- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون باسشى كادرلار ءماجىلىسىن اشىپ، ورتالىقتىڭ قارارىن جاريالادى
2016.08.30 13:04 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاۋ لىجي جولداس ماجىلىسكە قاتىناستى ءارى ورتالىقتىڭ قارارىن جاريالادى: جاڭ چۇنشيان جولداس شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتىن قوسىمشا اتقارمايتىن بولدى، باسقالاي مىندەتكە تاعايىندالادى؛ چىن چۋانگو جولداس شينجياڭ ۇيعۇر اۆتونوميالى رايوندىق پارتكومنىڭ مۇشەسى، تۇراقتى مۇشەسى، شۋجيى بولىپ تاعايىندالدى
ءماجىلىستى جاڭ چۇنشيان باسقاردى ءارى ءسوز سويلەدى، چىن چۋانگو ءسوز سويلەدى
شينجياڭ ۇيعۇر اۆتونوميالى رايونى 29 - تامىزدا باسشى كادرلار ءماجىلىسىن اشتى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاۋ لىجي جولداس ماجىلىسكە قاتىناستى ءارى ورتالىقتىڭ قارارىن جاريالادى: جاڭ چۇنشيان جولداس شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتىن قوسىمشا اتقارمايتىن بولدى، باسقالاي مىندەتكە تاعايىندالادى؛ چىن چۋانگو جولداس شينجياڭ ۇيعۇر اۆتونوميالى رايوندىق پارتكومنىڭ مۇشەسى، تۇراقتى مۇشەسى، شۋجيى بولىپ تاعايىندالدى.
ءماجىلىستى ج ك پ ورتالىق كوميتەتى ساياسي بيۋروسىنىڭ مۇشەسى جاڭ چۇنشيان باسقاردى ءارى ءسوز سويلەدى. اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى.
اۆتونوميالى رايوننىڭ پارتيا، ۇكىمەت، ارميا باسشىلارىنان، سونداي - اق ءوندىرىس - قۇرىلىس بيڭتۋانىنىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، پىڭ يۇڭ، لي ۋي، حۋاڭ ۋي، شاۋكەت يمىن، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي ماجىلىسكە قاتىناستى؛ ورتالىق كوميتەت ۇيىمداستىرۋ ءبولىمىنىڭ ءبولىم ىستەرى جوراسى، قوسىمشا كادرلار 2 - مەكەمەسىنىڭ باستىعى جوۋ زۋ - ي ماجىلىسكە قاتىناستى.
جاڭ چۇنشيان بىلاي دەدى: مەن شي جينپيڭ جولداس باس شۋجي بولعان پارتيا ورتالىق كوميتەتىنىڭ قارارىن تولىق قۇپتايمىن، وعان باتىل بويسۇنامىن. چىن چۋانگو جولداس ساياسيدا تاباندى، تاجىريبەسى مول، مەڭگەرۋ قابىلەتى كۇشتى، پارتيانىڭ ىستەرى مەن ەكونوميكالىق قىزمەتكە، ۇلتتىق رايونداردىڭ قىزمەت قاعيداسى مەن ەرەكشەلىگىنە قانىق. كوپشىلىك يدەياسىن شي جينپيڭ جولداس باس شۋجي بولعان پارتيا ورتالىق كوميتەتىنىڭ قارارىنىڭ رۋحىمەن بىرلىككە كەلتىرىپ، چىن چۋانگو جولداستىڭ قىزمەتىن بار كۇشپەن قولداۋى كەرەك.
