- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سپورت − سالاماتتى شينجياڭنىڭ جارقىن كارتيناسىن سالدى
− ج ك پ اۆتونوميالى رايوندىق 8 - قۇرىلتايىنان بەرگى ەكونوميكا مەن قوعام دامۋىنىڭ جەتىستىكتەرى جونىندەگى جەلىلەس حابار (12) ءار كۇنى قانشا ارالىققا جاياۋ جۇرگەنى، قانشا كيلومەتر ارالىققا جۇگىرگەنى جايلى ساندى مالىمەتتەر كوپتەگەن ادامداردىڭ QQ تەكشەسىنە، ءۇنحاتتاعى دوستىق شەڭبەرىنە شىعارىپ «باسەكەلەسۋىندەگى» تىڭ ولشەم بولدى.
2016.10.28 10:42 كەلۋ قاينارى : شينجياڭ گازەتى
ءار كۇنى قانشا ارالىققا جاياۋ جۇرگەنى، قانشا كيلومەتر ارالىققا جۇگىرگەنى جايلى ساندى مالىمەتتەر كوپتەگەن ادامداردىڭ QQ تەكشەسىنە، ءۇنحاتتاعى دوستىق شەڭبەرىنە شىعارىپ «باسەكەلەسۋىندەگى» تىڭ ولشەم بولدى.
اۋىل - قىستاقتاردا اپتاسىنا بىرنەشە رەت باسكەتبول جارىسىنا قاتىناسۋ، تاماقتان كەيىن دەنە شىنىقتىرۋ جابدىقتارىمەن جاتتىعۋ سىندى اقاۋسىز تۇرمىس ءتاسىلى دە قىستاق تۇرعىندارىنىڭ قالىپتى تۇرمىسىنا اينالدى.
مەملەكەتتىڭ جالپى حالىقتىق دەنە شىنىقتىرۋ ستراتەگياسىنىڭ اتقارىلۋى سپورتتىڭ سالاماتتى شينجياڭ قۇرۋداعى رولىن ءتىپتى دە كورنەكتىلەندىردى، اسىرەسە، ج ك پ اۆتونوميالى رايوندىق 8 - قۇرىلتايىنان بەرى، اۆتونوميالى رايون ءار جىلى نەگىزگى ساتى سپورت قۇرىلعىلارى قۇرىلىسىن كۇشەيتۋدى ءتۇيىندى حالىق تۇرمىسى ينجەنەرياسى قاتارىنا قوسىپ، الەۋمەتتىك سپورتتىق قىزمەت وتەۋ جۇيەسىنىڭ اناعۇرلىم كەمەلدەنۋىن جەبەدى. سپورت قۇرىلعىلارىن بۇقارانىڭ قاسىنا جەتكىزگەندىكتەن، ءار ۇلت بۇقاراسى ۇيىنەن ۇزاپ شىقپاي - اق دەنە شىنىقتىرىپ، سپورتتان ءلاززاتتاناتىن بولدى.
اۋىلدا قۇرىلعان دەنە شىنىقتىرۋ قۇرىلعىلارى
ءتۇن ورتاسى بولسا دا، مارالباسى اۋدانى الاعىر اۋىلى قارا اعىن قىستاعى تۇرعىندار كوميتەتىنىڭ باسكەتبول الاڭىندا شىراق جايناپ، كوپشىلىك جارىس قىزىعىنا تۇسكەن. «وسى باسكەتبول الاڭىندا ءار كۇنى جارىس وتكىزىلەدى، كوپتەگەن جاستار وسى الاڭدا ءتۇن ورتاسىنا دەيىن جارىسادى»، - دەدى اۆتونوميالى رايوندىق دەنە تاربيە مەكەمەسىنەن قىستاققا تۇسكەن قىزمەت گرۋپپاسىنىڭ مۇشەسى شۋە لەي.
«ەگەر قىستاق كادرلارى ۇيگە قايتۋعا قۋزاماسا، جارىستى جالعاستىرا بەرەمىز، - دەدى قىستاق تۇرعىنى ماحمۇت سادىر جىميا، − ءوزىم ءار كۇنى ەڭبەك ىستەگەننەن باسقا ۋاقىتتا دوپ وينايمىن، باسكەتبول قىستاعىمىزداعى جاستاردى وزىنە باۋرادى، جاسى ۇلكەندەر دە وعان قىزىعاتىن بولدى».
