- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەڭ جوعارى حالىق پروكۋراتۋراسى، اۆتونوميالى رايوندىق پارتكوم اتاق بەرۋ، سيلاۋ جينالىسىن اشىپ
ديڭ ديانچينگە مەملەكەتتىك ۇلگىلى پروكۋرور، تاڭداۋلى كومپارتيا مۇشەسى داڭقتى اتاعىن بەردى
ساۋ جيانميڭ، چىن چۋانگو ءسوز سويلەدى، شوكىرات زاكىر جينالىستى باسقاردى، ۋاڭ شاۋفىڭ سيلاۋ قارارىن وقىدى
2016.09.06 16:18 كەلۋ قاينارى : شينجياڭ گازەتى
ءتىلشىمىز ياۋ تۇڭ 5 - قىركۇيەكتە ۇرىمجىدەن حابارلايدى. بۇگىن تۇستەن بۇرىن، ەڭ جوعارى حالىق پروكۋراتۋراسى، اۆتونوميالى رايوندىق پارتكوم ۇرىمجىدە اتاق بەرۋ، سيلاۋ جينالىسىن اشىپ، سانجى حۇيزۋ اۆتونوميالى وبلىستىق حالىق پروكۋراتۋراسى پارتگرۋپپاسىنىڭ مۇشەسى، ورىنباسار باس پروكۋرور ديڭ ديانچين جولداسقا «مەملەكەتتىك ۇلگىلى پروكۋرور» جانە «اۆتونوميالى رايوننىڭ ۇلتتار ىنتىماعىنداعى، العاباسارلىعىنداعى تاڭداۋلى كومپارتيا مۇشەسى» داڭقتى اتاعىن بەردى. ەڭ جوعارى حالىق پروكۋراتۋراسى پارتگرۋپپاسىنىڭ شۋجيى، باس پروكۋرور ساۋ جيانميڭ، اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىستى جانە ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اتاق بەرۋ، سيلاۋ جينالىسىن باسقاردى. ەڭ جوعارى حالىق پروكۋراتۋراسى پارتگرۋپپاسىنىڭ مۇشەسى، ساياسي ءبولىمىنىڭ مەڭگەرۋشىسى ۋاڭ شاۋفىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، ەڭ جوعارى حالىق پروكۋراتۋراسىنىڭ «ديڭ ديانچين جولداسقا <مەملەكەتتىك ۇلگىلى پروكۋرور> داڭقتى اتاعىن بەرۋ جونىندەگى قارارىن» وقىدى. اۆتونوميالى رايون باسشىلارىنان جۋ حايلۇن، شيۇڭ شۋانگو، پىڭ جيارۇي، گو ليانشان قاتارلىلار جينالىسقا قاتىستى.
پروكۋرورلىق جۇمىسپەن اينالىسقان 35 جىلدان بەرى، ديڭ ديانچين وتانىمىزدىڭ باتىس سولتۇستىك شەكارا وڭىرىنە تامىر تارتىپ، حالىق پروكۋرورىنىڭ بورىشىن ەسىندە بەرىك ساقتاپ، زاڭدىق باقىلاۋ قىزمەت جاۋاپكەرشىلىگىن ادالدىقپەن اتقارىپ، جەمقورلىقتى جازالاپ، قياناتشىلدىقتى تەكتەپ، جاۋاپكەرشىلىكتى باتىلدىقپەن ارقالاپ، بۇقاراعا كوڭىل ءبولىپ، حالىققا قىزمەت ەتىپ، كوپتىڭ قامىن ويلاپ، ءوز كاسىبىن ارداقتاپ، قۇلشىنا قىزمەت ەتىپ، جاي قىزمەت ورنىندا كەرەمەت ناتيجەگە قول جەتكىزدى. ديڭ ديانچينگە 2006 - جىلى ەڭ جوعارى حالىق پروكۋراتۋراسى 1 - دارەجەلى ەڭبەك جازدى؛ 2015 - جىلى مەملەكەتتىك تۇڭعىش كەزەكتى «ادىلدىك كۇزەتشىسى − بۇقارا ەڭ ۇناتقان پروكۋرور» بولىپ باعالاندى؛ 2016 - جىلى ادام كۇشى بايلىعى جانە قوعامدىق قامتاماسىزداندىرۋ مينيسترلىگى، ەڭ جوعارى حالىق پروكۋراتۋراسى، اۆتونوميالى رايوندىق پارتكوم وعان ىركەس - تىركەس «مەملەكەتتىك ۇلگىلى پروكۋرور»، «اۆتونوميالى رايوننىڭ ۇلتتار ىنتىماعىنداعى، العا - باسارلىعىنداعى تاڭداۋلى كومپارتيا مۇشەسى» سياقتى داڭقتى اتاقتار بەردى.
