- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دەنە تاربيەنىڭ دامۋىن ىلگەرىلەتۋگە شينجياڭنىڭ ۇلەسىن قوسايىق
2016.09.05 13:46 كەلۋ قاينارى : شينجياڭ گازەتى
− 2016 - جىلعى جۇڭگو دەنە تاربيە مادەنيەت كورمەسىنىڭ، جۇڭگو دەنە تاربيە ساياحات كورمەسىنىڭ اشىلۋىن قىزۋ قارسى الامىز
التىن كۇز. جەمىس - جيدەك ءيىسى اڭقىعان كەز. كوركەم شينجياڭ سالتاناتتى جينالىستى قۋانىشپەن قارسى الۋدا.
2016 - جىلعى جۇڭگو دەنە تاربيە مادەنيەت كورمەسىنىڭ، جۇڭگو دەنە تاربيە ساياحات كورمەسىنىڭ شىمىلدىعى 2 - قىركۇيەكتە ۇرىمجىدە سالتاناتپەن اشىلدى. بۇل بۇكىل مەملەكەتتەگى دەنە تاربيە سالاسىنىڭ، مادەنيەت سالاسىنىڭ جانە ساياحات سالاسىنىڭ سالتاناتتى مەرەي تويى. شينجياڭداعى 23 ميلليوننان استام ءار ۇلت حالقى قۇشاق جايىپ، جۇڭگو مەن شەتەلدەن كەلگەن قوناقتاردى شىن پەيىل، ىستىق ىقىلاسپەن قارسى الدى. كەلەسى بىرنەشە كۇندە، ءبىز دەنە تاربيە، مادەنيەت، ساياحات سياقتى كوپ سالاداعى ارتىقشىلىعىمىزدى جان - جاقتى، كوپ ساتىدا كورسەتىپ، اۋىس - كۇيىس، سەلبەستىك جاساسىپ، دەنە تاربيە سالاسىنىڭ وڭىرلىك سەلبەستىگىندەگى تىڭ ىلگەرىلەۋشىلىگىن جۇزەگە اسىرىپ، دەنە تاربيە مادەنيەتىنىڭ، دەنە تاربيە ساياحاتىنىڭ جانە دەنە تاربيە سالاسىنىڭ توعىسا دامۋىن جەبەپ، دەنە تاربيەدە مىعىم ەل، سالاماتتى جۇڭگو قۇرۋعا شينجياڭنىڭ ۇلەسىن قوسامىز.
جۇڭگو دەنە تاربيە مادەنيەت كورمەسى، دەنە تاربيە ساياحات كورمەسى سالاماتتى جۇڭگو قۇرىلىسىن جەبەۋدىڭ ماڭىزدى شاراسى، سونداي - اق ەلىمىزدىڭ دەنە تاربيە ىستەرىندەگى تابىستارىن كورسەتۋدىڭ، دەنە تاربيە گۋمانيتارلىق بارىس - كەلىسىن جاساۋدىڭ ماڭىزدى تۇعىرى. جۇڭگو دەنە تاربيە مادەنيەت كورمەسى 2011 - جىلى وتكىزىلە باستاعاننان بەرى 6 جىل ءوتتى. 6 جىلدان بەرى كورمە جۇڭحۋانىڭ دەنە تاربيە رۋحىن اسقاقتاتۋ، جۇڭحۋانىڭ وزىق مادەنيەتىن جالعاستىرۋ، دەنە ت−اربيە مادەنيەتىنىڭ جەمىستەرىن كورسەتۋ، دەنە تاربيە سالاسىنىڭ دامۋىن جەبەۋ سياقتى جاقتاردا ب−ەلسەندى ۇلەس قوستى. 2007 - جىلى وتكىزىلە باستاعان جۇڭگو دەنە تاربيە ساياحات كورمەسى حالىقارالانۋدى، ارنايىلانۋدى، بولاشاقتى كوزدەۋدى جانە بازار مەحانيزمىمەن جۇمىس جۇرگىزۋدى دامۋ باعىتى ەتىپ، ەلىمىزدىڭ دەنە تاربيە ساياحات سالاسىنىڭ دامۋىن پارمەندى جەبەپ، جاڭا ەكونوميكالىق ارتۋ تۇيىندەرىن ازىرلەدى. «قوس كورمە» ءبىر ۋاقىتتا، ءبىر جەردە قوسىلىپ وتكىزىلگەننەن كەيىن، كورمە يدەياسى ءتىپتى دە كەڭەيىپ، قامتىعان سالاسى ءتىپتى مولايىپ، ايگىلەگەن مازمۇنى ءتىپتى دە بايىپ، تۋدىرعان قوعامدىق ونىمدىلىگى دە كوپ جاقتىڭ نازارىن اۋدارىپ، كوپ جاقتىڭ بارىس - كەلىس، سەلبەستىك جاساسىپ، تەڭ ۇتاتىن تاماشا تۇعىرىنا اينالۋدا. بۇل رەتكى «قوس كورمەنىڭ» تۇڭعىش رەت باتىس سولتۇستىككە كوشىپ، شينجياڭعا تياناقتاۋى پارتيا مەن مەملەكەتتىڭ شينجياڭعا دەگەن ايرىقشا سەنىمى مەن پارمەندى قولداۋىن ايگىلەدى، سونىمەن بىرگە، بۇل شينجياڭ دەنە تاربيە كاسىپ سالاسىنىڭ دارا باسىمدىعىن تۇراقتاندىرۋ بولىپ تابىلادى. شينجياڭنىڭ وڭىرلىك باسىمدىعى كورنەكتى، تابيعي بايلىقتارى مول، گۋمانيتارلىق بايلىقتارى شوعىرلى، از ۇلتتاردىڭ ءداستۇرلى دەنە تاربيە مادەنيەتى الۋان ءتۇرلى، وندا دەنە تاربيە سالاسىن دامىتۋدىڭ تاماشا نەگىزى جانە شارت - جاعدايى بار.
