- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
يران جۇرتشىلىعى «جۇڭگو تانۋ» قيمىلىنىڭ قىزىعىنا قانباي قالدى
2016.08.29 16:39 كەلۋ قاينارى : شينجياڭ گازەتى
«شينجياڭعا ارنايى بارىپ ءوز كوزىممەن كورىپ قايتسام دەگەن ويىم بار»
يران تەگەران شاحيد بەحشتي ۋنيۆەرسيتەتى جۇڭگو تىلدەرى فاكۋلتەتىنىڭ وقۋشىسى ياجيڭ: كورمە تاماشا، ويىن نومىرلەرى تارتىمدى بولدى، باستالۋ سالتى وتكەن كۇنى دە كەلگەن ەدىم. ال بۇگىن قيمىل اياقتاۋدان ىلگەرى تاعى ءبىر رەت كورىپ قالۋ ءۇشىن ارنايى كەلدىم، - دەيدى.
مەملەكەتتىك كەڭەستىڭ اقپارات كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى جانە جۇڭگونىڭ يرانداعى باس ەلشىلىگى ۇيىمداستىرعان «2016 جۇڭگو تانۋ − جۇڭگو باتىس بولىك مادەنيەتىنىڭ يران ساپارى. شينجياڭ پاراسى» جالپىلىق مادەنيەت اۋىس - كۇيىس قيمىلى يراننىڭ استاناسى تەگەراندا وتكىزىلدى، قيمىل ءبىر اپتاعا جالعاسىپ، 28 - تامىزدا اياقتايدى.
ياجيڭ: جۇڭگو ۇكىمەتىنىڭ وسى جەردە مادەنيەت اۋىس - كۇيىس قيمىلىن وتكىزەتىندىگىن ەستىگەندە قاباعات قۋاندىق. كوپ ساندىمىز بىرنەشە رەت كەلىپ كوردىك. شينجياڭنىڭ كيىم - كەشەكتەرى مەن مۋزيكا اسپاپتارى بىزدىكىنە ۇقساپ كەتەدى ەكەن، ءبىر كورگەندە - اق سونداي جاقىن سەزىلدى، - دەدى.
وسى جولعى «جۇڭگو تانۋ» قيمىلى شينجياڭدى باستى تاقىرىپ ەتىپ، قيمىل بارىسىندا مادەنيەت تالقى مىنبەرى، ءان - ءبي ويىندارى، سۋرەت كورمەسى، اسپاپتىق مۋزيكا جانە كيىم - كەشەك كورمەسى سياقتى مازمۇندار ورنالاستىرىلىپ، يران جۇرتشىلىعىنىڭ قارسى الۋىنا يە بولدى. قيمىل ورنىنداعى قىزمەتكەرلەردىڭ ايتۋىنشا، تاماشالاۋشىلاردىڭ سانى قىسقا عانا بىرنەشە كۇننىڭ ىشىندە 3000 ادام - رەتتەن اسىپ كەتىپتى.
ياجيڭنىڭ ساباقتاسى فاردين: ءبىز جۇڭگونىڭ مادەنيەتى كوپ نەگىزدى ەل ەكەنىن وقۋلىقتاردان وقىعانبىز. بۇل جولعى قيمىل بارىسىندا اناعۇرلىم تەرەڭ تۇسىنىككە يە بولدىق. شينجياڭعا ارنايى بارىپ ءوز كوزىممەن كورىپ قايتسام دەگەن ويىم بار، - دەيدى.
