- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ سىزدەردى قۇشاق جايا قارسى الادى
2016.09.02 13:36 كەلۋ قاينارى : شينجياڭ گازەتى
قىركۇيەك ايى شينجياڭنىڭ جانعا جايلى، گۇل - شوپتەرىنىڭ حوش ءيىسى بۇرقىراپ، قاۋىن - قاربىز، جەمىستەرىنىڭ پىسقان كەزى، جىل 12 ايداعى ەڭ تاماشا ماۋسىمى. التىن كۇزدىڭ ارايلى كۇنى سيلى قوناقتاردى شۋاعىنا شومىلدىرسا، تابيعاتىنىڭ تاماشا كورىنىسى ولاردى ءتانتى ەتەدى. 2016 - جىلعى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى سىندى «قوس كورمە» 2 - قىركۇيەكتەن 5 - قىركۇيەككە دەيىن شينجياڭدا سالتاناتپەن اشىلادى، بۇل شينجياڭنىڭ مەيماندوستىعى مەن ومىرشەڭدىگىن، اشىقتىعى مەن سەنىمىن، كوركەم دە سۇلۋ كەلبەتىن كۇللى جۇرتقا تاعى ءبىر رەت ايگىلەيدى.
شينجياڭ شار تاراپتان كەلگەن سيلى قوناقتاردى قۇشاق جايا قارسى الادى...
كوركەم شينجياڭ سىزدەردى قارسى الادى
20 - تامىزدا وتكىزىلگەن 25 - كەزەكتى جۇڭگو جىبەك جولى تۇرپان ءجۇزىم مەرەكەسىندە جانە تۇڭعىش كەزەكتى جىبەك جولى تۇرپان حالىقارالىق اسىل، عاجايىپ تاستار كورمەسىندە ءجۇزىم سورتىنىڭ 170 ءتۇرى كورمەگە قويىلىپ، جۇرتشىلىقتى تاڭداي قاقتىردى. ءدال سول كۇنى شينجياڭنىڭ تۇڭعىش كەزەكتى جىبەك جولى ءجۇزىم شارابى مەرەكەسى دە كورلا قالاسىندا وتكىزىلدى. سونىمەن بىرگە، ءۇرىمجى قالاسى دابانچىڭ رايونىنىڭ 5 - كەزەكتى كۇرەڭكەي مادەنيەت ساياحات مەرەكەسى جانە تۇڭعىش كەزەكتى كۋمجا بالىعى ءدامدى تاعامدار مەرەكەسىندە 200 مۋ جەردەگى گۇل اشقان كۇرەڭكەي مەن نەمىس تۇيمەداعى ساياحاتشىلاردىڭ ەركىن ارالاپ ۇزۋىنە بەرىلدى. المۇرت ءۇزۋ مەرەكەسى، جاڭعاق تەرۋ مەرەكەسى، انار ءۇزۋ مەرەكەسى، توراڭعى مەرەكەسى ىلگەرىندى - كەيىندى ءوتىپ جاتتى... تولىقسىز ساناقتىڭ ءوزى بىلتىر شينجياڭنىڭ جەر - جەرىندە وتكەن مەرەكەلىك قيمىلداردىڭ 180نەن اسقانىن كورسەتەدى.
ءۇرىمجى قالا تۇرعىندارى بيىل جاز ماۋسىمى كەلگەلى باسقا جەردىڭ اكسەنتىندە سويلەيتىن ساياحاتشىلاردىڭ مولايعانىن، تۇسەلحانا، قوناقسارايلاردىڭ جارناما تاقتاسىنان تيىمدىلىك جاساۋعا قاتىستى ينفورماتسيالاردىڭ ازايعانىن، شينجياڭعا قاتىنايتىن كەزەكشى ۇشاقتاردىڭ كوبەيگەنىن شىنايى سەزىندى...
ءدال وسىنداي مەرەكەلىك قيمىلدار مەن ساياحاتتىڭ قاۋىرت كوبەيگەن جاعدايى كورىكتى شينجياڭنىڭ تىڭ پاراعىنىڭ اشىلىپ، جۇرتشىلىقتىڭ شينجياڭعا كوبىرەك نازار اۋدارعانىن بەينەلەدى.