مەن وسى قىستاققا بىرنەشە رەت بارعامىن، ءار رەت قىستاق تۇرعىندارىنىڭ سپورت قيمىلىنا بولعان قىزعىندىلىعى مەنى ەرەكشە اسەرلەندىرەدى. قىستاق تۇرعىنى ايزىمگۇل: بۇرىنعى كەزدە تۇرمىسىم نەگىزىنەن ەڭبەك ىستەۋ، تاماق ءىشۋ، ۇيىقتاۋ بولاتىن، دەنساۋلىعىم دا تىم شىركىن - اي ەمەس ەدى. اۆتونوميالى رايوندىق دەنە تاربيە مەكەمەسىنىڭ «ۇعىسۋ، تيىمدىلىك جەتكىزۋ، توعىستىرۋ» قىزمەت گرۋپپاسى قىستاعىمىزعا تۇسكەننەن بەرى، كوپتەگەن سپورت قيمىلدارىن ۇيىمداستىردى، ايەلدەر ۆولەيبول، باسكەتبول قۇراماسىن قۇردى، مەن قۇرامانىڭ بەلسەندى مۇشەسى بولدىم. قازىر دەنساۋلىعىم كۇشەيدى، يدەيامدا دا بۇرىلىس بولدى، ايەلدەردىڭ دە سپورت قيمىلىنا ۇدايى قاتىناسۋىنا بولاتىنىن ۇعىندىم»، - دەدى.
اۆتونوميالى رايوندىق دەنە تاربيە مەكەمەسىنىڭ باستىعى زۇنۇن كەرىمنىڭ تانىستىرۋىنشا، نەگىزگى ساتى سپورت قۇرىلعىلارى قۇرىلىسى سوڭعى جىلدارى اۆتونوميالى رايوننىڭ ءتۇيىندى حالىق تۇرمىسى ينجەنەرياسى قاتارىنا ەنگىزىلگەن، اۆتونوميالى رايوننىڭ الەۋمەتتىك سپورتتىق قىزمەت وتەۋ جۇيەسى اناعۇرلىم كەمەلدەنىپ، الەۋمەتتىك سپورت قۇرىلعىلارىنىڭ مولشەرى ارتقان. 2015 - جىلى اۆتونوميالى رايوندىق دەنە تاربيە مەكەمەسى تاعى مەملەكەتتىك نىسانعا بەلسەنە ءوتىنىش بەرىپ، 154 ميلليون 810 مىڭ يۋان نىسان قارجىسىنا قول جەتكىزىپ، وعان اۆتونوميالى رايون جاعىنان بولگەن 32 ميلليون 900 مىڭ يۋاندى قوسىپ، 3959 اكىمشىلىك قىستاقتا «ەگىنشى - مالشىلاردىڭ سپورتتىق دەنە شىنىقتىرۋ ينجەنەرياسىن» اتقارىپ، شينجياڭداعى بارلىق اكىمشىلىك قىستاقتاردا شارۋالاردىڭ دەنە شىنىقتىراتىن سپورت جابدىقتارى بولۋىن جۇزەگە اسىرىپ، ەلىمىزدە سپورت جابدىقتارى بارلىق قىستاققا جەتكىزىلگەن 2 ولكە، قالانىڭ بىرىنە اينالعان.
كۇشار اۋدانى ءۇش وستەڭ اۋىلى قۇمتۇر قىستاعىنىڭ تۇرعىنى رەيىمجان قيۇم وسى ينجەنەريادان تىكەلەي يگىلىكتەندى، ول: «ءار كۇنى دەنە شىنىقتىرۋ دەنساۋلىققا پايدالى بولۋمەن بىرگە، رۋحىڭ دا كوتەرىڭكى جۇرەدى ەكەن»، - دەي كەلىپ: اۋىل - قىستاقتاردىڭ تۇرمىس شارت - جاعدايى جاقسارعاننان كەيىن، تۇرعىنداردىڭ سالاماتتىق تانىمى دا بىرتىندەپ ارتتى، وتكەندە قىستاعىمىزدا سپورت جابدىقتارى بولماعاندىقتان، شىنىعۋعا وراي جوق ەدى، قازىر سپورت جابدىقتارىن ورناتىپ بەردى، كوپشىلىك بوس ۋاقىتتارىندا وسى ارادا شىنىعادى، قىستاعىمىزدا ءار كۇنى دەنە شىنىقتىراتىنداردىڭ قاتارى مولايۋدا، - دەدى.