شينجياڭ جىبەك جولىنىڭ وزەگىنە ورنالاسقان، يران جىبەك جولىنداعى ماڭىزدى ارالىق بەكەت، ەكى جەردىڭ مادەنيەت اۋىس - كۇيىسىنىڭ تاريحى ۇزاق. فاردين: جاڭا ەرانىڭ 841 - جىلدارى شاماسىندا ارساك ەلىنىڭ تاح مۇراگەرى ان شىگاۋدىڭ جۇڭگونىڭ لوياڭ قالاسىندا حانزۋ ءتىلىن ۇيرەنىپ، كەيىن 100دەن استام بۇددا كىتاپتارىن اۋدارعانىن بالا كۇنىمنەن تارتىپ بىلەمىن. قازىر مەن دە حانزۋ ءتىلىن ۇيرەنىپ جاتىرمىن، مەن ان شىگاۋدى ۇلگى ەتىپ، ەكى ەلدىڭ مادەنيەت جاعىنداعى اۋىس - كۇيىسىنە ءوز ۇلەسىمدى قوسامىن، - دەدى.
ول: قازىر يران مەن جۇڭگو «ءبىر بەلدەۋ، ءبىر جولدى» بىرگە قۇرۋدا، يراندا حانزۋ ءتىلىن ۇيرەنسەك، كەيىن قىزمەت تابۋدان الاڭدامايمىز، - دەيدى كۇلىمسىرەپ.
سۇحبات بارىسىندا ءىشىنارا يراندىقتاردىڭ وتباسىمەن ءبىراق كەلىپ، تۇسكى دەمالىس ۋاقىتىندا كورمەنى تاماشالاپ قايتىپ جاتقانىن بايقادىق. كورمەنى تاماشالاپ جۇرگەن ورتا جاستارداعى يراندىق ءبىر ايەل: مەن جۇڭگوعا قاتتى قىزىعامىن. سوندىقتان بۇگىن كۇيەۋىم مەن ۇلىمدى ەرتىپ، كورمەنى ارنايى تاماشالاۋعا كەلدىم. وسى بارىستا جۇڭگو مادەنيەتىنىڭ ۇلىلىعىن ءتىپتى دە تەرەڭ سەزىندىم. ەكى ەل قاتىناسىنىڭ بارعان سايىن جاقسارعانىنا قاتتى قۋانىشتامىن، - دەدى.
مەملەكەتتىك كەڭەس اقپارات كەڭسەسىنىڭ قىزمەتكەرى زو فىڭ يران جۇرتشىلىعىنىڭ ىستىق ىقىلاسىنان ايرىقشا تەرەڭ اسەر الىپتى. ول: العاشقى كۇندەردىڭ ءبىرى، ءبىر جولعى ويىن باستالۋدىڭ الدىندا يراندىق ءبىر ونەرپاز شينجياڭدىق ونەرپازدارمەن اۋىس - كۇيىس جاساۋ ءۇشىن ءوزىنىڭ مۋزيكا اسپابىن الىپ ارنايى كەلدى. اڭگىمەنىڭ كورىگى قىزىپ، كوڭىل كۇيى توعىسقان ول اقىرى - اياعىندا ساحناعا شىعىپ جۇڭگولىق كاسىپتەستەرمەن بىرگە ونەر كورسەتۋ تالابىن قويدى، - دەيدى.
قيمىل الاڭىنىڭ الدىڭعى تەكشەسىندەگى قالىڭ داپتەرگە يران جۇرتشىلىعى اقجارما تىلەكتەرى مەن القاۋلى كوڭىل كۇيلەرىن پارىسشا، اعىلشىنشا، اۋەلى، حانزۋشا جازىپ قالدىرىپتى.
ءبىر كورەرمەن: «كورمەدە ايتار جوق ەكەن، وكىنىشتىسى، ۋاقىتى تىم قىسقا بولىپ قالىپتى، جانە بىرنەشە كۇنگە جالعاسقان بولسا جاقسى بولار ەدى» دەپ جازىپتى. «بۇدان بىلاي وسى تەكتەس قيمىلداردىڭ يراننىڭ وزگە جەرلەرىندە دە وتكىزىلۋىن، اناعرلىم كوپ يراندىقتىڭ جۇڭگونى ىشكەرىلەي بىلۋىنە، جۇڭحۋا مادەنيەتىمەن ىشكەرىلەي تانىسۋىنا مۇمكىندىك جاسالۋىن ءۇمىت ەتەمىن» دەگەن ۇسىنىس بەرۋشىلەر دە بار ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