شينجياڭ −− ءان - ءبي مەكەنى، جەمىس - جيدەك مەكەنى، التىن - كۇمىس، اسىل تاس مەكەنى. جەرى بايتاق، اۋماعى كەڭ. دارقان دالاسى تۇنعان ىرىس؛ كورىكتى تاۋ - تاسى، ساعىم ويناعان سارى دالاسى شەتسىز دە شەكسىز؛ بايىرعى جۇرتتارى مول، ۇلتتارى كوپ مەكەن. ەلىمىزدە جالپى 68 ءتۇرلى ساياحات بايلىعى بار، مۇنىڭ 56 ءتۇرى شينجياڭدا بولىپ، ەلىمىز ساياحات بايلىعى ءتۇرىنىڭ %83ىن يەلەيدى. مۇندا تەڭىز دەڭگەيىنەن 8600 مەتر بيىكتىكتەگى دۇنيەنىڭ 2 - شىڭى، تەڭىز دەڭگەيىنەن 154 مەتر تومەن تۇراتىن جۇڭگونىڭ ەڭ تومەن ويپاتى؛ سان مىڭ شاقىرىمعا جوڭكىلە اعاتىن وزەنى، جاسىل ءپۇلىس جامىلعان كەڭ ساحاراسى، تاڭعاجايىپقا تولى ساعىم ويناعان سارى دالاسى، حيكىمەتتەرگە تولى ءشول دالاسى بار.
عالامات شينجياڭ سىزدەردى قارسى الادى
«مۇقام اسەرى» اتىنداعى كولەمدى ساحنالىق شىعارما بەيجيڭدەگى ميلانفاڭ تەاتر سارايىندا 19 - تامىز كۇنى كەشتە قويىلدى. از ۇلتتاردىڭ مەملەكەتتىك 5 - كەزەكتى ادەبيەت - كوركەمونەر بايقاۋىنا شينجياڭنىڭ سارا تۋىندىسى رەتىندە قاتىناسقان ءدال وسى كولەمدى ساحنالىق شىعارما كورەرمەندەردى تاڭداي قاقتىرىپ، ءتانتى ەتىپ، ءان - ءبيدىڭ مەكەنى بولعان شينجياڭدى كوڭىلىنە ۇيالاتتى.
شينجياڭدا تىرشىلىك ەتكەن ءار ۇلت حالقى اراسىندا پارىقتارعا قۇرمەتپەن قارايتىن، الۋان تۇرلىلىككە كەشىرىمشىل بولاتىن، ءبىر - بىرىنەن سۇيىنەتىن مادەنيەت ورتاق تانىمى قالىپتاسىپ، ءبىر تۇلعالى، كوپ نەگىزدى، توعىسپالى، اشىق شينجياڭ ەرەكشەلىگىندەگى وسى زامانعى مادەنيەت وزگەشەلىكتەرى قالىپتاستى. رايونىمىز وسى زامانعى مادەنيەتتى جەتەكشى ەتۋگە تاباندى بولدى، تۇتاس شينجياڭدا الەۋمەتتىك مادەنيەتكە قىزمەت وتەۋدىڭ 4 دارەجەلى جۇيەسى نەگىزىنەن ورنادى، شىعىس جەلى ينجەنەرياسى، اۋىل - قىستاق كىتاپ ءۇيى ينجەنەرياسى، اۋىل - قىستاقتاردا كينو قويۋ ينجەنەرياسى سياقتى ينجەنەريالارعا مول قارجى قوسىلدى. «شىنايى سۇيىسپەنشىلىك»، «انارحان»، «كورىكتى شينجياڭ»، «ماڭگىلىك ءماشىراپ» سياقتى ءبىر قىدىرۋ ادەبيەت - كوركەمونەر تۋىندىلارى مەملەكەتتىك سيلىقتارعا قول جەتكىزدى ءارى تۇتاس ەل كولەمىندە تاماشا اڭىس قوزعادى. «مۇقام اسەرى»، «تيانشانعا ماحاببات»، «جاپانداعى جاستىق ورال» اتىنداعى تەاترلار از ۇلتتاردىڭ مەملەكەتتىك 5 - كەزەكتى ادەبيەت - كوركەمونەر بايقاۋىنا قاتىناستىرىلىپ، ەرەكشە كوزگە ءتۇستى. «باتىس ءوڭىر كەشۋلەرى»، «جىبەك جولى ءان بايقاۋى» سىندى شينجياڭ ءان - ءبيىنىڭ «جاڭا ماركاسى» ساناتىندا ساياحات ىستەرى قاۋىرت كەزەڭگە وتكەن ۇرىمجىگە تىڭ ومىرشەڭدىك كۇش سيلاپ، ساياحاتشىلاردىڭ كوڭىل تۇكپىرىنە ەستەن كەتپەستەي ەستەلىك قالدىردى.