ساۋ جيانميڭ بىلاي دەدى: ديڭ ديانچين جولداس جاڭا داۋىردەگى كوممۋنيستىك پارتيا مۇشەلەرى اراسىنداعى كوپتىڭ قامىن ويلاۋدىڭ، حالىق ءۇشىن ۇكىمەت ىسىندە پاك بولۋدىڭ ۇزدىك ۋاكىلى، حالىق پروكۋرورلارىنىڭ بورىشىنا ادال بولىپ، جاۋاپكەرشىلىكتى باتىلدىقپەن ارقالاۋدىڭ تاڭداۋلى ۇلگىسى، بارلىق پروكۋرورلاردىڭ ۇيرەنۋ ونەگەسى.
بۇكىل مەملەكەتتەگى پروكۋراتۋرا ورگاندارى، اسىرەسە، شينجياڭداعى پروكۋراتۋرا ورگاندارى ديڭ ديانچين جولداستان ۇيرەنۋ قيمىلىن ىشكەرىلەي ورىستەتىپ، بارلىق پروكۋراتۋرا قىزمەتكەرلەرىن مۇرات شام - شىراعىن جاعىپ، رۋحاني «كالتسيدى» تولىقتاپ، اۋەلگى ماقساتتى ەستەن شىعارماي، ۇدەرە العا باسۋعا، ىسىلعان پروكۋراتۋرا قوسىنىن قۇلشىنا قۇرۋعا باستاۋ كەرەك.
ساۋ جيانميڭ مىنالاردى باسا دارىپتەدى: مۇرات - سەنىمدەگى ساياسي تاباندىلىقتى ساقتاپ، قاشاندا پارتيا مەن حالىقتىڭ ادال قورعاۋشىسى بولۋىمىز كەرەك. قالىڭ پروكۋراتۋرا قىزمەتكەرلەرى ديڭ ديانچين جولداستى ۇلگى ەتىپ، ادالدىق تاربيەسىن جانە امالياتتىق قيمىلىن تىڭعىلىقتى ورىستەتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ۇزدىكسىز كۇشەيتىپ، «ءتورتتى جاپپاي ورىنداۋ» ستراتەگيالىق ورنالاستىرۋى مەن قوعام ورنىقتىلىعى، باياندى تىنىشتىق سىندى باس نىسانانى مىقتى يگەرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ساياسيدى دارىپتەيتىن، مۇرات - سەنىمى بار، ادالدىقتى قۋاتتايتىن سەنىمدى ساياسي - زاڭ كادر - ساقشىلارىنان بولۋعا سانالىلىقپەن ۇمتىلۋلارى كەرەك.
ساۋ جيانميڭ مىنالاردى اتاپ كورسەتتى: پارتيانىڭ ۇلت ساياساتىن جاپپاي دايەكتىلەندىرىپ، ءادىليانى حالىق ءۇشىن جۇرگىزۋگە تاباندى بولىپ، ۇلتتار ىنتىماعىن قورعاپ، ءار ۇلتتىڭ ىرىس - باقىتىن مولايتۋ كەرەك. قالىڭ پروكۋراتۋرا قىزمەتكەرلەرى، اسىرەسە، ۇلتتىق رايونداردا قىزمەت ىستەيتىن پروكۋراتۋرا قىزمەتكەرلەرى ديڭ ديانچين جولداس سياقتى ءادىليانى حالىق ءۇشىن جۇرگىزۋ مەن ۇلتتار ىنتىماعىن قورعاۋدى ەتەنە بىرلىككە كەلتىرىپ، ءار ۇلت بۇقاراسىنىڭ ءتۇبىرلى مۇددەسىن جۇزەگە اسىرۋدى، جاقسى قورعاۋدى، جاقسى دامىتۋدى ءبىرىنشى ورىنعا قويىپ، زاڭدىق باقىلاۋ قىزمەت فۋنكتسيالارىن ادالدىقپەن اتقارىپ، ءار ۇلت حالقىنىڭ تاتۋلىعىن، بىلەك بىرىكتىرىپ، تىزە قوسۋىن، جاراسىمدى دامۋىن قۇلشىنا جەبەۋ كەرەك.
