شينجياڭنىڭ قاتىناس ـ تاسىمالى جاپپاي قالپىنا كەلدى
2020.03.13 18:03 كەلۋ قاينارى : حالىق تورابى
حالىق تورابى، 3- ايدىڭ 13 – كۇنى، بەيجيڭ. قالىپتى ٴوندىرىس، تۇرمىس ٴتارتىبىنىڭ جاپپاي قالپىنا كەلۋىنە بايلانىستى، شينجياڭنىڭ تەمىر جول، حالىقتىق اۆياتسيا، تاس جول جۇمىستارى جاپپاي قالپىنا كەلىپ، ادامداردىڭ ٴجۇرىس ـ تۇرىسى ، اۆتوكولىك جولى ، زات اينالىمى ىركىلىسسىز بولعان جاعداي قايتا جارىققا شىقتى.
3- ايدىڭ 11 ـ كۇنىنەن باستاپ، شينجياڭ تەمىر جولى شينجياڭ ىشىندەگى جولاۋشىلار پويەزىنىڭ قاتىناۋىن كەڭ كولەمدە قالپىنا كەلتىردى، بۇل تەز پويەز بەن جاي قارقىندى جولاۋشىلار پويەزىنا سايادى. شينجياڭنان شىعاتىن جولاۋشىلار پويەزى 12 جۇپقا، شينجياڭ ىشىندەگى جولاۋشىلار پويەزى 66.5 جۇپقا جەتىپ، شينجياڭعا كەلەتىن جولاۋشىلار ۇزدىكسىز كوبەيدى.
حالىقتىق اۆياتسيا جاعىندا، وڭتۇستىك اۆياتسيا سەرىكتەستىگى شينجياڭ بولىمشە سەرىكتەستىگى تاسىمال كۇشىن ارتتىرىپ، اۋە لەنياسىن، كەزەكشى ۇشاقتى دەر كەزىندە قالپىنا كەلتىردى. 3 - ايدان باستاپ ۇرىمجىدەن قاشقار، حوتان، اقسۋ سياقتى جەرلەرگە باراتىن شينجياڭ ىشىندەگى نەگىزگى لەنيالار بۇرىنعى كۇنىنە 2 رەتتەن كۇنىنە 4 تە 6 كەزەككە كوبەيدى، التاي، كۇشار، كورلا سياقتى وڭتۇستىك، سولتۇستىك شينجياڭ تارماق لەنيالارىنىڭ كەزەكشى ۇشاقتارى دا قالپىنا كەلدى؛ ۇرىمجىدەن شينجياڭنىڭ سىرتىنداعى قالالارعا باراتىن اۋە جولىنىڭ سانى مەن كەزەكشى ۇشاقتىڭ تىعىزدىعى زور مولشەردە ارتتى؛ سولتۇستىك جۇڭگونىڭ بەيجيڭ، شي - ان، حىفەي، جينان، لانجوۋ اۋە جولدارىن جيىلەتۋ نەگىزىندە، تيانجين، كوكحوت، داليان، چاڭچۇن قاتارلى اۋە جولدارىن قالپىنا كەلتىردى، سونىمەن بىرگە بەيجيڭ اۋە جولى B 787 كەڭ تۇلعالى جولاۋشىلار ۇشاعىن ىسكە قوستى؛ شىعىس جۇڭگو بولەگىندە جىڭجوۋ، شاڭحاي حۇڭچياۋ اۋە جولدارىندا قاتىناتۋدى جيىلەتۋ نەگىزىندە شاڭحاي پۋدۇڭ، نانياڭ ، ي - ۋ، يىنچۋان، شۇيجوۋ، ۋىنجوۋ، نانجيڭ قاتارلى اۋە جولىن قالپىنا كەلتىردى؛ ورتا جۇڭگو بولەگىندە گۋاڭجوۋ، چىڭدۋ، چۇڭچيڭ، حايكوۋ اۋە جولدارىن جيىلەتۋ نەگىزىندە چاڭشا، شىنجىن، جۋحاي قاتارلى اۋە جولدارى قالپىنا كەلتىرىلدى، سونىمەن بىرگە قارامايلى – جىڭجوۋ - گۋاڭجوۋ، التاي – جىڭجوۋ - گۋاڭجوۋ، سونداي - اق قاشقار - اقسۋ - چۇڭچيڭ، حوتان - كورلا - چىڭدۋ قاتارلى شينجياڭ ىشىنەن شىعىس لەنياداعى قالالارعا تىكە ۇشاتىن كەزەكشى ايروپلاندار قالپىنا كەلتىرىلدى.
شينجياڭ ىشىندەگى تارماق لەنيالارعا دەن قويعان حۋاشيا اۆياتسيا شەكتى جارنا سەرىكتەستىگى 3 ـ ايدىڭ 10 ـ كۇنىنەن باستاپ شينجياڭ اۋە جولىن قالپىنا كەلتىرىپ، شينجياڭداعى ٴارقايسى قالالاردىڭ اۋە قاتىناسىن اشتى. جۇڭگو حالىقارالىق اۆياتسيا شەكتى جارنا سەرىكتەستىگى بۇگىننەن باستاپ شينجياڭ ىشىندەگى، شينجياڭ سىرتىنداعى اۋە جولىن قالپىنا كەلتىرەدى.
تاس جول جولاۋشى تاسىمالى جاعىندا، قازىر شينجياڭ ىشىندەگى جولاۋشى تاسىمال كەزەكشى لەنياسى ىسكە قوسىلدى، قالا ارالىق، اۋدان ارالىق، اۋدان ىشىندەگى جولاۋشى تاسىمال كەزەكشى اۆتوبۋزى جولاۋشىلاردى نىسانالى جەرگە اپارا باستادى. حوتان ايماعىن مىسالعا الساق، ٴارقايسى اۋدان، قالالار اراسىنداعى جولاۋشى تاسىمالى بۇكىلدەي قالپىنا كەلىپ، حوتان شىعىس قالا ماڭى بەكەتى، حوتان باتىس قالا ماڭى بەكەتى، حوتان وڭتۇستىك قالا ماڭى بەكەتى جانە حوتان ۇزاق جولدى قاتىناس بەكەتى 3 – ايدىڭ 1- كۇنىنەن باستاپ قالپىنا كەلدى. جوعارى قارقىندى تاس جول ىركىلىسسىزدىگىن ساقتادى. قازىرگە دەيىن شينجياڭ ۇيعۇر اۆتونوميالى رايونىنىڭ 68 جوعارى قارقىندى تاس جول قىزمەت كورسەتۋ رايونى قالىپتى جۇمىس جۇرگىزىپ، شينجياڭ ۇيعۇر اۆتونوميالى رايونىنىڭ قاتىناس ـ تاسىمال تاراۋلارى اپات وڭاي تۋىلاتىن جول بولەكتەرىن شارلاۋ ـ تەكسەرۋ جيىلىگىن ارتتىرىپ، تاس جولدىڭ حاۋىپسىز، ىركىلىسسىز بولۋىنا كەپىلدىك ەتتى .
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