«ءبىز سپورت جابدىقتارىن بۇقارانىڭ قاسىنا جەتكىزىپ، بارلىق قىستاقتارعا سپورت جابدىقتارىن ورناتىپ، ءار ۇلت بۇقاراسىنا سپورت قيمىلىن ورىستەتەتىن ورتا جانە دەنە شىنىقتىراتىن شارت ازىرلەيمىز»، - دەيدى زۇنۇن.
سپورت قيمىلدارىنان ءلاززاتتانۋدا
دەنە شىنىقتىرۋدى ءبىر ءتۇرلى تۇرمىس تاسىلىنە اينالدىرۋ − بۇقارانىڭ تۇرمىس ساپاسىنىڭ جوعارىلاعاندىعىنىڭ بەينەسى بولۋمەن بىرگە، كوپشىلىكتىڭ سالاماتتى تۇرمىسقا بولعان ىنتاسىن دا بەينەلەيدى.
ءار كۇنى كەشقۇرىم ۇرىمجىدەگى حالىق باقشاسىنداعى ۇستەل دوپ وينايتىن ورىنعا جانە دەنە شىنىقتىرۋ جابدىقتارى ورناتىلعان جەرگە ادام لىق تولادى؛ قارامايلى قالاسىنداعى جۇرت ەڭ ۇناتاتىن الاڭ − جالپى حالىقتىق دەنە شىنىقتىرۋ الاڭى بولعان سەيىل - سەرۋەن، دەنە شىنىقتىرۋ ەكولوگيالىق باقشاسىنا دا جۇرت جينالادى؛ قاشقار ايماقتىق سپورت سارايىنىڭ قاسىنداعى جالپى حالىقتىق دەنە شىنىقتىرۋ الاڭىندا ءار ۇلت جاستارى باسكەتبول جارىسىن وتكىزىپ جاتادى.
الىسقا جۇگىرۋ − قاراپايىم، قارجى كەتپەيتىن ءارى ءونىمدى دەنە شىنىقتىرۋ ءادىسى بولعاندىقتان، كوپتەگەن ادامداردىڭ باستى تالعامىنا اينالدى. 9 - ماۋسىم 58 جاستاعى جاڭ شيۋحۋا 2016 - جىلعى «جانبۇلاق» ساۋىتى حالىقارالىق جارتى ارالىقتى مارافون جارىسىنا قاتىناستى. ول: جارىسقا قاتىناسۋدىڭ ءوزى ءبىر قۋانىش، دەنە شىنىقتىرۋعا دا بولادى، جاستار جۇگىرگەندە، قارتتار دا قاتاردان قالماۋى ءتيىس، - دەدى.
12 - ماۋسىم، قورعاس اۋدانى 1000 شەبەر قاتىناسقان حالىقارالىق شاحمات جارىسىن، سونداي - اق جالپى حالىقتىق دەنە شىنىقتىرۋ قيمىلى نەگىزىندە «شينجياڭداعى ەڭدەر» اتىنداعى باسەكەلىك جارىس وتكىزدى، جارىسقا تۇسكەن شەبەرلەردىڭ جاسىنىڭ الدى 74كە شىقسا، ارتى ەندى عانا 5كە كەلگەن.
ءداۋىردىڭ قادامىنا ىلەسە، بۇقارانىڭ سپورتقا بولعان تانىمى دا بىرتىندەپ وزگەرۋدە، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، شينجياڭنىڭ كەڭ دالاسىندا ءداۋىردىڭ دامۋىنا وزىق مادەنيەتتىڭ جەتەكشىلىك ەتۋىندەي وركەنيەت سامالى ەسىپ، وركەنيەتتى تۇرمىس، سالاماتتى تۇرمىس تانىمىن ادامداردىڭ جۇرەگىنە ۇيالاتتى. جۇرتشىلىق دەنە شىنىقتىرۋعا اناعۇرلىم نازار اۋداراتىن، سپورت قيمىلدارى باعىشتاعان رۋحاني ءلاززاتقا كەنەلۋگە ءمان بەرەتىن بولدى، سپورت ادامدار تۇرمىسىنىڭ ايرىلماس ءبىر بولەگىنە اينالدى.