ساۋ جيانميڭ مىنالاردى باسا دارىپتەدى: اركىم ءوز قىزمەت جاۋاپكەرشىلىگىن ادا ەتۋى، جاۋاپكەرشىلىكتى باتىلدىقپەن ارقالاۋى، ءوز جاۋاپكەرشىلىگىن ءبىلۋى، پارتيا مەن مەملەكەتتىڭ جالپى جاعدايى اياسىندا ءوز قىزمەتتەرىن قايراتتانا ىستەۋى كەرەك. قالىڭ پروكۋراتۋرا قىزمەتكەرلەرى ديڭ ديانچين جولداستى ونەگە تۇتىپ، پارتيا مەن حالىقتىڭ كۇتكەن ءۇمىتىن قىزمەت مىندەتىن اتقارۋدىڭ بەتالىسى ەتىپ، قاتەرلەردەن ساقتانۋدى جانە مەڭگەرۋدى، دامۋعا قىزمەت ەتۋدى ماڭىزدى ساياسي جاۋاپكەرشىلىگىمىز دەپ تانىپ، قوعام ورنىقتىلىعى مەن باياندى تىنىشتىق سىندى ءبىرىنشى شەپتە سىن - سايىستاردى ىرىقتىلىقپەن قارسى الىپ، جاعدايى كۇردەلى، قايشىلىقتار شوعىرلانعان جەرلەرگە بارىپ قيىن ماسەلەلەردى شەشىپ، تىنىش جۇڭگونىڭ، زاڭمەن جونگە سالىناتىن جۇڭگونىڭ قۇرىلىسشىلارىنان جانە قورعاۋشىلارىنان بولۋعا قۇلشىنىپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن كۇش سالا جۇزەگە اسىرۋ كەرەك.
ساۋ جيانميڭ مىنانى اتاپ كورسەتتى: ءادىليانىڭ قابىلەت قۇرىلىسىن كۇشەيتىپ، كاسىپتىك ساپا مەن كاسىپتىك ورەنى ۇزدىكسىز جوعارىلاتۋ كەرەك. پروكۋراتۋرا قىزمەتكەرلەرى ديڭ ديانچين جولداستان ۇيرەنىپ، پروكۋراتۋرا قىزمەتىنىڭ كاسىپتىك تالابى مەن كاسىپتىك ەرەكشەلىگىن شىعار ءتۇيىن ەتىپ، جاڭا بىلىمدەردى، تىڭ ونەرلەردى ۇيرەنۋگە ءمان بەرىپ، جالپى جاعدايدى دۇرىس تانۋ جانە يگەرۋ قابىلەتىن، زاڭمەن جونگە سالۋ ويىنان جانە زاڭمەن جونگە سالۋ تاسىلىنەن پايدالانىپ قىزمەت ورىستەتۋ قابىلەتىن، كۇردەلى جاعدايعا توتەپ بەرۋ قابىلەتىن، بۇقارالىق قىزمەت قابىلەتىن، عىلىم - تەحنيكادان پايدالانۋ قابىلەتىن جانە قوعامدىق قارىم - قاتىناس قابىلەتىن زور كۇشپەن ءوسىرىپ، پارتيا مەن حالىق جۇكتەگەن جاۋاپكەرشىلىك پەن بورىشتى اناعۇرلىم ويداعىداي وتەۋ كەرەك.
