- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىزدىڭ بۋىننىڭ ۇزاق جورىعىن ءساتتى باسايىق
− جۇڭگو جۇمىسشى - شارۋا قىزىل ارمياسىنىڭ ۇزاق جورىعى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جونىندە
2016.10.21 10:25 كەلۋ قاينارى : شينجياڭ گازەتى
اتتاي جەلگەن ۋاقىت ەشقاشان ايالداعان ەمەس، كۇرەس ساپارى قاشاندا العاباسا بەرمەك.
80 جىلدىڭ الدىندا، ءومىر مەن ءولىمنىڭ تايتالاس ساتىندە، جۇڭگو كوممۋنيستىك پارتياسى باسشىلىق ەتكەن جۇمىسشى - شارۋا قىزىل ارمياسى اۋىر ماشاقاتقا تولى 25 مىڭ شاقىرىمدىق ۇزاق جورىقتى باستان كەشىرىپ، شانشي - گانسۋ - نيڭشيا وڭىرىندە جەڭىسپەن كەزدەسىپ، تىعىرىققا تىرەلگەن جۇڭگو توڭكەرىسىن داڭعىل جولعا باستادى. بۇگىن ءبىز جۇڭگو جۇمىسشى - شارۋا قىزىل ارمياسىنىڭ ۇزاق جورىعى جەڭىسكە جەتكەندىگىنىڭ 80 جىلدىعىن ەسكە ءتۇسىرىپ، ۇلتتىڭ ەگەمەندىگى مەن حالىقتىڭ ازاتتىعى ءۇشىن ۇلەس قوسقان قۇرباندار مەن اعا بۋىنداردى ساعىنا ەسكە الىپ، ۇلتتىڭ گۇلدەنۋىن جۇزگە اسىرۋدىڭ جاڭا جورىعىندا بارلىعىمىز ءبىر نيەتكە ۇيىسىپ، جىگەرلەنە العا باسۋعا سەرت ەتەمىز.
ۇزاق جورىق − ادامزات تاريحىنداعى تەڭدەسسىز ۇلى جورىق. شياڭجياڭ دارياسىنداعى تالاي رەت ولىمنەن امان قالعان قاندى شايقاستان زۇن - ي ماجىلىسىندەگى بۇرىلىسقا دەيىن، لۋديڭچياۋ كوپىرىن تارتىپ العان كەزدەگى كەۋدەنى وققا توسەۋدەن ليۋپانشان تاۋىنىڭ ەتەگىن جاپقان قىزىل تۋعا دەيىن، ۇزاق جورىق تاۋ - وزەندەردى جالعاعان قىزىل لەنتاداي كوممۋنيستەردىڭ قايتپاس قاجىرلى رۋحاني ەركىن شىڭداپ، جۇڭحۋا ۇلتىنىڭ وشپەس حيكىمەتىن جازدى. توڭكەرىستىك مۇراتتى بارىنەن جوعارى قوياتىن بەرىك سەنىم، قۇربان بەرۋدەن قورىقپاي، نەبىر قيىنشىلىق - كەدەرگىلەردى الاستاپ، جەڭىسكە ۇمتىلاتىن مىعىم ەرىك، جاۋمەن ولىسپەي بەرىسپەيتىن، دۇشپاندى جەڭەتىن باتىرلىق قاھار، وسى رەتكى ۇزاق جورىق شىڭداعان ۇلى رۋح كوممۋنيستەردىڭ سەنىم الەمىن نۇرلاندىرىپ، جۇڭحۋا ۇلتىنىڭ ۇلى گۇلدەنۋىنىڭ ماڭىزدى رۋحاني قاينارىنا اينالدى.
