- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ تەمىر جولىنىڭ جازعى تاسىمالى تابىستى بولدى
ءبىر كۇندىك جولاۋشى جونەلتۋ مولشەرى تاريحي رەكوردتى 9 رەت جاڭالادى
2016.09.02 13:33 كەلۋ قاينارى : شينجياڭ گازەتى
ءتىلشىمىز يۋان لەي 1 - قىركۇيەكتە ۇرىمجىدەن حابارلايدى. 1 - شىلدەدەن باستالعان جازعى تاسىمال 31 - تامىزدا سوڭىنا شىقتى، ءۇرىمجى تەمىر جول مەكەمەسىنىڭ جولاۋشى تاسىمال مولشەرى ءۇرتىس نەشە دۇركىن رەكورد جاڭالادى. جازعى جولاۋشى تاسىمال كەزىندە شينجياڭ تەمىر جولىنىڭ جولاۋشى جونەلتۋ مولشەرى كۇنىنە ورتا ەسەپپەن 100 مىڭ ادام - رەتكە جەتتى، جالپى جولاۋشى جونەلتۋ مولشەرى 6 ميلليون 986 مىڭ ادام - رەتكە جەتىپ، بىلتىرعىعا قاراعاندا %24.3 مولايىپ، بۇكىل ەل بويىنشا الدىڭعى قاتارعا ءوتتى؛ رايونىمىز ىشىندەگى جولاۋشى جونەلتۋ مولشەرى قاۋىرت ارتىپ، جولاۋشى جونەلتۋ مولشەرى 5 ميلليون 382 مىڭ ادام - رەتكە جەتىپ، سايكەس مەزگىلدەگىدەن %34.8 ارتتى؛ كۇندىك جولاۋشى جونەلتۋ مولشەرىن 111 مىڭ ادام - رەتتەن 136 مىڭ 100 ادام - رەتكە جەتكىزۋ بارىسىندا مەكەمە قۇرىلعاننان بەرگى ءبىر كۇندىك جولاۋشى جونەلتۋدىڭ رەكوردن ءۇرتىس 9 رەت جاڭالادى.
مامىر ايىندا تەمىر جول تاراۋلارى ساياحات پويەزىنىڭ جۇمىس كەستەسىن رەتتەپ، وڭتۇستىك، سولتۇستىك شينجياڭداعى باستى ءتۇيىندى قالالارعا قاتىنايتىن پويەزدىڭ رەت سانىن كوبەيتتى. كەزەكتە سولتۇستىك شينجياڭ باعىتىنداعى 5.15 جۇپ پويەز قۇلجا، كۇيتۇن، الاتاۋ ساعاسى سياقتى جەرلەر مەن ءۇرىمجى اراسىندا قاتىناپ، مەجەلى جەرگە تىكە جەتەتىن ەرەكشە تەز قارقىندى جولاۋشىلار پويەزى، قالا اراسىنداعى جولاۋشىلار پويەزى، تەز جىلدامدىقتى جولاۋشىلار پويەزى، جاي قارقىندى جولاۋشىلار پويەزى سياقتىلاردى نەگىز ەتكەن قاتىناس جاعدايىنىڭ توركوزدەنگەن جۇيەسىن قالىپتاستىرىپ، ءار ۇلت جولاۋشىلارىنىڭ تۇرلىشە دەڭگەيدەگى پويەزعا وتىرۋداي قاجەتىن قاناعاتتاندىردى؛ وڭتۇستىك شينجياڭداعى قاشقار ايماعىندا ەرەكشە تەز قارقىندى ساياحات پويەزى تۇڭعىش قاتىناپ، قاشقاردان حوتانعا دەيىنگى «ۇلتتار ىنتىماعى پويەزىنىڭ» بەلەت باعاسى وزگەرمەي، قارقىنى ارتتىرىلدى، قاشقاردان شانشيدىڭ باۋجي قالاسىنا تىكە باراتىن تەز قارقىندى پويەز تۇڭعىش قاتىناپ، قاشقار ايماعىنان ىشكى ولكەگە تىكە قاتىنايتىن جولاۋشىلار پويەزى بولماۋداي تاريحتى اياقتاتتى.
جازعى تاسىمال باستالعالى، «وڭتۇستىك شينجياڭ جۇلدىزى» مەن «سولتۇستىك شينجياڭ جۇلدىزى» اتتى كەزەكشى پويەزدەردىڭ كۇندىك جولاۋشى جونەلتۋ مولشەرىنىڭ ارتۋ سالىستىرماسى بىلتىرعى سول تۇستاعىدان %30 ارتتى، سولتۇستىك شينجياڭ مەن وڭتۇستىك شينجياڭداعى قاشقار، كورلا، اقسۋ، قۇلجا سياقتى نەگىزگى ۇلكەن ۆوكزالداردىڭ بيىل جازعى جولاۋشى جونەلتۋ مولشەرىنىڭ ارتۋ سالىستىرماسى بىلتىرعى سول تۇستاعىدان %40 ارتتى، ۇرىمجىدەن قاشقار، قۇلجا سياقتى جەرلەرگە باراتىن جولاۋشىلاردىڭ مولشەرى بىلتىرعى سول تۇستاعى مولشەردى ءبىر قاباتتادى.
ءۇرىمجى تەمىر جول مەكەمەسى «پويەزبەن شينجياڭدى ساياحاتتاۋ» اتتى ساياحات ماركاسى ستراتەگياسىن بەلسەندى ىلگەرىلەتۋىنىڭ ارقاسىندا، شينجياڭنان سىرت جەرلەرگە جانە شينجياڭ كولەمىندە قاتىنايتىن ساياحات پويەزدەرىنىڭ سانى قازىر 222گە جەتتى؛ «شينجياڭعا ەنگىزۋ» تەبىنىن كۇشەيتىپ، گۋاڭجوۋ، نانچاڭ، شاڭحاي، چىڭدۋ سياقتى جەرلەردەن كەلەتىن ساياحات پويەزىنەن 83ىن قابىلدادى. جازعى تاسىمال جۇمىسى اياقتاعاننان كەيىن دە، تاعى نەشە ونداعان قالادان ءبىرسىپىرا ساياحات پويەزدەرى شينجياڭعا كەلەدى.
وقۋ باستالىپ، مەكتەپكە قايتاتىن وقۋشىلار مەن شينجياڭعا جۇمىس ىستەۋگە كەلەتىن جولاۋشىلاردىڭ سانى ءبىرشاما كوپ بولاتىندىقتان، جازعى تاسىمالدىڭ سوڭعى مەزگىلىندە تەمىر جول تاراۋى ىشكى ولكەدەگى شينجياڭ تولىق ورتا كلاسىنىڭ وقۋشىلارىنا ارناپ ءۇرىمجى وڭتۇستىك پويەز ۆوكزالىنان شاڭحايعا باراتىن ارناۋلى پويەزدىڭ جانە شينجياڭعا كەلىپ ماقتا تەرەتىن جۇمىسكەرلەرگە ارنالعان ارناۋلى پويەزدىڭ، تۇرپان - اقسۋ ارالىعىنا قاتىنايتىن پويەزدىڭ سانىن كوبەيتەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