21 - تامىزدا شىمىلدىعى جابىلعان 4 - كەزەكتى جىبەك جولى شينجياڭ مادەنيەت جاسامپازدىق كاسىپ كورمەسىندە، جيىنى 152 مادەنيەت نىسانى بويىنشا كەلىسىم - شارت نەمەسە كەلىسىم جاسالىپ، جالپى كەلىسىم سوماسى 800 ميلليون يۋانعا جەتتى.
بۇل رەتكى «قوس كورمەنىڭ» شينجياڭدا تۇڭعىش وتكىزىلۋى شينجياڭ از ۇلتتارىنىڭ ەرەكشەلىگى ايرىقشا كۇشتى ءداستۇرلى دەنە تاربيە نىساندارى مەن قيمىلدارىن جان - جاقتى كورسەتەتىن ساحنا ۇسىندى. بايگە، جورعا، كوكبار، ات ۇستىندە ساداق اتۋ سياقتى اجەپتاۋىر ىقپالدى ۇلتتىق دەنە تاربيە، سپورت نىساندارى، قىزىعى كوپ اتەش تالاستىرۋ، قوشقار ءسۇزىستىرۋ، ۇلتتىق كۇرەس «چيليشىش»، داۋاز سياقتى اۋىل اراسىنىڭ، اتىز باسىنىڭ دۋمانى بولعان حالىقتىق سپورتتار مەن قويىلىمدارىنىڭ ءبارى «قوس كورمە» ساحناسىنان تولىق كورىنىس تابادى.
ومىرشەڭدىككە تولى شينجياڭ سىزدەردى قارسى الادى
12 - تامىزدا ءۇرىمجى ەكونوميكالىق اشۋ رايونىندا ۋاندا الاڭى سالتاناتپەن جۇمىس باستادى. سول كۇنى شامامەن 150 مىڭ ادام وسى جەرگە جينالدى. الەمدىك مودانىڭ بارلىق ەلەمەنتتەرىن دەرلىك جيعان الىپ ساۋدا كەمەسى ۇرىمجىدە سالتاناتپەن جەلكەن جايىپ، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى بولۋ تىلەگىنە تاعى ءبىر قادام جاقىنداۋىنا مۇمكىندىك بەردى.
12 - تامىز تۇستەن بۇرىن جوعارى جىلدامدىقتى تەمىر جولدىڭ ءۇرىمجى ۆوكزالى رەسمي ىسكە قوسىلدى. شينجياڭ بويىنشا ەڭ ۇلكەن، قۇرىلعىلارى ەڭ جاقسى، زەردەلىلىك دەڭگەيى ەڭ جوعارى كەشەندى قاتىناس تورابىنىڭ ىسكە قوسىلۋى ءۇرىمجىنى جوعارى جىلدامدىقتى تەمىر جول جاڭا داۋىرىنە ەنگىزىپ، جىبەك جولى ەكونوميكالىق بەلدەۋىندەگى وزەكتى رايوننىڭ كەشەندى قاتىناس تورابى قۇرىلىسىنىڭ كەلەلى ىلگەرىلەۋشىلىككە قول جەتكىزۋىنە مۇمكىندىك بەردى.
