- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جۇمىسىڭ بولسا ماعان تەلەفون جالعا»
چىن چىن
2016.11.04 14:35 كەلۋ قاينارى : شينجياڭ گازەتى
26 - قازان تۇستەن كەيىن گۋما اۋدانى چودا اۋىلى اياققى چودا قىستاعى تۇرعىندار كوميتەتىنىڭ اۋلاسى دۋمانعا شومدى، قىستاق تۇرعىندارى «اۆتونوميالى رايوندىق پارتكوم ۇگىت ءبولىمىنىڭ كادرلارى قىستاق تۇرعىندارىمەن جۇپ قۇراۋ، تۋىس بولۋ قيمىلىن ورىستەتەدى ەكەن» دەگەندى ەستىپ، ولار 4 - 5تەن توپتاسىپ ەرتەمەن وسىندا كەلدى.
46 جاستاعى قىستاق تۇرعىنى مامەت قۇرباننياز قىستاقتاعى ءىرى كاسىپتىك باقتاشى، 5 سەمينتال سيىرىنىڭ ۇشەۋى تۋۋعا تاياعان. مامەت: «مەن تۇسكى تاماعىمدى ەرتە ءىشىپ الىپ، وتباسىمىزبەن تۋىس بولۋعا كەلگەن ۇگىت ءبولىمىنىڭ قايسى كادرى ەكەن دەپ، سونى كورگەلى كەلدىم، بۇل تۋىسىمنىڭ مەنىڭ شاعىن مولشەردە قارىز اقشا الىپ، تاعى دا سەمينتال سيىرىن ساتىپ الۋىما قول ۇشىن بەرسە ەكەن دەيمىن!»، - دەدى.
تۇستەن كەيىن ساعات 4 جارىمدا جۇپ قۇراۋ، تۋىس بولۋ سالتى باستالدى. اۆتونوميالى رايوندىق پارتكوم ۇگىت بولىمىنەن العاشقى توپتاعى 26 كادر چودا اۋىلى اياققى چودا قىستاعى مەن باشلاقبينام قىستاعىنىڭ 26 تۇرعىنىمەن جۇپ قۇراپ، تۋىس بولدى. تۋىستارىنا بايلانىس كارتچكاسىن تولتىرىپ بەرگەننەن كەيىن، جۇپ قۇراپ، تۋىس بولعان كادرلار جەكە - جەكە تۋىستارىنا سۋ ماي، ۇن سياقتى سالەمدەمەلەرىن بەردى. جۇپ قۇراپ، تۋىس بولۋ سالتى اياقتاعان كەزدە، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى حوۋ جۇيفىڭ مەكروفوندى الىپ: اۋىلداستار، بۇگىننەن باستاپ ءبىز تۋىس بولدىق! مۇدان كەيىن، سىزدەر ۇرىمجىگە ءبىزدى ىزدەپ باراتىن بولاسىزدار، ءبىز دە ۇنەمى وسى اراعا كەلىپ تۇرامىز. تۋىس بولعاننان كەيىن ۇنەمى بارىس - كەلىس جاساسىپ تۇرۋىمىز قاجەت، شەشۋگە ءتيىستى قيىن ماسەلەگە جولىقساڭىزدار ايتساڭىزدار بولادى، - دەدى.
لي گۇيلياڭ چودا اۋىلدىق كەدەيلەردى سۇيەمەلدەۋ قىزمەتىنە جاۋاپتى رۋقيا مامەتتىڭ باستاۋىندا مامەت قۇرباننيازدىڭ ۇيىنە كەلىپ: «مامەت باۋىرىم، ەستىسەم، شاعىن مولشەردە 50 مىڭ يۋان قارىز اقشا الۋعا ءوتىنىش بەرمەكشى ەكەنسىڭ، مۇنى ەكەۋىمىز اقىلداسساق قايتەدى!»، - دەدى. «مامەت وتباسى قىستاقتاعى كەدەي وتباسى ەمەس، الايدا ول كەدەي وتباسىلاردىڭ باعىمشىلىق تەحنيكاسىن جوعارىلاتۋىنا كومەكتەسسە بولادى، كەدەي وتباسىلارى شاعىن مولشەردە قارىز اقشا الىپ، مامەت قۇرباننيازدىڭ اسىل تۇقىمدى سيىر ساتىپ الۋىنا قولداۋ كورسەتىپ، بىرگە اۋقاتتانسا بولادى عوي»، - دەگەن ۇسىنىس قويدى رۋقيا. «بۇل بولاتىن ءادىس ەكەن، مەن قىستاقتاعى ءبىر كەدەي وتباسىمەن بىرلەسىپ اقشا تابۋدىڭ جولىن جاقسىراق ويلاستىرسام بولعانداي»، - دەدى مامەت قۇرباننياز. «سەن ءبىر بەكىمگە كەلگەننەن كەيىن ماعان ايت. مال شارۋاشىلىعى ماماندارىن ۇسىنىس ەتىپ، سەنىڭ باعىمشىلىق تەحنيكاڭدى ءوسىرۋ مەنىڭ الداعى ماڭىزدى ءبىر مىندەتىم بولسىن. بۇگىننەن باستاپ ەكەۋىمىز تۋىسپىز، ءبىر ءۇيلى جاندا جاسىرىپ - جابار بولمايدى، مەن ۇنەمى كەلىپ تۇرامىن، جۇمىسىڭ بولسا ماعان تەلەفون جالعا!»، - دەدى لي گۇيلياڭ.
انە - مىنە دەگەنشە جۇپ قۇراۋ، تۋىس بولۋ قيمىلى ساعات 7 جارىمعا دەيىن جالعاستى. اياققى چودا قىستاعى پارتيا ياچەيكاسىنىڭ شۋجيى اسىم ءابدىرازاق: «جۇپ قۇراپ، تۋىس بولعان كەدەي وتباسىلارى توسىپ وتىراتىن، يەك سۇيەيتىن، سۇراناتىن يدەيادا بولماۋى؛ جۇپ قۇراپ، تۋىس بولعان ءدىني قايراتكەرلەر وتباسى تۋىستارىنان پارتيانىڭ ءدىن جونىندەگى ساياساتتارىن جاقسى ۇيرەنۋى؛ جۇپ قۇراپ، تۋىس بولعان قىستاق كادرلار وتباسى تۋىستارىنان ۇلتتار ىنتىماعىن قالاي جاقسارتۋدى ۇيرەنۋى كەرەك. ءبىز اۆتونوميالى رايوننىڭ قوعام ورنىقتىلىعى مەن باياندى تىنىشتىعىن قورعاۋعا ءىس جۇزىندىك ارەكەتىمىزبەن ۇلەس قوسۋىمىز كەرەك!»، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
