- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سەلبەسۋدىڭ، تەڭ يگىلىككە كەنەلۋدىڭ تىڭ داستانىن جازايىق
2016.09.26 13:18 كەلۋ قاينارى : شينجياڭ گازەتى
5 - كەزەكتى جۇڭگو − ازيا - ەۆروپا كورمەسى بەلگىلەگەن ءتۇرلى مازمۇنداردى تابىسپەن ورىنداپ، كەشە جابىلدى. وسى كەزەكتى جۇڭگو − ازيا - ەۆروپا كورمەسىنىڭ تابىستى وتكىزىلگەنىن قىزۋ قۇتتىقتايمىز!
وتكەن 6 كۇندە 6 حالىقارالىق ۇيىم، 57 مەملەكەت پەن رايون، ەل ءىشى - سىرتىنان كورمەگە قاتىناسقان 2000نان استام كاسىپورىن ۇرىمجىدە باس قوسىپ، «بىرگە اقىلداسۋ، بىرگە قۇرۋ، تەڭ يگىلىكتەنۋ، جىبەك جولىنداعى وراي جانە بولاشاق» نەگىزگى تاقىرىبىن بىرگە ايگىلەدى. ءار ەلدەن كەلگەن، ۇلتى، مادەنيەت نەگىزى ءار الۋان ادامدار 140 مىڭ شارشى مەتر كەلەتىن كورمە رايونىندا باس قوسىپ، اۋىس - كۇيىس پەن سەلبەستىكتى دانەكەر ەتىپ، وڭىرلىك سەلبەستىك ءىسىن بىرگە اقىلداسىپ، «ءبىر بەلدەۋ، ءبىر جول» قۇرىلىسىنا تىڭ ومىرشەڭدىك كۇش قوستى.
بىرنەشە كۇننەن بەرى جۇڭگو − ازيا - ەۆروپا كورمەسىن باس بولىپ ۇيىمداستىرعان، سەلبەسكەن، ۇستىنە الىپ وتكىزگەن ورىندار، سونداي - اق ەل ءىشى - سىرتىنداعى تىلشىلەر، ەرىكتى قىزمەت وتەۋشىلەر، بارشا قىزمەتكەرلەر ارىپ - شارشاۋدان قورىقپاي، جۇمىس ورنىندا تاباندىلىقپەن قىزمەت ىستەپ، بىزگە «حاۋىپسىز، ۇنەمشىل، تارتىمدى، حالىققا قولايلى» سالتاناتتى جينالىستى سيلادى. ولاردىڭ قاجىرلى ەڭبەگىنە شىن جۇرەكتەن العىس ايتامىز جانە وسكەلەڭ قۇرمەت بىلدىرەمىز!
2011 - جىلى قىركۇيەكتە تۇڭعىش كەزەكتى جۇڭگو − ازيا - ەۆروپا كورمەسى شىمىلدىعىن اشتى. جۇڭگو − ازيا - ەۆروپا كورمەسى ۇزبەي ىزدەنىس جاساپ، جاڭالىق اشىپ، سۇبەلى ناتيجەلەرگە قول جەتكىزدى. تاۋار ساۋداسى كورمەسىنەن حالىقارالىق، وڭىرلىك سەلبەستىككە جالپىلىق قىزمەت وتەۋ تۇعىرى بولىپ دامىپ، ازيا، ەۆروپا ەلدەرىنە تانىمالى ءىرى كورمەگە اينالدى. جۇڭگو − ازيا - ەۆروپا كورمەسى جىل سايىن كەسەك ناتيجەلەرگە قول جەتكىزىپ، كورمەگە قاتىناسقان مەملەكەتتەر مەن رايوندار بىرتىندەپ كوبەيىپ، قارجى قوسىپ، سەلبەستىك جاساۋدىڭ شارپيتىن سالاسى بارعان سايىن كەڭەيىپ، سىرتقى ساۋدا توقتام سوماسى مەن جاساسقان سەلبەستىك نىساندارى ورنىقتى ارتتى، ارنايىلانۋ، حالىقارالانۋ، ايگىلى ماركاعا اينالۋ دەڭگەيى ۇزبەي تىڭ ساتىعا كوتەرىلدى.
