- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ وبرازىن ايگىلەيتىن جاڭا تەرەزە − ءۇرىمجى ۆوكزالى رەسمي ىسكە قوسىلدى
2016.08.15 14:51 كەلۋ قاينارى : شينجياڭ گازەتى
«مىنە، مىناۋ ءۇرىمجى ۆوكزالى، بۇدان كەيىن وسى جەر ارقىلى شينجياڭعا كەلەتىن، شينجياڭدى تانيتىن، شينجياڭدى جاقسى كورەتىن ادامدار بارعان سايىن كوبەيە تۇسەدى». 2112 - تامىز كۇنى ساعات 11دە، چىن ۋي جياڭسۋدىڭ نانتۇڭ قالاسىنداعى ۇيىنە ءۇرىمجى ۆوكزالىنىڭ ىسكە قوسىلۋىنىڭ ناقتى جاعدايىن قول تەلەفونىمەن كورسەتىپ جاتتى.
ساعات 11دەن 18 مينۋت وتكەندە، D8820 موتورلى ۆاگون قۇراماسى باياۋ عانا ايالدامادان شىقتى، ءسويتىپ، ءۇرىمجى ۆوكزالى رەسمي ىسكە قوسىلدى. چىن ۋي باسىنداعى دۋلىعاسىن شەشىپ، الىستاپ كەتە بارعان پويەزگە قولىن بۇلعاپ، تىكە تاراتۋىن اياقتاتتى.
چىن ۋي ياشا اشەكەيلەۋ جارنا شەكتى سەرىكتەستىگىنىڭ قىزمەتكەرى، بيىل ناۋرىزدا ۇرىمجىگە كەلگەن ول جوعارى جىلدامدىقتى تەمىر جول اۋماعىنىڭ وزەك رايونىنداعى كەشەندى جەر استى قۇبىر ءدالىزى ينجەنەريالىق نىسانىنىڭ اشەكەيلەۋ جۇمىسىنا جاۋاپتى بولىپ ىستەيدى. ءۇرىمجىنىڭ جوعارى جىلدامدىقتى تاس جول جاڭا داۋىرىنە قادام تاستاعانىن ءوز كوزىمەن كورىپ كۋا بولعانىنا ول ايرىقشا قۋاندى.
ءۇرىمجىنىڭ جاڭا نىشاندىق قۇرىلىسى جانە وبرازدى ايگىلەيتىن ماڭىزدى تەرەزەسى رەتىندە، ءۇرىمجى ۆوكزالىنىڭ قۇرىلىسى باستالعاننان بەرى وعان بارىنشا ءمان بەرىلىپ، جۇرت نازارىن جاپپاي اۋداردى.
لي يۋان ەسىمدى جولاۋشى ءۇرىمجى ۆوكزالىنىڭ پويەزگە شىعۋ ورتاسىن كورىپ بىلمەك ءۇشىن ارنايى كەلىپتى. ول بىلاي دەدى: ءۇرىمجى ۆوكزالى سىناق رەتىندە ىسكە قوسىلعان سوڭ ءبىر كورىپ قايتۋدى ويلاپ جۇرگەم، «حىنان شىعىس كوشەسىنەن تاكسيمەن 10 نەشە مينۋتتا جەتتىم، ۆوكزالدىڭ ورتاسى تازا، رەتتى ەكەن، پويەز كۇتەتىن زال وتە جاقسى ەكەن، A، B پويەز كۇتۋ زالى بار، بۇدان باسقا نارەستە كوتەرگەن انالارعا ارنالعان پويەز كۇتۋ اۋماعى، بالا ەمىزۋ ءۇيى ارنايى ورنالاستىرىلىپتى، جانىڭا جىلۋ باعىشتايدى.
ۆوكزال سىناق رەتىندە ىسكە قوسىلعاننان قازىرگە دەيىن، 38 جۇپ پويەز ءۇرىمجى ۆوكزالىنان شىققان جانە ۆوكزالعا كەلگەن. وسى جاس ۆوكزال شينجياڭداعى ءار ۇلت بۇقاراسىنىڭ تۇرمىسىمەن تىعىز بايلانىسىپ كەتتى.