جاڭ چۇنشيان بىلاي دەدى: شينجياڭعا كەلىپ قىزمەت ىستەگەنىمە دە كوزدى اشىپ - جۇمعانشا 6 جىل 4 اي ۋاقىت بولىپتى. وسى جىلداردا، وتە - موتە، پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، «5 - شىلدە» ۋاقيعاسى سالعان اۋىر جاراقات الدىندا، حالىقارالىق لاڭكەستىك پەن ۇشقارى يدەيا سىنالاپ كىرۋدىڭ، ءورشۋدىڭ كۇردەلى ىقپالى الدىندا، ەكونوميكانىڭ «ءۇش كەزەڭى قاباتتاسقان»، ورنىقتىلىقتىڭ «ءۇش كەزەڭى قاباتتاسقان» ەرەكشە جاعدايى الدىندا ءبىز باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن، وتە - موتە، شينجياڭ قىزمەتى جونىندەگى ءبىرسىپىرا ماڭىزدىن ءسوزىنىڭ، نۇسقاۋىنىڭ رۋحىن ىشكەرىلەي دايەكتىلەندىرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن جاپپاي تياناقتاندىرىپ، قوعامنىڭ ورنىقتىلىعى مەن باياندى تىنىشتىق سىندى باس نىسانانى مىقتاپ ارقاۋ ەتىپ، سىن سايىسقا تىكە بەتپە - بەت كەلىپ، قيىن ماسەلەلەردە قامال الىپ، تالاي بۇراڭدىلىقتاردى باسىپ وتتىك، سانسىز حاۋىپ - قاتەرلەردى جەڭدىك. 6 جىلدان استام ۋاقىتتان بەرى جولداستارمەن بىرگە كۇنى - ءتۇنى قۇلشىنعان ساتتەردى ەسكە السام، لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە باسىن ءباي تىگىپ شايقاس جاساعان، اۋەلى، قىمباتتى ومىرلەرىن قيعان كۇرەس قاھارماندارىن ۇمىتا المايمىن، سان مىڭداعان جۇرتشىلىق بىرلەسىپ بۇلىكشىلەردى قورشاپ ۇستاعان اسەرلى ساتتەردى ۇمىتا المايمىن، ءار ۇلت جۇرتشىلىعىمەن ءبىر تۇلعاعا اينالىپ كەتكەن «ۇعىسۋ، تيىمدىلىك جاساۋ، توعىستىرۋ» قيمىلىنا بايلانىستى قىستاقتاردا تۇرعان 230 مىڭ كادردى ۇمىتا المايمىن، «ۇشقارىلىقتى الاستاۋدىڭ» ءبىرىنشى شەبىندە بەلسەنە ەڭبەك ەتىپ جۇرگەن حالىق ۇگىتشىلەرىن، ادەبيەت - كوركەمونەر قىزمەتكەرلەرى مەن وتانشىل ءدىني قايراتكەرلەردى ۇمىتا المايمىن، جىلدار بويى ۇستەمەلەپ ىستەپ، وتباسىلارىن ارالاۋمەن بولاتىن نەگىزگى ساتى كادرلارىن ۇمىتا المايمىن، ۇزاق ۋاقىتتان بەرى تىڭ يگەرىپ، شەكارانى قورعاپ كەلگەن بيڭتۋانداعى كادرلاردى، جۇمىسشى - قىزمەتشىلەردى ۇمىتا المايمىن، شىنايى سۇيىسپەنشىلىكتەرىمەن تىعىز ىنتىماقتاسقان ءار ۇلت جۇرتشىلىعىنىڭ «اناردىڭ دانىندەي ۇيىسقان» بەرەكەلى جاعدايىن ءتىپتى دە ۇمىتا المايمىن. وسى جىلداردا ءبىز بىرگە جاپا تارتىپ، بىرگە قالجىرادىق، بىرگە تەر توگىپ، بىرگە جىلادىق، جاپا - ماشاقات تارتتىق، ارىپ - شارشادىق، ەڭبەك ەتتىك، ازاپ شەكتىك، سونىمەن بىرگە، ءار ۇلت جۇرتشىلىعىنىڭ رياسىز كۇلكىسىنەن شايقاس پەن جەڭىستىڭ شاتتىعىنا بولەندىك.
