شينجياڭ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 10 تيپتىك ماسەلەنى جاريالادى
2018.01.02 16:01 كەلۋ قاينارى : حالىق تورابى
حالىق تورابى، 2 – قاڭتار، بەيجيڭ. شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى جۋىردا ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 10 تيپتىك ماسەلەنى جاريالادى. بۇل 10 ءتۇرلى ماسەلە تومەندەگىدەي:
1. قاعىلىق اۋدانى اكىمىنىڭ ورىنباسارى ابىلات مولانياز، تاشقورعان اۋدانى مارياڭ اۋىلىنىڭ پارتكوم شۋجيى ليۋ شياۋجۇننىڭ بەلگىلەمەگە قايشىلىق جاساپ جوعارى تۇتىنۋداعى كوڭىل اشۋ قيمىلىن ۇيىمداستىرۋى جانە قاتىناسۋ ماسەلەسى.
2017 – جىلى ماۋسىم ايىندا ابىلات موللانياز تاشقورعان اۋدانىنداعى اپاتتان كەيىنگى قايتا سالۋ مەزگىلىندە، ليۋ شياۋجۇننىڭ جەكەلىك قوناعاسىن قابىلدان سوڭ، تاعى دا بەلگىلەمەگە قايشىلىق جاساپ، جوعارى دارەجەلى قوناقجاي KTVدا ۇيىمداستىرىلعان جوعارى تۇتىنۋداعى كوڭىل اشۋ قيمىلىنا قاتىناسقان. 2017 – جىلى قاراشا ايىندا ابىلات مولانيازعا پارتيادا ەكى جىل قالدىرىپ باقىلاپ كورۋ، اكىمشىلىك قىزمەتىنەن قالدىرۋ جازاسىن بەردى، ليۋ شياۋجۇنگە ءبىر جىل پارتيادا قالدىرىپ باقىلاپ كورۋ، اكىمشىلىك قىزمەتىنەن قالدىرۋ جازاسىن بەردى.
2. كۇنەس اۋداندىق قازىنا مەكەمەسى نەگىزگى قۇرىلىس ءبولىمىنىڭ قىزمەتكەرى ياڭ لەيدىڭ بەلگىلەمەگە قايشىلىق جاساپ تارتۋ – تارالعى، ساۋعا اقشاسىن الۋ ماسەلەسى.
2015 – جىلدان 2016 – جىلعا دەيىنگى ارالىقتا ياڭ لەي ىلگەرىندى – كەيىندى بولىپ، باسقارۋ قىزمەت وتەۋ وبيەكتىسى ما x، جاۋ x جانە گۋ xتەن ءۇنحات ارقىلى 15 مىڭ يۋان اقشا العان، قۇنى 3500 يۋاندىق زات ساتىپ الۋ كاتوچكاسىنان جەتەۋىن، سونداي – اق قۇنى 6500 يۋاندىق تەمەكى العان. 2016 – جىلى شىلدە ايىندا ءمالىم سەرىكتەستىكتىڭ نسان ديرەكتورىن چىن xتىڭ تۋىسىنا كۇنەس اۋداندىق قوناقجايدان 4 بولمە اشىپ بەرگەن، اقشاسىن تولەمەگەن. 2015 – جىلى اقپاندا ياڭ لەيعا پارتيا ىشىندە قاتاڭ ەسكەرتۋ بەرىلىپ، ساياسي جاقتا ەرەكشە ۇلكەن جازا جازىلعان، جازا بەرىلگەن سوڭ، قايتادان بەلگىلەمەگە قايشىلىق جاساۋ ماسەلەسى تۋىلىپ، سيپاتى ەرەكشە اۋىر بولعان، 2017 – جىلى ماۋسىمدا ياڭ لەيعا پارتيادا ءبىر جىل قالدىرىپ باقىلاپ كورۋ، اكىمشىلىك مىندەتىنەن قالدىرۋ جازاسى بەرىلگەن.
3. جەمسارى اۋدانى بەيتيڭ قالاشىعى مال شيپاحاناسىنىڭ بۇرىنعى باستىعى جاڭ ليىڭنىڭ تارتىپكە قاشىلىق جاساپ قوسىمشا قاراجات جانە قامقورلىق سوما تاراتۋ ماسەلەسى.