ساۋ جيانميڭ مىنانى تالاپ ەتتى: وسكەلەڭ رۋحاني تالپىنىستا بولا وتىرىپ، كوممۋنيستەردىڭ جەمقورلىقتان باس تارتاتىن، جەمقورلىققا جولامايتىن ساياسي قاسيەتىن ماڭگى ساقتاۋ كەرەك. پروكۋراتۋرا قىزمەتكەرلەرى ديڭ ديانچين جولداستان ۇيرەنىپ، دۇرىس ۇقىق كوزقاراسىن بەرىك ورناتىپ، حالىقتان يمەنىپ، ۇيىمنان يمەنىپ، زاڭ - تارتىپتەن يمەنىپ، ۇقىقتان ءادىل پايدالاناتىن، ۇقىقتى زاڭ بويىنشا پايدالاناتىن، ۇقىقتى حالىق ءۇشىن پايدالاناتىن، ۇقىقتان پاك پايدالاناتىن بولۋ كەرەك؛ وسكەلەڭ رۋحاني تالپىنىستى ساقتاپ، پاك وتباسى ستيلىن ورناتۋ، پاك سالتتى، دۇرىس ستيلدى ءىس جۇزىندىك ارەكەتىمەن قورعاۋ، زاڭمەن جونگە سالۋدىڭ جان تامىرىن قورعاۋ كەرەك.
چىن چۋانگو بىلاي دەدى: ادام كۇشى بايلىعى جانە قوعامدىق قامتاماسىزداندىرۋ مينيسترلىگى، ەڭ جوعارى حالىق پروكۋراتۋراسى ديڭ ديانچين جولداسقا «مەملەكەتتىك ۇلگىلى پروكۋرور» داڭقتى اتاعىن بەرىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن، شينجياڭداعى پارتيالى كادرلار مەن ءار ۇلت جۇرتشىلىعىنا دەگەن شىنايى قامقورلىعىن تولىق بەينەلەدى، ەڭ جوعارى حالىق پروكۋراتۋراسىنىڭ شينجياڭنىڭ پروكۋراتۋرا ىستەرىنە، شينجياڭنىڭ پروكۋراتۋرا جۇيەسىندەگى كادرلار مەن قىزمەتكەرلەرگە دەگەن تەرەڭ ىقىلاسىن تولىق بەينەلەدى، بۇل ديڭ ديانچين جولداستىڭ جەكە ءوزىن ماراپاتتاۋ عانا بولماستان، شينجياڭنىڭ ساياسي - زاڭ قوسىنى مەن پارتيالى كادرلاردىڭ، ءار ۇلت جۇرتشىلىعىنىڭ ورتاق ابىرويى، سونداي - اق ءبىزدى شابىتتاندىرۋ جانە جەبەۋ بولىپ تابىلادى.
چىن چۋانگو مىنانى اتاپ كورسەتتى: ديڭ ديانچين جولداس نەشە 10 جىلدى ءبىر كۇندەي وتكىزىپ، قاشاندا سەنىمدى بەكەمدەپ، مىندەتىن ادالدىقپەن وتەدى، قاشاندا ىرىقتىلىقپەن ارەكەتتەنىپ، باتىلدىقپەن اۋىر جۇك ارقالادى، قاشاندا ۇزدىكسىز كەمەلدەنىپ، ۇزدىك بولۋعا تالپىندى، قاشاندا ىنتىماقتى قورعاپ، بۇكىل ىنتا - پەيىلىمەن حالىقتىڭ قامىن ويلادى، قاشاندا ءوزىن قاتاڭ تەجەپ، وزىنە قاتاڭ تالاپ قويىپ، پروكۋراتۋرا كادرلارىنىڭ ادال، كىرشىكسىز، جاۋاپتى بولۋداي ساياسي قاسيەتىن ءىس جۇزىندىك ارەكەتىمەن بەينەلەپ، كوممۋنيستەردىڭ حالىق ءۇشىن ناقتى ىستەر ىستەيتىن، پاك بولاتىن وسكەلەڭ وبرازىن سومداپ، ءار ۇلت جۇرتشىلىعىنىڭ كەڭ كولەمدى القاۋىنا جانە قۇپتاۋىنا يە بولىپ، «ەكىنى ۇيرەنۋ، ءبىر بولۋ» ۇيرەنۋ - تاربيەسىن ىشكەرىلەي ورىستەتۋىمىز ءۇشىن ەڭ رەال، ەڭ وبرازدى، ەڭ كورنەكتى