جاڭ چۇنشيان بىلاي دەدى: 6 جىلدان استام ۋاقىتتان بەرى، مەن شينجياڭنىڭ تاۋ - دالاسىن تەگىس ارالاپ شىقتىم. كوركەم شينجياڭنىڭ جاسىل القاپتارى، سايىن ساحاراسى، بايابان دالاسى، ءشول - جازيراسى، قارلى شوقىسى مەن ءار ۇلت جۇرتشىلىعىنىڭ ءار الۋان، باي مازمۇندى مادەنيەتى وزگەشە ءلاززات باعىشتادى. بايتاق شينجياڭنىڭ بايابان دالاسىندا تۋىلعان ازىن - اۋلاق وزگەرىستەردىڭ وزىنە جەلپىنىپ جىگەرلەنىپ وتىردىم. ونان دا ماڭىزدىسى، بۇكىل شينجياڭداعى ءارقانداي جاپالى ورتا جانە اۋىر مىندەت مويىتا المايتىن ءار دارەجەلى كادرلاردان، كوپشىلىكتىڭ «شەكارانى ادالدىقپەن قورعاپ، پارتياعا بار پەيىلىمەن بەرىلەتىن»، وزگەلەردى نەشە ورايتىن قۇلشىنىسپەن ايانباي ىستەيتىن رۋحىنان اسەر الدىم، مىنە بۇلار مەنى بۇكىل شينجياڭداعى ءار ۇلت حالقى ءۇشىن بار ىنتى - شىنتىممەن قىزمەت ەتۋگە جىگەرلەندىردى. ەگەر وسى جىلداردا شينجياڭداعى ءار ۇلت حالقى ءۇشىن ازىن - اۋلاق قىزمەت ەتكەن بولسام، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ءبىراز نەگىز قالاعان بولسام، ول شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعى مەن توتەنشە قامقورلىعىنىڭ جەمىسى، بۇكىل ەل حالقىنىڭ زور كۇشپەن قولداپ - قۋاتتاۋىنىڭ جەمىسى، بۇكىل شينجياڭداعى جوعارى - تومەننىڭ سۋبيەكتيۆ رولىن تولىق ساۋلەلەندىرۋىنىڭ، بىرگە كۇرەس جاساۋىنىڭ ناتيجەسى. مەن شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، چىن چۋانگو جولداس باستاعان اۆتونوميالى رايوندىق پارتكومنىڭ بۇكىل شينجياڭداعى ءار ۇلت كادر - جۇرتشىلىعىن، ءسوز جوق، ىنتىماقتاستىرا باستاپ، شينجياڭنىڭ بولاشاعىن بارىنشا نۇرلاندىرا تۇسەتىنىنە كامىل سەنەمىن.
جاڭ چۇنشيان بىلاي دەدى: 6 جىلدىڭ الدىنداعى ج ك پ اۆتونوميالى رايوندىق 7 - كەزەكتى كوميتەتىنىڭ توعىزىنشى جالپى ماجىلىسىندە مەن كوپشىلىككە شينجياڭداعى ءار ۇلت حالقىنىڭ «قالاۋلى ۇلى» بولۋعا قۇلشىنامىن دەپ ۋادە بەرگەن ەدىم. 6 جىلدان استام ۋاقىتتان بەرى كوپشىلىكتىڭ مەنى باۋىرىنا باسقانىنا، قولداعانىنا، مەنىڭ كەمشىلىكتەرىم مەن ولقىلىقتارىما كەڭشىلىك جاساعانىنا راقىمەت ايتامىن. شينجياڭعا دەگەن ادالدىعىما، ىستىق ىقىلاسىما قاشاندا شەك كەلتىرمەيمىن. ۋاقىتتىڭ وتۋىنە بايلانىستى مەنىڭ شينجياڭعا دەگەن سۇيىسپەنشىلىگىم مەن جولداستارعا دەگەن جاۋىنگەرلىك دوستىعىم نىعايا تۇسەدى.
مەيلى قايدا بارسام دا شينجياڭدى قىزۋ سۇيەمىن، شينجياڭعا نازار اۋدارىپ وتىرامىن، شينجياڭدى قولدايمىن، شينجياڭعا باقىت تىلەيمىن، شينجياڭداعى جولداستاردى ساعىنىشپەن ەسكە الىپ تۇرامىن. شينجياڭنىڭ ماڭگى ىنتىماقتى، ورنىقتى بولۋىن، گۇلدەنىپ - كوركەيە بەرۋىن، شينجياڭداعى ءار ۇلت حالقىنىڭ ماڭگى باقىتتى بولۋىن تىلەيمىن.