«ۇزاق جورىق جارناما بولدى، ۇزاق جورىق ۇگىت اترەتى بولدى، ۇزاق جورىق تۇقىم سەبەتىن ماشينا بولدى». اسكەري ىستەردەگى ۇزاق جورىق رۇيجيننان يان - انعا جەتىپ، جەر توڭكەرىسى مەن جاپون شاپقىنشىلارىنا قارسى سوعىس سىندى 2 ءىرى توڭكەرىستىك تولقىندى جالعاپ، جۇڭگو توڭكەرىس ىستەرىنىڭ بۇرالاڭنان جەڭىسكە بەت العان ۇلى بۇرىلىسىن ىسكە اسىردى. رۋحاني جاقتاعى ۇزاق جورىق جويىلۋدان قۇتقارۋدان گۇلدەنۋگە بەت الىپ، جۇڭگو كوممۋنيستىك پارتياسىنىڭ جۇڭحۋا پەرزەنتتەرىن باستاپ، ۇلتتىڭ گۇلدەنۋ جولىندا ىزدەنىس جاساعان وشپەس ەڭبەگىنە كۋا بولىپ، اۋەلگى ماقساتتى ماڭگى ۇمىتپاي، جىگەرلەنە العا ۇمتىلاتىن قۇدىرەتتى كۇش تۋىنداتتى. كۇرەس بارىسىنداعى ۇزاق جورىق كەشەدەن بۇگىنگە، بۇگىننەن ەرتەڭگە جالعاسۋدا، ءبىز ۇزدىكسىز كۇش جالعاپ، جۇڭگوشا سوتسياليزم ىستەرىنىڭ جەڭىستەن - جەڭىسكە جەتە بەرۋىن ۇزدىكسىز ىلگەرىلەتەمىز.
جاڭا ۇزاق جورىقتى ءساتتى باسۋدا، ءبىز سەنىمگە ادال بولاتىن، مۇرات ءۇشىن ءوزىن ارنايتىن اسقاق قاسيەتتى شىڭداۋىمىز كەرەك. ۇزاق جورىق ۇزاق تۇندەگى ماشاقاتتى ساپار، سونداي - اق جۇڭگو رۋحىنىڭ نۇرلى بەينەسى. سوڭعى تياناقتىڭ قايدا ەكەنىن، جورىقتىڭ قاشان اياقتايتىنىن بىلمەگەنىمەن، قىزىل ارميا جاۋىنگەرلەرى «تەك پارتياعا ىلەسسەك، جاپون شاپقىنشىلارىنا قارسى تۇرىپ، وتاندى قۇتقارۋ مۇراتىنىڭ ىزىمەن جۇرسەك، بولاشاقتىڭ جارقىن بولاتىنىنا» كۇمانسىز سەندى. بۇگىنگى تاڭدا، ءداۋىر وزگەرگەنىمەن، شارت - جاعداي وزگەرگەنىمەن، كوممۋنيستەردىڭ كۇرەس مۇراتى مەن كۇرەس ىستەرى وزگەرگەن جوق. توڭكەرىستىك مۇراتتى بارىنەن جوعارى قوياتىن ءورشىل جىگەر، مۇرات - سەنىمنەن اينىمايتىن ساياسي تاباندىلىق قاي كەزدە دە جۇرەكتەن تابىلۋى، ارەكەتتە ورىندالۋى قاجەت. بۇكىل پارتيا مۇرات - سەنىمدە تاپجىلماي تاباندى بولسا، پارتيانىڭ باسشىلىعى ءتىپتى دە بەكەم، پارمەندى بولادى، جۇڭحۋا ۇلتى، ءسوز جوق، العان بەتتەن قايتپاي، ۇدەرە العا تارتا بەرەدى.
