- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ . قۇلجا قالاسىنىڭ 5 - كەزەكتى ۇلتتىق سالت - سانا، مادەنيەت، ساياحات مەرەكەسى قىركۇيەكتىڭ 2-كۇنى باستالادى
قالانىڭ وبرازىن، بەدەلىن، كوركەمدىگىن جوعارىلاتىپ، ۇلتتىق سالت - سانا، مادەنيەت، ساياحات مەرەكەسىنىڭ ايگىلى ماركاسىن جاراتايىق
2016.08.15 15:19
ءتىلشىمىز حۋاڭ جيڭ حابارلايدى. تامىزدىڭ 10 - كۇنى قۇلجا قالالىق پارتكومنىڭ ۇگىت بولىمىنەن ۇعىسۋىمىزشا، شينجياڭ . قۇلجا قالاسىنىڭ 5 - كەزەكتى ۇلتتىق سالت - سانا، مادەنيەت، ساياحات مەرەكەسى قىركۇيەكتىڭ 2 - كۇنى باستالماقشى. مەرەكەدە بۇقارالىق، ساياحات، كوڭىل اشۋ ەرەكشەلىگىندەگى ىلەنىڭ باي - مازمۇندى ۇلتتىق سالت - سانا مادەنيەتى مەن بەيزاتتىق مادەني مۇرالاردىڭ دارالىق ەرەكشەلىگى جاپپاي ايگىلەنىپ، قالانىڭ وبرازى، بەدەلى، كوركەمدىگى جوعارىلاتىلىپ، ۇلتتىق سالت - سانا، مادەنيەت، ساياحات مەرەكەسىنىڭ ايگىلى ماركاسى جاراتىلادى. سونىمەن بىرگە قۇلجا قالاسىنىڭ تۇرعىندارى دا قالا بويىنشا جۇدىرىقتاي جۇمىلىپ، جىلىنا ءبىر رەت وتكىزەتىن ۇلتتىق سالت - سانا، مادەنيەت ورلەۋىن قارسى الاتىن بولادى.
ۇعىسۋىمىزشا، بۇل رەتكى ساياحات مەرەكەسى باستالۋدان بۇرىن، ياعني تامىزدىڭ 20 -، 21 - كۇندەرى جياڭسۋ ولكەسى مەن قازاقستاننان كەلگەن كوماندالاردىڭ ءداستۇرلى كۇرەس جارىسى قالالىق دەنەتاربيە سارايىندا سالتاناتپەن وتكىزىلەدى. وسىدان كەيىن جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جانە قۇلجا قالاسىنىڭ 5 - كەزەكتى ۇلتتىق سالت - سانا، مادەنيەت، ساياحات مەرەكەسىنىڭ باستالۋ سالتى قىركۇيەكتىڭ 2 - كۇنى ساعات 10 نان 30 مينۋت وتكەندە قالالىق كوركەمونەر تەاترحاناسىندا وتكىزىلىپ، جەرگىلىكتى قويۋ ەرەكشەلىككە يە ۇلتتىق ءان - ءبي كەشىمەن مادەنيەت، ساياحات مەرەكەسىنىڭ شىمىلدىعى اشىلادى. سونىمەن بىرگە قازانشى ۇلتتىق سالت - سانا، ساياحات رايونىندا ۇلتتىق نەكە مادەنيەتىن ايگىلەيتىن قيمىلدار ورىستەتىلىپ، «قادىككە» وتىرۋ سىندى ۇلتتىق سالت-سانانىڭ وزگەشەلىگى ايگىلەنىپ، نەكە سالتىندا ءان-ءبي ويىن نومىرلەرىن قويۋ، ءداستۇرلى قولونەر بۇيىمدار جاساۋ، ءدامدى تاعامدار كورمەسى سياقتى «ىلەلىك ءتۇس العان» ۇلتتىق ءداستۇرلى مادەنيەت قيمىلدارى