چىن چۋانگو: شي جينپيڭ جولداس باس شۋجي بولعان پارتيا ورتالىق كوميتەتىنىڭ قامقورلىعى مەن سەنىمىنە شىن جۇرەكتەن العىس ايتامىن، پارتيا ورتالىق كوميتەتىنىڭ قارارىن تولىق قولدايمىن، وعان باتىل بويسۇنامىن، - دەدى. چىن چۋانگو بىلاي دەدى: شينجياڭ − كوركەم دە كەرەمەت، ايگىلى ادامدار شىققان تاماشا جەر. ۇلان - بايتاق جەرى، ماڭىزدى ورنى، ۇزاق تاريحى، شۇعىلالى مادەنيەتى بار، ۇلتتارى بەرەكەلى، ءوزارا ارالاسىپ توعىسقان، بايلىعى مول، ەلدەن وزگەشە، قورشاعان ورتاسى كوركەم، تابيعاتى تاماشا، باسىمدىقتارى ايقىن، كومەسكى كۇشى زور. شينجياڭعا قىزمەتكە كەلگەنىمدە داڭقتى بورىش، ماڭىزدى جاۋاپكەرشىلىك ارقالاعانىمدى سەزىندىم. شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورنى بار، شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە بارىنشا ءمان بەرىپ، شينجياڭنىڭ ءتۇرلى ىستەرى قارىشتاپ العا باستى، نەگىزى، جاعدايى وتە جاقسى ەكەن، بويىمدى تولىق سەنىم، بەرىك بەكىم كەرنەدى. شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعى، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىنىڭ، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى ماڭىزدى ءسوزىنىڭ جانە شينجياڭدا قىزمەت تەكسەرگەندەگى ماڭىزدى نۇسقاۋىنىڭ رۋحىنىڭ قىبلاناماسى تۇرعاندا، بۇكىل ەلدەگى ءار ۇلت حالقىنىڭ قالتقىسىز كومەگى تۇرعاندا، اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، اسكەري رايون، بيڭتۋان سياقتى باسشىلىق القالاردىڭ پارمەندى قولداۋى تۇرعاندا، جاڭ چۇنشيان جولداس پەن اۆتونوميالى رايوندىق پارتكومنىڭ بۇرىنعى كەزەكتەردەگى باسشىلىق القالارى قالاعان مىعىم نەگىز تۇرعاندا، ساياسيدا تاباندى، قابىلەتى كۇشتى، ستيلى جاقسى پارتيالى كادرلار قوسىنىنىڭ قۋاتتى كەپىلى تۇرعاندا، بۇكىل رايونىمىزداعى 23 ميلليوننان استام ءار ۇلت حالقىنىڭ ىنتىماقتاسا كۇرەس جاساۋى تۇرعاندا، ءسوز جوق، شينجياڭنىڭ رەفورما جاسالعان، دامىعان، ورنىقتى تاماشا جاعدايىن ويداعىداي بەكەمدەپ، دامىتا الاتىندىعىمىزعا سەنەمىن.
چىن چۋانگو بىلاي دەدى: قازىردەن باستاپ شينجياڭ حالقىنىڭ ءبىر مۇشەسىمىن. مەن، ءسوز جوق، شي جينپيڭ جولداس باس شۋجي بولعان پارتيا ورتالىق كوميتەتىنىڭ قامقورلىعى مەن سۇيىسپەنشىلىگىن جەردە قالدىرماي، ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن شىن مانىندە كۇشەيتىپ، شي جينپيڭ جولداس باس شۋجي بولعان پارتيا ورتالىق كوميتەتىمەن ساپ تۇزەپ، يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ شارتسىز بەدەلىن باتىل قورعاپ، شارتسىز ادالدىقتى بۇلجىماي ساقتاپ، قوعامنىڭ ورنىقتىلىعىن تاباندىلىقپەن قورعاپ، ۇلتتار ىنتىماعىن تاباندىلىقپەن كۇشەيتىپ، ءدىن جاراسىمدىلىعىن تاباندىلىقپەن ىلگەرىلەتىپ، دامۋ ارقىلى حالىق تۇرمىسىنا تاباندىلىقپەن يگىلىك جەتكىزىپ، پارتيا قۇرىلىسىن تاباندىلىقپەن كۇشەيتەمىن. بيڭتۋاننىڭ ورنىقتىلىقتى قورعاۋداعى، شەكارانى قورعاۋداعى ەرەكشە ماڭىزدى رولىنا بارىنشا ءمان بەرىپ، ونى تولىق ساۋلەلەندىرەمىن. بۇرىنعى كەزەكتەردەگى اۆتونوميالى رايوندىق پارتكومنىڭ بۇكىل رايونداعى ءار ۇلت حالقىن باستاپ قول جەتكىزگەن جەتىستىكتەرى مەن تاجىريبەلەرىن بارىنشا قاستەرلەپ، وڭاي - وسپاق قول جەتپەگەن ورنىقتىلىقتىڭ، دامۋدىڭ تاماشا جاعدايىن بارىنشا قاستەرلەپ، قىزمەتتىڭ تۇراقتىلىعىن، باياندىلىعىن، ۇلاسپالىلىعىن ساقتاپ، اۋەلگى ماقساتتى ەستەن شىعارماي، ۇزدىكسىز العا ۇمتىلىپ، بەرەكەلى دە جاراسىمدى، گۇلدەنگەن باقۋاتتى، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا بار قايراتىمدى جۇمسايمىن.
