اۋىل شارۋاشىلىعى، اۋىل - قىستاق مينيسترلىگى شارا قولدانىپ، ەرتە پىساتىن كۇرىش اۋماعىنىڭ قالپىنا كەلۋىنە كەپىلدىك ەتۋدى تالاپ ەتتى
2020.03.13 16:34 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 12 - كۇنى، بەيجيڭ (ءتىلشى يۇي ۋىنجيڭ). قازىر وڭتۇستىك جۇڭگودا ەرتە پىساتىن كۇرىش مايساسىنىڭ تەڭ جارتىسى ەگىلىپ بولدى، چاڭجياڭ الابىندا ارت - ارتىنان تۇقىم ءسىڭىرۋ، مايسا جەتىلدىرۋ جۇمىسى باستالدى. اۋىل شارۋاشىلىعى، اۋىل - قىستاق مينيسترلىگى 3 - ايدىڭ 12 - كۇنى جەر - جەردەن قىزمەت تەبىنى مەن شارالارىن كۇشەيتىپ، ءتۇرلى ساياساتتىق شارالاردى تياناقتاندىرىپ، بيىل مەملەكەت بويىنشا ەرتە پىساتىن كۇرىش اۋماعىنىڭ قالپىنا كەلۋىنە كەپىلدىك ەتۋدى تالاپ ەتتى.
ۇعىسۋعا قاراعاندا، بيىل مەملەكەت ەرتە پىساتىن كۇرىش ءوندىرىسىن قولداۋ تەبىنىن ارتتىرىپ، ەرتە پىساتىن ۇشكىل كۇرىش پەن ورتا مەزگىلدە جانە كەش پىساتىن ۇشكىل كۇرىشتىڭ ەڭ تومەنگى ساتىپ الۋ باعاسىن جوعارىلاتقان، اۋىل شارۋاشىلىعى، اۋىل - قىستاق مينيسترلىگى قازىنا مينيسترلىگىمەن بىرگە اۋىل شارۋاشىلىعى نىساندارىنا بەرىلەتىن 3 ميلليارد 670 ميلليون يۋان قارجىنى ءبىر تۇتاس جوسپارلاپ بىرىكتىرگەن. جەر - جەر قاتىستى سۇيەمەلدەۋ ساياساتتارىن شىعارىپ، ەرتە پىساتىن كۇرىش اۋماعىنىڭ قالپىنا كەلۋىن بەلسەنە ىلگەرىلەتكەن.
اۋىل شارۋاشىلىعى، اۋىل - قىستاق مينيسترلىگى مىنانى تالاپ ەتتى: جەر - جەر ساياساتتى تياناقتاندىرۋ مەن كولەمىن تياناقتاندىرۋدى مىقتى يگەرۋى كەرەك. كۇرىش قوسىمشا قاراجاتى، ەگىستىك جەردى تىنىقتىرۋدى تۇيىندە سىناق ەتۋ، اۋىل شارۋاشىلىعىنا قوعامدانعان قىزمەت وتەۋ، جاسىل، ساپالى بولۋ، ۇتىمدى ارەكەتكە كىرىسۋ جاقتارىنداعى قارجىلاردى بىرىكتىرىپ، مايسانى شوعىرلى ءوسىرۋ، ماشينامەن مايسا وتىرعىزۋ سياقتى شەشۋشى بۋىندارعا، سونداي - اق وكىلدىك جەتىلدىرۋ، ەگىن ەگۋ سياقتى مىندەتتەمەلى باسقارۋعا قىزمەت وتەۋدى تۇيىندەپ قولداۋ كەرەك. ەرتە پىساتىن كۇرىش ءوندىرۋ مىندەتىن تەز ارادا قىستاق، گرۋپپالارعا دەيىن تياناقتاندىرىپ، جاۋاپكەرلىكتى ساتىلار بويىنشا ناقتىلاندىرۋ كەرەك. ءتۇيىندى اۋداندار مەن كولەمدى شارۋاشىلىق جۇرگىزۋ تۇلعالارىن قولداۋدى كۇشەيتۋ كەرەك.
سونىمەن بىرگە، جەتەكشىلىك ەتۋ، قىزمەت وتەۋ جانە اۋىل شارۋاشىلىق ماتەريالدارىن قامتاماسىزداندىرۋ ىستەرىن مىقتى يگەرۋ كەرەك. ماماندار مەن اۋىل شارۋاشىلىق تەحنيكتەرىن ۇيىمداستىرىپ، كوپ ءتۇرلى شارانى قاتار قولدانىپ، جەلىدە، جەلىدەن تىس تەحنيكالىق تاربيەلەۋدى، جەتەكشىلىك ەتۋ، قىزمەت وتەۋدى جانە بىلمەگەن تۇيىندەرگە جاۋاپ بەرۋدى ويداعىداي ىستەۋ كەرەك. تۇتاس بارىستى اماناتتاۋ، جۇمىس بۋىنىن اماناتتاۋ، بىرلەسىپ جەر جىرتۋ، بىرلەسىپ جۇمىس ىستەۋ سياقتى ارەكەتتەردى ورىستەتىپ، ۇساق شارۋا وتباسىلارىنىڭ ەكى ءتۇسىمدى كۇرىش شارۋاشىلىعىن دامىتۋىنا جەتەكشىلىك ەتۋ كەرەك. اۋىل شارۋاشىلىق ءوندىرىس قۇرال - جابدىقتارىن رەتتەۋ، جوتكەۋدى كۇشەيتىپ، اۋىل شارۋاشىلىق ءوندىرىس قۇرال - جابدىقتارىن قىستاقتارعا، وتباسىلارعا دەيىن جەتكىزۋدى ىلگەرىلەتۋ كەرەك. ەگىس ماشينالارىن سايكەستىرۋ، ماشينا - جابدىقتاردى تەكسەرىپ - جوندەۋ جانە قولفونمەن تاربيەلەۋ قىزمەتىن جاقسى ىستەپ، ەگىس ماشينالارىمەن رايون اتتاپ جۇمىس ىستەۋ جانە ماشينامەن مايسا وتىرعىزۋ سياقتى جالپى بارىستىق قىزمەت وتەۋدى ويداعىداي ۇيىمداستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