5 - كەزەكتى جۇڭگو −− ازيا - ەۆروپا كورمەسى − «13 - بەسجىلدىق» جوبانىڭ باستالعان جىلىنداعى، سونىمەن بىرگە، مەملەكەت شينجياڭنىڭ «جىبەك جولى ەكونوميكالىق بەلدەۋىندەگى وزەكتى رايون» ورنىن ايقىنداعاننان كەيىنگى تۇڭعىش كەزەكتى سالتاناتتى جينالىس. وسىنداي جاعدايدا وسى كەزەكتى جۇڭگو − ازيا - ەۆروپا كورمەسى جاڭا فۋنكتسيالىق ورىندى كوزدە ۇستاپ، ديپلوماتيالىق تۇعىر، تالقى مىنبەرى قيمىلى، كورمە، ساۋدانى جەبەۋ قيمىلى سىندى 3 جاقتان دەن قويا جوبالانىپ ، وزەكتى رايون قۇرىلىسى مەن جەلى بويىنداعى ەلدەردىڭ ەكونوميكا - ساۋدا، كاسىپ سالاسى سەلبەستىگىن ارقاۋ ەتىپ، بۇكىل شينجياڭعا، بۇكىل ەلگە، ءتىپتى، كۇللى الەمگە «جاڭا ۇلگىدەگى» جۇڭگو − ازيا - ەۆروپا كورمەسىن ايگىلەدى.
بۇل كورمە شينجياڭدى نەگىزگى مايدان ەتىپ حالىقارا مەن ەل ءىشىنىڭ سەلبەستىك ورناتۋىنا، اۋىس - كۇيىس جاساۋىنا ارنالعان ۇلكەن تەكشە بولدى. بۇل جولعى جۇڭگو − ازيا - ەۆروپا كورمەسىنىڭ اشىلۋ سالتىندا جانە جۇڭگو −− ازيا - ەۆروپا ەكونوميكا سەلبەستىگى جونىندەگى تالقى مىنبەرىندە، جۇڭگونىڭ مەملەكەت باسشىلارى مەن شەتەلدىڭ ساياسي قايراتكەرلەرى جۇڭگو − ازيا - ەۆروپا كورمەسىنىڭ نەگىزگى تاقىرىبىن توڭىرەكتەي وتىرىپ ارقاۋ لەكسيا جاسادى، سونداي - اق ەكى جاقتى جانە كوپ جاقتىلى ءبىر قىدىرۋ كەزدەسۋ قيمىلدارىن وتكىزىپ، جىبەك جولى ەكونوميكالىق بەلدەۋ قۇرىلىسى مەن ءار ەل ورتاق كوڭىل ءبولىپ وتىرعان تاقىرىپتار جونىندە ىشكەرىلەي اۋىس - كۇيىس جاسادى. نەگىزگى تالقى مىنبەردەن تىس، بۇل جولعى جۇڭگو − ازيا - ەۆروپا كورمەسىندە فينانس، عىلىم - تەحنيكا، مادەنيەت، گۋمانيتارلىق سالا، ساۋدا، زات اينالىمى، ينتەرنەت، زاڭ سياقتى كوپتەگەن سالانى قامتىعان 15 مايدان مينيستر دارەجەلى جوعارى جىكتەگىلەردىڭ تالقى مىنبەرى جانە ارناۋلى تاقىرىپتىق قيمىلدار ورىستەتىلدى. حىنان، شانشي، گانسۋ قاتارلى جەرلەر جۇڭگو − ازيا - ەۆروپا كورمەسى كەزىندە شينجياڭمەن ساۋدا جاعىنداعى سەلبەستىگىنىڭ ءورىسىن كەڭەيتىپ، ءوز جەرىنىڭ ەكونوميكاسىن ورتا ازيا مەن ەۆروپا بازارىنا قاراي بەيىمدەتۋدى ماقسات ەتە وتىرىپ «ءبىر بەلدەۋ، ءبىر جول» قۇرىلىسى جونىندەگى تانىستىرۋ جيىنىن اشتى. كورمەگە قاتىناسقان تاراپتار جۇڭگو − ازيا - ەۆروپا كورمەسىندە جاڭا تانىم قالىپتاستىرىپ، تىڭ كارتينا جاسايتىن بولسا، وندا ،ءسوز جوق، بولاشاققا جول اشىپ، دۇنيە جۇزىنە ىقپال جاسايدى.
بۇل كورمە ساۋدا، مادەنيەت جاعىندا شينجياڭدى باستاما ەتكەن جىبەك جولىنىڭ بويىنداعى ەلدەرگە ىقپال جاسايتىن كەڭ ساحنا. بۇل جولعى جۇڭگو − ازيا - ەۆروپا كورمەسى كولەمى، مازمۇنى، كورمەگە قاتىناسقان كاسىپورىنداردىڭ سانى جاعىنان تاريحتاعى ەڭ جوعارى دەڭگەيدى جاراتتى. بۇل جولعى كورمەنىڭ اۋماعى 140 مىڭ شارشى مەترگە جەتىپ، وتكەن جولعىدان 51 مىڭ شارشى مەتر كەڭەيىپ، %57 ارتتى. كورمەگە قاتىناسقان كاسىپورىنداردىڭ سانى وتكەن جولعىدان %40 كوبەيدى، كورمەگە قاتىناسقان شەتەل كاسىپورىندارىنىڭ سانى وتكەن جولعىمەن سالىستىرعاندا 2 ەسەدەن كوبىرەك ارتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