چىن چۋانگو بىلاي دەدى: مەن باستان - اياق ساياسيدا تاباندى بولىپ، شارتسىز ادال بولىپ، قىزمەت بورىشىمدى ادا ەتىپ، ايانباي قىزمەت ەتىپ، جاۋاپكەرشىلىكتى باتىل ارقالاپ، بەلسەنە جۇمىس تىندىرىپ، ىنتىماقتاسا سەلبەسىپ، شىنايى يگەرىپ، ناقتى ىستەپ، قىزمەتتى قۇلشىنا ىستەپ، شىن پەيىلىممەن ۇلەس قوسىپ، ءادىل، كىرشىكسىز بولىپ، وزىمە قاتاڭ تالاپ قويامىن. باستان - اياق پارتيالىلىقتى دارىپتەۋگە، احىلاققا ءمان بەرۋگە، ونەگەلى بولۋعا، ۇلگى كورسەتۋگە تاباندى بولىپ، تۋراشىل، تازا بولامىن. بار ىنتا - پەيىلىممەن شىنايى ىستەپ، تامىر تارتىپ، شينجياڭنىڭ قوعام ورنىقتىلىعى مەن باياندى تىنىشتىق ىستەرىنە بار ىقىلاسىممەن ات سالىسىپ، بۇكىل رايونىمىزداعى ءار ۇلت حالقىمەن تىنىستاس، تاعدىرلاس، تىلەكتەس بولامىن. بۇكىل رايونىمىزداعى ءار ۇلت كادر - بۇقاراسىمەن بىرگە باس شۋجي شي جينپيڭنىڭ جەلىلەس ماڭىزدى سوزدەرىنىڭ، وتە - موتە، شينجياڭ قىزمەتى جونىندەگى ماڭىزدى نۇسقاۋىنىڭ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى ماڭىزدى ءسوزىنىڭ، شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، شينجياڭدى زاڭمەن جونگە سالۋعا، ىنتىماقتاسا شينجياڭدى ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، ءبىر نيەت، ءبىر تىلەكتە بولىپ، ىنتىماقتاسا كۇرەس جۇرگىزىپ، زەيىن - زەردە، كۇش - قۋاتتى شوعىرلاندىرىپ، قىزمەتتى تىڭعىلىقتى ىستەپ، شينجياڭنىڭ ءتىپتى جارقىن بولاشاعىن سومداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ايتارلىقتاي جازىپ، شي جينپيڭ جولداس باس شۋجي بولعان پارتيا ورتالىق كوميتەتىن الاڭسىز ەتىپ، بۇكىل رايونىمىزداعى ءار ۇلت حالقىن باقىتقا كەنەلتەمىن. ماجىلىستە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر: پارتيا ورتالىق كوميتەتىنىڭ قارارىن باتىل قولداپ، پارتيا ورتالىق كوميتەتىنىڭ لۋشيان، باعىت - ساياساتتارىن جانە ستراتەگيالىق ورنالاستىرۋلارىن كۇش سالا دايەكتى تياناقتاندىرامىز، - دەدى.