2014 – جىلدان 2017 – جىلعا دەيىن جاڭ لين قىزمەت قولايلىلىعىنان پايدالانىپ، مەكەمەدەگى كادر قىزمەتكەرلەرگە جيىنى 210 مىڭ يۋاننان استام قوسىمشا قاراجات جانە قامقورلىق سوما تاراتقان؛ ۇزاق ۋاقىت جەلىك اۆتوكولىگىنىڭ ماي اقىسىن ۇكىمەت اقشاسى ارقىلى تولەگەن. 2017 – جىلى قاراشا ايىندا جاڭ ليڭعا پارتيا ىشىندەگى قىزمەتىنەن قالدىرۋ، اكىمشىلىك قىزمەتىنەن قالدىرۋ جازاسى بەرىلدى.
4. التاي قالاسى لاستى اۋىلدىعىنىڭ پارتكوم شۋجيى ساۋ جينگاڭنىڭ ۇكىمەت اقشاسىمەن ءىشىپ – جەۋ ماسەلەسى.
2017 – جىلى ناۋرىز ايىندا ساۋ جينگاڭ باسشىلىق قۇرامدى تەڭشەۋ دەگەن سىلتاۋمەن باسشىلىق قۇرامداعى 16 ادامدى ۇيىمداستىرىپ ورگان اسحاناسىندا ۇكىمەت اقشاسىمەن باس قوسىپ، تاماق جەپ، اراق ىشكەن، ساۋ جينگاڭدا باسقا دا تارتىپكە قايشى ماسەلەلەر بايقالعان. 2017 – جىلى قازان ايىندا ساۋ جينگاڭعا پارتيادا ءبىر جىل قالدىرىپ باقىلاپ كورۋ، اكىمشىلىك مىندەتىنەن قالدىرۋ جازاسى بەرىلدى.
5. اقتاۋ اۋداندىق حالىق ىستەر مەكەمەسىنىڭ پارتگرۋپپا شۋجيى، مەكەمە باستىعىنىڭ ورىنباسارى شۇي شياۋمەيدىڭ ۇكىمەت اقشاسىمەن تارتۋ – تارالعى ۇسىنۋ قاتارلى ماسەلەسى.
2016 – جىلى قازاننان 2017 – جىلى مامىرعا دەيىن شۇي شياۋمەي ىلگەرىندى – كەيىندى بولىپ، 19 مىڭ 200 يۋان ۇكىمەت اقشاسىمەن كريستال القا، كەپتىرىلگەن جەمىس، قياق كۇرىش قاتارلى زاتتار الىپ، مەرەكە – مەيرامداردا تارتۋ ەتىپ ۇسىنعان؛ كوپ رەت ۇستەمە جۇمىس اقىسى، ءىسساپار اقىسى دەگەن اتپەن، مەكەمەدەگى باسشى كادرلارعا قوسىمشا قاراجات جانە قامقورلىق سوما ەسەبىندە 48 مىڭ 600 يۋان ۇسىنعان، مۇنىڭ 3700 يۋانىن ٶزى العان. 2017 – جىلى قاراشا ايىندا شۇي شياۋمەيگە پارتيا ىشىندە قاتاڭ ەسكەرتۋ جازاسى بەرىلگەن.
6. نيا اۋدانى ەيىك اۋىلى سەگىز ءۇي قىستاعىنىڭ پارتيا ياچەيكا شۋجيى مامەتتۇردى انيازدىڭ ۇكىمەت جۇمىسىمەن كۇتۋدە بەلگىلەمەگە قايشىلىق جاساۋ ماسەلەسى.
2013 – جىلدان 2016 – جىلعا دەيىن، مامەتتۇردى انياز قىستاقتاعى مالشىلار تاپسىرعان جوعارىعا بەرەتىن جەر مايلاۋ اقىسى 1000 يۋان مەن قۇنى 5 مىڭ يۋاندىق 6 باس قويدى ۇكىمەت جۇمىسىمەن كۇتۋگە ىستەتكەن. 2015 – جىلى مالشىلاردان جيناعان مىندەتتى ەڭبەك اقسى 117 مىڭ 700 يۋاننىڭ 27 مىڭ 300 يۋانىن قوناق كۇتۋگە، تارتۋ ۇسىنۋعا ىستەتكەن. مۇنان سىرت، مامەتتۇردى انيازدا باسقا دا تارتىپكە قايشىلىق جاساۋ ماسەلەسى بايقالعان. 2017 – جىلى جەلتوقسان ايىندا مامەتتۇردى انيازعا پارتيادا قالدىرىپ ءبىر جىل باقىلاپ كورۋ جازاسى بەرىلدى.