اۆتونوميالى رايوندىق دەنە تاربيە مەكەمەسىنەن ۇعىسۋعا قاراعاندا، 2009 - جىلى مەملەكەت «جالپى حالىقتىق دەنە شىنىقتىرۋ كۇنىن» بەلگىلەگەننەن بەرى، شينجياڭداعى ايماق، وبلىس جانە اۋدان، قالالار ءار جىلى «جالپى حالىقتىق دەنە شىنىقتىرۋ اپتالىعى»، «جالپى حالىقتىق دەنە شىنىقتىرۋ ايى»، «جالپى حالىقتىق دەنە شىنىقتىرۋ سپورت مەرەكەسى» سياقتى قيمىلدار ۇيىمداستىرعان، ۇيدە وتىرا بەرمەي، دالاعا شىعىپ، ءتۇرلى شىنىعۋمەن شۇعىلداناتىندار مولايدى. شاعىن كولەمدى قىزىقتى قيمىلدار، جارىستار جەر - جەردە وتكىزىلىپ، جۇرتتىڭ دەنە شىنىقتىرۋعا بولعان ىنتاسى بارعان سايىن ارتقان.
مەملەكەتتىك 13 - كەزەكتى قىسقى سپورت جارىسى سپورت قيمىلىنىڭ ورلەۋىن كوتەردى
مەملەكەتتىك 13 - كەزەكتى قىسقى سپورت جارىسىنىڭ ءساتتى وتكىزىلۋى − شينجياڭنىڭ كۇش - قۋاتى مەن ساپاسىن دالەلدەۋمەن بىرگە، شينجياڭ سەنىمىن ايتارلىقتاي ايگىلەدى، سونىمەن قوسا سوڭعى جارتى جىلدان بەرى ارت - ارتىنان وتكىزىلگەن سپورت جارىسىنا بەرىك نەگىز قالادى.
شينجياڭ تۇڭعىش كەزەكتى ۇلتتىق كۇرەس جۇلدە جارىسى، سايرام كولىن ۆەلوسيپەدپەن اينالۋ جارىسى، تاكلاماكان ءشولىن اۆتوموبيل، موتوتسيكلمەن اينالۋ دالالىق جارىسى، تۇڭعىش كەزەكتى جۇڭگو. شينجياڭ «ءبىر بەلدەۋ، ءبىر جول» حالىقارالىق ايەلدەر باسكەتبول ۇسىنىس جارىسى، شينجياڭ جىبەك جولى حالىقارالىق جاستار فۋتبول ۇسىنىس جارىسى، مەملەكەتتىك قايراڭ ۆولەيبول جارىسى قاتارلى سايىستار شينجياڭدا ارت - ارتىنان وتكىزىلىپ، سپورت قيمىلىنىڭ ورلەۋىن كوتەردى.
«ءبىر بەلدەۋ، ءبىر جول » حالىقارالىق ۇستەل دوپ ۇسىنىس جارىسى، 2016 - 2017 - جىلعى مەملەكەتتىك مانەرلەپ سىرعاناۋ جارىسى قىركۇيەكتە شينجياڭدا وتكىزىلدى، ىركەس - تىركەس وتكىزىلگەن سپورت جارىستارى كورەرمەندەردى وزىنە ەرەكشە باۋرادى.
سپورت جارىستارىنىڭ مۇنداي شوعىرلى وتكىزىلۋىن سوڭعى جىلدارى اۆتونوميالى رايوندىق پارتكوم مەن ۇكىمەتتىڭ وسكەلەڭ ءمان بەرۋىنەن بولە قاراۋعا بولمايدى.
2013 - جىلى مەملەكەتتىك 12 - كەزەكتى سپورت جارىسىندا شينجياڭ سپورت قۇراماسى 6 التىن، 8 كۇمىس، 2 قولا مەدالعا يە بولدى، بۇل مەملەكەتتىك سپورت جارىس تۇرلەرى وليمپيادا جارىس تۇرلەرىمەن ۇشتاستىرىلعاننان بەرى، شينجياڭنىڭ تاريحتا قول جەتكىزگەن ەڭ زور ناتيجەسى.
شينجياڭ گۋاڭحۇي ەرلەر باسكەتبول قۇراماسى جۇڭگو ەرلەر كاسىپتىك باسكەتبول بىرلەسپە جارىسىنا قاتىناسقاننان بەرى، ميلليونداعان باسكەتبول جانكۇيەرلەرى وسى قۇرامانىڭ شينجياڭ الاڭىندا وتكىزىلگەن سايىستارىن تاماشالادى؛ شينجياڭ تيانشان بارىسى ەرلەر فۋتبول كلۋبى جۇڭگو فۋتبول قوعامىنىڭ A دارەجەلى بىرلەسكەن جارىسىنا قاتىناسىپ، تاماشا ناتيجەگە قول جەتكىزىپ، ءار ۇلت فۋتبول جانكۇيەرلەرىنىڭ قارسى الۋىنا جانە نازار اۋدارۋىنا يە بولدى.