شوكىرات زاكىر بىلاي دەدى: جاڭ چۇنشيان جولداس 2010 - جىلى ساۋىردە شينجياڭعا قىزمەتكە كەلدى. 6 جىلدان استام ۋاقىتتان بەرى پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىندا، جاڭ چۇنشيان جولداس اۆتونوميالى رايوندىق پارتكومنىڭ باسشىلىق القاسىنداعىلاردى باستاپ، اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى سياقتى ءار جاقتاعى كۇشتەردى تولىق جۇمىلدىرىپ جانە ساۋلەلەندىرىپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ، سونداي - اق ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شينجياڭ قىزمەتى جونىندەگى ءبىر قىدىرۋ ماڭىزدى شەشىم - ورنالاستىرۋلارىنىڭ دايەكتى تياناقتاندىرىلۋىن قامتاماسىز ەتتى. «12 - بەسجىلدىق» جوبا مەزگىلى − شينجياڭنىڭ ءتۇرلى ىستەرى ەڭ تەز دامىعان، العا باسقان، ءار ۇلت بۇقاراسى ەڭ كوپ يگىلىككە كەنەلگەن 5 جىل ءارى ءار جاقتا تەرەڭ وزگەرىستەر جارىققا شىققان 5 جىل. 6 جىلدان استام ۋاقىتتان بەرى جاڭ چۇنشيان جولداس ءار سالاداعى، ءار جىكتەگى كادر - بۇقارامەن جاقىن سىرلاسىپ، ءار ۇلت بۇقاراسىمەن ەتەنە بارىس - كەلىس ورناتىپ، شينجياڭ سىندى ۇلان - بايتاق ولكەمەن جانە وسىندا جاساپ جاتقان ءار ۇلت حالقىمەن تەرەڭ سۇيىسپەنشىلىك ورناتتى.
شوكىرات زاكىر بىلاي دەدى: ورتالىقتىڭ چىن چۋانگو جولداستى اۆتونوميالى رايوندىق پارتكومنىڭ شۋجيلىگىنە تاعايىنداۋدى ۇيعارۋى پارتيا ورتالىق كوميتەتىنىڭ شينجياڭ قىزمەتىنە دەگەن قامقورلىعى مەن قولداۋىن تولىق ايگىلەدى. شينجياڭداعى ءار ۇلت كادر - بۇقاراسى پارتيا ورتالىق كوميتەتىنىڭ قارارىن باتىل قولدايدى. بۇكىل شينجياڭداعى ءار دارەجەلى پارتيا، ۇكىمەت جانە ءار ۇلت كادرلارى يدەيا مەن ارەكەتتى پارتيا ورتالىق كوميتەتىنىڭ قارارىنىڭ رۋحىمەن بىرلىككە كەلتىرىپ، پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاپ، چىن چۋانگو جولداس باستاعان اۆتونوميالى رايوندىق پارتكومنىڭ ىنتىماقتاستىرىپ باستاۋىندا، ورتالىقتىڭ شينجياڭدى جونگە سالۋ جالپى جوباسىن مۇقيات دايەكتى تياناقتاندىرىپ، شينجياڭنىڭ رەفورما، دامۋ، ورنىقتىلىعىنىڭ جاڭا جاعدايىن قۇلشىنا اشىپ، «قوس 100 جىل» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ۇلەستەرىن قوسۋى كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلارى، ورىنباسار ولكە دارەجەلىدەن جوعارى باسشىلىق مىندەتتە بولىپ دەمالىسقا، پەنسياعا شىققان ساقا جولداستار، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ، اۋە كۇشتەرىنىڭ ۇرىمجىدەگى بازاسىنىڭ نەگىزگى باسشىلارى، اۆتونوميالى رايونىمىزداعى ايماق، وبلىس، قالالاردىڭ، ءبولىم، كوميتەت، كەڭسە، مەڭگەرمە - مەكەمەلەردىڭ، حالىقتىق ۇيىمداردىڭ، جوعارى، تەحنيكۋم مەكتەپتەردىڭ، ءىرى، ورتا كاسىپورىنداردىڭ، ورتالىقتىڭ شينجياڭدا تۇراتىن ورىندارىنىڭ نەگىزگى جاۋاپتىلارى، اۆتونوميالى رايونعا توتە قاراستى 2 - دارەجەلى مەكەمەلەردىڭ نەگىزگى جاۋاپتىلارى، اۆتونوميالى رايونداعى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ نەگىزگى جاۋاپتىلارى، بيڭتۋاننىڭ ديۆيزيالارىنىڭ، ورگان، تاراۋلارىنىڭ، توتە قاراستى ورىندارىنىڭ نەگىزگى جاۋاپتىلارى ماجىلىسكە قاتىناستى.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
