- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي شياۋ، شۇي يۇن اۆتونوميالى رايوننىڭ عىلىم - تەحنيكا العاباسارلىعى سيلىعىنىڭ ەرەكشە سيلىعىن الدى
جەكە - جەكە 500 مىڭ يۋانمەن سيلاندى
2016.10.21 10:17 كەلۋ قاينارى : شينجياڭ گازەتى
تىلشىلەرىمىز يۋە يانيۇن، لي ياڭ، ياۋ تۇڭ 19 - قازاندا ۇرىمجىدەن حابارلايدى. 19 - قازاندا اشىلعان اۆتونوميالى رايوننىڭ عىلىم - تەحنيكادا جاڭالىق اشۋ جينالىسى مەن اۆتونوميالى رايوننىڭ عىلىم - تەحنيكالىق تابىستاردى سيلاۋ جينالىسىندا، لي شياۋ مەن شۇي يۇن اۆتونوميالى رايوننىڭ 2015 - جىلعى عىلىم - تەحنيكا العاباسارلىعى سيلىعىنىڭ ەرەكشە سيلىعىنا يە بولىپ، جەكە - جەكە 500 مىڭ يۋانمەن سيلاندى.
لي شياۋ جۇڭگو عىلىم اكادەمياسى شينجياڭ فيزيكا - حيميا تەحنيكاسىن زەرتتەۋ ورنىنىڭ زەرتتەۋشىسى، شينجياڭنىڭ ينفورماتسيا سالاسىنداعى عىلىم جەتەكشىسى.
لي شياۋدىڭ باستى عىلىم - تەحنيكالىق تابىسى مەن ۇلەسى: ۇيعۇر، قازاق، قىرعىز تىلدەرىندەگى جەلىلەس جۇمساق بولشەك ونىمدەرىن دەربەس زەرتتەپ اشقان؛ ۇيعۇر، قازاق، قىرعىز تىلدەرىندەگى جۇمساق بولشەكتەردى سىناقتان وتكىزەتىن ەل ىشىندەگى تۇڭعىش تەكشەنى قۇرعان؛ شينجياڭنىڭ «قوس ءتىل» وقۋ - اعارتۋى جۇمساق بولشەگىن تاپقىرلاعان؛ ناقتى بولشەك نەگىزىندەگى ەلەكتروندى اكىمشىلىك ىستەر جۇمساق بولشەگىن اشۋ، قولداۋ تەكشەسىن زەرتتەپ اياقتاتقان، بۇل تەكشە قازىر اۆتونوميالى رايونداعى ءار دارەجەلى ۇكىمەت قىزمەتىندە كەڭ كولەمدى قولدانىلۋدا.
لي شياۋ مەملەكەت جانە ولكە، مينيسترلىك دارەجەلى عىلىم - تەحنيكا سيلىعىن 10 رەت العان، 56 جۇمساق بولشەكتىڭ اۆتورلىق ۇقىعىن تىزىمگە الدىرعان، 70تەن استام عىلمي ماقالا جاريالاعان، 60 نەشە دوكتور جانە ماگيستر اسپيرانت تاربيەلەگەن، «ينفورماتسيا كاسىپ سالاسى عىلىم - تەحنيكاسىندا جاڭالىق اشۋداعى مەملەكەتتىك وزات قىزمەتكەر»، «اۆتونوميالى رايونعا كورنەكتى ۇلەس قوسقان تاڭداۋلى مامان»، «جۇڭگونىڭ ينفورماتسيالاندىرۋ ىستەرىندەگى كورنەكتى تۇلعا» سياقتى داڭقتى اتاقتاردىڭ يەگەرى.
شۇي يۇن جۇڭگو حالىق ازاتتىق ارمياسى 69081 - اسكەري ءبولىمنىڭ حيميالىق قارۋلاردان قورعاۋ قوسىنىنا قاراستى جوندەۋ ورنىنىڭ اعا ينجەنەرى، قىزمەت ىستەگەن 30 نەشە جىلدان بەرى شينجياڭنىڭ ءۇستىرتتى وڭىرلەردەگى شەكارا قورعانىسى جابدىقتارىن دامىتۋعا كورنەكتى ۇلەس قوسقان.
شۇي يۇن مەملەكەت جانە ولكە، مينيسترلىك دارەجەلى عىلىم - تەحنيكا سيلىعىن 30 رەت العان، 16 ءتۇرلى مەملەكەتتىك تاپقىرلىق پاتەنتىن العان، 32 عىلمي ماقالا جاريالاعان، «مەملەكەتتىك تاڭداۋلى عىلىم - تەحنيكا قىزمەتكەرى»، «باس شتاپتىڭ تاڭداۋلى عىلىم - تەحنيكا قىزمەتكەرى»، «باس شتاپتىڭ عىلىم - تەحنيكا ەگەيى»، «بۇكىل ارمياداعى تاڭداۋلى كاسىپتىك تەحنيكالىق دارىندى سيلىعى» سياقتى داڭقتى اتاقتاردىڭ يەگەرى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved