەڭگەيدەگى مادەنيەت - ساياحات نىسانىن سالادى
جاڭ چۇنشيان ۋاڭ جيانلينمەن كەزدەستى
2016.08.15 14:50 كەلۋ قاينارى : شينجياڭ گازەتى
ۋاندا توبى قارجى قوسىپ، ءۇرىمجىنىڭ باينياۋحۋ جاڭا رايونىندا حالىقارالىق بىرەگەي دەڭگەيدەگى مادەنيەت - ساياحات نىسانىن سالادى. 12 - تامىز تۇستەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان شينجياڭعا نىسان جۇمىستارىن سايكەستىرۋگە كەلگەن ۋاندا توبىنىڭ باس جوراسى ۋاڭ جيانلينمەن جانە ونىڭ ساپارلاستارىمەن ۇرىمجىدە كەزدەستى.
ۋاندا توبىنىڭ ۇرىمجىدە قارجى قوسىپ سالاتىن باينياۋحۋ ۋاندا مادەنيەت - ساياحات نىسانى 1400 مۋ اۋماقتى يەلەيدى، قۇرىلىس كولەمى 025 مىڭ شارشى مەتر كەلەتىن نىسان مادەنيەت، دەنە تاربيە، ساياحات، كوڭىل اشۋدى ءبىرتۇلعالاندىرىپ، مادەنيەت نەگىزدەرى ەڭ كوپ، عىلىم - تەحنيكاسى ەڭ وزىق، كاسىپ فورماتسياسى ەڭ باي، ورنالاستىرعان، جۇمىسپەن قامتىعان ادام سانى ەڭ مول بولۋدى نىسانا ەتىپ، ءۇرىمجىنى ورتا ازياعا ىقپال كورسەتەتىن الەمدىك دەڭگەيدەگى ساياحات ورنى ەتىپ قۇرىپ شىعادى، نىساننىڭ قۇرىلىسى ءبىتىپ پايدالانۋعا بەرىلگەن سوڭ، جىلىنا تاپسىراتىن سالىعى 300 ميلليون يۋاننان اسىپ، 02 مىڭ ادامدىق جۇمىس ورنىن ازىرلەيدى. ۋاندا توبى PPT جانە3D تەحنيكاسى ارقىلى نىسان جوباسىنىڭ جالپىلىق ويىن كورسەتتى، جوبادا قۇرىلىستاردىڭ سىرتقى ءپىشىنى، ءتۇسى جانە قالانىڭ كوكجيەك سىزىعى شينجياڭنىڭ ەرەكشە مادەنيەت ەلەمەنتتەرىمەن تاماشا توعىستىرىلعان.
جاڭ چۇنشيان كەزدەسۋدە بىلاي دەدى: شينجياڭ ەۆروپا - ازيا قۇرلىعىنىڭ جاعراپيالىق كىندىگىنە ورنالاسقان، ءبىر تۇلعالى، كوپ نەگىزدى مادەنيەت قاتار ءومىر سۇرگەن ءوڭىر، مادەنيەت ىستەرىن دامىتۋدا ەلدەن ەرەك ارتىقشىلىعى جانە وراسان زور مۇمكىندىگى بار. ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، اۆتونوميالى رايوندىق پارتكوم وسى زامانعى مادەنيەتتى جەتەكشى ەتۋدى ورتاعا قويدى، ناتيجەسىندە مادەنيەت ىستەرىنىڭ دامۋى ءبىرشاما جاقسى ىلگەرىلەۋشىلىكتەرگە قول جەتكىزدى. كەزەكتە شينجياڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەل جۇرگىزىپ، 5 ءىرى ورتالىق قۇرىلىسىن جىلدام ىلگەرىلەتۋدە، بۇل باينياۋحۋ ۋاندا مادەنيەت - ساياحات نىسانىنىڭ دامۋىنا نەگىز قالاپ وتىر، دەمەك، اتالعان نىساننىڭ بولاشاعى نۇرلى. جەر - جەردىڭ مادەنيەت - ساياحات ىستەرىن دامىتۋداعى تاماشا تاجىريبەلەرى مەن ادىستەرىن قورىتىندىلاپ، قابىلداپ، باينياۋحۋ ۋاندا مادەنيەت - ساياحات نىسانىن حالىقارالىق بىرەگەي دەڭگەيدەگى ساياحات - كوڭىل اشۋ ورنى ەتىپ قۇرىپ شىعۋ؛ كاسىپورىنداردىڭ قارجى قوسۋىنا تاماشا ورتا ازىرلەپ، باينياۋحۋ ۋاندا مادەنيەت - ساياحات نىسانىن دانەكەر ەتىپ، ءۇرىمجىنىڭ قالا ساناتىن جوعارىلاتىپ، ەمدەۋ، ساياحات، دەنساۋلىق كۇتىمدەۋ كاسىپتەرىنىڭ دامۋىمەن بىرلەستىرىپ، ەسىكتى ۇزدىكسىز ايقارا اشىپ، ەلىمىزدىڭ باتىس سولتۇستىك وڭىرىندە جانە توڭىرەكتەگى ەلدەردە، وتە - موتە، ورتا، باتىس ازيا ەلدەرىندە باۋراۋ قۋاتىن جانە ىقپال قۋاتىن قالىپتاستىرىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋعا اناعۇرلىم جاقسى قىزمەت وتەۋ كەرەك.
ۋاڭ جيانلين باينياۋحۋ ۋاندا ساياحات - مادەنيەت نىسانىنىڭ بولجامى مەن دامۋ بولاشاعىن تانىستىرىپ، نىساندى 3 جىل نەمەسە 3 جارىم جىل ىشىندە سالىپ بولاتىندىقتارىن ايتتى. ول بىلاي دەدى: قازىرگى شينجياڭدى بۇرىنعىمەن سالىستىرۋعا بولمايدى، جەدەل دامىپ، كۇن سايىن تۇلەپ جاڭارىپ كەلە جاتقان شينجياڭدى قايتا تانىعانىمىز ءجون. ۋاندا توبى «ءبىر بەلدەۋ، ءبىر جول» قۇرىلىسىنا ارقا سۇيەپ، شينجياڭدى جىبەك جولى ەكونوميكالىق بەلدەۋىنىڭ وزەكتى رايونى ەتىپ قۇرۋ سىندى ماڭىزدى ورايدى مىقتى يگەرىپ، شينجياڭدا ءار ۇلت حالقىنىڭ باقىت كورسەتكىشىن جوعارىلاتۋعا ءتيىمدى، جۇمىسقا ورنالاسۋدى جەبەيتىن نىساندارعا كوبىرەك قارجى قوسىپ، جەرگىلىكتى ورىندى ورنىقتى سالىق كىرىسىمەن ۇزدىكسىز قامتاماسىزداندىرىپ، شاتتىقتى شينجياڭداعى حالىق تۇرمىسىنىڭ نەگىزگى تاقىرىبىنا اينالدىرادى.
اۆتونوميالى رايوننىڭ باسشىلارىنان شوكىرات زاكىر، حۋاڭ ۋي، لي شۋەجۇن، پىڭ جيارۇي كەزدەسۋگە قاتىستى.
كەلۋ قاينارى: ءتاڭىرتاۋ تورابى -شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