وتكىزىلەدى. قىركۇيەكتىڭ 3-كۇنى ساعات 10:00 دا «ىلە وزەنىنىڭ تۇنىق اۋا ساياحاتى» قالا تۇرعىندارىنىڭ ۆەلوسيپەدپەن ارالاۋ قيمىلى ىلە وزەنىنىڭ كورىنىس رايونىنداعى ۇلكەن جولدا وتكىزىلەدى. قىركۇيەكتىڭ 3-كۇنى ساعات 11:00 دە حالىقتىق سپورت جارىسى ايرودروم جولى ەكولوگيالىق دەنەتاربيە باقشاسىندا سالتاناتپەن باستالادى؛ قىركۇيەكتىڭ 6-كۇنى ساعات 17:00 دە ىلە ۇيعۇر ۇلتتىق ءان جارىسى قالالىق كوركەمونەر تەاترىندا اۋەلەيدى؛ جاستاردىڭ قارسى الۋىنا بولەنگەن «لىباۋ سىراسى مۋزىكا كەشى قىركۇيەكتىڭ 9-كۇنى كەشتە قالالىق دەنەتاربيە سارايىندا ءار ۇلت كورەرمەندەرىنە كوڭىلدىلىك سيلايدى؛ گاۋيا كوركەمونەر مۋزىكا سالتاناتى قىركۇيەكتىڭ 21-كۇنى قالالىق كوركەمونەر تەاترىندا وتكىزىلىپ، قالا تۇرعىندارى شاڭحاي تەڭىز يالى-لى ۇيىرمەسىنىڭ مەملەكەت دارەجەلى سازگەرىنىڭ ۇلتتىق مۋزىكاسىنان ءلاززاتتانادى.
قىركۇيەكتىڭ 2-كۇنىنەن 4-كۇنىنە دەيىن «ىلەنىڭ جەرگىلىكتى تاعامدارى -ىلەنىڭ ساياحات سيلىعى» قۇلجا قالاسىنىڭ 5-كەزەكتى ءدامدى تاعام جارىسى ىلە ەرەكشەلىگىنە يە ءدامدى تاعامدار ورەسىن ايگىلەپ، قالا حالقىنا جىبەك جولىنداعى مادەنيەت، ساياحات قالاسىنىڭ ءدامدى تاعامدارى جاياۋلار كوشەسى، قالا شينحۋا شىعىس جولىنداعى كونە قالا حانزۋلار كوشەسىنىڭ ءدامدى تاعام الاڭى، قۇلجا شەكارالىق ـ ەكونوميكالىق سەلبەستىك رايونى شاڭحاي جولى جينكاي مۋزىكاسى ەكولوگيالىق ءدامدى تاعام قالاشاسى، قازانشى ۇلتتىق سالت-سانا، ساياحات رايونى ىلە ءسانام ويىن قويۋ الاڭى، ورتا ازيا قاقپاسى ىلەنىڭ ايگىلى، ساپالى، جەرگىلىكتى ونىمدەرى سياقتى جەرگىلىكتى ەرەكشەلىككە يە ءدامدى تاعدامدار مەن بۇيىمدار كورسەتىلەدى.
بۇدان سىرت ىلەنىڭ ايگىلى حاتكەر-سۋرەتشىلەرىنىڭ تۋىندىلارى كورمەسى اشىلىپ، ۇيعۇر مادەنيەتى-تارانشى مادەنيەتىن زەرتتەۋ-تالقىلاۋ جينالىسى اشىلىپ، 15-كەزەكتى ءجۇز كۇندىك الاڭ مادەنيەتى جەلىلەس قيمىلى «ارمانداعى ساياحات» سەرۋەن اۆتوكولىگى كورمەسى جانە جەكە اۆتوكولىك ساياحاتى، جۇڭگو ساياحات بىرلەستىگى مەملەكەتتىك ساياحاتقا جول باستاۋشىلاردى تاربيەلەۋ ورگانىنىڭ بىرلەسكەن جينالىسى مەرەكە قارساڭىندا ىركەس - تىركەس وتكىزىلەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
