- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇماتاي اۋباكىر ۇلى: ەڭ تاڭداۋلى اۋىل شيپاگەرى
2016.10.20 12:56
13- قازاندا جۇماتاي اۋباكىر ۇلى تاڭ قۇلان يەكتەي بەرە ورنىنان تۇرىپ، ءبىر كۇن بۇرىن دايىنداپ قويعان ءدارى - دارمەك سومكەسى مەن جول ازىعىن قايتا ءبىر رەت تەكسەردى. ءبىر رەت ارالاپ ناۋقاس كورۋگە شىققاندا، ۇيىنە بىرنەشە كۇن قايتا الماۋ جۇماتاي جونىنەن داعدىعا اينالىپ قالعان شارۋا ەدى.
جۇماتاي قىزمەت ىستەيتىن تەكەس اۋدانى بوزادىر مال شارۋاشىلىق رايونىن جەرگىلىكتى حالىق «قيامەت - قايىم» دەپ اتاپ كەتكەن، ورتاشا ەسەپپەن تەڭىز دەڭگەيىنەن 3000 مەتردەن استام بيىك، ىلعي دا جالاما بەتتەگى جالعىز اياق جولدار. تەكەس اۋدانىنىڭ قىستاۋى بولعاندىقتان، ءار جىلى قىستا 2000نان استام مالشى بوزادىر رايونىنا كوشىپ باراتىن.
شيپاگەرلىكپەن شۇعىلدانعان 20 نەشە جىلدا جۇماتاي «اقشاسى بولسىن - بولماسىن، الدىمەن، ەمدەۋ جۇرگىزۋ كەرەك» دەيتىن قاعيدانى ەش ۋاقىت بۇزعان ەمەس. ول نەسيەگە، اۋەلى، ءوزى قالتاسىنان اقشا شىعارىپ، كەدەي مالشىلاردىڭ ناۋقاسىن كورىپ، ۋكول سالۋ قاراجاتىن، ەمدەۋ قاراجاتىن كەشىرگەن.
بوزادىر قىستاۋىنىڭ ەڭ باسىنداعى تەمىرلىك شاتقالىندا تۇراتىن 42 جاستاعى نۇر 2012 - جىلى 27 - قىركۇيەكتە اياق استىنان ءىشى اۋىرىپ، قولدى - اياققا توقتاماي كەتەدى دە، جۇماتايدى شاقىرتادى. دياگنوز قويۋ ارقىلى نۇردىڭ سوقىرىشەك اۋرۋى قاتتى ۇستاعاندىعى انىقتالادى. جۇماتاي دەرەۋ اۆتوكولىككە بايلانىس جاساپ، نۇردى تەكەس اۋداندىق حالىق شيپاحاناسىنا جەتكىزەدى. نۇردىڭ جانىندا 500 يۋان عانا بار ەدى، جۇماتاي وعان 1500 يۋان قارىز بەرەدى. نۇردىڭ وتباسى جاعدايى ناشار بولعاندىقتان، وسى اقشانى قازىرگە دەيىن قايتارا الماعان، الايدا جۇماتاي ونى كوڭىلىنە الماستان: مەنىڭ نازارىمدا، شيپاگەر ناۋقاستى ەمدەۋ ءۇشىن جاراتىلعان، ناۋقاستىڭ اقشاسى بولسىن - بولماسىن، ونى الدىمەن ەمدەۋىم كەرەك، - دەيدى. مولشەرگە قاراعاندا، 20 جىلدىق شيپاگەرلىك ومىرىندە، جۇماتاي مالشىلاردىڭ ەمدەلۋ اقىسىن 100 مىڭ يۋاننىڭ ۇستىندە ازايتىپتى نەمەسە كەشىرىم ەتىپتى.
تەكەس اۋدانى شولاقتەرەك قالاشىعىنىڭ تۇرعىنى ما باۋگو جۇماتايدى تۋعان ىنىسىندەي كورەدى. 2003 - جىلى قىستا ما باۋگونىڭ ۇلى قىزۋى ورلەپ اۋىرادى، مۇنى ەستىگەن جۇماتاي دەرەۋ بارىپ، ونىڭ ۇلىنىڭ جانىنان ەكى ەلى ايرىلماي قارايدى. «ۇلىم ءۇش تاۋلىك بويى قىزعاندا، جۇماتاي ءۇش تاۋلىك بويى كوز ىلمەدى، وسىنشاما جان اشىر شيپاگەردى كورمەگەن ەكەنمىن»، - دەدى ما باۋگو، - «سودان باستاپ ەكەۋىمىز اعالى - ىنىدەي ءوتىپ كەلەمىز».