فىڭ چياڭ ەسىمدى جولاۋشى پويەز جولعا شىعاردان 2 ساعات بۇرىن ءۇرىمجى ۆوكزالىنا جەتىپتى. «ءۇرىمجى ۆوكزالىنا كەلۋ ءبىراز قولايسىزداۋ بولعانىمەن، ءبىراق بۇل جەردىڭ دامۋ بولاشاعى جارقىن». ول بىلاي دەدى: پويەز كۇتۋ زالىندا كوپتەگەن سۋسىنداۋ ورنى، ەلەكتروندىق جابدىقتاردى زاريادتاۋ بۇرىشى، كىتاپ ءۇيى بار، مۇندا ەڭ باستىسى، مۇگەدەكتەر كەدەرگىسىز ليفتتەن جانە بەلەت ساتۋ قىزمەت وتەۋىنەن يگىلىكتەنە الادى. بەلەت ساتۋ، ۆوكزالعا كىرۋ دە زاماناۋيلىق ۇلگىدە جوبالانعان، بەلەت ساتاتىن 13 تەرەزەدەن تىس، كوپتەگەن اۆتوماتتى بەلەت ساتۋ ماشينالارى ورنالاستىرىلعان، ۇزىننان ۇزاق كەزەكتە تۇرىپ ۋاقىتىڭىزدى زايا كەتىرمەيسىز.
ءۇرىمجى ۆوكزالىنىڭ رەسمي ىسكە قوسىلۋى وڭىرلىك ەكونوميكانىڭ دامۋىنا دەم بەرىپ، ءۇرىمجىنىڭ شينجياڭنىڭ جىبەك جولى ەكونوميكالىق بەلدەۋىنىڭ وزەك رايونىنداعى 5 ۇلكەن ورتالىقتى قالىپتاستىرۋداعى ماڭىزدى دەمەۋشى وڭىرگە اينالۋىنا مۇمكىندىك جاسايدى.
ءۇرىمجى ۆوكزالىنىڭ ماڭايى ءار ءتۇرلى زاماناۋي ۇلگىدە سالىنعان بيىك عيماراتتار. ءۇرىمجى ۆوكزالىن سەنتر ەتە وتىرىپ جوعارى جىلدامدىقتى تەمىر جول اۋماعىنىڭ ساۋدا شەڭبەرى قالىپتاسۋ الدىندا تۇر. قازىرگە دەيىن جوعارى جىلدامدىقتى تەمىر جول اۋماعى داليان ۋاندا، شىنجىن باۋنىڭ سياقتى 46 ءتۇيىندى نىساندى ەنگىزگەن، جالپى 43 ميلليارد يۋان قارجى سالىنعان، جەر اۋدانى 2344.6 مۋ، مۇنىڭ ىشىندە 19 نىساننىڭ قۇرىلىسى باستالىپ، 5 ميلليارد يۋان تياناقتاندىرىلىپ بولدى، بۇل جالپى سالىناتىن قارجىنىڭ %12ىن ۇستايدى، جۇڭتاي حيميا، گىجوۋبا سياقتى نىساندار دا سالىنىپ ىسكە كىرىسىپ كەتتى.
جوعارى جىلدامدىقتى تەمىر جول اۋماعى تولىق قۇرىلىپ بولعان سوڭ، ءۇرىمجىنىڭ، ءتىپتى، بۇكىل شينجياڭنىڭ جۇمساق ورتاسىنا بەلسەندى ىقپال جاسايدى، دارىندى، قارجى سياقتى دامۋ ەلەمەنتتەرى اراسىنداعى اينالىس تابيعي تۇردە كۇشەيىپ، قالىڭ ادام لەگى، زات لەگى، ينفورماتسيا لەگى قالىپتاسىپ، كاسىپورىنداردىڭ ۇتىمدى دامۋىنا جەتكىلىكتى مۇمكىندىكتەر بەرەدى.
كەلۋ قاينارى: ءتاڭىرتاۋ تورابى -شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