7. بۇراتالا وبلىستىق ساياحات مەكەمەسىنىڭ پارتگرۋپپا مۇشەسى، ءتارتىپ تەكسەرۋ گرۋپپاسىنىڭ مۇشەسى سايجەكتىڭ بەلگىلەمەگە قايشىلىق جاساپ تارتۋ الۋ ماسەلەسى.
2013 – جىلدان 2015 – جىلعا دەيىن، سايجيەك باسقارۋ قىزمەت وتەۋ وبيەكتىسىنەن جيىنى 28 مىڭ يۋان ساۋعا اقشا جانە تەمەكى، اراق، جەرگىلىكتى ونىمدەر سياقتى تارتۋ العان. 2017 – جىلى قاراشا ايىندا سايجيەككە پارتيا ىشىندە قاتاڭ ەسكەرتۋ جازاسى بەرىلدى.
8. باركول اۋداندى سۋ ىستەرى مەكەمەسىنىڭ باستىعى ەربولات اپاق ۇلىنىڭ ۇكىمەت اقشاسىمەن تارتۋ ۇسىنۋ قاتارلى ماسەلەلەرى.
2013 – جىلى شاعاندا ەربولات اپاق ۇلى ۇكىمەت اقشاسىمەن 40 مىڭ يۋاندىق تارتۋ الىپ ۇسىنۋدى ورنالاستىرعان؛ 2014 – جىلى قاڭتاردا كەڭسە بۇيىمدارى، اۆتوكولىك دوڭگەلەگى دەگەن اتپەن 12 مىڭ 500 يۋانعا اراق، تەمەكى الىپ ۇكىمەت ىستەرىندىك قابىلداۋعا ىستەتكەن. 2017 – جىلى قاراشادا ەربولات اپاق ۇلىنا پارتيا ىشىندە ەسكەرتۋ جازاسى بەرىلدى.
9. بۇگۇر اۋدانى بۇگۇر قالاشىعى پارتكوم شۋجيىنىڭ ورىنباسارى، ءتارتىپ تەكسەرۋ كوميتەتىنىڭ شۋجيى مۇحتار مامەتتىڭ بەلگىلەمەگە قايشىلىق جاساپ قوناعاسىعا قاتىناسۋ ماسەلەسى.
2016 – جىلى قازان ايىنان 2017 – جىلى اقپان ايىنا دەيىن مۇقتار مامەت ىلگەرىندى – كەيىندى بۇگۇر اۋدانى بۇگۇر قالاشىعى ياباق قستاعى كوميتەتىنىڭ بۇرىنعى مەڭگەرۋشىسى ابۇلا ابۇلاتتىڭ ۇيىمدىق بايلانىستى جاقىنداتۋ ءۇشىن بەرگەن قوناعاسىسىنا قاتىناسقان، سونداي – اق، تاماقتان سوڭ KTVعا بارىپ ٵن ايتىپ، اراق ىشكەن، قوعامدىق ىقپالى ناشار بولعان. 2017 – جىلى قاراشا ايىندا مۇقتار مامەتكە پارتيا ىشىندە قاتاڭ ەسكەرتۋ بەرىلدى.
10. اقسۋ قالالىق قامداۋ – ساۋدا كووپەراتيۆىنىڭ قىزمەتكەرى لي جىلياڭنىڭ بەلگىلەمەگە قايشىلىق جاساپ قوسىمشا قاراجات الۋ ماسەلەسى.
2013 – جىلى قاڭتاردان 2014 – جىلى ناۋرىزعا دەيىن، لي جىلياڭ ءىسورىن ىشتاتىنا قابىلدانعان سوڭ، بەلگىلەمەگە قايشىلىق جاساپ 15 مىڭ يۋان قوسىمشا قاراجات العان. 2017 – جىلى قاراشا ايىندا لي جىگاڭعا پارتيا ىشىندە قاتاڭ ەسكەرتۋ جازاسى بەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