ۇلگى بولدى. تۇتاس رايونىمىزداعى پارتيالى كادرلار ەڭ جوعارى حالىق پروكۋراتۋراسىنىڭ ديڭ ديانچين جولداسقا «مەملەكەتتىك ۇلگىلى پروكۋرور» داڭقتى اتاعىن بەرۋىن وراي، قوزعاۋشى كۇش ەتە وتىرىپ، «ەكىنى ۇيرەنۋ، ءبىر بولۋ» ۇيرەنۋ - تاربيەسىن ورىستەتۋگە ۇشتاستىرىپ، ديڭ ديانچين جولداستان ۇيرەنۋدىڭ ورلەۋىن جەدەل قوزعاپ، ونىڭ پارتياعا، وتانعا، حالىققا ادال بولۋداي ساياسي قاسيەتىنەن، ونىڭ باستى ماقساتتى ەستە بەرىك ساقتايتىن، بۇقارامەن ەتەنە بايلانىستا بولاتىن، حالىق ءۇشىن زاڭ اتقاراتىن كومپىس پەيىلىنەن، باتىلدىقپەن جاۋاپكەرلىك ارقالايتىن، بەتكە قارامايتىن، تۋراشىل كاسىپتىك ءمورالىنان، كوپتىڭ قامىن ويلايتىن، كاسىپكە شوگەل بولاتىن، قالتقىسىز ۇلەس قوساتىن مىنەزدەمەسىنەن، ادال دا اق كوڭىل، قايسار دا قاجىرلى بولاتىن، ۇلكەندەردى قۇرمەتتەپ، جاقىندارىن ايالايتىن قىمباتتى ءمورالىنان ۇيرەنىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، اۋەلگى ماقساتتى ۇمىتپاي، ۇدەرە العا تارتىپ، قىزمەت ورنىن سانالى تۇردە شەپ رەتىندە ساقتاپ، قىزمەتتى كاسىپ رەتىندە ىستەپ، ۇلەس قوسۋدى مىندەتىنە بالاپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەي ۇلى امالياتقا، بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ ۇلى ىسىنە بۇكىل ىنتا - پەيىلىمەن كىرىسىپ، ءوز جۇمىس ورنىندا تىڭ تابىستارعا ۇزدىكسىز قول جەتكىزىپ، شۇعىلالى ناتيجە جاراتۋ كەرەك.
اۆتونوميالى رايوندىق حالىق پروكۋراتۋراسى پارتيا باسشىلىق گرۋپپاسىنىڭ شۋجيى، ورىنباسار باس پروكۋرور گو ليانشان ديڭ ديانچيننىڭ ىزگى ىستەرىن تانىستىردى. ديڭ ديانچين ءسوز سويلەدى.
جينالىستان ىلگەرى، ساۋ جيانميڭ، چىن چۋانگو ديڭ ديانچيندى قابىلدادى.
5 - قىركۇيەك تۇستەن بۇرىن ەڭ جوعارى حالىق پروكۋراتۋراسى، اۆتونوميالى رايوندىق پارتكوم ۇرىمجىدە اتاق بەرۋ، سيلاۋ جينالىسىن اشىپ، سانجى حۇيزۋ اۆتونوميالى وبلىستىق حالىق پروكۋراتۋراسى پارتگرۋپپاسىنىڭ مۇشەسى، ورىنباسار باس پروكۋرور ديڭ ديانچين جولداسقا «مەملەكەتتىك ۇلگىلى پروكۋرور» جانە «اۆتونوميالى رايوننىڭ ۇلتتار ىنتىماعىنداعى، العاباسارلىعىنداعى تاڭداۋلى كومپارتيا مۇشەسى» داڭقتى اتاعىن بەردى. ەڭ جوعارى حالىق پروكۋراتۋراسى پارتگرۋپپاسىنىڭ شۋجيى، باس پروكۋرور ساۋ جيانميڭ، اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىستى جانە ءسوز سويلەدى. سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