مەملەكەتتىك تەمىر جول تاراۋىنىڭ شينجياڭعا كىرەتىن ساياحات ارناۋلى پويەزىنىڭ قاتىناۋى مەملەكەتتىڭ «ءبىر بەلدەۋ، ءبىر جول» دامۋ ستراتەگياسىن ىسكە اسىرۋمەن بىرگە، شينجياڭ ساياحات كاسىبىنىڭ دامۋىنا دا سەرپىن بەردى. شىنجىننان ۇرىمجىگە توتە كەلەتىن ەرەكشە تەز پويەزدىڭ تۇڭعىش قاتىناۋى، حيلۇڭجياڭنان شينجياڭعا توتە كەلەتىن جولاۋشىلار پويەزى بولماۋ تاريحىن اياقتاتۋى سياقتىلار شينجياڭ ساياحاتىن قىزدىرا ءتۇستى.
شينجياڭ جۇڭگونىڭ ورتا ازياعا، باتىس ازياعا جانە ەۆروپاعا ەڭ جاقىن رايونى، ۇرىمجىدەن ورتا ازيانىڭ، باتىس ازيانىڭ جانە رەسەيدىڭ كوپتەگەن قالالارىنا ۇشۋ ۋاقىتى 5 ساعاتتان اسپايدى. وڭتۇستىك اۆياتسيا سەرىكتەستىگى قوسىلعاننان بەرى، وڭتۇستىك اۆياتسيا سەرىكتەستىگىنىڭ شينجياڭ بولىمشەسى بۇرىن بولماعان قارقىنمەن شينجياڭنان الەمنىڭ ءار شالعايىنا باراتىن قاقپا اشتى.
كەزەكتە شىعىستا ىشكى ولكەلەرمەن بايلانىسىپ، باتىستا ورتا ازياعا، باتىس ازياعا، ەۆروپاعا ىقپال جاسايتىن كەشەندى قاتىناس - تاسىمال جۇيەسى قالىپتاسۋ ۇستىندە.
سوڭعى ءبىر مەزگىلدەن بەرى، «ءبىر بەلدەۋ، ءبىر جولدى» تاقىرىپ ەتكەن ءتۇرلى حالىقارالىق، ەل ءىشى تالقى مىنبەرلەرى شينجياڭنىڭ ءىرى قالالارىندا ءجيى كورىنىس بەرىپ، دۋماندى وتكىزىلەتىن بولدى. شينجياڭ اشىق، باۋىرمال بولۋ، بىرگە اقىلداسىپ، بىرگە قۇرۋ، ءوزارا پايدا جەتكىزىپ، تەڭ ۇتۋ پرينسيبىن ۇستانىپ، جوعارى دەڭگەيلى تالقى مىنبەرىن وتكىزۋ، ياكي جوعارى دەڭگەيلى مەرەكە - جينالىستار اشۋ ارقىلى سىرتتىڭ شينجياڭدى ىشكەرىلەي تۇسىنۋىنە تەرەزە اشتى.
شينجياڭ سىزدەردى قۇشاق جايا قارسى الادى!
13 - تامىزدا ەل ءىشى - سىرتى ساياحاتشىلارى چەرچەن اۋدانىندا قۇمدى ءشول مادەنيەتىنەن ءلاززات الۋدا. ۇعىسۋىمىزشا، الدىڭعى جارتى جىلدا اۆتونوميالى رايونىمىز ەل ءىشى - سىرتىنان 26 ميلليون 346 مىڭ (رەت) ساياحاتشى قابىلداعان، بۇل وتكەن جىلعى سايكەس مەزگىلدەن ٪15.5 ارتقان؛ ەل ءىشى ساياحاتىنىڭ جالپى تۇتىنۋ سوماسى 34 ميلليارد 480 ميلليون يۋانعا جەتىپ، وتكەن جىلعى سايكەس مەزگىلدەن ٪16.8 ارتقان. شەكارادان كىرگەن ساياحاتشىلاردان 728 مىڭ 300 ادام (رەت) قابىلداپ، وتكەن جىلعى سايكەس مەزگىلدەن ٪1.9 ارتقان. سۋرەتتى ءتىلشىمىز حان لياڭ تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