سوڭعى جىلدارى، اسىرەسە، «ءبىر بەلدەۋ، ءبىر جول» ستراتەگياسى اتقارىلعاننان بەرى، شينجياڭ كورشىلەس ەلدەرمەن، ولكە، رايوندارمەن دەنە تاربيە، مادەنيەت، ساياحات سياقتى سالالارداعى اۋىس - كۇيىستى، سەلبەستىكتى ۇزدىكسىز كۇشەيتتى، بۇكىل رايوندا بۇقارالىق دەنە تاربيە قارقىندى دامىپ، سپورتتاعى باسەكەلىك قۋات كورنەكتى جوعارىلاپ، دەنە تاربيە سالاسى، دەنە تاربيە ىستەرى جەدەل، اقاۋسىز دامۋ بەتالىسىن ايگىلەدى. مەملەكەتتىك 13 - كەزەكتى قىسقى سپورت جارىسىنىڭ تابىستى وتكىزىلۋى شينجياڭنىڭ كولەمدى سپورت جارىسى قيمىلدارىن، كورمەلەرىن وتكىزۋ قابىلەتى مەن دەڭگەيىن تىڭ ساتىعا كوتەرىپ، شينجياڭنىڭ دەنە تاربيە مادەنيەتى، دەنە تاربيە ساياحاتى سالاسىنىڭ وسى زامانعى قىزمەت وتەۋ كاسىبىنىڭ ماڭىزدى قۇرامداس بولىگىنە اينالۋىن جانە ەكونوميكانىڭ جاڭا ارتۋ ءتۇيىنىنىڭ قالىپتاسۋىن جەدەل ىلگەرىلەتتى. وسى كەزەكتى «قوس كورمەنىڭ» وتكىزىلۋى، ارينە، دەنە تاربيەنىڭ كوپ نەگىزدى فۋنكتسياسىنىڭ ونان ارى ساۋلەلەنۋى مەن تارالۋىنا مۇمكىندىك جاساپ، دەنە تاربيە سالاسى مەن باسقا سالالاردىڭ ونان ارى توعىسۋىن جەبەپ، شينجياڭنىڭ ىشكى ولكە، قالا، رايونداردىڭ، كورشىلەس مەملەكەتتەردىڭ دەنە تاربيە سالالارىمەن بارىس - كەلىسىن جانە توعىسۋىن جەبەپ، دەنە تاربيەنىڭ دامۋىن ىلگەرىلەتۋگە شينجياڭنىڭ ۇلەسىن قوسادى. سونىمەن بىرگە، وسى مەملەكەت دارەجەلى تۇعىردا، شينجياڭ مادەنيەتىنىڭ، ساياحاتىنىڭ، ۇلتتىق سالت - ءداستۇرىنىڭ وزگەشە كەرەمەتى دە ونان ارى ايگىلەنىپ، شينجياڭ سىندى جىبەك جولىنداعى جاقۇت ونان ارى جارقىراي تۇسەدى.
دەنە تاربيە سالاسىن بار كۇشپەن دامىتۋ جاڭاشا ەكونوميكانى دامىتۋدىڭ، ەكونوميكالىق قۇرىلىمدى رەتتەۋ مەن دامۋ تاسىلىنە بۇرىلىس جاساۋدى جەبەۋدىڭ، جاڭا كاسىپ فورماتسيالارىن قالىپتاستىرۋدىڭ، جۇمىسقا ورنالاسۋدى ىلگەرىلەتۋدىڭ، كوپ ءتۇرلى تۇتىنۋ سۇرانىسىن قاناعاتتاندىرۋدىڭ، حالىقتىڭ تۇرمىس ساپاسىن جوعارىلاتۋدىڭ ماڭىزدى جولى. وسى كەزەكتى «قوس كورمەگە» قاتىسقان كاسىپورىن، قاتىسقان ادام سانى تۇگەلدەي تىڭ دەڭگەيگە كوتەرىلىپ، كورمەگە قاتىسۋ كولەمى بۇرىنعى كەزەكتەردەن اسىپ ءتۇستى. بۇكىل شينجياڭنىڭ جەر - جەرى وسى ورايدى مىقتى يگەرىپ، شينجياڭنىڭ ەرەكشە وڭىرلىك باسىمدىعىن، وزگەشە تابيعي كورىنىستەرىن، تاماشا قارجى قوسۋ ورتاسىن ۇگىتتەپ، شينجياڭنىڭ ۇزاق تاريحىن، شۇعىلالى مادەنيەتىن، ىنتىماقتى، جاراسىمدى، ورنىقتى جاعدايىن ايگىلەپ، ەكونوميكالىق، قوعامدىق دامۋ ءۇشىن ءتىپتى دە كەڭ ءورىس جانە ساحنا ازىرلەۋگە قۇلشىنۋى كەرەك. سونىمەن بىرگە، شار تاراپتان كەلگەن قوناقتار مەن دوستاردىڭ وسى كەزەكتى «قوس كورمەنى» دانەكەر جانە تۇعىر ەتىپ، شينجياڭدى ۇگىتتەۋىن، شينجياڭدى تانىستىرۋىن، شينجياڭدى قولداۋىن، شينجياڭنىڭ دەنە تاربيە ىستەرى مەن باسقا دا ىستەرىنىڭ دامۋىنا ءتىپتى دە كوپ قولداۋ جانە كومەك كورسەتۋىن ءۇمىت ەتەمىز.
وسى كەزەكتى «قوس كورمەنىڭ» تابىستى بولۋىنا تىلەكتەسپىز!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