وتكەن جىلى 30 - قىركۇيەكتە، جۇماتاي نەگىزگى ساتىداعى ۇلتتار ىنتىماعى وزاتىنىڭ ۋاكىلى سالاۋاتىمەن باس شۋجي شي جينپيڭنىڭ قابىلداۋىندا بولدى. «كەمەنىڭ كۇشى جەلكەنىندە، ادامنىڭ كۇشى نيەتىندە. ۇلتتار ىنتىماعىنىڭ ماڭىزى سىرلاسۋدا، قاشاندا بۇكپەسىز سىرلاسىپ، كوڭىل توعىستىرۋ كەرەك». باس شۋجي شي جينپيڭنىڭ وسى ءسوزى جۇماتايدىڭ كوكەيىنە مىقتاپ ۇيالاعان. «شينجياڭ كوپ ۇلتتى ءوڭىر، ۇلتتار ىنتىماعى بەينە كۇن نۇرىنداي، اۋاداي ماڭىزدى، سوندىقتان مەن كوڭىل توعىستىرا وتىرىپ ۇلتتار ىنتىماعىن كۇشەيتۋگە ۇلەس قوسىپ، باس شۋجيدىڭ ءۇمىتىن جەردە قالدىرماۋىم كەرەك»، - دەدى جۇماتاي.
جۇماتاي قىزمەت ورنىنا قايتقاننان كەيىن، كوپتەگەن مالشى وعان امانداسا بارادى، ول وسى ورايدان پايدالانىپ مالشىلارعا پارتيانىڭ حالىققا تيىمدىلىك جاساۋ ساياساتىن، ۇلتتار ىنتىماعىن جانە سالاماتتىقتى قورعاۋ جاعىنداعى بىلىمدەردى ۇگىتتەپ، مالشىلارعا ۇگىت قاعازىن تاراتىپ وتىراتىن.
وتكەن جىلى قىس كىرىسىمەن، جۇماتاي قىزمەتتەستەرىمەن بىرگە بوزادىر وتارىنا بارىپ، ىلگەرىندى - كەيىندى 5 رەت ارالاپ اقىسىز ەمدەۋ جۇرگىزىپ، مالشىلارعا قۇنى 10 مىڭ يۋاننان اساتىن ءدارى - دارمەكتى تەگىن تاراتتى. بوزادىر وتارىندا جەل - قۇز ناۋقاسىنا شالدىققاندار ءبىرشاما كوپ بولاتىن، جۇماتاي ينە قويىپ ەمدەۋدىڭ ءونىمى ءبىرشاما جاقسى ەكەنىن ەستىپ، تەكەس اۋداندىق جۇڭگوشا ەمدەۋ شيپاحاناسىنداعى جياڭسۋدان شينجياڭعا باعىتتامالى كومەكتەسۋگە كەلگەن مامانداردان ينە قويىپ ەمدەۋ، ۋقالاۋ سياقتى تەحنيكالاردى ۇيرەنەدى.
«جۇرەك اۋرۋىڭىز بولا تۇرسا دا مالشىلىق رايونعا ءوزىڭىز بارىپ، ارالاپ ەمدەۋ جۇرگىزەسىز بە»؟ - دەپ سۇراعانىمىزدا، جۇماتاي بىلاي دەدى: «ناۋقاستار بەينە مەنىڭ تۋىسىمداي، بۇل جەردىڭ كوش جولىنا دا قانىقپىن، ءوزىمنىڭ ءىس جۇزىندىك ارەكەتىم ارقىلى ءار ۇلت ناۋقاستارىن ەمدەپ، ۇلتتار ىنتىماعىنا قولىمنان كەلەتىن ءىس ىستەي السام بولعانى، جاپا - ماشاقاتتى ەلەڭ عۇرلى كورمەيمىن!».
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