جاڭا ۇزاق جورىقتى ءساتتى باسۋدا، ءبىز حالىقتى ازات ەتىپ، جالپى جۇرتقا باقىت اپەرۋدەي حالىقتىق سۇيىسپەنشىلىكتى ارقاۋ ەتۋىمىز كەرەك. ۇزاق جورىق ستراتەگيالىق بۇرىلىس جولى، سونداي - اق وتاندى قۇتقارىپ، حالىق ءۇشىن قىزمەت ەتۋ جولى. ۇلتتىڭ گۇلدەنۋىن جۇزەگە اسىرۋدا، حالىقتى باقىتقا كەنەلتۋدە اعا بۋىنداردىڭ ماڭگى اينىماسقا انت ەتكەن نىساناسى، ءبىزدىڭ، ءسوز جوق، ارقالاۋعا ءتيىستى بورىشىمىز. جاڭا ۇزاق جورىقتا، نەگىزگى ماقساتتى ەستە بەرىك ساقتاپ، حالىققا تامىر تارتۋ − ءبىزدىڭ بارلىق قىزمەتىمىزدىڭ ماقساتى ءھام تياناعى. حالىق ءۇشىن ويلايتىن سۇيىسپەنشىلىكتەن جازباي، حالىق ءۇشىن ارقالاعان جاۋاپكەرشىلىكتى ادا ەتسەك، حالىقتى وزەك ەتكەن دامۋ يدەياسىندا تاباندى بولساق، ءبىز ءبىر نيەتپەن تىزە قوسا قيىنشىلىقتى جەڭىپ، بولاشاققا جول اشاتىن مىعىم كۇش تۋىنداتامىز.
جاڭا ۇزاق جورىقتى ءساتتى باسۋدا، ءبىز جالپى جاعدايمەن ساناسىپ، ءبىر نيەتپەن ىنتىماقتاساتىن ساياسي قاسيەتكە تاباندى بولۋىمىز كەرەك. ۇزاق جورىق پارتيامىزدىڭ كەمەلدىككە بەت الۋىنىڭ، پارتيا ىشىندەگى ساياسي ءومىردىڭ قالىپتى تارتىپكە، قاتاڭ جۇيەگە بەت الۋىنىڭ تاريحي كۋاسى. جاڭا ۇزاق جورىقتا، ۇزاق جورىق رۋحىن جالعاستىرىپ، توڭكەرىستىك ۇلگىگە مۇراگەرلىك ەتىپ، ءتارتىپتى قاتاڭ اتقاراتىن، بەرىك ىنتىماقتاساتىن ساياسي قاسيەتتى شىڭداپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتسەك، پارتيامىز، ءسوز جوق، ماڭگى ومىرشەڭدىك قۋاتىن ساقتايدى.
بارشا ۇلى تابىستاردىڭ بارلىعى جالعاسپالى كۇرەستىڭ، كۇش جالعاپ ىزدەنىس جاساۋدىڭ جەمىسى، بارشا ۇلى ىستەردىڭ ءبارى بۇرىنعىعا مۇراگەر، كەيىنگىگە بۇيداگەر بولۋ بارىسىندا ىلگەرىلەتۋدى قاجەت ەتەدى. بۇگىنگى تاڭدا، جاپپاي دوڭگەلەك داۋلەتتى قوعام قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، پارتيانى جاپپاي قاتاڭ باسقارۋ سىندى مىندەتتەردىڭ قايسى ءبىرىنىڭ دە ءدوپ كەلگەن سىن - سايىسى ۇزاق جورىقتاعى قيىندىق - كەدەرگىلەردەن قالىسپايدى. كوممۋنيستەردىڭ «ەمتيحان تاپسىرۋىنىڭ» اياقتاۋىنا ءالى ەرتە، ۇزاق جورىق ماڭگى جالعاسا بەرەدى. ۇلتتىڭ گۇلدەنۋى سىندى اسقاق ءۇمىت الدىندا، ءبىز ۇزاق جورىق رۋحىن بارىنشا اسقاقتاتىپ، جولعا، نازارياعا، تۇزىمگە، مادەنيەتكە سەنىمدى بەكەمدەپ، جاڭا ۇزاق جورىقتا ءداۋىردىڭ، حالىقتىڭ، تاريحتىڭ كۇتكەن ءۇمىتىن اقتايتىن جاڭا ناتيجەگە قول جەتكىزۋگە قۇلشىنايىق!
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