اۆتونوميالى رايوندىق پارتكوم مەن ۇكىمەتتىڭ قامقورلىعى جانە كومەگىندە شينجياڭ تيانشان ايەلدەر باسكەتبول قۇراماسى 2015 - جىلى قۇرىلا سالا 2015 - 2016 - جىلعى جۇڭگو ايەلدەر باسكەتبول بىرلەسكەن جارىسىنا قاتىناسىپ، بىرلەسپە جارىستىڭ جۇلدەگەرلىگىن ەنشىلەگەن مۇعجيزا جاراتتى، بۇل كوپشىلىككە شينجياڭ قارقىنىن، شينجياڭ ونىمدىلىگىن جانە شينجياڭنىڭ كۇش - قۋاتىن تانىتتى.
قىركۇيەك ايىندا 2016 - جىلعى جۇڭگو سپورت مادەنيەت كورمەسىنىڭ، جۇڭگو سپورت ساياحات كورمەسىنىڭ ءساتتى اشىلۋى كورىكتى شينجياڭدى سىرتقا اناعۇرلىم ۇگىتتەپ، جۇرت تىلەگىن توعىستىرىپ، وڭ ەنەرگيا تاراتۋعا سەرپىن قوستى.
بيىل اقپان ايىنىڭ سوڭىندا اشىلعان 2016 - جىلعى دەنە تاربيە مەكەمەلەرى باسشىلارىنىڭ اۆتونوميالى رايوندىق ماجىلىسىندە مىنالار العا قويىلدى: جالپى حالىقتىق دەنە شىنىقتىرۋ قيمىلىنىڭ ورىستەتىلۋى مەن جالپىلاسۋ مولشەرى −− جاپپاي دوڭگەلەك داۋلەتتى قوعام قۇرۋدى ولشەيتىن ماڭىزدى كورسەتكىش، رايونىمىز مەملەكەتتىڭ جالپى حالىقتىق دەنە شىنىقتىرۋ سىندى ستراتەگياسىنىڭ اتقارىلۋىن ىلگەرىلەتىپ، دەنە تاربيە قىزمەتىنىڭ سالاماتتى شينجياڭ قۇرۋداعى رولىن اناعۇرلىم ارتتىرادى.
سالاماتتى جۇڭگو، سالاماتتى شينجياڭ قۇرۋداعى ءتۇبىرلى ماقسات − ادامداردىڭ جان ساۋلىعى مەن ءتان ساۋلىعىن اقاۋسىزداندىرۋ. اۆتونوميالى رايوندىق دەنە تاربيە مەكەمەسى بۇقارالىق دەنە تاربيە باسقارماسىنىڭ باستىعى ابدىكەرىم روزى: «اۆتونوميالى رايوننىڭ جالپى حالىقتىق دەنە شىنىقتىرۋدى اتقارۋ جوسپارىن ( 2011 - 2015)» ورىنداۋداعى تاجىريبەلەردى قورىتىندىلاۋ نەگىزىندە، اۆتونوميالى رايوندىق دەنە تاربيە مەكەمەسى «اۆتونوميالى رايوننىڭ جالپى حالىقتىق دەنە شىنىقتىرۋدى اتقارۋ جوسپارىن ( 2016 - 2020)» اقىلداسىپ بەلگىلەۋدە، - دەدى.
«دوڭگەلەك داۋلەتتى ورەگە جەتۋ ءۇشىن الدىمەن ساۋ دەنەلى بولۋ كەرەك، بۇل قازىر كوپشىلىكتىڭ ورتاق تانىمىنا اينالدى»، - دەيدى اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇن. رايونىمىزدا مەملەكەتتىڭ جالپى حالىقتىق دەنە شىنىقتىرۋ سىندى ستراتەگياسىنىڭ بار كۇشپەن اتقارىلۋى − شينجياڭداعى ءار ۇلت بۇقاراسىن اقاۋسىز، وركەنيەتتى تۇرمىس كەشىرۋگە جەتەلەيدى، شايداي اشىق كۇندەرى سپورت الاڭدارىنا بارىپ، بەلسەنە دەنە شىنىقتىرىپ، اقاۋسىز تۇرمىس ءتاسىلىن امالياتتا ايگىلەۋگە، سالاماتتى شينجياڭنىڭ اسەم كارتيناسىن سالۋعا ۇمتىلايىق!
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
